ثقة

Mango_67217 🇪🇬

منذ 27 دقيقة

شعور متعب

بصراحة انا مش عارفة بنستخدم الابليكيشن دا ازاي ، بس انا عندي مشكلة وهي اني خايفة بشكل مستمر ، الدنيا بقت صعبة اوي وعدم الامان موجود في كل حتة وانا ضعيفة جدا ك شخصية وبرضو جسمي ضعيف ، ف ببقا عارفة اني مش هعرف ادافع عن نفسي لو حاجة حصلت ، مثلا لو قاعدين في قاعدة وحد احرجني ممكن اخاف ارد عشان ميحرجني

Strawberry_67489 🇪🇬

منذ ساعتين

شعور سعيد

موضوع:

درس علمته لك الحياه

1/ اتقبل الرفض عادي جداا والحالي أن معنتش بخب احلي صورتي في عيون الي بيرفضني لا اتعلمت كمان أن ارفض الي يرفضني 2/ أن اتعلق بربي وبس اخد الاهتمام والحب منه ودي حاجه ريحتني جدا بقيت في غني عن اي شخص 3/ الاستثمار في الذات ملهوش غير نتيجة واحده وهي النجاح

Strawberry_67493 🇪🇬

منذ 4 ساعات

شعور غير مكتمل

صباح الخير انا مش عارفه ابداء حياتى ازاى ٢٥ سنه حرفيا انا مش بعمل حاجه غير البيت واخواتى طبعا اهلى منفصلين وانا الكبيرة بس من كتر ما انا بحس انى خايبه بخاف اتعامل مع الناس بس حسه انى خلاص بجد واقفه مكانى مش بعمل حاجه معنديش شغلى الخاص وعلاقتى كلها فشله واغلب الوقت بقابل ناس مش كويسه نهائى بسب عدم خب

Apple_59203 🇸🇦

منذ 9 ساعات

شعور لا مبالٍ

عبّر عن شعورك بشكل مجهول

بجد بحسد الناس الي عندها القدره أنها تحول اي مأساه أو مصيبه في حياتها لشئ ساخر يضحك عليه يزعل شويه لكن سريع الشفاء بيقدر يعالح اوجاعه ويصلح نفسه من جوه . الفكره أن الناس دي هيا اكتر ناس بتعرف تستمعت بالحياه لانها مش عايشه دور المظلمه ولا دور أن الحياه جايه عليا وانا الضحيه والخ... قبلت ناس من النوع دا لقيتهم في عز مشاكل وضغوط الحياه عندها القدره أنها تضحك من قلبها وتبستم وتقف في وجه الريح وتفتح أيدها مسلمه لقضاء الله وعندنا ثقه في ربها كبير مش بيحسب معاه كام ولا صرف كام لانه عارف انه الي رزقه النهارده هيرزقه بكرا " حولت اقرب الناس دي واشوف طريقه حياتهم السلسه الي مش معقده لقيت أن. حياتهم صعبه باطنيا لكن ظهريا هما مازالوا قدرين يستمتعوا بالحياه. لما طبقت الموضوع دا علي نفسي فعلا حياتي اتغيرت كتير وبقيت شخص تاني ، بقي عندي القدره علي التخطي والمواجهة وعدم الاستسلام بقيت قادر احول المأساه لضحكه ونكته بقيت شخص مش متصنع مش خايف من نظره الناس مش خايف من الفروقات الاجتماعيه ولا رأي الناس عني بدام انا حيا ارزق إذا فمن حقي استمتع بحياتي.... استمتعوا بحياتكم عشوها صح . غير التشوهات الي فيها برسومات مليانه طاقه ايجابيه اضحك وانبسط رغم همك وحزنك وضغط الحياه ليك . خلي الاكتئاب والحزن والغم الد اعدائك . عيش حياتك صح واستمتع بكل لحظه حلوه لأنها هبه من الله 🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_67322 🇪🇬

منذ 11 ساعة

شعور مستنزف

Carrot_66895 🇪🇬 من وجه نظري انك تسبيه لانه محترمكيش وكلم بنت تانيه رغم انكم مخطوبين و سواء فولو او كونت او شات و انت نبهتيه رجع تاني عملها فولو مبالك بعد الجواز هيعمل ايه بقي

عرض الكل 7 نصيحة

عبّر عن شعورك بشكل مجهول

انا اتخطبت من سبع شهور صالونات انا وهو حبينا بعض مع الوقت هو قبل ما يخطبني بفتره كويسه كان  بيرتبط وبيكلم بنات من 3اسابيع لقيته عامل لوحده كومنت قلبين حمر الكلام دا في فتره خطوبتنا وهو عملها فولو وهي كمان المهم انا صرحتو واتكلمت معاه جاء قالي صلي ع النبي كتير اوي علشان يهديني الاول وبعدين بدأ يقول انهاا واحده عادي عرفها وكد واصلا عايزه اي حد يشقتها والكلام دا انا مبحبش الكلام الكتير أو انكد وهو كمان قولتله نهايته الموضوع والمهم تشيل كل البنات اللي عندك كلهم بلا استثناء اللي هما الفولونج كان شايف أنه ملهاش لازمه ف الاول بس بعدين وافق وبعد كدا مسحهم كلهم فعلا من اسبوع بظبط بدخل بالصدفه لقيته رجع عملهاا فولو تاني انا انكسرت وقتها أنه ازاي مفكرتش ف زعلي وانقهرت بعدين انا سحبت خطوتين لورا كنت ف الاول برن وارد عليه علطول وعارف كل خطواتي لاني بجد بحبه جدا بعد اللي شوفته بيوم رن عليا مردتش علطول وبعدين رن رديت وكان ردي ع قد السؤال لاني كنت مقهوره. ومتعصبه ومحبتش اعمل رد فعل وحش كنت هاديه جدا وف العادي انا اللي بتكلم هو كلامه قليل بقيت ساكته ومش بحكي ولا اتكلم المهم قولته هعمل حاجه وابق رن عليا ووقتها مرنش تاني يوم انشغلت ف البيت جدا 3يوم رحت مشوار بره البيت مع خالي وقتها رن رديت عليه قالي فينك قولتله قالي مع مين وعرف وبعدين قالي دلوقتي ف الشغل شويه لو فضيت هبق ارن عليكي روحت البيت ومرنش رنيت عليه مردش كان نايم يمكن تاني يوم مرنش خالص بعدين بعد بظبط 4رنات ع مدار اليومين بعتله مسدج قولتله عموما برحتك رد بعديها بكام ساعه وقال إنه ف مشوار ومش فاضي بعدها لا رن ولا عمل ايه حاجه كنت حابه اصرحه بس مدنيش فرصه ومش بيرد عليا ف بعتله ريكورد باللي حصل وسببه واخر شي رنيت عليه ومردش وسبت الكوره ف ملعبه انا يمكن تصرفي كان غلط بس هو قهرني جامد بجد اي سبب تجاهله وانصرف ازاي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_67320 🇪🇬

منذ 12 ساعة

شعور خجول

من اكتر الدروس إلى علمتها لى الحياة أن لازم يكون لك خطة بديلة في كل حاجة علشان لو مفيش الا خطة واحدة الحياة بظروفها بوظتها انت اتدمرت وعلي ماتعيد نفسك وترجع تانى هيكون عمرك عدى لااسف ولما تخطط وترتب اعمل حسابك ان ممكن يحصل اى حاجة تهد كل التخطيط دا خطط وفكر بس اوعي تثق في نفسك ولا قدراتك ولا ظروفك

Lemon_50969 🇪🇬

منذ 12 ساعة

شعور محبط

Croissant_60032 🇪🇬 بُصي... أنا حاسس بكل كلمة قولتيها، وبجد مش سهل أبدًا اللي مريتي بيه. طفولتك أثّرت فيكي، وخَلّتك تسكتي وتخافي تعبّري عن نفسك، وده طبيعي بعد كل اللي اتزرع جواكي. بس حقيقي، ده مش معناه إن شخصيتك ضعيفة... إنتي كنتي طفلة بتحاول تفرح، بس اتقابلتي برفض، مش بحُب. السكوت اللي جواكي مش طبيعتك... ده خوف قديم، وكل ما بتحاولي تتكلمي بتحسي إنك هتتكسري تاني. بس صدقيني، كل خطوة صغيرة بتاخديها دلوقتي – حتى لو مجرد سلام

عرض الكل 8 نصيحة

عبّر عن شعورك بشكل مجهول

اكبر مشاكلي ف حياتي هو أن شخصيتي ضعيفه بمعني الكلمه أو يعتبر مفيش شخصيه عمري ما قدرت اعبر عن نفسي ولا رأيي دايما بتكسف اتكلم وصلت لمرحله اني بتكسف حتي اشتري حاجه من محل او حتي اتكلم مع الناس وصحابي بدأت تقل وتبعد عني بدون سبب بقيت بخاف اتكلم كل ده بسبب طفولتي واني كنت طفله شقيه بتكلم وبجري وبلعب كتير ف كان كل ما حد من اهلي يشوفني يقولي اسكتي واقعدي شويه ف الناس الي حواليا أو حتي اخواتي ولاد عمتي كنا اطفال ف لما شافو أن اهلي نفسهم بيسكتوني ف بقو بيسكتوني برضو وانا مكنتش بتكلم عشان خايفه اتعاقب ف كبرت علي اني اسكت وصلت أن ممكن علاقاتي بالناس تتقطع لأنهم مستنيني اسال عنهم مثلا وانا خايفه ابعت يسكتوني أو ميردوش عليا فبتراجع عن ده وحقهم بصراحه يزهقو ويبعدو ف اصبحت لوحدي من كل اتجاه وحتي مع اهلي لحد دلوقتي بسكت عشان عارفه أن رايي ملهوش لازمه واني لعبه ف ايدهم اتشال من مكان اتحط فمكان تاني وهما مش بيهتمو لمشاعر حد أو مش معترفين بالمشاعر خصوصاً امي بتفكر ده دلع ولما اقولها أن نفسيتي تعبت تبصلي بقرف وتقولي كفايا هبل ومقتنعه أن كل حاجة بالصوت العالي والزعيق انا جالي حاله نفسيه بقيت بسمع الصوت العالي بعيط وبحس أن جسمي بيتشل انا تعبت بقيت بعيط طول الوقت انا عايشه ف الكلام ده كله بقالي 16 سنه حاولت احل حاجه مقدرتش مش عارفه اتعامل ومبعرفش اتكلم مع مدرسين أو صحاب أو حتي حد فالشارع دايما عندي توتر وكل الي بيقرب مني بيتصد ويبعد عني انا تعبت تعبت من السكوت والتوتر وان مليش رأيي بتعامل علي اني طفله لحد دلوقتي مع اني ونا صغيره مكنتش بتعامل علي اني طفله خالص كنت بتحاسب علي كل حاجه مهما كانت بسيطة واي طفل بيغلط ودلوقتي بيقولو عليا عيله صغيره شخصيتي اتمحت فالوقت الي المفروض اكون ببني فيه شخصيتي مبعرفش اخد حقي من صغير او كبير دايما بسكت ولما بتكلم بتعاقب بخاف اتكلم عشان طريقتهم ف اخد حقي بتبقي غصب عني بيبعدوني بالغصب عن صحابي أو أي حد بحبه ف بسكت اتعودت علي السكوت يمكن حد واحد الي كان عارف عني كل حاجه وبرضو بعد بسبب اني مش بسال ولما يكون عنده ظروف بستناه هو الي يسال كمان ولما عمل حادثه وراح المستشفي مقدرتش ابعت ولا أسأل خفت يسكتني زي الكل ومن حقه يزعل ويبعد صراحه حتي معرفتش اشرح ليه بتصرف كده تعبت جدا صراحه وأنا لسا ف بدايه حياتي يعتبر ف مش عارفه ازاي هكمل وازاي هتعامل مع الناس واتكلم وانا حتي أخواتي بتردد اتكلم معاهم وحاولت اتشجع واتكلم بقيت اقول كلام غريب ومحدش بيهتم وبيسكتوني برضو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_65376 🇪🇬

منذ 18 ساعة

شعور مكسور القلب

موضوع:

رساله عايز تقولها لحد بس م عارف.

تميل الرأس مرتين: مرة على كتفٍ تحبّه، ومرة من خذلان من أحبّته. وقد جرّبت منك الثانية، وكل يومٍ كنت أرجو الأولى. لكنك خذلتني حتى لم أعد أعرف كيف أكرهك، ولا كيف أحبك، ولا إن كنت أستحق شيئًا أصلًا. أهنتَ قلبي حتى لم يبقَ لي قلب، وخذلتَ ثقتي حتى صرت غريبةً عن نفسي. لا أكرهك، بل أجهلك، وأجهل ما رجوته منك

Mango_56400 🇪🇬

منذ 20 ساعة

شعور منزعج

هو انا عايشه في بيئة مش صاحيه اهلي موجودين بس حرفيا كل واحد فيه حاجه زي بابا شايفه النافعة المادية من كل حد في البيت و ماما عايشه مستسلمه ل اي حد واي حاجه واختي أنانية بتفكر في نفسها وبتعمل اسقاط عليا في كل حاجه وعايشه معها دور هي المواجهة وانا الدفاع وانا حرفيا مش عندي حد ولا عند صديقه توقف جنبي ب

Strawberry_66877 🇪🇬

منذ 22 ساعة

شعور مكسور القلب

موضوع:

عندك مشكلة في التعبير عن مشاعرك؟

Ice Cream_63106 🇪🇬 ابعدي عنه وركزي انتي كمان في حياتك ولو رجع مترجعيش لانه شكله عارف نقطه ضعفك وهيقعد يستغلها طول عمرك

عرض الكل 6 نصيحة

عبّر عن شعورك بشكل مجهول

هو مش مشكلة في التعبير بحد زاته لاكن انا مبعرفش اثق بحد بسهولة بسبب مشاكل حصلت في عيلتي خلتني اتعلم ان تتوقع اي حد يسيبك في اي وقت و بعد الي حصل لما حبيت لاول مرة اتعلقت بيه و وثقت فيه بس الثقة مش كلها عشان حساه هيسبني في اي وقت و دا اتسبب في مشاكل و المشكلة انه عنده مشاكل في التعبير مبيحبش الكلام كثير و كان بيختفي مرة واحدة فكنت بقلق و مشاعرى تقصر عليا و احس انه هيسبني هو كان سيبني لدماغي و مبيطمنيش ف الاخر حصل مشاكل ما بينا بدل المرة ٤ و في الاخر بيقول عليا زنانة و ملحة في الاخر مش عارفة كدا سبنا بعض و لا اي لاكن لما لقيته بيكلم معايا بالاسلوب دا زعلت جدا و مشيت بعد كل الي حصل نفسي نرجع تاني , مشكلته انه مشغول ومش فاضي و دلوقت هو مركز علي مستقبله و فعلا ربنا معاه وعارفة ان دي اهم حاجة في حياته دلوقت بس كان بيحسسني اني زيادة و خلاص باني لو جيت في يوميه هبقي ضفط و خلاص عايزة افهمه ان مستنياه و اني لسة بحبه و ان المشاكل الي مابينا مفرقش معايا حاجة منهم هو الي فارق معايا و ان لو اتقابلنا بعد ٣ سنين احب نتعرف تاني و مش عيزاه يبقي مجرد ذكري في حياتي و خلاص عيزاه يبقي جزء من يومي مع انه بجد المرة دي جرحني مخليني اكلم معاه واني هبقي ثقيلة بعد كل دا مش عارفة اعمل اي انا مستنياه هو الي يكلمني .

Strawberry_66877 🇪🇬

منذ 22 ساعة

شعور محبط

Coffee_67127 🇪🇬 من كلامك واضح انه كان شخص محترم بس فقط مضغوط فى شغله . اعتقد انه بيحبك كمان ولكن ممكن كرامته نقحت عليه . ممكن تبعتيله عادى معلش خليها عليكى المرة دى . وهوا هينسى اللى فات لان الرجالة طيبين والله

عرض الكل 5 نصيحة