تعبان ومرهق قدام نفسي وبين الناس

Blueberry_77693 🇪🇬

منذ 7 ساعات

شعور محبط

انا قدام الناس شخص كويس ومتدين وواعي وكلامي عاقل ومقنع للكبير قبل الصغير، بس بيني وبين نفسي انا شخص مرهق ومش قادر يسمع حد وأهله حاطين عليه مسؤوليات كبيره على قدرة تحمله و شهوته هتاكل دماغه وبيحاول يشغل نفسه عن ارهاقه في حياته، بنام كتير جدا فجأه ودي حاجه انا عايزها يعني أنا برضو بهرب بالنوم بس بصحى تعبان ومصدع اكتر، مش بكتب هنا عشان حلول أو حاجه محتاج اشارك بس واعرف في حد زيي ولا لا وبيتعامل ازاي مع موضوع الارهاق وافكار الشهوه (مش عاوز اي نصائح دينيه أو مكرره لاني عارف الحل فين بس مش قادر اعمله عاوز اتكلم مع حد بس)

تعبت من نفسي ومش طايقها.. يخربيت الذكريات والهم

صباح الخير الإنسان تعب من نفسه انا مبقتش طايقها الانسان مبقاش عنده شغف لحاجه وبحاول ارجع كل حاجه مش قادر يخربيت كدا والله يا جدعان بجد يخربيت كدا يخربيت الوهم اللي الانسان بيعيش فيه يخربيت الافكار والذكريات للاسف انا عملت احلي ذكرياتي مع أسوأ ناس ممكنه و ما بين تهميش كل الذكريات الحلوة عشان الناس دي وحشه وما بين اني معنديش غير الذكريات دي مكانش عندي حاجات كتير مبهرة ف حياتي او مواقف أفضل فاكرها يمكن الموقف الوحيد هو يوم ما جبت هندسة ف نتيجة الثانوية العامة من 9 سنين بعدها يمكن مفيش حاجه عدلة او حاجه نفتكرها ومبقاش فيه حاجه الواحد يبكي عليها. بقيت عامل زي الزومبي من فترة كنت اتفرجت ع فيلم اسمه Manchester by the sea كان بيتكلم عن شخص عايش حياته يا دوب بينجوا واستغربت ان ازاي انسان ممكن يوصل لكدا من الارهاق النفسي حاليا فهمت الفكرة والموضوع وانا كل يوم اصحي من النوم كان قلبي عليه هموم الدنيا كلها غريب اوي قد اي اذي ناس بنحبهم ممكن يسيب فينا الاثر ده وغريب اوي اوي اوي ان الانسان ممكن ساعات يقول انه يستاهل الحزن ده النهاردة خدت اجازة عشان مش قادر حرفيا اطلع من البيت من الارهاق مش قادر حتي اخرج من اوضتي برغم ان الكون كبير اوي اوي اوي لكن كان مفيش برا جدود الاوضه دي غير خوف وتعب وجرح وارهاق بس الأمل في الله قادر يبدل حالي وحال كل مضايق ربنا يكشف عني وعن عباده الهم والحزن ...عرض المزيد

0 الدعم

2 نصيحة