حاجة مش مسامح نفسك عليها ؟

Question

احكيلنا عن حاجة عملتها و حاسس بعدها بالذنب و حاسس إنك مش عارف تسامح نفسك عليها .. يمكن لما تعترف بيها ترتاح شوية

Mango_60921 🇪🇬 · Answer

معجب وحدة من خمس سنين كنا فى اولى ثانوي دلوقت احنا فى نفس الكلية فاضل سنتين و نتخرج طبعا مراقب في صمت و نظرات على خفيف و متابع الاكونت بتاعها لحد منزلت لينك صراحة روحت باعت عليه رسالة ده نصها

**** ازيك أنا شايفك حاجة كبيرة اوي كبيرة بأدبك و احترامك و حدودك
****  انتى الانسانة إلى بدعى ربنا من فترة طويلة اكمل معاها باقى حياتي في الحلال بدعي و بقول يا رب لو احنا الاتنين خير لبعض يسرلنا الحال
بصراحة مش عايز اكلمك بطريقة مترضيش ربنا عايز نبدأ بداية حلال ربنا يبارك فيها بس برضو عايز اصارحك و نتكلم و نعرف بعض بس لأ  عمال في الصراع ده من فترة اقترحى بقا عليا الحل الامثل واوعدك يتم
المشكلة مش عارف هل عرفتيني ولا لأ

سألت مين حضرتك قولت لها مش مهم صممت تعرف مين عرفتها أنا مين و كانت المفاجأة راحت عملتلى بلوك على فيس بوك و مكملتش كلام و سكتت خالص 
بس كل شوية تدخل على موقع صراحة مع أن عدد الزوار مش بيزيد بتدخل كل نص ساعة تقريبا و اول استوري فيس انزلها جابت others و ده نادر يحصل

عايز اعرف منكم موقفها ده يسمي ايه و ليه مرفضتش بشكل طبيعي و ليه دخولها المستمر على الموقع و الستوري عندي

و عايز اعرف فى حاجة غلط فى إلى أنا بعته ولا لأ ؟

Mango_59012 🇪🇬 · Answer

عملت غلطة و أنا صغير مش مسامح نفسي عليها ..

كنت لسه صغير في 1 إعدادي تقريبا فـ لسه مش مدرك أوي بس كنت وقتها بتحرش ب بنت خالي و كانت أصغر مني ب سنتين تلاتة .. كنا بنلعب سوا ع طول و إحنا صغيرين فـ كنت بتحرش بيها و هي مش فاهمة كده .. المهم كبرنا و أنا فهمت أنا كنت بعمل ايه و أنا صغير و مش مسامح نفسي و بقعد أدعي يارب تكون ناسية ده و هي بتعاملني عادي و بشكل كويس بس هي حاسس شخصيتها لما كبرت بقت شخصية مهزوزة و معندهاش ثقة في نفسها خايف يكون ده بسبب اللي كنت بعمله و يكون ده اللي مأثر عليها .. مش قادر أسامح نفسي و نفسي ده ميكونش ذنبي و هي تكون ناسية

Avocado_62744 🇪🇬 · Answer

مش مسامحه نفسي ع كل حد حاول يقرب مني وانا بعصبيتي وغبائي كرهته فيا مبقاش ليا صحاب حتي الشخص الوحيد اللى فعلا حبني بعد عني بسبب طريقتي مش عارفه اغير من نفسي ولا عارفه أصلح علاقاتي مع الناس مش عارفه اعمل اي بجد

Watermelon_56286 🇪🇬 · Answer

اني ضيعت ٣ سنين من حياتي عبث عشان مدخلتش الكلية اللي كان نفسي فيها انا حاليا رابعة كلية تجارة مبروحش الكلية غير ع الامتحانات ال٣ سنين اللي فاتوا سنتين منهم قعدتهم في البيت عندي اكتئاب واخر سنة طلعت اشتغلت في صيدلية وضيعت ٣ سنين كان ممكن اكون شخص تاني فيهم دلوقتي بحاول اتعلم 3d واكتشفت اني بحب المجال ده وياريتني اكتشفت ده من بدري كان زماني دخلت فنون تطبيقية وكان زماني بعمل حاجة انا بحبها 
نصيحة لو حد في ثانوي او اصغر بالله عليك شوف هواية اتعلمها ومتركزش حياتك كلها على كلية معينة والله والله هتضيع نفسك وهتضيع سنين من عمرك انت أولى بيها اعرف انت بتحب ايه ومستعد تعمل ايه قبل الكلية ولو جالك كلية عاوزها خير لو محصلش يبقى معاك خطة لمستقبلك 
ادعولي ربنا يوفقني والحق اللي فاتني

Tomato_62425 🇪🇬 · Answer

كنت في إعدادي وكنت مدمن اباحيه (مكنش عندي وعي إني مدمن بس عارف إني بعمل حاجه غلط) ومن كثر الحاجات الكنت بشوفها قعدت اقلدها لدرجهة إني اتحرشت ببنت أصغر مني في المدرسة عدي على الموضوع ممكن سبع سنين بس عمري منسيت وكل ملمحها بتكسف من نفسي ومش ببصلها ولا اكلمها خايف أكون شخص عملها عقده أو صدمه نفسيه أنا عمري مسامحت نفسي علي العملته ونفسي أعرف طريقه اعتذرلها بيها أو اعملها أي حاجة علشان تسامحني وميكونش عندها مشكله نفسيه

Coffee_62965 🇪🇬 · Answer

لا عن نفسي مسامح نفسي علي كل حاجه عملتها سواء في نفسي او في حد  كونت فاهمني غلط وكره نفسي ومش مطمن نفسي واجع دماغي حاجات مش تخصني وكذا حاجه حصلت خليتي فكرت فيها ورجعت نفسي إن التغير كان لازم يحصل لي الافضل
سواء بطريقه غلط أو صح المهم نفسي ثم نفسي

Potato_63336 🇪🇬 · Answer

وأن في تانية ثانوي كان أخويا بيحب واحدة وبيكلمها وهيا بتكلمني بردو 
انا مكنتش حابة الموضوع دا ومكنتش بتعامل معاها غير علي قد الكلام 
لحد ما مرة كانت بتكلمه وتكلمني في نفس الوقت (واتساب) ف لقيتها بتقولي كلام مش كويس (بتقولي ايه اللي بيحصل ايام الزواج) انا اول مرة سمعت الكلام دا فحياتي كان منها ومكنتش مصدقة أن دا بيحصل 
انا سكتت خالص ومرديتش راحت هيا رانة عليا بتقولي انتي مردتيش ليه اتصدمتي صح؟
انا ملحقتش أرد لقيت أخويا فاتح الباب ويقولي بتكلمي أميرة قولتله ايوا قالي هيا قالتلك ايه يخلي وشك احمر كدا قولتله مفيش وقفلت معاها
تاني يوم قعدت افكر مع نفسي قد ايه هيا قليلة الادب أنها تحكيلي كلام زي دا (حرفيا هيا قالت كل حاجة بالتفصيل) 
روحت قولت لماما وبابا دا كلمتني وشتمتني ودي قليلة الادب وابعدو ابنكم عنها 
انا حاسه اني مش مسامحه نفسي اني قولتلهم شتمتني وافتريت عليها بس مكنتش عمري هعرف اقولهم دي شرحتلي يوم الفرح عامل ازاي

Blueberry_63525 🇪🇬 · Answer

مش مسامح نفسي على السبع سنين اللي ضاعوا في حب واحده ما حبتنيش مش مسامح نفسي على المخدرات الي شربتهاعشان انسى مش مسامح نفسي على الناس اللي انا وثقت فيهم وخذلوني مش مسامح نفسي علي صلاتي بس د

Broccoli_63756 🇪🇬 · Answer

الماضي بتاعي مش اللطف حاجه ربنا يغفرلي ويسامحني يارب ظلمت نفسي كتير اوي اوووووووي من اول ما وعيت علي الدنيا بقيت اقول حاضر ونعم لدرجه ان مباقش ليا اي قرار في حياتي وده الي خلي حياتي جحيم واغلط كتير الواحد اتعلم بس متاخر اوووووووووي ويارب ربنا يغفرلي يارب

Avocado_64142 🇪🇬 · Answer

مش مسامح نفسي اني عايش لحد دلوقتي مش مسامح نفسي اني عرفت ناس حاسس اني لازم اسامح مش عارف اعبر للاسف عن مشاكلي انا الخاصه لدرجه محدش هيفهمني أو حد يجي يقولي انت دمج يبني بتلغبط ف الكلام مبعرفش ارد ممكن عندهم حق بس انا اسف مش عارف ليه بس عايز اختفي تقريبا لو اختفيت هقدر اسامح نفسي وقتها مش مصدق اني اصلا ف ابليكيشن زي دا بتكلم لاني لحد دلوقتي معنديش الشجاعه أظهر بشخصيتي الاساسيه واعاتب حد ممكن دي اكتر حاجه مش مسامح نفسي فيها

Donut_50330 🇮🇹 · Answer

أني هعيد السنة، آه أنا فعلاً كنت مقصّرة في الأول، بس في الآخر عملت كل اللي أقدر عليه، وربنا شاهد على ده. فعلاً تعبت جداً في آخر فترة، وكنت بجيب درجات كويسة جداً، ومكنتش متخيلة أبداً إن ممكن أعيد. المشكلة إني مش قادرة أتخطى، ولا حتى أسامح نفسي إني قصّرت في حقي. عارفة إنّي اتكلمت في الموضوع ده كتير، بس هو فعلاً الحاجة الوحيدة اللي مش عارفة أعديها، ولا أتصالح فيها مع نفسي.

Coffee_66516 🇪🇬 · Answer

مش مسامح نفسي ودايما حاسس بذنب عشان سبت اكتر حد كان شاريني ف عز محنتي اكتر حد كان معايا ف الوحش قبل الحلو اكتر حد شجعني اقف ع رجلي تأني حاسس اني جيت عليها اوووي وكانت الحاجة الوحيدة ال كويسة ف حياتي اتمني ربنا يسامحني ع كل حاجة

Cookies_58332 🇪🇬 · Answer

اني لحد دلوقتي مش عارفه ابطل ذنوب وحاجات وحشه بعملها وحتى احساس الذنب الي بيرجعني وصلاتي برضه برامج دينيه كل دا سبتو مش لسبب معين فجاه وبدون مقدمات بطلت كل حاجه مبقتش حتى عندي طاقه اتحرك من على السرير عارفه دا كسل بس دا صعب اوي لدرجه اني بجد مش عارفه اعمل حاجه انا حاسه لحد دلوقتي اني في حالة صدمه لأني كنت متعلقه اوي بالصلاة مكنتش اقدر اسيب فرض دلوقتي اليوم بيعدي هوا وانا على الموبايل ولا كأني حاسه بالوقت بدأت أفكر ان دا ممكن يكون عقاب عشان انا مش لاقيه سبب ولا مبرر ازاي ابطل كل حاجه فجاه كدا ومن غير اسباب بس لأني كسلانه وكمان انا دلوقتي بحاول ارجع تاني حتى لو بالعافيه بس برضو بحاول اصلي حتى لو فرض او فرضين في اليوم و أستغفر الله يعني بحس ان قلبي بينبض بسرعه ورجلي بتوجعني بيقولو ان دا اسمو الخشوع بس انا اصلا بكون لسه بقول الله اكبر يعني ملحقتش مش عارفه دا اي وليه بيحصل وخايفه اموت انا وكدا بس الاصعب من الموت ان انا مبقاش حاسه بالذنب ان دا يكون روتين وانو عادي كمان دي حاجه مرعبه بجد. ادعولي

Olive_66804 🇪🇬 · Answer

ماينفعش ما تسامحش نفسك على حاجه انت اول مره تعيش الدنيا دي ماجتهاش قبل كدا كل مرحله هيبقى ليها ذنوبها غلطاتها وسذاجتها بالعكس ساعات بشفق ع النسخه المذنبه لما افتكر غلطاتها اللى عملتها وهى مش مدركه عواقب افعالها وظلمها لنفسها

Nutella_66996 🇪🇬 · Answer

اني ديما ساذجة و بثق في الناس بسرعة و علي الطيبة  الزيادة اللي ديما موديني في داهية مبعرفش اخد قرار لوحدي و ده بسبب حاجات قديمة حصلت في حياتي و كمان اني معرفتش اعمل صحاب بسبب اني كنت بثق في الناس بسرعة و مش بخون دي حاجه جت علي دماغي و خلت مفيش صحاب حقيقيين حوليا

Banana_58553 🇪🇬 · Answer

جات عليا فتره كان عندي رهاب اجتماعي لدرجة كنت بهرب من الصلاة و مش بروح اصلي الجمعه في المسجد..و كنت مقصر اوي في الصلاة و العبادات وف اهتمامي بصحتي.. من سنتين تقريبا انتظمت علي الصلاة في المسجد وبقرأ قران كل يوم في اي وقت بالتجويد و محافظ علي الاذكار سواء بعد الصلاة و قبل النوم و اول ما اصحي و بقيت بشمئز من نفسي لما بعمل ذنب كررته قبل كده و قولت اني توبت منه ..احيانا بتكون ذلة شيطان و احيانا بتيجي ف بالي ايات قران زي "يستخفون من الناس ولا يستخفون من الله"..و "و اما من خاف مقام ربه و نهي النفس عن الهوي فإن الجنه هي المأوي" ورغم اني بعدت عن اغلب الذنوب اللي كنت بعملها حاسس اني مقصر اكتر دلوقتي رغم الانتظام و الالتزام اللي بحاوله في العبادات بقيت مدرك ان اصغر الذنوب هي اللي اخطر من الذنوب الكبيره..يعني السرقه ذنب كبير..في المقابل الشتايم اللي كانت بتحصل في قعده مع الصحاب كانت بتعادل ذنب السرقه و يمكن اكتر و وقتها الشيطان بيكون حاضر القعده دي..و الحمد لله انه هداني و وعاني لنفسي.. و عسي ان يهديكم مثلي و افضل مني و يجمعنا مع الانبياء و الصديقين فس جنات النعيم لا فاقدين ولا مفقودين

Mango_67186 🇪🇬 · Answer

فكرة كم الالم النفسي انك اتاذيت وانت صغير وان البنت ف مجتمعنا بتتقيم وبتتقاس بفكرة ال verganity مهلكه ومدمره فكرة انك كنت طفل اتاذيت من حد وتفضلي طول عمرك محبوسه وماحدش. متقبلك لفكرة انك مش فيرجن رغم ان الواحد ربنا يعلم بيحاول دايما مايغلطش يتقرب لربنا   انا بجد مش عارفه اعيش أو ارتبط بحد بسبب الموضوع دا ايه. الحل😣

Strawberry_66446 🇪🇬 · Answer

حاجات :
١-شوفت ابويا وامي بيعملوا علاقة مع بعض
٢-مافهمتش دا ايه كنت طفلة بقيت بعمل كدا مع صحابي واختي وابن اختي اكيد بوظت لهم حياتهم ونفسيتهم 
٣-سمعت امي بتكلم راجل غير ابويا وعرفت واتأكدت وشوفت رسايل بينهم وواجهتها ولغاية دلوقت بتكلمه ويمكن يكون بابا عارف وساكت عشان المركب تمشي انا عندي ٣٢ سنة
٤-تجاوزوات انا وخطيبي السابق كتير اوي
٥-العادة السرية كتير جدا
٦-الفرجة على افلام وحشة كتير جدا
٧-عملت علاقة مع ولاد كتير شات
٨-عملت علاقة مع كذا حد فون
وفي حاجاات اكتر اكيد..المهم اني كارهة نفسي ومش قادرة اسامحني..هو انا بجد بشعة واستاهل ماسامحش نفسي ؟..ممكن تساعدوني اسامح نفسي واعرف اعيش يمكن اقدر اتوب بجد ومارجعش للأرف اللي بعمله

Apple_67714 🇪🇬 · Answer

مش مسامح نفسي علي سنين انا اللي ضيعتها من عمري بس بقيت متصالح مع نفسي الي حد ما وربنا معايا وبيقويني... المحنه تعلمك أن مش المهم انا كنت ايه او كنت بعمل ايه او ضيعت ايه المهم انا حالك ووضعك ايه دلوقتي

Donut_62808 🇪🇬 · Answer

مش مسامحه نفسي علي كميه الشباب و كميه الحاجات الوحشه الي عملتها فحياتي و اني دلوقتي مرتبطه بواحد يعملي اي حاجه يتمناها لدرجه لو قولتلو هاتلي حته من القمر يجبلي حرفيا و بيحبني حب فظيع و مستعد يجي يتقدملي دلوقتي بس انا مش موافقه الفتره دي مش هتسمح بس انا فالاخر مقدرتوش و روحت كلمت غيرو و عملت حاجات وحشه اوي معاه مستحيل أسامح نفسي انا بكرهني اوي حرفيا و بفكر ابعد عن الكل بجد انا مش احسن حاجه لحد بس كما تدين تدان عارفه. انو ربنا هيردهالي عشان عملت كده ف اكتر حد حبني 🙂🙂💔

Mango_67724 🇪🇬 · Answer

مش مسامحة نفسي على شخص دخل حياتى وعلقنى بيه بكل الطرق واستنزف طاقتى كلها 
ومسابش طريق يوصل بيها ليا غير وعملها ومن غبائى صدقته ووثقت فيه كتير 
واقسي درس جالى منه

وساب فجأة بعد حب شديد 
وادينا بقالنا كام شهر ولا اكنه يعرفنى بالرغم من كل القسم والحلفان انه مشافش الفرحة والراحة غير معايا 
بس كله كذب

Almond_67947 🇪🇬 · Answer

كنت بحب بنت و مشيت معاها طرق مش شبهي عشان منخسرش بعض كملت معاها بعد ما الحدت و علمتني شرب السجاير الي بالمناسبه حتي بعد ما سيبنا بعض مش قادر ابطلها دمرت علاقتي ب اهلي و عدمت ثقتي بنفسي وبجد انا مش مسامح البنت دي نهائي و بتمني تدوق ولو مره حبه من الوجع الي حسيت بيه

Coffee_65980 🇪🇬 · Answer

إنى قصرت مع زوجتى حب عمرى وأم بنتى فى أكتر من شىء منهم أشياء كان بإيدى معملهاش وأشياء اخرى غضب عنى مش بإيدى بس بحكم مجتمعنا أنا المسئول وللأسف حاليا هى بقت شخص تانى خالص غير اللى أنا عرفته من كل ناحية وفى كل حاجة وحالياً طالبة الطلاق وانا رافض مجرد الفكرة مش عايز اتخيلها

Potato_68283 🇪🇬 · Answer

خنت البنت اللي بحبها من الطفولن ومازلت مرتبط بيها ف لحظه ضعف مني وخناقات معاها ومشاكل (ده مش مبرر ده جبن)و رحت اترميت ف حضن واحده تانيه ومارست معاها..ومش ناوي اواجهها ابدا لاني خايف اخسرها والكلام ده من سنتين

Coconut_61647 🇪🇬 · Answer

ادمنت الاباحية وبحاول اتخطي وابطل وابعد عنها 
بس وصلت لها مش بمذاجي حد قريب الله لا يسامحه هو إلا فرجني والله حياتي مدمرة وأعراض انسحابية صعبة  لو حد مر بالاعراض ديه يقولي والله اموت افضل لي من اعيش كده اعراض صعبة ومش عارف سببه الاباحية وله في مرض نفسي عندي كمان