وساوسي بين التعلم الدنيوي والديني.. إزاي أتخلص منها؟

Question

انا شخص اقدر اكون ملتزم ومنضبط جدا في الدنيا والاخرة وكله ب ارادة الله ولكن لما اقرر اني اتعلم حاجة سواء في الدنيا او في الاخرة ( ملحوظة انا اقدر اعمل روتين يومي فوق ال ٨ ساعات عشان اتعلم اي حاجة ومش بمل ) ولكن لما بعمل كدا بيجيلي وساوس اني لو بتعلم شيء دنيوي فهو حرام ( انا بحثت في مواقع موثوقة وسئلت الشيخ مصطفى العدوي وقال انها مش حرام وعادي ) بس انا بقعد افترض طب افرض طلعت حرام ؟ كل مجهودي في الدنيا راح كدا ؟ ولو بعدت عن اي شيء دنيوي وقررت اتعلم شيء ديني الموضوع بيكون صعب عشان انك تركز على الدين بس وتهمل الجانب الدنيوي دا عايز زهد كبير وانا مقدرش على كدا انا في الاول والاخر بشر يعني الموضوع مشتت جدا وعارف انكم هتحسوا انكم دخلتم في الف حاجة في بعض بس مش عارف اعمل ايه

Hazelnut_52786 🇪🇬 · Accepted Answer

بص يا صاحبي، انت ربنا مديك نعمة الإرادة والمجهود، ودي حاجه كبيرة جدًا.
الوساوس دي من الشيطان، هدفها تعطلك وتشوشك، فخد بالأسباب واشتغل واعمل اللي انت واثق إنه حلال وانت متوكل على ربنا.
المفتاح إنك توازن بين الدنيا والدين، خليك ماشي في طريقك وانت مخلص النية، وربنا مش هيضيع تعبك

Ice Cream_63106 🇪🇬 · Answer

لا ده من الشيطان
استمر واتعلم عشان تكون مسلم قوي
إنما لو استمريت كده حتى دينك مش هتركز فيه
لازم تتعلم و تشتغل لاننا في دنيا
وطبعا تتقي ربنا في الشغل ده
َدايما خلي نيتك وانت بتشتغل ولا بنتعلم حتى لله

Apple_63739 🇪🇬 · Answer

هو مش من الشيطان، هو من النفس دا مجرد تراكم ل افكار من سنين كتير وطلعت بالشكل دا، تقدر تذكر الله والشيطان بيتحرق ولكن دا من النفس وليس الشيطان

Apple_63739 🇪🇬 · Answer

هو مش من الشيطان والله عشان ممكن اذكر الله عادي جدا وكله بيتحرق ولكن دا ليه اسباب نفسية، انا مش بقدر اعمل اي حاجة حتى لو بحبها بسبب الوسواس دا حتى لو عملت مش هبقى مركز مش هبقى مستريح وانا بعملها لما اجي انام مش هبقى مطمن

Ice Cream_63106 🇪🇬 · Answer

طيب واضح كده انك عارف المشكلة
روح شوف دكتور نفسي غالبا ده وسواس قهري
لأنك مدرك اللي بتمر بيه

Apple_63739 🇪🇬 · Answer

المشكلة حتى لو روحت لدكتور مهما اقنعني مش هقتنع الموضوع مش حابب اذكره بس في شيوخ بتقول رأي وشيوخ بتقول رأي وانا بخاف مثلا اعمل الموضوع دا واكتشف بعدين اني غلط واتحاسب على كل دا وخصوصا ان اللي في دماغي افكار فيها كفر يعني اي حاجة بعملها معظمها بيجيلي افكار انها كفر

Ice Cream_63106 🇪🇬 · Answer

انت ليه بتصعب الدنيا على نفسك
الدين يسر
حاول تحل مشكلتك بانك تذكر ربنا كتير  وقول
يا حي يا قيوم برحمتك أستغيثُ أصلح لي شأني كله ولا تكلني إلى نفسي طرفة عين

Cherry_63750 🇪🇬 · Answer

ربنا اتنا في الدنيا حسنه وفي الاخره حسنه وقنا عذاب النار 
السعي في الدنيا اننا نبقي احسن او نفيد الي حوالينا دي مش حاجه وحشه دي سنه ربنا في الارض ربنا خلقنا لاعمار الارض والعباده العباده اهم طبعا بس ماتنفعش لوحدها ربنا يقويك الوسواس ده صعب جدا انا مجرباه استعين بالله وادعي كتير وقول لربنا يبعد عنك الوسواس وهو هيبعد ان شاء الله