قلق من المستقبل

Carrot_64861 🇪🇬

منذ 6 أيام

شعور قلق

انا محبط جداً و متخوف من حاجة. انا دلوقتي عمري ما لمست واحدة في حياتي ولا نزلت خرجت مع واحدة لوحدنا ولا الهبل ده. و في نفس الوقت ولا في واحدة من قبل كده في قلبي و مش عارف أنساها و الجو ده. انا بقى مرعوب لما اتجوز أتجوز واحدة بتحب واحد تاني او كانت بتحب واحد تاني و عملت معاه و سوت و في الاخر تتجوزني

Waffle_70319 🇪🇬

منذ أسبوعين

شعور محبط

الواحد المفروض يعمل ايه لما يبقا متخرج ومخلص جيش وحاسس بتوهان غريب اكنك واقف فى صحرا مش عارف تمشى ازاى وكل الحواليك والزيك الدنيا معاهم كويسه ومستقرين وانا الوحيد المش عارف انا عاوز ايه واصعب حاجة انك متبقاش لاقى شغل مناسب ليك وان البطلو هو حاجة عاديه مش بطلب حاجة خارقه زى ان الاقى شغل كويس الاقى و

Avocado_47020 🇪🇬

منذ 4 أسابيع

شعور مكسور القلب

Mango_29955 🇪🇬 الثانويه مش نهاية العالم ... ركزي فى مستقبلك وعقليتك

عرض الكل 3 نصيحة

عبّر عن شعورك بشكل مجهول

جبت %68 بعد دا كله ...مش مستوايا حرفيا اقل درجات جبتها و انا بكون مذاكرة يدوب كانت بتطلع 80% لو انا عايشه لوحدي بعيد عن المجتمع راضيه جدا و بحمد ربنا الف مرة اني نجحت صافي و اني قادرة ادخل جامعه خاصه لكن حاسه بكسرة نفس قويه انا الابنه الاكبر لاهلي و يعتبر الاذكى بين اخواتي كله كان متوقع اني اجيب طب حاسه بخيبه امل كبيرة جدا من اهلي و خاصه امي و اخويا ... امي بتقولي عادي و كدا بس انتو متخيلين كانت علطول تقولي جيبي مجموع عشان محدش يشمت فيا ابويا وراها السواد طول السنه و كان منكد علينا و كان هيتجوز و بتاع و لحد دلوقتي كل يوم تكشفه بيخونها علطول يقولها انت السبب ... خايفه يجي يوم يقولها انت السبب في نتيجه بنتك خصوصا انه بيحب المظاهر جدا حاسه بالسوء اني بتكلم عليه بهذي الطريقه هو حاليا داعم ليا  لكن هو سبب كل مخاوفي حتى خوفي اني اتزل في يوم من الايام بكلمه تضايقني ... كان نفسي حتى اجيب 75 انا بجد مش مصدقه مش فارق معايا الكليه قد ما فارق شكل المجموع بسبب المجتمع المريض اللي انا عايشه فيها خصوصا اني في قريه برضو .... اخويا بقا كان حاطط امله فيا النهاردة سألني على الواتس عملتي ايه قولتله و بس لما رجع من برا مقليش اي حاجه مقليش مبروك موسانيش مقلش اي حاجه صعبان عليا نفسي و امي و اخويا يارب ... انا عارفه انه خير ليا بس مش عارفه اتعايش ازاي ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_63094 🇪🇬

منذ شهر واحد

شعور مرتبك

انا عندي ٢٢ سنه و دايما خايف من حوار الجواز ده ، بشوف كتير ستات خاينه و اللي تبعت فيديوهات لحد و اللي تخون و الناس كلها عارفه الا جوزها ، بسأل نفسي هل هلاقي بنت الحلال ولا خلاص كده انتهت ؟لان اللي بنشوفه الزمن ده كتير اوي و الوحش اكتر من الحلو

French Fries_26228 🇪🇬 طالما انت حد كويس اتأكد أنك هتلاقي حد كويس زيك، زي ما الستات كتير خاينين الرجاله كذلك واكتر والستات بتخاف اكتر كمان ومش حتت راجل ولا ست الفكرة طول ما انت كويس وبتدعي ربنا يختارلك الكويس ف هتوقع وقعة حلوه ان شاء الله

عرض الكل 3 نصيحة

Blueberry_62598 🇪🇬

منذ شهر واحد

شعور قلق

مكنتش اتوقع اني هيجي وقت واكتشف انها هتكون مشكلة في حياتها ، طول حياتي كنت رافضة الارتباط ومرتبطش نهائي ، بس فجأة لما كبرت وخلاص سني الوقتي ٢٢ سنه وفي ناس بيتقدمو ، لقيت نفسي رافضة فكره اني اوافق علي حد غريب اتجوزه ، مش قادره استوعب اني لما اقعد مع حد واتكلم معاه هرتاح له وخلاص هقرر اني موافقه ، رفض

Tofu_61784 🇪🇬

منذ شهر واحد

شعور مكسور القلب

ممكن حد يقولي رأيه..انا مرتبطة بواحد مش مصري و هو بجد كويس اوي معايا نفس ما كنت بتمنى بس كل ما اقوله امتى هناخد خطوة يقول مش عارف و انا بحاول اصل لسة مش عارف ابلغ اهلي ازاي ان هتجوز واحدة مش من بلدنا..و انا تعبت لان على الاقل عايزة تاريخ حتى لو هستناه يظبط اموره و هو بيقول مش عايز اديكي تاريخ عشان م

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_60725 🇪🇬

منذ شهر واحد

شعور قلق

موضوع:

الخوف من المستقبل المجهول

انا اتخرجت من اسبوع وكم يوم بس ..وفعلا مش عارفه اعمل اي ف حياتي ..الشغل في نفس مجال الدراسة مش بالسهولة دي عشان معنديش خبرة ..مستنية الوثقية وابدا اشوف حياتي ..عارفه ان مش اول شغل هلاقيه هيبقا الي انا عايزاه ..وفكرة اني محتاجة اصبر بالسنين مش ايام عشان اوصل بس لمكان عايزة اشتغل فيه ..مش حتى اني ابقا

Hazelnut_52786 🇪🇬 كل اللي بتحسيه طبيعي جدًا بعد التخرج، الفراغ والقلق وعدم وضوح الطريق بيحصل لأي حد مكانك. مفيش حد بيمشي على خطة مرسومة بالحرف، كلنا بنتعلم ونعدّل الطريق وإحنا ماشيين، أهم حاجة تبدأي بأي خطوة صغيرة. اشتغلي على نفسك، خدّي كورسات بسيطة، اكتسبي خبرة بأي طريقة، وربنا بيكرم اللي بيجتهد حتى لو الطريق طويل

عرض الكل 5 نصيحة

Sugar_21572 🇪🇬

منذ شهر واحد

شعور مرتبك

عبّر عن شعورك بشكل مجهول

محتاجة نصيحة عشان دماغي مش عارفه تبطل تفكير أنا بحب واحد بقالي سنه و ٤ شهور وهو بإذن اللّٰه هيتقدملي الشهر اللي جاي هو قدي في الدراسه واحنا الاتنين في علاج طبيعي لسه قدامنا ٣ سنين علي التخرج
هو بيشتغل ومعتمد علي نفسه و كفايه انه نزل يشتغل عشان يحوش عشان يجي يخطبني لانه مش عايز يعتمد علي حد من اهله عايز يعمل كل حاجة بنفسه أنا بحترم انه مسئول وانه قد اي كلمه بيقولها وقد وعوده راجل بمعني الكلمه وحنين جدا وبيحبني بشكل أنا اوقات بقول يا بختي انه بيحبني الحب ده ومتأكده انه عمره ما يأذيني المشكله في الشقة هو اهله عايشين في فيلا دورين وشقته الدور اللي فوقيه و الشقه اللي فوقها شقة اخوه ( اخوه لسه صغير في ٦ ابتدائي يعني) المهم الشقه كمساحة هي كبيره ٣ اوض وحمامين ومطبخ و الصالة واسعة هي تقريبا ١٨٠ متر و الشقه ليها سلم خارجي من بره حسب ما هو وصفلي أنا اكيد مروحتش شوفت فالمهم أنا خايفه من فكره بيت العيله وخايفه من مشاكلها وخايفه كمان اهلي يرفضوا لان اهلي عندهم خلفيه انه بيت عيلة معناها مشاكل ولوده السبب الوحيد اللي لما يتقدم ممكن يترفض عشانه أنا مش هعرف أدافع او اقول حاجة لأنهم عندهم خبره عندي و اخاف اراهن ويطلعوا صح في الاخر عنده اخت اصغر نتي بأربع سنين هي بتعاملني كويس بس ده اكيد عشان لسه مبقتش مرات اخوها مثلا اتكلمت معاه بكل صراحة في ده قالي انه مش هيقدر يجيب شقه تاني بره لانه وجود الشقة موفر عليه كتير مع انها لسه علي الطوب الأحمر فهتاخذ منه برضو نشطيب وفرش كتير و قالي مش حابب بعد الجواز يجيب شقه بره غير لما يشتري ارض ويبني عليها زي والده وانه ان شاء اللّٰه هنسعي اننا نسافر بعد التخرج و كل ده
وقالي خصوصيتك هحافظ عليها ومحدش هيطلب منك اي حاجة حتي قولتله المفاتيح قالي انها هتبقي معايا ومعاه بس و محدش هيدخل البيت غير و أنا موجوده فيه او هو موجود فيه هو بيطمني بكلامه و انه مش هيحكي لحد حاجة عننا وكل ده حتي قالي انه كلم ماماته في الموضوع ده وهي أصلا شايفه انه ده العادي والطبيعي و انه عنده حق بس أنا خايفه برضو وبيقعد يقول اهله طيبين ما طبيعي اي حد يقول علي اهله كده فالمهم اني خايفه جدا من الموضوع ده وبرضو مهو بيعمل اللي عليه و طالع عينه في الشغل بس خايفه بعد الجواز كله ده يبقي سبب مشاكل أنا لسه برضو معرفش اهله وخايفه كمان اهلي يرفضوا و ساعتها أنا مش هعرف بجد اتكلم واقنعهم حتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_59744 🇪🇬

منذ شهرين

شعور مكتئب

انا حاسيس بوحده شديدة و عندي مشكلة كبيرة اني خايف من موضوع الجواز مش عشان حاجة بس عشان الدنيا بقت صعبة و خايف اتجوز حد ميعشهوش كويس او اخليه يعاني لان محدش بيبقي عارف الظروف ايه و خايف مجوزش و رجع اندم اني لوحدي و خصوصا انا دلوقتي بحس بوحده شديدة انا مش اجتماعي و دايره معارفي صغيره جدا و مش حتي مرتب

Carrot_55880 🇪🇬

منذ شهرين

شعور مرتبك

عبّر عن شعورك بشكل مجهول

انا ٢٠ سنة في كلية طبية بشتغل في صيدلية مرتب ضعيف وناوي ادخل مجال تاني ان شاء الله لسه بتعلم فيه في بنت معايا في الكلية مش عارف الشعور ده ايه و مش بشوفها كتير بس كل ما اشوفها بحس اني منجذب ليها عايز اشوفها تاني ازود مدة بصي ليها عن العادي الفكرة اني قولت مثلا ده فراغ عاطفي بس مش بحس بالشعور ده نحو اي بنت تانية سواء في الشغل او في الكلية او في اي حتة تانية المشكلة اني حتى مش عارف اسمها هي محترمة جدا مختمرة ولا مرة شوفتها واقفة مع ولد وشغل ال open minded يعني لو ممكن فعلا اتقدم يوما ما اتعرف عليها تبقى حاجة جميلة جدا المشكلة مش هنا المشكلة اني بحاول افكني من الموضوع كذا مرة ممكن بالشهر مشوفهاش بس كل مرة بشوفها بيبقى في sparkle كدا مش عارف اعمل ايه في الموضوع ده وفي نفس الوقت برضو انا مش جاهز فعلا عندي شقة في بيت عيلتي ممكن اقول دي بداية بس المرتب مش هقدر اتجوز بيه ولو اتجوزت بيه مش هتبقى عيشة كريمة ومش عايز اقعد رابط قلبي و ممكن تيجي يوما ما تتجوز ومش عارف اطنش الموضوع وملاحظة هي طبعا مش عارفة اي حاجة هي مرة كدا لاحظتها بصيتلي كدا بعد كدا حاولت اعمل مطنش ومبصلهاش عشان مش هعلق بنات الناس بفراغ وده اللي شايفه صح و من الاخر مفيش احتمالية اقولها والكلام ده هي نوعية اني لو قولتلها هتف في وشي وده نوعا ما صح هي الصورة المثالية للزوجة بالنسبالي بس ايه الحل اني افكني من الموضوع مش عارف وخصوصا اني اظن اني بعيد عن الخطوبة ما يقارب سنتين تلاتة كمان ايه الحل طيب انصحوني هل ده عبط مني ولا طبيعي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_56901 🇪🇬

منذ شهرين

شعور لا مبالٍ

انا تانيه ثانوي واعمال السنه 70% وانا كنت بذاكر كتير جدا في الترم الاول وجبت مجموع وحش وانا كنت متأكد اني مراجع كويس دلوقتي الترم التاني دخل كثفت مذاكرتي اكتر بردو و دخلت الامتحانات وكلو تمام والنتيجه بكره وخايف اقول لأهلي انها طلعت عشان مهما تعبت هما مش شايفين غير النتيجه وخايف قوي انا تعبت جدا ولو

Apple_54722 🇪🇬

منذ شهرين

شعور متعب

أنا زهقت من الشغل وعايز امشي منه بس خايف بعد كدا ملاقيه حاجة أحسن أنا عندي ٢٧سنة وشغال خدمة عملاء في البنك الاهلي الناس شايفانا من برا ياما هنا وياما هناك واحنا علينا ضغط بدني ونفسي رهيب وموضوع حلال وحرام بردو أنا مقلق منه حد يفيدني

Mango_30835 🇹🇷

منذ 4 أشهر

شعور خجول

عبّر عن شعورك بشكل مجهول

ساعات كتير اهالينا بيقعدو يحاولو يوعو فينا وغالبا مش بنفهم غير لما نتدعك في الحياه مره واثنين وتلاته..بصراحه حاسه وانا داخله عال٢٢ سنه بتغيرات كتير في وجهات نظري مش عارفه يمكن علشان بقيت بقرا في تفسير القرآن بتركيز ولا علشان في كتب رهيبه جدا قرأتها حسيتها شبه بضبط الي عيشته من وجع وكده بس كل حاجه بيحكيها الكاتب بيقول بعدها وجهة نظره فيها فالي هو بشوف حاجه أنا عشتها وبسمع وجهة نظر ده حتى دفعت كتير بس جبت الكتابين التانيين ولو أن فيهم شبه من الاول
دلوقتي فين الفكره
حاسه اني وجهة نظري اتغيرت فحاجات كتير يعني فالاول كنت بنقص من نفسي لما احب الي قدامي وميحبنيش واجري ورا بنت او ولد ولا لما اعمل خير ومحسش بتقدير ولا لما بفكر فموضوع العلاقات حاسه حاجات كتير اتغيرت تفكيري وده مسببلي اني خايفه ومش منطمنه عالدنيا الجايه
بقيت بحس أنه العمر قصير فالاصل أنه نعامل ربنا فالناس ولو صعبين
وأنه البنت عزيزه جداا وبغض النظر بقى عن الكلام الكلاسيكي فأنا بقيت وجهة نظري أن مش اي حد اقول عليه صديقه او ادخلوا حياتي مش كله يستاهل ومش كله سالك ولا كله بيصون ولا بيبقى قد الثقه أنا بس بقيت شايفه أن لازم الشب هو الي يحاول وحتى مش بطرق وعره لا لازم يبين جديته ويبينها جدا حتى مش اي حد من البنات يقول صحبتي مش تكبر بس اكتشفت ازاي الدنيا بتختلف لما الواحد يفوق على حاجه اسمها قيمته كل انسان قيم جدا وحاجات كتير تقلل من قيمتنا وحاجات كتير تعليها واحنا الي بنختار بس بقيت مقتنعه اني مش هبص لاي حد مش بيبادلني وأنه لازم دايما اخد وعطى علشان أنا لليوم كنت الكلبه المخلصه الوفيه وياما اتخذلت من اقرب الناس حتى صحابي لما بيقولو ياا هو حطني فبالو ولا ايه بقيت أنا لو حصل معايا موقف شبيه الي هو جدا عادي الي عايز مش هيلف الي عايز خلي يجي يبين وبقولهم أنه سبيكم من اي وهم لحد ما ربي يبعت النصيب غير كده مفيش غير التطوير اكتر واكتر ف في طائر العنقاء فقصته أنا مش فارق معايا غير بي ونجاحي اكتر واكتر بس ارجع واقول النضج المفاجئ ده مخوفني وعاملي قلق

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_47020 🇪🇬

منذ 6 أشهر

شعور محبط

الايام دي حاسه بيأس فظيع بقوم و اذاكر بس عشان المفروض اعمل كدا مش عشان انا عاوزة و عندي شغف ( دي مش طبيعتي ) بتبسط لما يجي وقت النوم و بتمنى الليل ميخلصش بنام كتير جدا و بحس اني مش عاوزة اقوم معنديش رغبه في اي حاجة لا اكل ولا كلام ولا اي حاجة بحبها بعدي ايامي و خلاص معنديش تطلع ولا تفاؤول ولا امل في

Grape_22054 🇪🇬

صراعي مع الوحده والاوفرثينكنج

اكتر حاجة بكرهها في حياتي وفي نفس الوقت بحبها هيا الوحده بحب اني اكون لوحدي ومنغلق علي نفسي عشان ابعد عن المشاكل ابعد عن فكره اني ممكن اقول كلمه تزعل حد مني غصب عني ابعد عن اني ممكن اسمع كلام يضايقني ابعد عن اي مشكله ارتاح وانا لوحدي وفي نفس الوقت بكره الوحده اوي بسبب اني لما ابقي لوحدي دماغي بتنتهز الفرصه بقي وربنا ما يوريك دماغي لما تنتهز الفرصه بتوديني وتجيبني و تفكرني بحاجات انا ما صدقت اتأقلمت شويه حتي علي فراقها بتفكرني بالماضي بتفكرني بكل حاجة بتزعلني بتخلق سيناريوهات تضايقني توقعات بتعمل كل حاجة تخليني حرفيا مصدع من كتر ال overthinking حتي البني ادمه الوحيده اللي كنت بعرف اهرب من ال overthinking معاها لما ابقي لوحدي بتكلم معاها وببقي حاسس ان الدنيا كلها معايا من غير مشاكل ببقي مبسوط و مرتاح معاها كنت لما اسمع صوتها واتكلم معاها كأنها بتشد الفيشه بتاعه دماغي بتفصلني من التفكير من أي حاجة تضايقني حتي البني ادمه دي مبقتش موجوده ف ال overthinking بقي كله يخصها كله سيناريوهات تخصها عشان اضايق بجد انا تعبت من كل حاجة ✨نفسي اقعد لوحدي وابقي مرتاح ✨ ...عرض المزيد

0 الدعم

0 نصيحة

Tomato_74165 🇪🇬

نفسي القي حد يكلمني واهتم بيه

نفسي القي حد يكلمني واكلمه القي بنت تهتم بيا واهتم بيها نفضل نتكلم طول اليوم وتشاركني كل حاجه فيومها نفسي تصورلي الحاجه الي جبتها جديده وناخد رائي نفسي في حد ميلقش حد يحكي ليه غيري بقيت ادخل على ابلكيشن كتير بسبب اني نفسي القي حد ف حياتي ...عرض المزيد

0 الدعم

5 نصيحة

Broccoli_74160 🇪🇬

مش عارف اقلل اكل وبحس بعاند نفسي

انا دلوقتي بحب الاكل ومش عارف اعمل اي ارجوكم سعدوني حاولت كتير اقلل اكل بنتظم يوم او اتنين وبرجع اكل اكتر بحس اني بعاند نفسي وبقيت كسول جدا اعمل اي حد يساعدني في حل الموضوع دا واكون شاكر لي ...عرض المزيد

0 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع