ابديت على ثانوية عامة عشان حايفة اقول كده لاهلي فا يشيلو همي : الكيميا انا ببقا مذاكراها كويس جدااا بجد و فاهمة كل حاجة حصلت ازاي و بحل في البيت كله صح و اول ما اروخ الشامل في الدرس احل غلط و الخبط الدنيا و كل العيال درجاتهم اعلى مني مع اني بفضل الله الحمد لله مش شايفة مستوايا وحش و كنت على طول من الاوائل بس نش عارفة ايه الي بيحصلي برة البيت و مبعرفش احل حاجة مه اني والله العظيم مبغشش وانا قاعدة في البيت ، ببقا فاهمة و مذاكرة و انا حاليا خايفة جدا جدا من الموضوع ده . الفيزيا كويسة بس انا عشان باخد فيها برايڤت فا بذاكرها اقل و اصلا مش بلاقي وقت اديها نفس الاهتمام بتاع باقي المواد و خايفة اوي اكون كده بقصر فيها . العربي ده بقا انا فقدت الامل في انا بجد من غير مبالغة لو جالي اكتئاب هيبقا بسبب كمية الغلطات اللي بتبقا عندي في النصوص و القراءة و حتى اجابات المستر مش بتقنعني و مش عارفة اعمل اييه خاااللللصصصص . الانجلش كويس الحمد لله . الرياضة كويسة بس اتخنقت من تفضيل المستر طلبة على طلبة تانية و انا مدركة اني دايما مشكلتي بتبقا في الوقت فا مبعرفش اني اجيب الاجابة في ثانية و لو حاولت بتبقا الفكرة صح بس ترتيب الكلام غلط و المستر مبيفهمنيش و بيجاهل اجابتي تماما . انا حقيقي تعبت و الافكار بتاكل دماغي حاسة اني عندي ميول انتحارية بس مش علشان حد ضاغط عليا هما في البيت سايبني محدش بيقولي حاجة بس انا خايفة اوي اخيب املهم فيا ... معتش عارفة اعمل ايه بجد 😔

11

9