ضغط دراسي

Sugar_51832 🇪🇬

منذ أسبوع واحد

شعور ضائع

عبّر عن شعورك بشكل مجهول

دلوقتي انا ف تالته وماشيه ف المواد كويس تقريبا 
وكان اكتر مستر بيولوجي مشهور وشديد اوي ومحدش بيعرف يتكلم معاه جه ف مره وسألني اسمك ايه وقال ف المايك ان انا ممتازة ومحترمه وكل الصفات الحلوة فيا وفضل يزعق للعيال كلها ويقولهم انتو مش شايفينها وكدا
وقالي ان انا هرتب ع الدفعه وان انا هجيب طب مرتاح
وكله من ساعة الحصه دي وصحابي بيبقوا بيعملو كل حاجه ف حصته عشان خاطر ياخد باله منهم ويقولهم زي ما قالي بس دا محصلش 
وبلاقي بنات غريبة تيجي تكلمني ويقعدو يسالوني بتاخدي دروس فين وكل ما اكتب حاجه ف الحصه أو اعمل اي حاجه بيشوفو انا بعمل ايه ويعملو زيي وبقيت الرول موديل بتاعتهم وكله مركز معايا بطريقه غبيه ف كل الدروس
على اد ما انا فرحت ان هو قالي كدا على اد ما انا متضايقة من تصرفات الناس ال فجأة قربت مني وفجأة بقوا بيكلموني كل شوية وانا عارفه ان دا مش عشاني

ماعلينا من كل دا
انا كنت بروح عند مستر ماث وكان مستقصدني من غير سبب وكان بيتلكك معايا على أقل حاجه وبيحاول يضايقني ب اي طريقه ف غيرته وروحت عند واحد تاني وكان باقيلهم درسين ويخلصو الجبر وانا مكنتش خدت حاجه فيه وطبعا لما روحت معرفتش احل حاجه 
ولما روحت فضلت طول الليل صاحيه ولميت المنهج كله ف يوم وعملت ملخصات للقوانين وكدا وحليت شويه مع المستر ال سمعته بس محلتش كل الأفكار ف الكتاب
وروحت تاني يوم المستر كتب اسألة ومحلتش ف الحصه كلها غير تلاته بس واتأخرت فيهم كمان 
ومن الحصه دي وانا بجد بجلد ذاتي بطريقه مؤذية اوي ال هو انا استيعابي بطيء مثلا ولا انا كويسة بس محتاجة احل اكتر ولا ايه 
وباخد كيمستري اونلاين ولسا مستوعبة ان انا مراكمه ٣ محاضرات🗿💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Guava_49832 🇪🇬

منذ شهر واحد

شعور مرتبك

عبّر عن شعورك بشكل مجهول

هحكى من باب الفضفضة بس لو حد عنده راى ياريت يقوله 
اخويا عنده 11 سنة جه من عند جدو وشغل الكمبيوتر والنت وقعد يلعب ويشغل فيديوهات ،من باب الهزار والله اخدت الوصلة اللى بتوصل الكمبيوتر بالنت وخبيتها جرى ورايا شوية وبعدين دخل اوضته وحسيته هيعيط فروحت قعدت حنبه وقولتله هات حضن وهديهولك وحلفتله انى هديهوله 
فجاة لقيته زعق فيا قعد يقولى انتى انانية وبتاخدى كل حاجة ليكى ومحدش بيضربك ولا بيزعقلك هما بيزعقولنا وبيضربونا احنا بس «عليه وعلى اخويا الوسطانى»
الموضوع طلع ايه بقا  (انا ثانوية عامة فعشان المزاكرة امى قالتله انى هاخد الكمبيوتر اوضتى فنو فكر انى هاخد الكمبيوتر والتاب والتليفون ) وعيط جامد بشحتفة 
انا وصلت الكمبيوتر بالنت تانى وقعدت اتكلم معاه بالراحة للامانة مش عارفة كلامى دة صح ولا غلط 
اول حاجة وضحتله انى مش هاخد غير الكمبيوتر بس وهديهم التاب لان المنصات اللى بزاكر عليها مشتغلتش عليه فاضطريت اخد الكمبيوتر 
قولتله انى لما هكون مش بزاكر هخليه يقعد على الكمبيوتر يلعب شوية ومش هخلى تمى تمسح الافلام ولما نفضى هنقعد نتفرج سوا
تانى حاجة بدات اوضحله انى كنت بهزر معاه بس وهرجعله الوصلة تانى 
محبيتش اعدى حوار الضرب دة وقولتله انهم مش بيحبونى اكتر منهم ولا حاجة وانى وانا قده كنت بتضرب زيه واكتر بس كان صغير مش فاكر (محبتش يحس انهم بيفرقوا بينا او بيفضلونى عليه ،انا بتعامل عادى والله العظيم ووانا قده كنت بتضرب بردو لكن يمكن دلوقتى عشان انا البنت الكبيرة فى العيلة كلها ليا تعامل الابن الكبير دة فهو حاسس بفرق) 
وقولتله هو انا بخلى حد يضربك او يزعقلك ولا بدافع عنك؟، انا مكنش حد بيدافع عنى ،عشان اخر فترة كنت ديما بقف لامى وابى لو حد ضربه وبردو مش عارفة الجملة دى كانت صح ولا غلط 
حكالى بردو وهو بيعيط ان امى زعقتله عند جدو عشان طلبت منه طلب وهو مرضاش يعمله وتقريبا لما زعقتله على صوته عليها وان خالتو ساعتها زعقتله جامد وكانت هتضربه (اخر فترة خالتو بتزعقله كتير بسبب الموضوع دة بس اسلوبها صعب جداا
على طفل ومهما حاولت افهمها انه لو خايف دلوقتى بعدين محدش هيقدرله ولازم بالتفاهم تقولى لو محظش قدرله يطردوه من البيت ودة كان ردها فعلا )
المهم اتكلمت معاه شوية وحاولت افهمه ان امى مش بتكون عايزة تضربه بس غصب عنها وقعدت اقوله هى بتفضل تحاول توطى صوتها وبعدين صبرها بيقل وغصب عنها بتزعق فصبرها يقل اكتر وتضرب وانها مش بتحب حد قده عشانه الدلوع وكدة ،
هدى شوية وقعد يتاسفلى كتير وانه ميقصدش وانا نش انانية ووعدنى لو حد زعله بعد.كدة هيحكيلى ومش هيكتم ويعيط لوحده
مش عارفة اتعامل معاه ازااى للامانة وفى نفس الوقت خايفة عليه كتر الضغط خلاه عصبى جداا وعنيف وهو من غير حاجة كرامته فوق كل حاجة ومش بيستحمل طبعا كل دة غير اخويا  التانى دة حوار لوحده
الكلام مع اهلى فى الفاضى وانا مليش تصرف فى حاجة ولا بايدى حاجة اعملها 
اسفة انى طولت كل دة بجد 
بس لو حد وصل لهنا وعنده نصيحة ياريت يقولها وشكراا🤍🌿

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_63940 🇪🇬

منذ شهر واحد

شعور عاطفي

انا داخل ثانويه عامه السنه دي وخايف اوي من سنه خايف اقع خايف اوي اوي ومن اول السنه حصلي حاجات اللي حوليه بيقولوا عليا جالي اكتاب بقولهم انا عادي مصرين اني مكتئب بالعافيه انا بصراحه الفتره الاخيره مش باكل وقطعت مع كل اللي اعرفهم وفي اوضتي بس عادي يعني بجد 😅💔

Croissant_66460 🇪🇬

منذ شهر واحد

شعور ضائع

السلام عليكم انا كنت تالته ثانوي السنه دي، الحمدلله على كل حال بس انا جبت المجموع 56 وشلت مادتين فيزيا واحياء، دلوقتي اهلي بيقولولي مدخلش دور تاني واستنى امتحنهم السنه الجايه، وانا بصراحه تعبت ومش هقدر استحمل سنه تانيه ف الضغط ده، غير اني كمان خايفه ادخل دور تاني ومنجحش برضو مش عارفه اعمل ايه ومتو

Coffee_71897 🇪🇬 استني لو هتشد حيلك الترم الجاي وعارف اخطاءك وهتحسنها من الاخر لو هتقدر تستغل الفرصه لو لا وهتقع تاني خش وسلم امرك لله

عرض الكل 14 نصيحة

Tofu_68808 🇪🇬

منذ شهر واحد

شعور مرتبك

عبّر عن شعورك بشكل مجهول

انا بجد اتخنقت وقسم بالله وزهقت من الموضوع ده الوقتي انا الاخت الكبيرة في اخواتي عندي اخ عنده ٧ سنين الوقتي انا مدركة بالتعليم اكتر من امي وابويا لاني كنت اخرته سنة يعني المفروض يدخل أولي ابتدائي وسبب التأخير مكنش متاسس كويس ولا هيقدر يستحمل الضغط 
الوقتي الحمدلله بقا كويس بس المشكلة في امي وابويا الوقتي لا مدركين بمسؤولية أن الولد لازم يذاكر ونعوده من صغره أن يذاكر علي الاقل ساعة أو ساعتين بحيث يعرف لو ذاكر هيكون شاطر لا هما مش مدركين بده خالص حتي لو مش ذكرت ليه يقولوا يعني انتي مش عارفه تذاكري معاه ساعة واحدة بس 
الوقتي انا شغالة دروس في بيت يعني مدرسة ولما يكون اخويا عنده درس وابويا ياخده معاه الشغل واعيد مرة واتنين مش ينفع لازم تقعد الولد مش عندي وقت بليل وبكون تعبانة من الدروس وحتي لو خلصت ابنك اصلا مش بيكون عايز يذاكر عايز بس يلعب في الشارع ويروح يشتري ويجري هنا 
اللي معصبني بجد اللي هو يجي  يوم الدرس اللي كام ساعة ونقعد نكتب في الواجب ده طبعا قبل ما اشتغل الوقتي مش هيكون عندي اصلا وقت 
الولد كده هيتدمر ومدلعينه بطريقة بتعصني منها مش بيضربوا ولا عارفين حتي يزعقوا ليه ولد روح ذاكر لا روح الدرس انا اتخنقت بجد من الموضوع ده 
ولو اصلا سبت الولد والله هيكون فاشل درسيا لأن انا الوحيدة اللي بذاكر ليه في البيت 
ولا هيكون نافع في حاجه زهقت كلام حتي بدأت اتعصبت واتكلم معاهم 
ده حتي لما أقوله تعالي نذاكر يعيطت ويصرخ لما اعصابي في وجودهم بس لو مش موجودين بسمع الكلام بس انا تعبت
ده حتي الدروس عشان مش بيعمل الواجب بعتذر للمدرسه بتاعته  واكذب كان كذبة وحاسة والله انها عارفه اني بكدب فزهقت بجد لدرجة معتدتش حابة اذاكر وبقيت اكره اليوم اللي يكون عنده واجب أو مذاكرة ومع أنه بيعمل كده امي وابويا مش بيتكلم اصلا لما زهقتتتتت
اطنش واريح دماغي من الموضوع او اخاد موقف معاهم 
او اعمل ايه بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_70767 🇪🇬

منذ شهر واحد

شعور متوتر

السلام عليكم انا عندي مشكله انا والله دخلت كليتي با مجهودي وتعب بس كان نفس اخش حكومي ابويا دخلني خاص وانا دنيا مش مشيها معيا حلو اووي بسبب مواد وناس الي هناك انا في مواد كليه تمام بس في مواد تاني انا عمال اشيلها وسمر غالي اووي

Croissant_70678 🇪🇬

منذ شهر واحد

شعور ضائع

مش بستنى أسمع مواساة أو رد على كلامي، يهمني بس أكتب، وحد يقرأ بدون ما يحس بالضغط مني، أو إنه مضطر يسمعني، علشان كدا قررت أكتب هنا. بعد سنة كاملة من الضغط الدراسي في ٣ث، الإنسان فاقد هُويته وتايه، كأنه فقد نفسه بين كل يوم عدى وهو بيحاول يتجاهل صوته الداخلي عشان يعرف يستمر، بيتجنب أهله وصحابه عشان يو

Blueberry_52260 🇪🇬

منذ شهرين

شعور محبط

انا كنت ثانويه عامه و جيت حولت امريكان السنادى وانا جريد 12 حولت عشان المجاميع السنادي مرعبه و اختى مجابتش مجموع كويس و اهلى مش عايزين يكرروا اللي حصل و بجد خايفه اوي و مرعوبه و خايفه مدخلش الكليه اللي نفسي فيها و خايفه عشان انا كنت عربي و فجأه حولت و هاخد الحاجات كلها بالانجلش و خايفه من الامتحانات

Apple_68671 🇪🇬 سبيها علي الله هتعدي

عرض الكل 2 نصيحة

Kiwi_69350 🇪🇬

منذ شهرين

شعور محبط

أنا جبت 55% في 3 ثانوي، وعندي دور تاني في الأحياء، ودي أول مرة أشيل مادة في حياتي رغم كده، أنا مش فاشلة – جبت قبل كده 83% في تانية ثانوي، و74% في أولى و89% في تالتة إعدادي وعمري ما غشيت ولا قصّرت بإيدي. دلوقتي قدامي اختيارين إني أدخل الدور التاني وأكمّل في مجال زي أكاديمية الطيران المدني و معهد فن

Hazelnut_64772 🇪🇬

منذ شهرين

شعور متوتر

Guava_66726 🇪🇬 كل اللي عليك انك تعاملهم بما يرضي الله لان بر الواليدين واجب كنصحيه مني عارفه انك مش قادر تنسي اللي عمله بس عامل بما يرضي الله واهتم بصلاتك ومستقبلك وبلاش تكرر نفس الغلط في اولادك في المستقبل ربنا يوققك والف مبروك

عرض الكل 8 نصيحة

عبّر عن شعورك بشكل مجهول

السلام عليكم ، البوست طويل سيكا اتنين اسف 
لو فاضي ممكن تنصحني يا ريت ؟
من أول ما دخلت 3 ث لقيت الوالد والوالدة بيتدخلوا ف الدروس و كدا و غيبت بعد الدرس ليه و الخ الخ -هتقولي ما دا الطبيعي ، هقولك دا ممكن الطبيعي ف كل بيت ما عدا عندي لاني حرفيا طول سنين تعليمي اللي قبلها ما كانوش يعرفوا عني اي حاجة لا باخد دروس فين ولا درجاتي ايه الخ غير درجات اخر السنة -المهم اني مكنتش متعود على كدا خاصة انهم م كانش عندهم الحتة بتاعة التشجيع و كدا لا ، اللي هوا انت عارف لو مجيبتش مجموع والله لاكرشك من البيت الوالد اللي كان بيقول كدا ، طبعا الكلام دا كان تاثيره عليا زي الزفت ، كان في ايام انا مكنتش بكون عارف اذاكر فيها حرفيا جايب اخري تعبان بقا حزين ايا يكن المهم اني مكنتش عارف اذاكر فعلا ، الوالدة كانت تدخل تقعد  تقول قوم ذاكر ممكن لمدة عشر دقايق حرفيا كنت بكون خلاص هخبط دماغي ف الحيطة و لما ما اقومش كانت تطلع من الاوضة وتقعد تدعي عليا و هيا طالعة ربنا يوريك زي كدا في عيالك و ربنا ياخدك و يقهرك دعواي غريبة حرفيا . المهم للاسف السنة دي عدت و انا كنت زي الزفت وللاسف اجلت ف الامتحانات حرفيا ، يعتبر ما دخلتش حاجة ، اجلت بتاع 15 مادة . المهم طبعا البيت اتقلب و سيبت البيت فترة قعدت عند عمي شوية ، للاسف لما رجعت والدي ضربني مرتين مع ان انا وعمي قعدنا معاه في حاجة زي قعدة صلح . هوا معملش حاجة فيها اصلا غير انه قعد يشتم . جت السنة التانية اللي هيا كانت السنادي كانت الظروف اوحش من السنة الاولى بمراحل الوالد مكانش بيكلمني كان بس يقعد يزعق من بعيد ولو مجبتش هعمل و اخلي و سمك مقلي و كدا ، الوالدة تمادت عن السنة اللي فاتت كتير و الله كانت بتوصلني لمرحلة ربنا العالم اني كان ممكن اعمل فيها او في نفسي حاجة ، الحالة معظم السنة كانت سيئة جدا جدا جدا ، حاولت انتحر كذا مرة بشريط بنادول روحت مرتين عند القطر ، بس ربنا الحمد لله كان عايزني اعيش . عدت الايام و جت الامتحانات طبعا ما كانش في قدامي خيار ان ااجل تاني و كدا ف مكانش قدامي غير اني اتوكل على الله و اذاكر ف اللي فاضل و خلاص بقا اللي ربنا يجيبه يعني هيوصلوني ل ايه اكتر من اللي كنت وصلتله 
الامتحانات عدت بفضل من ربنا قعدت امتحن بتاع 45 يوم الحمد لله عدوا على خير ، الامتحانات خلصت بردو الوالد لسه مبيكلمنيش  والوالدة ما زالت بتضايقني حتى بعد ما السنة خلصت 
الحمد لله النتيجة طلعت امبارح و الحمد لله مجموعي حلو 
ف بعد كل اللي عديت بيه لوحدي بل ان هما كانوا السبب فيه من الاساس ، يعني لو كانوا بس بعيد زي ما كانوا طول السنين اللي فاتت كان زمان الواحد في حتة تانية -هما كان عندهم ظروف بس انا مش بلومهم انا بس كان نفسي يفضلوا زي ما كانوا بعيد-المهم بعد كل اللي حصل عمي اصر عليا لما لقى النتيجة حلوة اني اسلم على والدي و احضنه و انسى اللي فات 
سلمت عليه و قولتله مبارك يحج 
بس انا مش عارف اسامحه ولا اسامح امي و مش عارف انسى اللي حصل ، يعني هوا ليه اصلا ، يعني هوا اصلا انا مش المفروض ابنهم ، طب لو مكنتش جبت مجموع كانوا هيعملوا ايه اكتر من كدا  
والله كانوا بيوصلوني لحالة يعني ربنا العالم 
ف انتم تنصحوني ب ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_65834 🇪🇬

منذ شهرين

شعور مكسور القلب

انا بعاني مع امي من صغري بتهيني علي ابسط حاجه من صغري وبتبعدني عن كل اصحابي وانا ابويا متوفي من وعندي 5 سنين لما كنت في الابتدائي كانت بتشتمني ب بابا قدام اصحابي وكانت تشوف كل اصحابي مش تمام وتحاول تبعدني عنهم ب اي طريقه والله العظيم لدرجه مره الفون وقع مني بالغلط وانا صغيره طلعت تشتمني في الشارع ور

Nutella_65016 🇪🇬

منذ شهرين

شعور مكسور القلب

عبّر عن شعورك بشكل مجهول

انا عندي 16 سنه من وانا عندي 12سنه وحياتي ف لغبطه ماما وبابا انفصلوا واخواتي كانوا عايشين مع بابا وانا مع ماما كان ممنوع اننا نتكلم وطبعا الي قال كدا بابا وكنت بحب ماما اوي وكانت كويسه معايا بس فجاءه بدات تتغير وتضريني ب سبب او بدون سبب حتي واخر مشكله كانت عاوزه تشوف الشات بتاع الواتساب بيني وبين صحابي وكان عندي مشكله مضيقاني وانا حكيت ل صحابي عادي كنت بحكي ل ماما ع طول الاول بس لقيتها بتقول ل اصحابها ف بقيت احذر من الكلام شويه معرفش ليه كانت بتقول والمشكلن تقولي انا واثقه فيهم المهم قرات الشات برضو وضربتني ملحوظه الموضوع م ليه علاقه ب ولد خااالص علشان انا مش بكلم ولاد اصلا المهم هددتني بالسكينه لانها كانت عاوزه تسيب البيت وتمشي وانا رافضه قولتلها دا بيت اهلك لو حد المفروض يمشي ف هوا انا قامت حطه السكينه ع اديها وقالت لو ماعدتنيش هموت نفسي وانا عديتها ما باليد حيله خالو قابلها ع السلم ورجعها تاني "ملحوظه:خالي دا بقا بيكرهني ودا ليه؟! دا علشان انا متفوقه عن ولاده وعلشان انا مقربه من ماما او بمعني اخر كنت مقربه منها ا" 
خالو رجع ماما ولما مااعرفش يجيب عليا غلط والموضوع كله عصبيه من ماما نزل وقال سيبيها دلوقتي ممكن عندها مشكله ف الشغل وع فكره ماما بتحكيلي اي مشكله عندها ل وقتها العذر دا ماينفعش لان انا متاكده مافيش حاجه ودلوقتي امتحنت امتحانات اولي ثانوي والحمد الله نجحت ولو م بمجموع كويس انا جبت 84% المهم بابا م عادل ف تصرفه وبيكرهني حرفيا ومش عاوزني اكمل تعليم كمان ومش بيعطيلي فلوس دورت ع شغل كتير اونلاين لانه رافض ينزلني اشتغل والمهم كلهم طلع نصب حاليا انا عندي نزيف من الانف واستفراغ دم والهيموجلوبين 8.3 والدكتوره قالت لازم اتحول ع دكتور جراحه جهاز هضمي وطبعا بابا رفض وع فكره بابا م فقير الحمد الله من الفئه المتوسطه 
حاليا انا تعبت حاولت انتحر كتير بس خايفه اوي من ربنا عمو توفي بقالوا كم يوم الله يرحمه بابا م باين عليه انه زعلان والمهم انا كنت بقرا قرءان ع app اسمه وحي وجه اعلان فجاه وكان ف اعلان عن app موسيقي وانا مااخدتش بالي بابا سمع الصوت وانا بحاول اقفله جه وقالي اصل انتي قليله الادب ماتربتيش وشتم شتايم وحشه مش لاقيه حل حسه الدنيا كلها مقفله ف وشي كل مااحكي ل حد انتي لسه صغيره روحتي فين وجيتي منيو علشان تتوجعي كدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_51983 🇪🇬

منذ شهرين

شعور متعب

داخلة تالتة ثانوي و بدأت إنجليزي و بلخص و بذاكر بس عندي تروما من الكيميا نقصت فيها ١٢ درجة اعمال سنة وبجد كرهي وحقدي علي المادة دي بذات زاد خاصة إني كنت جايبة درجة واحشة في أولى ثانوي وبعد ما ضغطت نفسي في تانية وحليت ٦ كتب لدرجة إني كنت باجي علي نومي و عيني كانت بتورم بس كنت بقول كله يهون ودي مسؤلية

Coffee_55564 🇪🇬

منذ شهرين

شعور ضائع

انا تعبت من كل حاجة حواليا صحابي واهلي ودراستي والي تاعبني اكتر اني مش بتكلم مش بقدر اقول اي حاجة ووصلت اني مش بعرف افرق بين مشاعري مبقيتش عارف انا خايف ولا قلقان انا بحب ولا بكره كلي عقد عمال اهرب منها وبس ومش بحاول احلها وبضحك علي نفسي واوهم نفسي اني كويس وانا بتعب آكتر واكتر بحس اني لو اتكلمت هبق

Donut_63791 🇪🇬

منذ شهرين

شعور متعب

انا خلصت أولى كلية و من أول السنه لآخرها حرفيا مش حاسه بأي شغف اتجاه المكان ومش حاسه أنه مكاني ومش عارفه اتأقلم نهائي بحضر محاضرات و سكاشن و بذاكر مش لأني حابه كده بس عشان انجح أو احس اني بعمل اي حاجه واني موقفتش مكاني من غير ما اتقدم و ابان قدام نفسي اني بحاول و ضميري ميأنبنيش أو احس بالفشل ، بس ال

Biscuit_26457 🇦🇪

قلبي وجعني من العلاقات اللي بتتكرر

كل شويه اتعرف علي واحد من ابلكيشان حواز وبعد كده فجأه يختفي معرفش ليه انا تعبت اخر واحد قعد يقولي انه معجب بيا وبشخصيتي وكان بيدور علي حد شبهي وفجأه بطل يكلمني ومش عوزهي مع ان محصلش حاجه انا حقيقي قلبي وجعني كل العوزه واحد اكمل معاه ويكون كويس انا مش بنت وحشه لا شكل ولا شخصيه بس فعلا ثقتي في نفسي بتتدمر كل شويه اكتر من القبلها معرفش عملت ايه ولا اذيت مين ولا ايه الحصل لكل ده ولا ايه اليخليني ديما اقبل ناس تأذيني كده بس انا مخنوقه اوي مقهوره قلبي وجعني امبارح قعدت اعيط كتير اوي والنهارده هموت واعيط بس قعده مع ناس فبحول امسك نفسي بس انا مش قادره ومقهوره وقلبي وجعني جدا بشكل مش طبيعي ...عرض المزيد

2 الدعم

31 نصيحة

Sugar_58980 🇪🇬

خايفة أبقى تقيلة على حد ويوم التخرج لوحدي

السلام عليكم انا حببت افضفض شوية اولا انا تقريبا طول عمري هادية بس مش انطوائيه و مش عندي صحاب كتير بس للاسف الاتنين اللي كانوا صحابي كان صحاب و سابوني بدون سبب مقنع يعني، أنا دلوقتي ٢٢ سنة و المفروض هتخرج السنه دي و كلهم عندهم صحاب ف الكلية و اتصوروا صور التخرج و انا حقيقي مش عارفه هحضر الحفلة ازاي انا بتكلم و بهزر معاهم عادي بس مش بحب افرض نفسي عليهم و اقولهم هخرج معاكم لاني دايما عندي شعور اني خايفه ابقي تقيلة علي حد و النتيجة اهو اني هكون لوحدي ف اليوم دا مش عارفه انا بكتب دا لي بس حبيت افضفض ...عرض المزيد

2 الدعم

19 نصيحة

Mango_22117 🇪🇬

دماغي عطلانه من التعامل وجها لوجه

التعامل وجها لوجهه غيرر بجد و حاسه منكتر مناا اتعودت علي شات مع كل معارفي بقت دماغي عطلانه بفكر ابطأ و باخد ردود افعال ابطأ و بفكر بمثاليه و بأوفر ثينك اجتماعياتي ادمرت و بجد بحاول انزل و اتعامل بس مش عارفه ارجع كويسه ...عرض المزيد

3 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع