كيف أتخطى المواقف المحرجة وأتغلب على الخجل؟ 🥲

Q: مش بعرف أتكلم ولا أتعامل.. مليش صحاب

مش بعرف اتكلم ولا اتعامل مليش صحاب حاسه اني شخصيه مش محبوبه وكله بيبعد

Q: قلبي يحبها وعقلي يرفضها.. حيرة شاب في الكلية

خليك على وضعك وقنع نفسك أنها شخص عادى وحاول تخليك على طبعتك اقصد أنه ماتتوترش ولا تتصنع قدامها فاهمني

Q: عندي مشاعر قديمة مش عارف أتخلص منها

انا عندي مشاعر لشخص من زمان وانا ليا فتره بحاول اتخلص منها بطلت اروح اي تجمعات هو فيها بس هو هيجي معانا مشوار لان مينفعش نروح لوحدينا انا من وقت معرفته وانا متوتره جدا وفي انبساط انا مش حباه اعمل اي اي حد ليه نصيحه واقعيه بالله

Question

من وانا صغيرة كنت خجولة جدا وبسبب خجلي حصلي مواقف كتير كرهت نفسي فيها وكرهت قرايبي ولحد دلوقتي بس بدأت اتغلب عليها شوية 
ازاي آنسى أو اتخطى بجد بقالي فترة بفتكر المواقف دي وبحس اني عايزة اختفي في سابع سماء 🥲 وليه حاسة اني غبية مع اني من جوايا حاسة أن ده الصح

Avocado_51186 🇧🇭 · Accepted Answer

الخجل مش حاجه عيب علي فكرة والموضوع بيختلف من شخص للتاني وعادي جدا ان تحصلك مواقف في حياتك تضايقك لان مش كل المواقف هتعجبك بس المهم انك بدأتي تتغلبي عليها وصدقيني عيشي حياتك عادي وطبيعي وانسي اللي حصل وحاولي تغيري من نفسك شويه في موضوع الخجل ده علشان ميفضلش مأثر عليكي

Durian_52455 🇪🇬 · Answer

احكيلنا موقف من المواقف اللى حصلت معاكى، او أكتر موقف انتى مش قادرة تنسيه او تتخطيه
ورد فعلك على الموقف ده وقتها كان ازاى، احكيلنا كل حاجة علشان نقدر نساعدك صح

Donut_49598 🇪🇬 · Answer

الحمد لله اتغيرت كتير بقيت اعرف اتعامل بحدود وطبيعية انا كنت طفلة وقتها وماحدش احترم شخصيتي بل تنمروا عليها

Donut_49598 🇪🇬 · Answer

كنت حابة احكي فعلا بس قولت البوست مش هيكفي 
ممكن احكي موقف باختصار لما كنت صغيرة في خمسة او ٦ ابتدائى ماكنتش بعرف اتعامل مع قرايبي الرجالة كويس حتى لو هم أكبر مني بكتير وده خلاهم يفتكروا غلط اني معجبة بيهم مثلا وبقوا يقولوا قدامي هنجوزك فلان وفلان مع انهم لو اتجوزوا بدري هيبخلفوا قدي ويبصولي نظرات اتهام وكلام كتير في ظهري وقدامي ويسالوني بطريقة مستفزة انتي ليه مكسوفة

Donut_49598 🇪🇬 · Answer

لسة من تلات سنين واحدة قريبتي المفروض انها قريبة مني اوي وانا بحبها الصراحه عشان قالتلي بالحرف ماتتكسفيش ده مرتبط وفي مواقف تانية مشابهة 
ممكن يبان موافق تافهة بس بجد بكرههم وبكره نفسي لما اتعرضلها ولما كنت صغيرة كان جايلي رعب وقلق أنهم مراقبني واني المفروض اتصرف مش على طبيعتي 
المهم حاليا كرهت فكرة الجواز اصلا وعرفت الكل اني مش هتجوز عشان يرتاحوا 🙃

Durian_52455 🇪🇬 · Answer

طيب ممكن طلب ؟ ممكن تقرأى كلامى وتفكرى معايا  وإنتى بتقرئيه
 سنة الحياة هى الجواز
مينفعش ننكر فضل ونعمة موجودة فالحياة لمجرد تجارب وحشة مرينا بيها فالماضى عن فكرة الجواز
طبيعى إنك تزعلى وتضايقى من إن الناس يفهموكى غلط أو يكونوا مستفزين بأسئلتهم والتهكم اللى بيحصل فى حياتك بسببهم..
بس مش طبيعى إنك تكرهى الناس القريبين علشان سيرة بتتقال فى وسط الكلام!

Durian_52455 🇪🇬 · Answer

انتى ممكن متحبيش موضوع الجواز يتفتح مع أهلك، بس الإحترام والود وصلة الرحم لازم تكون موجودة

وأنا معاكى إننا كمجتمع شرقى نظرتنا للجواز وللبنات  مشوهة جدًا وبسببه الواحد ممكن ياخد فكرة غلط عن الجواز مع إنه حاجة عظيمة عند ربنا وعندك بردو!

نظرة المجتمع للبنت مليانة أخطاء وعيوب محتاجة تتصلح، واكيد انتى مش هتصلحى ده بنفسك
بس عالأقل تكونى فاهمة كويس حقيقة الجواز وحقيقة المجتمع اللى انتى عايشة وسطه

Donut_49598 🇪🇬 · Answer

عندك حق طبعا 
بس حاليا دي اخر مشاكلي لانه حرفيا محدش يعرفني وال يعرفني من العيلة شايفين معقدة - ممكن تكون حقيقة عامة - دلوقتي كل ال يهمني اتعافى واقدر اركز على حياتي وأهدافي وتطوير شخصيتي لان الموضوع ده بجد مشتتنى وماثر عليا

Durian_52455 🇪🇬 · Answer

بالظبط ومش لازم تبدأى بحاجة واو
المهم إنك تبدأى بكورس أو دورة أو إشتراك فى نادى أو ايًا كان