مستقبل مجهول

Mango_60502 🇪🇬

منذ 4 أيام

شعور محبط

Ice Cream_69885 🇪🇬 انت كنت ماشي صح ليه تدخل في اكتئاب وليه تفكر في علمي علوم و علمي رياضه كمل في طريقك انا كنت علمي علوم و الاخر ظهرلي في التنسيق كلية العلوم والله ندمانه اني دخلت ثانوي عام و ندمانه اني أجلت الثانويه مرتين بسبب ظروفي الصحيه واني بأخد ادويه الاكتئاب ارجوك متدخلش في اكتئاب متروحش الدكاتره نفسيين كمل في طريقك متخليش الشيطان يضحك عليك

عرض الكل 2 نصيحة

عبّر عن شعورك بشكل مجهول

انا من ٣ سنين كنت ثانوية عامه كنت محتار مابين رياضه ولا علوم و اختارت رياضه لاني كنت شايف ممكن اجيب فيها مجموع عالي عن علوم و كنت متوكل علي الله مش حاسب حساب الشغل و الكليات بعد كده بعدها دخلت هندسه قسم كمبيوتر كنت حابب القسم ومشيت فيه كويس بس مع انفجار ادوات الذكاء الاصطناعي السنه دي ولما بدأت اتابع الاخبار شوفت اخبار سلبيه كتير و بدأت اكره المجال لأني عنت بحسب الأمور بمخي كتير ازاي اشتغل في وسط الزحمه دي الذكاء الاصطناعي مبهدل الدنيا تسريحات عماله النفسية بدأت تبوظ اكتر واحد صاحبي بدأ يكلمني عن احنا كنا المفروض نخش علمي علوم و ان مش اي حد يبقي دكتور و كده و بدأت أحس بندم شديد اني مفكرتش في المستقبل بشكل احسن و انا صغير مابقتش اذاكر و لا بعمل اي حاجه غير انا فاتح الموبايل و قاعد بفكر في مستقبلي ٢٤ ساعه بقيت معقدتش قادر اقعد لوحدي من كتر التفكير ياما نايم يا بره البيت دخلت في اكتئاب و بدأت اروح لدكاتره نفسيين اتحسن شويه ارجع ابوظ تاني معنتش حابب اكمل ولا عارف ارجع لورا واقع وقعة سوده و الشيطان تملك مني و حياتي بقت جحيم اخر امل ليا اني احاول اقدم في الحربيه أو الشرطه بعد الكلية بس مش مضمونه اعمل ايه يا جماعه انا بموت علي البطئ ياريت كان حد ينصحني زمان اختار صح بدل التوهه اللي انا فيها دي انا عارف ان وضع معظم المهن مش حلو بس انا معنتش طايق القعده قصاد الكمبيوتر و جو حاسبات اتقفلت خالص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_57439 🇪🇬

منذ 5 أيام

شعور متوتر

هو حرفيا دلوقتي الواحد بيخسر كل حاجة ،، خسر اللي بيحبها و بيقفل ف شغله و هيسيبه و هيمشي برة البلد و يبعد خالص عن أي حد و رايج علي مستقبل مجهول مش مفهوم وضعه ايه و الحياة سودا ف وشه و لا بياكل ولا بيشرب ولا بيتكلم و بيفكر ف افكار انتحارية و عمال يخبط كده مش عارف نهاية ده كله ايه

Chilli_59055 🇪🇬 تصدق بالله انا كنت عمال العب لعبه عشان الهي نفسي اول مخلصتها لقيت نفسي شعور الوحده و الفراغ و الخوف جم عليا قعدت اعيط قي ركن في الاوضه صغير تعبت ولله يصحبي انا كمان نفسي اموت و ارتاح😥

عرض الكل 3 نصيحة

Carrot_70487 🇪🇬

منذ أسبوعين

شعور عاطفي

عبّر عن شعورك بشكل مجهول

عندي مشكله من و انا صغيره كنت دايما بتعرض للتنمر و اهلي كانو صعبين اوي كنت من اقل حاجه بضرب و مشاكل كتير جبتلي اكتئاب لحد دلوقتي مش بقا عندي ثقه بالنفس دايما مش متشافه معنديش شخصيه من كتر التنمر الكنت فيه كرهت شكلي ممكن الحاجات ديه قلت بنسبه كبيره عندي بس لسه اثارها معلمه فيا اتعرفت علي ولد و انا تقريبا فيه اولي ثانوي انا اتعرفت فيه الفتره ديه ولاد كتيره اوي بس كانو سوشيال بس و صداقه عاديه لحد ما عرفت ولد هو من اليمن عايش فيه السعوديه بيتشتغل هناك عشان يصرف علي اهلو الولد ده حبني اووي او هو الوحيد الحبني اصلا و انا و هو ارتبطنه كنت بذلو بمعني الكلمه عور نفسو مرتين عشاني قبل كده و كنت دايما مبهدلاه بمجرد اني عارفه انه بيحبني و مستحيل يبعد عني و حتي لو راح مكنش فارق معايا و سبنه كتير و كان يرجع يبعتلي بعدها و نرجع انا وقتها مكنتش مقتنعه بشكلو و كده المهم بعدين كل ما تحصل مشكله عندي و اهلي بجد كانو بيكسروني بمعني الكلمه كنت بنهار من العياط و كان كل تفكري وقتها انه هو الوحيد الحبني و معرفش كان بيحس ازاي بنكون سايبين بعض و وقت ما بكون بعيط بلاقيه بيرن و كان يهديني و نرجع انا دلوقتي بقيت بعشقو بمعني الكلمه مش عارفه اعيش من غيرو مش بعمل حاجه فيه يومي غير اني بفكر فيه و هو نزل مصر تقريبا بعد العيد الصغير خرجت انا و هو لاول مره اشوفو علي الحقيقه بجد كانت احلي ايام فيه حياتي بس طبعا من غير تلامس و هو دلوقتي رجع تاني و انا عندي انا بجد بقيت بحبو اوي مش عاوزه حد غيرو بس فيه نفس الوقت اهلي مستحيل يوافقو علي حد مش مصري و هو طبعا مش عامل اي حاجه لمستقبلو بسبب أن بيدي الفلوس كلها لاهلو و مستقبلي معاه هيبقي مجهول لو اتجوزته و فيه نفس الوقت انا مستحيل اقدر اتجوز حد غيرو لاني حقيقي بحبو هحس نفسي بخون الاتجوزته و انا بحب شخص تاني و حياتي واقفه و مش عارفه اعمل اي و الانا بحبو هو عايش بعيد عن اهلو 4 سنين وقت ما هيجوز اكيد اهلو هيكونو عاوزينه يتجوز فيه اليمن و احنا هنسأل علي اهلو فين و لو جبلي مثلا سقه هنا فيه مصر و هو اشتغل فيه السعوديه و نزل كل فتره بحس ان الحب ممكن يروح بعد الجواز و الايام مش مضمونه اعمل اي لو راح مثلا و مرجعش هجيبه منين انا انا تعبت و نفسيتي تعبت و ان كان عليا اصلا عندي عقده من الجواز و مش عاوزه اتجوز و تعبت من الناس و تعبت من كل حاجه عاوزه ابعد عن المكان الانا فيه و اعيش لوحدي و اشتغل و اصرف علي نفسيبس طبعا ديه حاجه مستحيل تحصل و بسبب رفضي دايما للجواز هيجي اليوم الاهلي هيحبروني فيه انا مش عاوزه اتجوز بس لو جه يوم و بقا لازم اني اتجوز هيبقي الانا بحبو مش هقدر اكون لحد تاني + الشخص الانا بحبو كان بيقولي من زمان انه مستعد و انه عاوز يجي و يكلم اهلي بس انت مش موافقه و بأجل دايما

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_61066 🇪🇬

منذ 4 أسابيع

شعور مستنزف

صباح الخير انا شاب يجماعه عندي 21 سنه بحب وحده قدي ومش زمايل في الجامه في كليه تانيه ولسه فاضلي سنه وتخرج وحرفيا محلتيش حاجه غير ربي ثم تعليمي لما اخلص اشتغل بدراستي الجانب التاني بقا اني اهلها عايزين يخلوها ترتبط لان فضلها سنه وكده وانا مش عارف اعمل اي ومش عايز برده احط نفسي في موقف اني اكلم ابوها

Avocado_57109 🇪🇬

منذ شهر واحد

شعور مرتبك

ازاي اعيش ف سلام بعيدا عن قرف بيت العيلة وتحديدا لما بابا يكون داينا ف صفهم وبيخاف منهم و بيجي عليا انا وماما واخواتي دايما ف علطول حاسة اني مليش ضهر ومليش حد يحميني ف لازم اخد حقي بنفسي و ببقي مضطرة لكدة واخر مشكلة حصلت و عمي اتخانق معايا ورديت عليه و علي ستي و ماما اشتكت لبابا و معملش اي حاجة ن

Chocolate_51235 🇪🇬

منذ شهر واحد

شعور وحيد

مش كل حاجه بنشوفها قدامنا بتبقي صح ومش كل حاجه بنفسرها ونفكر فيها بتبقي صح في حجات كتير بتتعمل وبتحصل من غير تفكير او من غير كا حد يتدخل فيها وفي حجات برضو بعد ما بتحصل العقل انا يجي يفكر فيها ميلقيش ليها اي تفسير منطقي يفسىها بطريقه صح فبالتالي دايما بنروح للاتجاه الغلط والتفكير الغلط خدو وقتكم ب

Apple_59591 🇪🇬

منذ شهرين

شعور شاعر بالملل

انا بقا عندي 21 سنه وبدرس ف نظم ومعلومات انا عندي تقوس ف رجلي وبنزل اشتغل علشن اكفي دراستي ومصاريفي مش عارف اقدر اوفر فلوس اعمل العمليه او اني اكون نفسي او اسافر حتي ولسا هخلص تعليم السنادي وهشوف الجيش هيعملو اي معايا معرفش لو دخلت الجيش هيحصل اي + ازاي اقدر اعمل العمليه خصوصا ان شغلي مش موفر ليا اي

Hazelnut_52786 🇪🇬 اولا كمل حياتك عادي جدا . واستني خلص جيشك واحتمال بنسبه كبيره تاخد إعفاء . وثانيا عندك اكتر من مستشفي حكومي لعلاج التقوس وعلاج مجانا - مثل مستشفي الدمرداش او القصر العيني وربنا يوفقك في كل خطوه

عرض الكل 4 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Ice Cream_51335 🇪🇬

