مش بعرف أذاكر والمواد بتتراكم عليا

Pineapple_77878 🇪🇬

منذ 5 ساعات

شعور مرهق

بصراحة يا جماعة أنا عندي مشكلة كبيرة جدا في موضوع المذاكرة مش بعرف أذاكر حرفيا مش بعرف أذاكر حاولت مرات عديدة بس مش بعرف الموضوع ده أثر عليا جدا خلاني أخلص ثانوية عامة.على سنتين بدل سنة (أقصد ٣ ثانوي يعني ) ومستفدش حاجة بالتقسيم دخلت في النهاية كلية نوعا ما وحشة أو وحشة بصراحة ملهاش شغل إلا لو الواحد اشتغل على نفسه بكورسات وحجات شبه كده بس أنا مش بعرف أذاكر دلوقتي إحنا داخلين على الاسبوع الرابع في الدراسة في الكلية وبحضر محاضراتي كلها الحمد لله وبفهم من الدكاترة وكله بس مش قادر أقعد على الكتاب وأذاكر مش قادر أعمل ده خالص واليوم بيضيع والايام بتعدي والمواد بتتراكم وفوق ده أنا المفروض أبدأ بكروسات للمعراو بتاعتي زي اللغة وحجات شبه كده وفي نفس الوقت لازم أتفوق في دراستي عشان انا بطمح لتخصص معين في الكلية بس مش عارف أعمل ده

ليه بذاكر كتير وبجيب درجات وحشة؟ مش عارفة أحل المشكلة!

هو انا ليه بذاكر وبذاكر بجد وبحل وفي الأخر بجيب درجات زي الزفت ف الأمتحانات انا بجد باخد وقت كتير ومجهود عشان اعرف افهم حاجه بس مشكلتي في الحفظ انا مش حفيظه بفهم وحتي بعد ما بفهم انا ممكن انسي الي فهمتو وبعرف احل ولله بس معرفش ليه بجيب درجات وحشه الموضوع من وانا ف ابتدائي ديما درجاتي كدا انا مش فاشله انا بذاكر بس معرفش ليه النتيجه ديما بتبقي عكس كل المذاكره والتعب والمجهود ال ببذلو دا دخلت ف دوماً اكتئاب وكل يوم عياط لدرجه اني بقيت بسيب المذاكره واقول خلاص انا كدا كدا بذاكر ومش بنجح ملهاش لزمه بقي وامسك الموبايل انا دلوقتي ٢ ثانوي علمي علوم ب إذن لله والسنه الجايه هبقي ٣ محتاجه اعالج مشكلتي عشان السنه الجايه دي مفيهاش هزار ومش هيبقي عندي وقت اني اكتئب في عشان درجه امتحان في ماده معرفش دا مرض ولا دا ايه الي انا فيا بجد مش لاقيه حل ولا عارفه اعمل ايه غير اني بعيط وانا شايفه كل صحابي درجاتهم ماشاء لله مش هقول اوائل بس علي الأقل درجاتهم اعلي بكتير من القرف ال انا بجيبو دا حتي ف امتحانات الحصص ديمة المستر وهو بيوزع هما وراهم بيبقي في الأول وانا ديما ورقتي بتبقي الأخير عشان اقل درجه بقعد اهزر وبتاع بس بيئثر فيا جامد وفي نفسيتي محتاجه حل او علاج ...عرض المزيد

10 الدعم

2 نصيحة

عندي مشكلة في المذاكرة ومش عارفة أعمل إيه 😔

عندي مشكله بتواجهمي حالياً انا كنت في تالته اعدادي شاطره جداً لما كان اي استاذ بيعمل امتحان لازم اقفل فيه كنت بأي شكل عايزه اجيب مجموع يدخلني ثانوي عام والحمد لله جبت مجموع عالي جداً ودخلت ثانوي بس مع اللخبطه الي حصلت فيه بطلت اذاكر واتراكم عليا دروس كثييره اوي ومش عارفه المها +انا دخلت مدرسه انا مكنتش عيزاها بس للأسف لما جيت احول التحويل اترفض وانا من كتر كرهي في المدرسه بطلت اذاكر عشان اعند في مدرسين المدرسه ونقصت كتير في الدرجات ومش عارفه اذاكر زي الاول بابا لاحظ كده واخدلي اجازه مرضيه من المدرسه عشان اذاكر شويه وبرضو مش بذاكر ومش عارفه اعمل ايه الي عندو حل فضلاً يقولي😔 ...عرض المزيد

7 الدعم

12 نصيحة

عندي مشكلة في الفيزيا وصداع وقت المذاكرة!

السلام عليكم انا في تالته ثانوي و خلاص الامتحانات قربت بس انا عندي مشكله في الفيزيا مش عارفه اذاكرها خالص كل ما افتح الكتاب عشان اذاكرها اقفله و اببعد الكتاب عني لما زي ما يكون فيه حاجه بتخليني ابعده و محلتش فيها ولا شامل و لا حليت الاسترشادي انا كل المواد معايا تمام ماعدا هيا اكتر ماده خايفه منها و المشكله كمان ان انا بقالي فتره كل اما اروح درس و اركز بعد اول عشر دقايق يجيلي صداع شديد و مش ببقي عارفه اركز تاني و بيفضل معايا طول اليوم و حرفيا زهقت و مش لقيا حل حد يقولي علي حل ؟ ...عرض المزيد

7 الدعم

8 نصيحة