خايف أفشل زى غيرى فى ثانوى وخلاص

Question

انا احمد في تانيه ثانوي حاليا ونفسي اجيب كليه كويسه يعني المهم انا كل ماشوف حد واكون عرفها اكبر مني وطلع من ثانوي بس مظبطتش الدنيا معاه بحس لا بتأكد ان حياتي شبهه بلزبط واكون حاسس اني هفشل زيه وممكن حد يقول اني شبهه فعلا لكن انا حرفيا اي حد بشوفه وبحس بكده فا انا طول الوقت كده متوتر ومتلغبط

Olive_37479 🇪🇬 · Accepted Answer

أحمد، حابب أقول لك إن كل واحد فينا له طريقته الخاصة في الحياة. مش لازم تقارن نفسك باللي حواليك، لأنك مش زيهم، ولهم ظروفهم وتجاربهم. النجاح مش بس درجات أو شهادات، لكنه إنك تطور نفسك وتكون أفضل نسخة منك.

ركز على أهدافك وادرس بجد، وحاول تستمتع بالتعلم. الأخطاء جزء من الطريق، ولازم تتعلم منها. كمان، حاول تبعد عن الناس السلبية، وحط نفسك وسط أشخاص إيجابيين.

أهم حاجة هي الثقة بنفسك، اعرف إنك ممكن تحقق

Jackfruit_36220 🇪🇬 · Answer

خليك واثق من نفسك وانت قد الدنيا ياعم وتقدر تعمل كتير بس المهم تكون انت عايز كدا

Jackfruit_37480 🇪🇬 · Answer

لا انت مش كده انت لو كده مكنتش زمنك في الي انت في حالين خليك و ثقه في نفسكك شوف نفسك احسن حاجه حب نفسك عشان تعرف توصل انت عوزه 🤍🤍🤍🤍🤍

Sugar_29587 🇪🇬 · Answer

وسواس قهري 
خلي عشماك في ربنا كبير

Popcorn_37087 🇪🇬 · Answer

حديك نصيحه من قلب الثانويه اخوك علمي رياضه بقالنا كام شهر اول حاجه بلاش اونلاين روح الدرس ارجع اعمل واجبه وخش ع ماده تانيه نظم وقتك مش اوي اوعى تسيب أو تأخر حاجه عشان وربنا ما حتلاحق من الشوامل مفيش راحه السنه دي ولا حد مستنيك تقع ولا حد عايز يشمت فيك وفكك من كل حاجه فكك من الصعوبات من الدرجات نفسها اعمل الي عليك لحد ما تحس بي الرضى عن يومك وربنا يوفقك

Coffee_37463 🇪🇬 · Answer

يارب شكرا

Coffee_37463 🇪🇬 · Answer

ما انا مش عارف ابطل ده ازاي

Coffee_37463 🇪🇬 · Answer

شكراً هحاول اني ابطل الوسواس دا عشان بجد دي حاجه مأثره اوي عليا

Coconut_13403 🇪🇬 · Answer

انا كنت زيك كدا و ليا زمايلي اكبر بسنة كانو ممتازين وجابو مجاميع مش عالية و قولت لو دول عملوا كدا طيب انا هعمل ايه لكن يخويا كل واحد ربنا كاتبله طريقة و مستقبله و الحمد لله بفضله دخلت طب و حققت حلمي و حقيقي كلٌ خلق لما قدر له

Coffee_37463 🇪🇬 · Answer

طيب ممكن نتواصل اخذ شويه من خبرات عشان بجد انا محتاج كده

Coconut_13403 🇪🇬 · Answer

تمام عادي بس انا مش فاكر مناهج ثانوي غير حاجات ف الاحياء غير كام حاجة لكن لو حابب مساعدة في أي حاجة عادي