منذ شهرين

شعور ضاق ذرعًا

عبّر عن شعورك بشكل مجهول

عندي مشكله مصيريه محتاجه بجد مساعده فيها دلوقتي في حد متقدملي انا بقول ان بحبه تمام و موافقه اهلي بيقولو ان ده مش حب اصلا كل تعاملاتك مجرد شات ومتقابلتوش غير مره واحده واحنا فعلا تعاملاتنا كلها شات بس بنتعامل وبنتكلم وعارفين حبه حاجات عن بعض اكيد الشات غير خالص التعامل الواقعي بس ده اللي نقدر عليه أنا مستحيل ومن سابع المستحيلات كمان ان اتعامل مع حد على ارض الواقع كده بتحرج واصلا مش بدي اي مساحه لاي حد يتكلم معيا في في حدود الشغل اللي بنخلصه وبس ده لو كان في تعامل اصلا المهم هما مشكلتهم اننا لسه طلبه كمان هو لسه هيتخرج السنه الجايه وأنا لسه قدامي 3 سنين احنا قد بعض بس اختلاف تخصصات فبيقولو يفضل داخل خارج علينا 3 سنين ومحسوب علينا واول ما تتخرجي وتشوفي الدنيا هتسيبيه من نفسك هتعملي زي فلانه ما عملت وتبقي ضيعني سنين منك في مفيش انت لسه مش شايفه حاجه وكمان ده هياخدك وتعيشو فلاحين وانت اصلا عيش القاهره من يوم من رجعنا من برا مصر وانت بتتريقي عليها وبتتوهي في منطقتنا هتعيشي ازاي بعيد وفي فلاحين كمان وفوق ده كله مش هنشوفك غير بالطلب ده مسافه بعيده وسفر تقطعي بينا خالص كده وهتبقا مقابلات قليله ورسميه احنا عايزين لما حد يدخل بيتنا يكون يراعيكم ويكون اخ لخواتك معندنا ولاد فدلوقتي لو كده وحد من اخواتك حصله حاجه عمرك ما هتلحقيهم ولا هيكلموكي حتى وانت في اخر الدنيا وانت الكبيره ازاي يعني وسيبك من ده ماشي الدنيا تلاهي بس طريقة الحياة مختلفه ومستوى التعلم مختلف هو معهد وانت صيدلة هيسبك في مجالك ودراستك وشغلك ولا هيخليكي دايما محبطه عشان ميشفش نفسه ابدا اقل انت لما بتزعلي من حد بتقطعي ومبتكلمهوش براحتك محدش فينا بيضغط عليكي هناك عمرك ما تقدري عملي كده وسط اهله ومع اول مشكله بينك وبينه لو جيتي زعقتي وعملتي هيروح يقولك متشوفيش نفسك عليا ويتخانق معاكي وحتى لبسك هيتغير انت يالي مبتنزليش تجيبي كيس شبسي حتى غير وانت مطقمه وبتاع ومترضيش تلبسي عبايه هيبقا لبسك كله زيهم بالعبايات ده جزء من كلامهم أنا بقا كنت قبل الكلام ده كلمته في موضوع الشغل قال هساعدك فيه وبتاع عشان انا عندي شغلي خاص بيا بس قال برضو مش عايز شغل فيه اختلاط ولا انك تشتغلي عند حد أمر وينهى عليكي قلتله شغلي واحد اثنين ثلاثه ومعروف اللي فيه كزا جه قال طب ولو جيت في يوم قعدك منه قلتله مش هقعد من غير ما اقتنع بعد يقول الست متبقاش عنيده ولا راس براس والكلام ده مش في الدين قلتله الرسول صلى الله عليه وسلم كانت زوجاته في منهم بيشتغلو السيده خديجة رضي الله عنها كانت صاحبه تجاره والسيده زينب رضي الله عنها كانت خياطه فلو فيها غلط ديني كان اولى الرسول صلى الله عليه وسلم يقعدهم سكت وقال مش همنعك ولا حاجه مجرد سؤال بتاع أنا بجد محتاره ومش عارفه احكم والمشكله ان لو الموضوع مكملش هزعل عشان متعلقه بيه ولو كمل وحصل مشكله مفيش حد هيكون معيا هيقولولي شورتك وانت اللي اخترتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_43041 🇪🇬

منذ 9 أشهر

شعور ضائع

انا حبه احكي موضو مخليني مش عارفه اختر الطريق انهو انا ف شخص بيحبني ونا بحبه و هو حالياً محبوس بس هو عائله غير عائلتي و حياته غير حياتي يعني مثلا لو حصل ارتبطت رسمي قدام الناس، الناس كلها بتتكلم و انتو فاهمين كلام الناس ، و انا عائلتي عائلة ليها مكانها و حتي بابا ولا ايرضي بيه و حتي بابا لو رضي بيه

Biscuit_40369 🇪🇬 الحقي نفسك طبعا سيبيه بقالك ٣سنين مستنيه وبعدين سيبيه ولو في حد غيره ياخد فرصته واعرفي ناس متفضليش معلقه نفسك بشخص مش موجود حتى لو هو طلع مستني وحاطط امل زي مابتقولي لغاية امتى ٣سنين وقت كتير وكفاية لحد كده ده رأيي الصراحة الحقي اي حاجه وسيبيه

عرض الكل 3 نصيحة

Apple_40603 🇪🇬

منذ 9 أشهر

شعور ضائع

انا مش عارفة احدد مستقبلى رايح فين وايه الى ممكن يخلينى مبسوط وايه الى يخلينى حزين تحس عايش فى مرحلة ضبابية والله اعلم الى جاى حيكون ايه ومش عارفة اعيد بلان تانى عشان ماحبطش واحاول اكمل سعى عادى

Strawberry_38888 🇪🇬 اسعي في لارض وقربي من ربنا القرب من ربنا ده شئ جميلل جداا

عرض الكل 6 نصيحة

Croissant_39941 🇪🇬

منذ 9 أشهر

شعور مرهق

اعمل ايه لو دخلت كلية مش هي الي انا كنت عايزاها او بعد ما دخلتها حسيت انها مش مناسبة ليا و اني مش حباها خالص مع انها كلية ليها مستقبل و مطلوبة و لكن انا من ساعة مدخلتها و انا حاسة باحتراق نفسي مع العلم اني في سنة تانية و الكلية مصاريفها مش قليلة بردو

Orange_37466 🇪🇬

منذ 9 أشهر

شعور متعب

اول مره انشر علي التطبيق ده اوفي اي مكان عامتا و ياريت تقرأو انا مولود كلاجئ و عايش طول حياتي كلاجئ مش عارف حاجه عن بلدي ولا بتكلم لغتنا كويس واهو بتكلم عربي ، و آه انا مش عربي ، وعايز اخلص بجد من حياة اللجوء دي عايز ارجع لبلدي أعيش فيها زي اي أناس بس مش قادر بسبب ظروف بلدنا دي انا تعبت بجد ، انا

Coffee_27700 🇪🇬 ربنا يريح بالك ويحققلك كل اللي بتحلم بيه ♥️ واحدة واحدة أبدا وهتلاقيك بتتغير. العب رياضه وغير جسمك. إقرأ وطور نفسك. كون صحاب وعلاقات كويسة. دور على اي شغل أتعلم منه وبعد شوية غيره عشان تروح مكان تاني وتتعلم حاجة جديدة وهكذا لحد ما تكتشف نفسك. بالنسبة للعادة كتاب (ممتلئ بالفراغ) هيساعدك 💪🏻💪🏻

عرض الكل 8 نصيحة

عبّر عن شعورك بشكل مجهول

اول مره انشر علي التطبيق ده اوفي اي مكان عامتا و ياريت تقرأو

انا مولود كلاجئ و عايش طول حياتي كلاجئ مش عارف حاجه عن بلدي ولا بتكلم لغتنا  كويس واهو بتكلم عربي ، و آه انا مش عربي ،  وعايز اخلص بجد من حياة اللجوء دي عايز ارجع لبلدي أعيش فيها زي اي أناس بس مش قادر بسبب ظروف بلدنا دي انا تعبت بجد ، انا دلوقتي كبرت الحمد لله وعايز اشتغل  بس مش هقدر عشان معنديش اي خبرة في اي مجال ولا شهادات تأهلني اننا اشتغل و لو قلت هشتغل في حاجه تحتاج شغل بدني فا مش هقدر برضو عشان جسدي ضعيف وهش و ده بسبب  العادة السرية بسببها شكلي شبه طفل عنده 15 سنه او اقل بس انا عندي 19 سنه ، وبقالي اكثر من سنة و نص بحاول اتوقف عن العادة ديو عارف انها حرام و مينفعش اعملها بس مع الأسف اتعلمتها اتعلمتها و انا صغير نوعا ما من صحابي ولما بقيت مدمن عليها عرفت ان مينفعش اعملها و انها حرام بس مش قادر اوقفها تعبت يا جماعه ولله العادة دي دمرت لي جسدي و نفسيتي بقى عندي رهاب اجتماعي بسببها و بعدت عن ربنا بسببها مش قادر استمر عايز حل عايز اعمل اي حاجه اي انجاز في حياتي التافهة دي عايز اتوقف عن العادة دي ، عايز أقرب لربنا و احسن من نفسي اطور من نفسي واشتغل  مع ان مليش مستقبل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_37463 🇪🇬

منذ 9 أشهر

شعور مرتبك

انا احمد في تانيه ثانوي حاليا ونفسي اجيب كليه كويسه يعني المهم انا كل ماشوف حد واكون عرفها اكبر مني وطلع من ثانوي بس مظبطتش الدنيا معاه بحس لا بتأكد ان حياتي شبهه بلزبط واكون حاسس اني هفشل زيه وممكن حد يقول اني شبهه فعلا لكن انا حرفيا اي حد بشوفه وبحس بكده فا انا طول الوقت كده متوتر ومتلغبط

Olive_37479 🇪🇬 أحمد، حابب أقول لك إن كل واحد فينا له طريقته الخاصة في الحياة. مش لازم تقارن نفسك باللي حواليك، لأنك مش زيهم، ولهم ظروفهم وتجاربهم. النجاح مش بس درجات أو شهادات، لكنه إنك تطور نفسك وتكون أفضل نسخة منك. ركز على أهدافك وادرس بجد، وحاول تستمتع بالتعلم. الأخطاء جزء من الطريق، ولازم تتعلم منها. كمان، حاول تبعد عن الناس السلبية، وحط نفسك وسط أشخاص إيجابيين. أهم حاجة هي الثقة بنفسك، اعرف إنك ممكن تحقق

عرض الكل 11 نصيحة

Chilli_34636 🇪🇬

منذ 9 أشهر

شعور قلق

جماعة أنا بقيت ساعات بخاف من أني أبقي قاعدة لوحدي في البيت أنا بقالي شهر قاعدة هي شقة أهلي عادي و هما سايبني قاعدة فيها لأن هما كل شوية يتنقولوا بين الشقتين و أنا قولتلهم أني مش هعرف كل شوية أروح مكان و أنا متعودة علي هنا و خلاص و طبعا بسبب مشكلهم و حاجات كتير بتأثر عليا جامد و هما عارفين دا فعشان ك

Mango_35754 🇪🇬 طيب شغل قران وكلمي مامتك واصحبك

عرض الكل 9 نصيحة

Chilli_64343 🇪🇬

مش عارف ادخل على الرسائل ويقولي انتهاكات

مش عارف هو اي حصل بس فجأة الرسائل عندي بقت مش عارف ادخل عليها وبيقولي انتهاكات وبتاع معرفش ليه هل علشان قولت البرنامج بقا وحش وعايز امسحه ولا اي مش فاهم حد حصل معاه كده لاني مش عارف ادخل علي اي رساله ...عرض المزيد

0 الدعم

0 نصيحة

French Fries_74038 🇪🇬

ضيعت بنت مناسبة بسبب طموحاتي العقيمة

السلام عليكم وانا عايز اعرف رأي فى حكايتى انا واحد كان نفسي فى يوم من الايام اخطب واتجوز زى زى اى شاب وأنا واحد ظروفى على أدى بس كان نفسي ارتبط بشخص يحمل مؤهل دراسي عالى مع الاسف مثل الهندسة او دكتور او اى شخص يحمل شهادة يعادلها فى باقى الشهادات انا عارف انه تفكير عقيم بس مع السف كنت شايف ان ده حاجة كويسة جدا بالنسبالى المهم انا برده كنت عارف ان ده شئ مستحيل تحقيقة بالأخص فى الجتمع الى احنا فيه وبالاخص انا معايا دبلوم صناعى وظروفي المادية على أدى ولاكن انا لما شوفت ناس شبهى اتوفقوا فى حاجة زى كده انا اتحمست للفكرة وحاولت أتقدم بالفعل لبعضن من الناس يعنى حد انا اعرف عنده بنت بتحمل هذه الشهادة حد عنده اخت برده وكله بالعشم لأن انا عارف الناس دى برده انا نسيت انى اقول لحضرتك ان انا شخص مش اجتماعى المهم كنت بترفض دايما بس بطريقة مش مباشرة يعنى رغم العشم كانوا بيقولولى والهى انا معزهاش عليك ولاكن كان فى حد متكلم عليها ونفس الكلام مع بقيت الناس واتضح ان كلامهم مش حقيقي ده الى انا اكتشفته بعد كده وبعد اتعقدت وقعد كام سنة مفكرش فى الجواز لحد مولدتى قلتلى احنا عايزين نفرح بيك قولتلها بلاش انا مش عاوز اتجوز علشان انا بينى وبين نفسي انا مش هلاقى الشخص الى انا عاوزه علشان ظروفى انا مش طمعان فى وظيفتها ولا فى مرتبها انا ظروفى على أدى بس انا عايز اعيش مع واحد طموحه وبتحبنى وبتحمل هذه الدرجة العلمية واكون سند ليها لو أمكن المهم بعد ظغط كبير من امى وعمتي قلولى ان فى حاجة اسمها خاطبة قلولى اكتب المواصفات إلى انته عايزها واكتب مواصفاتك طبعا يااستاذه ايه انا كتبت مواصفاتى كلها من غير اى كدب ولاكن لما كتبت مواصفات البنت مكتبتش انا عايز بنت تحمل هذه الدرجة العلمية وبتشتغل كمان اتكسفت بصراحة المهم بعد معملت كده ب٢٤ ساعة بس اتلقيت امى داخلة عليا بتقولى الخاطبة جبتلك بنت وكانت مواصفاتها ياايه مهندسة جامعة روسية وحافظة للقرآن ومسواه كويس بس مكنتش بتشتغل قولت معقول من اول مرة كده طب لما انزل اشوفها لقتها بنت حبوبة وشكلها حلو ده غير ان فيها كل الى انا عاوزه من مواصفات كنت مرتاح فى القعدة يايه جدا وبعد ممشينا انا روحت البيت بينى وبين نفسي انا قولت ان هى هترفض على طول هى واهلها علشان ظروفى وكده المهم قعدت يوم والتانى سألنا بتقول لسه بتصلى استخارة وبعد كده رفضت بصراحة ياأيه انا انصدمت وقعدت يومين مبنامش وتعبان وبعد كده قولت الحمد الله قدر الله ماشاء فعل وبعد كده قولت بينى وبين نفسي علشان جربت شعور الرفض فأنا مش هرفض الى جاى هسيبوا هو الى هيرفض ولو وافق يبقى ربنا كتبلى الخير فى دى بعد كده الخاطبة جابتلى واحدة تانية بس مرتحتش بس هى تلى رفضت وبعد كده جابتلى واحدة تانية برده مكنتش مرتاح اوى لأن هى قلتلى فى وسط القعدة وهى بتعرفلى نفسها ان عندها اخت مهندسة فكان المفروض انا رفض بس انا روحت البيت وانا فى بالى ان هى هترفض زى الى فاتوا لاكن مع الاسف وافقت بصراحة يا أيه انا مفرحتش ومزلعتش فى نفس الوقت لأن دى اول تجربة فى حايتى روحنا البيت عندهم انا كنت بقدم رجل وبأخر رجل بس انا روحت وأرينا الفاتحة فرتحت شوية ولما روحت البيت قولت اشوف البنت لو كانت كويسة معايا خلاص وبطل الفكرة التخلفة الى فدماغى دى المهم بعد شهر ونص خطوبة والدنيا كانت ماشية كويس قلتلى ان اختها المهندسة جلها عريس ووافقت انا انهارت تماما ومت بعدها الدنيا بقيت سودة عليا ومبقتش شايف خطيبتى رغم أنها كانت طيبة ومحترمة وشكلها مقبول ومتعلمه تعليم عالى وعاقلة جدا وصبورة جدا عشت معاها ايام حلوة كتير بس بصراحة انا صارحتها ان انا كنت عاوز واحدة دكتورة او مهندسة اكتر من مرة غصب عنى رغم انى مكنتش بحب اتكلم فى حاجة زى كده علشان مديقهاش كان يوم بعد يوم بكلمها فى الموضوع ده غصب عنى لانى مكنتش مرتاح وعلشان طيبتها ومعملتها الكويسة ليا كانت لما تضايق منى كنت بحاول اصلحها وهى اديقت منى كتير وانا كنت بدايق اكتر لمديقتها بس كل مهدى واقول انا معايا انسانة كويسة ومناسبة ليا فجأة يحصل تقولى اى حاجة عن اختها وخطيبها بسلامه نيه فرجع تانى اضايق واقفل منها علشان انا اصلا حاببب مواصفات اختها مش اختها وكنت بقول بينى وبين نفسي هو أحسن منى فى ايه انا كان نفسيى اكون زيه اخد واحد مهندسة بتشتغل طموحة بتحب شغلها وبتحبنى علشان بحبها ومش واقف فى مستقبلها المهم زاد عدم راحتى لخطيبتى وعلى برده عشانها ومبين بزعلها مرة وبصالحها مرة وبعد سنة وسبع شهور رغم انى حجزت قاعت الافراح وسافرت القاهرة اجيب البدلة بس بره مع الاسف مكنتش مرتاح المهم قولتلها فى رسالة كل واحد فينا يروح لحالةوانا مش عاوز اعزبك معايا اكتر من كده لان فى الفترة الأخيرة كانت فى مشدات مبينا انا مكنتش مستحملها غير عدم الراحة المهم سيبنا بعض وقلتلتى خد الدهب انا مأختوش اكرما ليها علشان انا عارف انا اد إيه انا جرحتها وابوها هزئنى وامها هزئت امى فى التلفون معلش انا عازرهم انا الى عملتوا مش شويه وانا عارف انا عملت ايه وبعد شهرين من الفشكلة اتلقتها مخطوبة لواحد تاني وانا شوفت الزفة بنفسى على اد مفرحت ليه على اد مزعلت على نفسي وال عملتوا فيها وانى مكنتش اتخيل فى يوم من الايام انى هحط نفسي فى الموقف ده طبعا انا حاولت ارجعلها اكتر من مرة بعد مفشكلنا على طول فوقت لنفسي وقولت أصلح الغلط بس مع الاسف هى رفضت تماما وبعد كده انا عيشت فى اكتئاب وربنا بيعقبنى بالى انا عاملتوا فيها هى انسانة تستاهل كل خير اما انا كنت انسان زباله مصونتش الانسانه الوحيدة الى كانت بتحبنى ومناسبة ليا وانا هعد سنين طويلة على مكون نفسي تانى وفكر اتجوز وانا اصلا سنى كبير مش صغير ياعنى الموضوع انتهى بالنسبالى ضيعت نفسي علشان قرار خطأ انا خته فى حياتى انا بتابع فديوهاتك من بدرى وكنت متردد ابعت لحضرتك لحسن تهزأينى انا كمان 😁 لاكن عقلك ولباقة حضرتك فى الكلام هما الى شجعونى ابعت لحضرتك حكايتى وياريت تقولى راى حضرتك ايه واعمل ايه فى الى باقى من حياتى لوعشان وكان لينا عمر وشكرا ...عرض المزيد

0 الدعم

0 نصيحة

Apple_16902 🇪🇬

أبي بيضرب أمي ويهددنا بالشاكوش ومش عارفين نعمل إيه

السلام عليكم و رحمة الله و بركاته جماعة الخير، محتاجة نصيحتكم في أسرع وقت مهما كانت ارجو من أي شخص بيقرأ البوست ده دلوقتي يساعدني لأن فيه كارثة! والدي ماشي في الشقة بالشاكوش بعد ما عنف أمي جسديًا و أذاها بالضرب على دماغها و لسه قايل لأختي الصغيرة من كام دقيقة " لو أمك فتحت بوقها هديها على دماغها بالشاكوش و أجيب أجلها و أنا أصلًا عايز أجيب أجلها " و بزعيق و قام رازع باب أوضته لدرجة هزت البيت و دي مش أول مرة و من كام يوم مهددنا كلنا بالضرب و احنا 3 بنات و مش عارفين نعمل حاجة و ماما ساكتة و بتقولنا اهدوا و اللي هو حرفيًا ازاي! البيت اللي المفروض يبقى فيه أمان معدوم بسببه و هو معدى ال60 و قبل كده جاب لشخص كان مضايقه بلطجية! و قبل كده كسر لأخوه شقته! و خلّاه ينفصل عن مراته! من عاميله فيهم و كان بيضربنا احنا شخصيًا و مهددني بالقتل انا و أمي و بيستقوى علينا بقوته الجسدية و احنا مش عارفين نعمل أي حاجة بالمعنى الحرفي لأن هو لو عرف ان احنا عايزين نبلغ أو حتى اتسجن و طلع هينتقم منا و هيأذينا جامد و دلوقتي اتصلنا بالبوليس و ماما كانت هتاخد منا الفون عشان منتصلش عشان هو لو عرف هتحصل مصايب، الحقونا ارجوكم ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع