وجع الحب

Grape_22054 🇪🇬

منذ يوم واحد

شعور مكسور القلب

ليه اللي بنحبه بزياده ونديله حب كبير اوي بيبقي هو الشخص اللي بيكسرنا كسر عمرنا ما نقدر ننساه كسر يدمرنا من جوا يعمل من قلبي شويه تراب يدمره نهائي ليه دايما اكتر شخص بنحبه هو اكتر شخص بيسيب علامه جوانا بس علامه وجع وكسر مش بيتلم 💔

Coffee_73439 🇪🇬 اجابة سؤالك لأن الغريب والبعيد مش هيفرق معاك مهما عمل كل الناس بتدوس علي كل الناس بس الفرق ان الغريب مش بيأثر فيك لأنه غريب والقريب بيسيب أثر جواك الحل استبدل الاشخاص المؤذية بأشخاص سويين نفسيا ويقدرو يفهموك ويكونوا مريحين نفسياً ولو ملقتش فلوحدك احسن فالحالة دي كونك لوحدك احسن بكتير لما تكون متحاوط بناس مؤذية

عرض الكل 2 نصيحة

Mango_73208 🇪🇬

منذ أسبوع واحد

شعور مكسور القلب

الحب ده اكتر حاجه وحشه ف الدنيا لم تحب حد 9سنين و تديلو الامان و تعمل علشانو كتير و تضحي بيتك و اهلك و اصحابك و نفسك علشان بس بتحب و تقف جنبو ف اسواء حلاتو و اول ما يشم نفسو يبقا عليك و يضحي بيك و يبيعك و متتشكرش و تطلع ويطلعك وحش قدام الكل حته اهلك يبقا الحب ده اكبر لعنه ف الدنيا و اكبر مشكله للبني

Ice Cream_69878 🇪🇬

منذ 3 أسابيع

شعور محبط

عارفين لما تلاقوا ان انتو مش بتتحبو كل مابتحب حدا بيخطب او بيرتبط الخ ولو حد حبكوا يكون حب مصلحة حابب الي انت بتقدموا حابب وجودك جنبو وبتساندوا حابب دفاعك عنو بس مش حابك عشانك انت كلمة بحبك لازم تيجي بعدها على طول حبيتك عشان ساعتدني وحبيتك عشان عملت كذا وكذا احساس صعب اوي💔

Potato_67436 🇪🇬 طب ما تحبني يمكن ارتبط انا كمان

عرض الكل 11 نصيحة

Mango_67819 🇪🇬

منذ 3 أسابيع

شعور وحيد

تقريبا مجتمعنا ده عنده نفس المشكله اللي عندي أننا لما بنحب شخص بنحبه بكل حاجه فينا بتحبه بصدق رهيب وثقه عمياء وبعد كل الحب ده بنتوجع ونتكسر وفي الاخر بنبقا احنا اللي غلطنين أننا بندي الموضوع اكبر من حجمه او بمعني اصح نتوجع ونتكسر ومنتكلمش عشان أو اتكلمنا هيتقال مش انت اللي اخترت أو انتي اللي اخترتي

Chocolate_65708 🇪🇬

منذ 4 أسابيع

شعور متعب

انا اتخذلت م الحب والصحاب ممكن تشوفو ان دي اسبتب تافهه وعادي كلو بيحصل معاه كدا بس بجد الل مريت بيه صعب اوي انا اتاذيت م الل بحبو هو وصحابي مع بعض اذوني مره وحده هما كلهم طب لي انا عملت اي وحش طيب عشان يحصلي كدا طب اي الوحش الل عملتو فحياتي عشان يتردلي كدا التفكير هيموتني يجدعان

Watermelon_64409 🇪🇬 فعلا بلاش عشم زيادة ف الناس البنت ال حبتهاااا صحابي ال عايزين يخدو شغلو او خدو خلاص و ال عايز يوصلل لل انااا وصلتوووو و ال مستكتري عليا العيشة ال انااا عايشها سبحان الله مكس عجيب 😂 بس الحمد لله ال انااا اتعلمتو اني مديش لخد الامان وان معرفش حد خالي سوء حلو او وحش وانااا مخدش اي موضوع جد مهما كان علشان الحمد لله جالي السكر مع اني لسة 26 سنة ف عادي مشي الدنياااا 😂

عرض الكل 6 نصيحة

Apple_65856 🇪🇬

منذ شهر واحد

شعور محبط

وبعد كل ده، بعد اللي بينا، بعد الصبر، بعد الوجع، بعد ما كنت بدعي ربنا يجمعنا بالحلال… راح وخطب. آه والله… دخلت حياتي زي الحلم، وخرجت منها كأنك ما كنتش، بس الصدمة مش في إنك مشيت… الصدمة إنك كنت بتجهز لقلب غيري، وأنا كنت مستنياك على باب قلبي! كنت بقول للناس "بيحبني… بس مستني الظروف"، وماكنتش أعرف إن

Potato_61067 🇪🇬 هاذا الكلام ما بيطلع الا من شخص حب من كل قلبه..فعلا مارح يلاقي شخص يحبه زيك ويتحمله زيك ... الحمد الله انه ربنا شاله من حياتك الله يعلم كان رح يعمل فيك ايه لو صار نصيب ...فترة ورح تعدي صبري حالك بعرف حرقة قلبك حاليا مو سهلة..بس مافي شي يستاهل زعلك هوا لي خسران مش انت 🫶🌸

عرض الكل 13 نصيحة

Watermelon_59125 🇪🇬

منذ شهر واحد

شعور مكتئب

Mushroom_57093 🇪🇬 ف حوضتي الحياه بعقلك و مشاعرك الضعيفه و جربتس كل حاجه

عرض الكل 6 نصيحة

عبّر عن شعورك بشكل مجهول

مساء الخير.. عايزه اشاركو قصه موجعه بنسبالي لسه بتعافي منها بقالو فوق السنتين انا بنت عندي ٢٥ حاليا متعلمه تعليم عالي  جميله بيقولي اني جميله ودمي خفيف اتحب يعني بسرعه الحمدلله عندي قبول بس مليش حظ في الحب خالص انا متدينه شويه ف كان شيطاني بيمسكني من حته الرجاله والعلاقات المحرمه (الارتباطات) وللاسف انا عاقله اوي برضو بس حبيبه من العيار التقيل لو راجل عاجبني حرفيا بحسسه انو سيد الرجاله المهمكوني حلوه دا كان حاططني ديما في زون غريب بحس اني كل مرتبط بحد او اتشدلو بحس اني بيشتهيني او بيفكر فيا جنسيا بشكل سريع او كانو بجذبوا جنسيا ف الاول كنت بستغرب وبتضايق جدا مع ان محدش كان بيقربلي او يتعدي حدوده معايا بس كنت بحسها لغايه متككرت كتير شكيت في نفسي لدرجه اني قولت علي نفسي كلام وحش وقولت لازم اركز انا اي لبيخليني اتحط ف الزون دي وملقتش اجابه لان انا لبسي واسع هزاري مش متطاول وب الايد وكدا بصلي واي حد يعرفني يلمس فيا حته تدين صغننه ف استغربت اكتر لغايه مفهمت اني انا اللي بقع في ناس شمال غلط هما اللي دماغهم بتوديهم ان كلو كدا او ينفع يبقي كدا المهم حبيت وانا صغيره ١٩ كدا زميل ليا في الثانوي واتصاحبنا السنه دي وخلصنا واتخطبنا انا كان عندي  رعب وخوف من موضوع الجواز دا اللي هو العلاقه يعني كنت ديما شايله هم اللحظه دي وحاسه ان الناس بتتجوز ع كدا وان زي مكنت برتبط ويتبصلي كدا ف برضو اللي هيتجوزني هيبقي سببه الاكيد كدا اني جميله وع كدا زي لقبله المهم قعدنا سنه دلع وخروج ومشاركه وحب وكل حاجه اتحبيت بجد حقيقي يعني الحب بتاع البوستات دا ف اخر الوقت القرب زاد شويه وبقي يحصل بينا حجات خارجيه لفتره وشويه كنا نبطل ونرجع وهكذا لاننا كنا ف الزقت دا خلاص فاضلنا حجات بسيطه وخلاص هنشتري العفش ونعمل الفرح وانتهي ومحصلش نصيب وسبنا بعض ودا امر طبيعي لعلاقة من اولها لاخرها كان فيها تجاوزات كتير وحرمنيات الاسوء اللي جاي مش دا انا بيني صعب جدا واهلي منفصلين من وانا ٤ سنين وحرفيا عمري كله عايشاه في جفاف ومشاكل وصرعات مع والدتي كان اخوات من كل الاتجاهات ابويا وامي وامي وزوجها اللي قبل والدي ووالدي وزوجاته اللي بعد امي وقصه حزينه يعني المهم كان في وسط العك دا اخت ليا من امي اكاد اجزم لو قولت انها كانت لي الدنيا بما فيها وللاسف توفت من بعد غركشه خطوبتي بما اقل من سنه كان سواد من الكل ضعت خرفت عقلي طار جالي انهيارات روحت بقي لدكاتره نفسي لايف كوتش كل لقلبك يحبو وبما اني حبيبه زي مقولتلكو اتجهت ل اسرع طريق ليا اللي كنت بهرب بيه طول الوقت من بيتي ووجعه الذي لا ينتهي ولازال بالمناسبه ارتبط بواحد بعد موت اختي بحاول ٧ شهور وجالي صدفه من ع الانترنت ودي كانت اول مره ارتبط بحد معرفهوش طبعا انا انبهرت بيه وهو كان بروفسير بنات ف عملي حكايه كدا وانو يعرفني وكل مينزل مصر يدور عليا وبتاع وانو شافني في حته معينه قريبه من ترب اختي وانا كنت بروح كتير فعلا وقتها المهم صدقتو وهو قالي انو عايز يتجوزني وقعد شهر حرفيا ميفوتش يوم الا لما يزن عليا اعرفه ببابا ب اخويا وهكذا صليت استخاره اختبرته بلا بلا قعدت شهر قولت لما اعرفه شويه و.. و.. وقولت خلاص done وقولتلوا لسه عايز قالي اه والبدله اهي ع السرير قولتله اشطا حددت معاد وكلمت لواء في مقام بابا وقولت لماما وقولت يتعرفوا عليه بشكل مبدئي وبعدين نقول لبابا ع لو قعد معاه هيتفق ع طول لانو هيفتكرنا موافقين خلاص عمل حورات وافلام كتير فشخ ومجاش وسبتو تماما ورجعلي بحجه تاني وسبتو ورجعنا و. و.. لسنتين بيغسل دماغي غسل ويقنعني ان انا اللي بمشي واسيبو ومش صابره عليه وضغطاه وحورات وللعلم هو كان غني وكان بيشغل ف السعودية معاه الجنسيه بس هو مصري الاصل المهم ف النهايه طلع مريض نفسي نرجسي وبيتعالج غالبا من الاكتئاب وتسليتو في الحياه البنات والنسوان ومش بتاع جواز وبيعمل علاقات من الستات كامله وكل تمسكه بيا طول السنتين اني عجباه وعايزني ولا حبني ولا نيله بس انا حبيتو بقي واوي كمان حتي بعد معرفت كل دا لسه بحبه بس اللي مكرهني فيه شويه انو كان بيحاول معايا كتير وانا برضو ضعفت معاه كام مره بس حجات عاديه خالص يعني ولو ان حتي مسكه الايد مينفعش اقول عليها عاديه بس ع خيالكو ميروحش بعيد انا اكتشفتو بعد سنتين قهر وعياط وغموض ونليار سؤال هو مين دا وليه كل دا وبيرجع ديما ليه ومش عايز يسبني ليه بالرغم من اني شتمته وبلكته مليون مره وارتبط زوعرفته ووريته وكل حاجة ع يحل عني محلش ولازال بيكلمني من كل دوله يسافرها يشتري خط ويبعتلي مبييأسش بجد المهم قعدت سنتين بتعافي منه مع لايف كوتش ب ارتبطات تانيه كتتتتير  الظابط والمحامي والكوتش جيم والميديا باير والمهندس ورجاله تحل من حبل المشنقه يعني لدرجه ان فيهم ناس انا اللي كنت بقرب منهم جنسيا عشان اتعلق بيهم وانسااه تماما اوبس احب غيره  لااسف كنت بشوفه هو في وشهم بسببه عرفت يجي ١٠ من بعده ولكن ولا واحد نجح يخليني احبه او اتعلق بيه علي الرغم من انو جه شهر واحد اللي حبيتو وشوفته فيه وباقي العمر دا كان بيرجعلي بس متقبلناش تاني كنت برفض لما عرفت انو حاططني ف دماغه اشتغلت وكبرت وسافرت  وبقيت محاميه ونجحت وعمل حجات كتير وتوبت وبطلت مكياج ورجعت اصلي وانتظم تاني وبطلت علاقات وارتباط محرمه تماما وقطعت علاقتي حتي بصحابي الولاد اللي هما عمرهم ماصلا بصولي ولا فكرو بس اهو من ضمن بقي كلو اتلغي... كل دا للاسف خلاني كاره نفسي وجسمي ومش محترماني ومش عارفه انسي كنت بجد مستوسخه نفسي اووووي لغايه قبل مفعلا فعلا انوي التوبه واتوب حقيقي عن كل حاجه من وقتها رجعت اتقبل نفسي شويه تاني بس عمر مكل دا بيروح من بالي ومش قادره اسامح اهلي ولا نفسي لانهم والله السبب الاول والرئيسي ونفسي مش هنكر والشخص دا لان حرفيا بسببه هو انا اتكسرت واتهزمت قدام نفسي اوي وكنت بدور ع اي حد زيه واحسن واعلي يعوضني عنه وويقتل غروره واحس بيه اني مع الاحسن منه بس كل دا دمرني انا انا وبس.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_59214 🇺🇸

منذ شهرين

شعور متعب

م هو انا مش هفضل ميت بتفكيري كتير كده ليه احب شخص واديلو اهتمام وحنيه و طبطبه ولما نيجي نتعاتب يقولي محدش قالك اعمل كده عشاني اومال انا كنت بعمل كل ده ل مين او ليه مش عشانك وعشان بحبك؟ طب ليه كسر الخواطر ده

Strawberry_57507 🇪🇬 الطرف التاني باين أنه نرجسي اعمل سيرش علي النرجسي و ردوده و أفعاله لو ملقتهاش نفس الأفعال تعالي اعملي بلوك🤭

عرض الكل 9 نصيحة

Donut_50330 🇮🇹

منذ شهرين

شعور آسف

Apple_59051 🇪🇬 جدعة والله هو دا القرار الصح احتقريه هو والعالم اللي ازوكي مكنش ليكي ذنب في دا هم اللي عالم زبالة واللي عايز يصدف يصدق واللي يجي يقولك كدا قوليله وانت صدقت عني الكلام دا يبقا اقطع علاقتك بيا مايشرفنيش اني اعرفك واديله فوق دماغه ماتسميش

عرض الكل 13 نصيحة

عبّر عن شعورك بشكل مجهول

زاي النهارده من تلت سنين كده عده تلت سنين سنتين حب و سنه تعب و يمكن اكتر حاجه وجعت إني كنت صادقه ف كل لحظه ربنا ميكتبهاش على حد بجد ولله من كل قلبي علشان الموضوع مؤلم اوي و متعفتش منو بسرعه  أنا مش عارفة أبدأ منين…
بس خليني أقولك إن في يوم من الأيام، كنت بحب حد جدًا. سنتين من حياتي كنت مستنيا بس اللحظة اللي يقول فيها إنه جاهز ويتقدملي، وفعلاً قالي إنه هيكون جاهز ف شهر 12.
فضلت مستنية، وقلبي على إيدي، وماكنتش حتى بفكر ف غيره.
قُلتله لما تبقى جاهز، كلمني. وكنت صادقة ف كل كلمه، حتى قلت لماما، وكنت بجهز نفسي لحاجة على نور، مش حاجة تتخبى.

بس للأسف… اللي اتصدمت فيه مش بس إنه اختفى،
الصدمة كانت لما لقيته بيتكلم عليا بطريقة تقلل مني، عند حد أنا كنت بتعامل معاه بمنتهى الاحترام والوضوح، وعمري ما غلطت معاه في أي كلمة.

بيتقال إني مكنتش بحبه؟!
طب أنا لو مكنتش بحبه، مكنتش استنيته السنين دي، ولا كنت رتبت ف دماغي إزاي أقول لماما، ولا كنت حلمت أصلاً بحاجة تجمعنا.

الأكتر بقى؟
إني اتكلمت قدام حد المفروض إنه بيعرفني كويس،
كنت باتكلم ف حاجة عادية، بدون أي قصد أو نية تانية،
واكتشفت إن الكلام اتفهم غلط، واتنقل، وتفسّر بطريقة تخليني أبان بشكل مش لائق.

اللي وجعني مش بس اللي اتقال…
اللي وجعني إن اللي كان عارف الحكاية اختار يسكت، أو يزود عليها، أو حتى ما وضّحش الحقيقة.

أنا لما نزلت مصر، نزلت وانا مقررة أرجع حد تاني.
نزلت وأنا شايلة هم كتير، ولسه خارجة من صدمة إني هعيد السنة.
قعدت كام يوم مش باكل ولا بشرب من الزعل، بس رجعت وقلبي مقفول، وعيني على نفسي وبس.
قلت خلاص… هكمّل حلمي، هحاول أعمل ٥ و٤ ثانوي في سنة، نفسي أحقق حلمي، أدخل جامعة، أو حتى آخد كورس فيها، المهم أحس إني عايشة حاجة ليا.

ووسط كل ده، ألاقي نفسي بتسحب لتاني مرة لنفس الوجع؟
هو بيرجع يتكلم، بعد كل اللي حصل؟
أنا ساكتة طول الوقت، ومحترمة اللي كان بينا…
ومع ذلك، هو اختار يرجع، مش علشان يعتذر،
لكن علشان يلوم، أو يبرر، أو يكدب.

أنا حرفيًا جبت آخري.
مش عايزة أشرح تاني، ولا أبرر تاني.
أنا اختصرت الكلام، ورميت ورايا الناس اللي مش بتستاهل حتى ذكراهم.”**

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_27627 🇪🇬

منذ شهرين

شعور مكسور القلب

مش عارفه اقول حاجه غير اني هنت عليه..حبيتو و اديتو كل حاجه حلوه جوايه مبقاش فيا اي حاجه حلوه تاني اديها لحد ..كنت بسمحو من قبل ما يتكلم بس على قد ما حبيت على اد ما أتوجعت.. شرحتلو كل حاجه جوايه اول مره اعمل كده مع حد اخترت اطلع كل حاجه جوايه ليه و هو اختار يوجعني و يعمل كل حاجه وعد انو مش هيعملها ..

Potato_55495 🇪🇬

منذ شهرين

شعور غبي

موضوع:

ثانوية عامة غيرت فيك ايه؟

للاسف أُعجبت ببنت كنت بذاكر علشان لو بعتت علي جروب الدرس اجاوب عليها انا و ده اللي حصل فعلا سالت ع الجروب جاوبت بعتت برايفت علشان اشرحلها كنت بشوفها انسي هموم الدنيا و للاسف انا مشكتش فيها ل لحظة بس ليا ف الهاك و كان نفسي اقولها هي ايه بالنسبة ليا عملت هاك بسيط علي تليفونها لقيتها مرتبطة و كلامي

Mango_55662 🇪🇬 متقبلشي على نفسك حد يستغلك وتكون كبري لحد. تصالح مع الفكرة وانسها ودور على غيرها عادي

عرض الكل 6 نصيحة

Strawberry_26814 🇪🇬

منذ شهرين

شعور وحيد

عبّر عن شعورك بشكل مجهول

النهارده عدي ٦ شهور كاملين علي انفصالي بالشخص اللي حبيته وسابني بدون سبب مش عارفه احساسي عامل ايه ازاي بس مابين اني اتخطيت الوجع والالم بس مبيروحش من بالي واكتر حاجة وجعاني انه ولا مره ضعف وحب يكلمني يطمن عليا انا طول الوقت بنزل صوري وانا بضحك وخروجات ومضقياها في نظره بس في الحقيقة كل كده فيك لان كل حاجة ناقصة من غيره بس في نفس الوقت عايزه ابينلوه اني انا بخير وجدا وانك انت اللي خسرت حد حبك حب مش مشروط اتحطيت اني ارد علي تليفون الشغل وهو اللي كان علي التليفون علشان شغالين مع بعض في نفس الشركة واتصل علشان عاوز شغل وبمجرد ما قولت الوو واحده وسمع صوتي وسمعت صوته رميت السماعة وخليت حد تاني يتعامل معاه حسيت ساعتها احساس غريب اني قدرت اتخطي المرحلة الصعبة وجاهزه اني اكلمه بس علي قد ماكان صوته واحشني اوي حسيت انه خساره فيه انه يسمع صوتي اصحابي قالولي ده ضعف وبينتيله انك ضعفتي لما كلمك قولتلهم لا بالعكس انا حسسته اني مش هينفع اكلمك لان مفيش كلام هيبقي بينا ولا حتي شغل بيتابع الاستوري بتاعتي بس حقيقي مش قاره اد قرار اني امسح رقمه لاني كل ما اعمل كده برجع اسجله تاني الامل في العوده مستحيل وانا كرامتي فوق كل شئ ورغم كل الظروف الالم فردي عليا تفتكروا ممكن اعمل ايه مش قادره انسي انه سابني وهو عارف اني مليش حد بعد وفاه بابا وماما يعني هوت عليه وصوت جوايا بيقولي انتي متحبتيش

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_50330 🇮🇹

منذ 3 أشهر

شعور لا مبالٍ

موضوع:

اتخطيتو أول حب ازاي وكم الوقت اللي اخدتو وهل رجعتو تفكرو فيه

عبّر عن شعورك بشكل مجهول

اول حب ده بيكون عامل زاي البينج بتخدو و مش بتحس بحاجه و مهما تعمل بتحس انك ف عالم تاني عالم جميل بس وجعو بيبقى صعب بذات لما بيكون من طرف واحد يالهوي بنعاني اوووي رغم ان احنا مش بنكون شايفين عيوب الشخص ده و بذات لما بيكون الحب الأول الحوار بيكون صعب اووي يعني المعناه ممكن توصل ل سنين و احنا مش شايفين غيرو و بنقوى بي و بنحلم بي و بتكون على رأي المثل butterflies in the stomach بل إيطالي farfalle nello stomaco بل عربي الصراحه مش عارفه اووي و بذات لما يكون بقى الشخص ده غير دينانتك ولا من بلدك يالهوي على المعناه الوضع بيكون صعب اوووي يعني الحب ده ممكن يفضل سنين بنلاقي صعبات و مش بنكون عارفين نسمع لحد و نعمل الي احنا عايزينو حته لو غلط الحوار كان صعب الحب ده بجد حلو بس للشخص الصح الي يفهمك من نظره منغير ما تتكلم الي معاك وقت الفرح و قت الحزن الي معاك على أي حاجه الي ينصحك و يفهمك غلطك يكون ابوكي و اخوكي الصاحب يكون كل حاجه حلوه ف حياتك حته لو حبيتو بعديها الحب الاولاني هو الحب الحقيقي بجد علشان بيكون صادق ف كل حاجه شفاف كده و بعد السنين دي كلها و إنتي عنيتي علشانو و بتكوني خلاص فقدي الأمل هو يحبك بس الأسف كان ضعيف الشخصيه و كأنو انطوائي اووووي رغم إني كنت عارفه العيله كلها بس الأسف حولت اغيرو بس لا حياتا لمن تونادي بس الكل الي جيه بعد عادي لغايت لما جيه هو غير فيا حاجات في حاجات من تصرفات كبرت مبقتش طفله في حاجات اتغيرت و خلاص ولله كان خلاص يكون في خطوبه أو قرائه فاتحه بس الأسف مطلعش قد كلامو رغم هو الي كان بيزن عليا و أنا أقول لسه بادري لغايات ما نزلت مصر قولت خلاص كفايه كده و حلفت إني هرجع وحده تانيه و في حاجات فيا كتير اووي اتغيرت قطعت بناس كتيييير اوي رغم أني عمري مكنت أتوقع إني مكلمهمش بس عادي ولله ما زعلت و أنا لسه اهو ف مرحله التغير بس اعدي ألسنه دي و في حاجات كتير هتتغير إن شاء الله

Cookies_35975 🇸🇦

منذ 4 أشهر

شعور مرتبك

غريب اوي التخطي من حد كنت بتحبه من قلبك و ما زلت بتحبه يوم تلاقي قلبك جمد نحيته و يوم تاني تحس انك اتوجعت تاني كأنه امبارح تتردد بين الحنين و بين صوت جواك بيقولك لا كفايه كدا تحس انك كل ما توصل للشط الموج يرجعك لنفس الدوامه تاني طب أنا دلوقتي انساك و لا استناك !

Marshmallow_52414 🇪🇬

منذ 4 أشهر

شعور محبط

موضوع:

اتخدعت ف حد قبل كدة؟

ايوة اتخدعت كتير جدا، اقرب حاجة من اول حب في حياتي مشي من غير وداع من غير اي حاجة بحجة انشغاله مستنياه يرجع لاخر عتاب ،،بس من غير ما استنى منه رد يعرف قد ايه وجعني و تعبني و همشي و انا ضميري مرتاح بعدها

Cookies_54909 🇸🇦 لا تتألم من رد فعل أحدهم، فالقلب أحيانًا يتعب من الانتظار والرجاء. ركز على راحتك النفسية، ولا تسمح لأحد بأن يجعل ضميرك يئن. الحب الحقيقي يُبنى على الاحترام والتفاهم. خذ وقتك واعتنِ بنفسك

عرض الكل 1 نصيحة

Grape_74523 🇪🇬

خُذلت من حد بثق فيه في الشغل

مريت بتجربة محبطة جدا... كنت بشتغل في مكان ما كويس كأسم، كنت مبسوطة جدا اني لقيت شغل كويس بدون وسايط ،لحد ما طلبو تعيين ناس جديده.. رشحت حد اعرفه من باب المساعدة.. و وكنت أعرفه كويس كان شخص محترم جدا ، كنت متخيلة أن الشخص هيكون ممتن ، كانت علاقتنا كويسه جدا من قبلها وكنت بحس ان عندي حد بثق فيه في دايرة الشغل ... مكنتش فاهمه تصرفاته ومكنتش مرتاحه... بس على الاقل بثق فيه وبحترمه... لحد ما في يوم اكتشفت أنو أذاني على كل المستويات... لا كان اهل للثقة ، عشان رشحته للشغل وعلاقتنا كانت كويسه جدا كان ده سبب ان الناس تتكلم عليا في سمعتي وكان عارف وبيعمل نفس الحاجات الي جايبه عليا الكلام ( معرفتش انهم بيتكلمو عليا في سمعتي الا متأخر جدا )، كان بيطلعني في اي خلاف غلطانه وحساسه وبكبر المواضيع، ولما حصلي مشاكل وكل الي في الشغل وقفو ضدي كان معاهم عليا رغم أني مغلطش وبالعكس كنت بعمل شغلي بهدوء وامشي... اخر اسبوعين في الشغل كانو كابوس بالنسبالي من إحساسي بالخذلان من حد بثق فيه( وقالي في النهاية بعد ما أنا جبت له الشغل اصبري لحد ما تمشي من هنا وخلاص!) ، خذلان من شغل معنديش حد واحد بس اثق فيه ولا حد واحد بيحترمني، ومن ان حتى كون شغلي كويس جدا مفهوش غلطه مش شفيع ليا عند المدير الي الناس عماله تحشيه من نحيتي، والي بعد ما كان المدير متعاطف معايا بقى بيهددني قدام الموظفين من تحت لتحت.. كنت بتعرض لتنمر خفي وكانو عاملين رباطيه عليا ومحدش واحد فيهم كان بيقول حتى انتو بتعملو ايه، حتى هنا لما بقيت في حالي وبعمل شغلي بضمير واتقان وحقيقي مفيش اي شكوى او حاجه ضدي مكنش كفاية يديني امان.. وكنت متخيلة ان حد هيقدرني لأن تعاملي كان في منتهى الاحترام والرقي والتعاون ( كنت الشخصية اللطيفة الي بتجيب اكل وبتساعد ولو في غلطه ليا بقف بجراءة واقول انا كسرت كذا وانا عملت كذا وهصلحه عادي ) بس حصل بيني وبينهم خلاف بسيط ظهر فيه كل قلة الاحترام والعداء ده معرفش ليه حقيقي، كنت بقول مشاكل شغل هتعدي طالما فعلا مغلطش في حاجه ومغلطش في حد، بس تفاجأت بالتنمر ده كأسلوب ضغط والتهديد وغيره كأنهم بيطفشوني مستحملتش الضغط ده ومشيت وسبت الشغل... انا اكتر حاجه مزعلاني الشخص الي ساعدته ده لأنو خذلني، محاولش يساعدني او ينصحني او ميشاركش في التنمر على الاقل، حتى لما كان معروف ان حد مهم في الشغل متحرش محدش حذرني منه وهو كان عارف ومقاليش وللاسف تعرضت للتحرش ، كان سبب للكلام في سمعتي ،بيشككني في نفسي اني حساسه وبيتهيألي، وكان دايما بيطلعني مفترية وظالمه ( فهمت فيما بعد انو نرجسي وكان بيتلاعب بيا مش اكتر)... خسرت شغلي ، سمعتي ، شخص بحترمه واثق فيه ، صحابي الي مشتركين بيني وبينه عشان الصورة الي زي القرف الي كان بيوصلها عني ولأني لما مشيت قطعت مع كل حاجه ليها علاقة بالشغل او بيه من قريب او بعيد... خسرت وقت ومجهود ، خسرت ثقتي في نفسي لأن لما كلهم عملو رباطيه عليا شكيت في نفسي وقولت مستحيل كلهم غلط وانا صح ،رحت بالفعل لدكتورة نفسية عشان فعلا مظلمش حد وهي حقيقي ساعدتني جدا( تخيل انك مش مصدق الي بيحصل معاك ومش عارف تحكم انت اوفر وبيتهألك ولا الناس دي عيانه فعلا ؟) وقالت لي اني في بيىة عمل توكسيك لا تحتمل ولازم امشي فورا.. أنا كسبت راحتي النفسية، بقيت احسن بكتير ومعنتش بشك في نفسي، لقيت شغل تاني محترم الحمد لله ، بس يا جماعة لما بسمع سيرة الشغل الي فات او حد منه بخاف وبتخنق، لسه عندي تروما وبضايق جدا لما اعدي من مكان الشغل القديم، ولو شوفت حلم بصحى متضايقة جدا ، ولسه مش مصدقة ان صورة الشخص المحترم الكويس طلع الاسوء على الإطلاق.... الزمن كفيل بالنسيان؟ ...عرض المزيد

0 الدعم

0 نصيحة

Plum_74525 🇪🇬

اتخانقت واتصورت واتهددت.. اعمل ايه؟

اعمل ايه لو حد صورني اثناء علاقه جنسيه وبيهددني!! انا كنت مرتبطه بحد معايا ف الجامعه كان بيعمل كل حاجه حلوه عشاني وكان مدلعني بس انا مكنتش مقدره دا وكنت بخونه وكنت بكلم ولاد وكنت بتجاهله عشان مكنتش بحبه وكنت بحس انه واجبه انه يهتم بيا ولو مهتمش كنت بشتمه وبهينه بالفاظ وحشه وبقل منه وهو كان بيسامحني كل مره في كل غلطاتي لدرجة اني كنت مستغربه قلت دا اكيد بيتسلي بيا لحد ما جه يوم وقرر يبعد عني وبعد فتره رجع كلمني وقالي مش عارف اعيش من غيرك فرجعتله وحسيت بندم واني فعلا كنت هخسره وعايزه اصلح الي عملته كله قبل كدا بس للاسف لاقيته بيكلم بنات كتير فكنت بدخل للبنات واقولهم يبعدو عنه وانه مرتبط وكنت بحاول اعوضه واديله حب كتير ورحت معاه بيته ونمت معاه واتفاجات انه بيصورني ومرضاش يمسح الفيديو !! وقالي مش همسحه وهخليه معايا عشان لو فكرتي تضايقيني او تكلمي البنات تاني! بعدت عنه تماما وخفت من الفضيحه وبعد فتره رجعنا نتكلم بس صحاب وعدي سنتين واحنا زمايل يعتبر عادي لحد ما انا ارتبطت بحد جديد وحبيته وكدا بدأ يهددني ويدخل يكلمني باسلوب قذر مثلا يقولي ي شر*وطه وكلام زي كدا وانا مش عرفه اعمل انا نفسي اعيش حياتي وابدا من جديد منغير تهديدات ولا فضايح هو انا مستحقش فرصه جديده؟ ...عرض المزيد

0 الدعم

3 نصيحة

Tofu_51955 🇪🇬

عندي صفة وحشة ومش عارفه أغيرها

عندي صفه وحشه أوي مش عارفه أغيرها مثلاً لما أتكلم مع حد قريب مني وعايزه رد.. دماغي بتتوقع Reaction معين لو الشخص ده معملش الـ Reaction إللي أنا عايزاه بزعل ودماغي بتبدأ تتكلم وتعك الدنيا عارفه إن ده مش سبب زعل بس عمل مسافه بيني وبين صاحبتي وأنا زعلانه من نفسي حاولت كتير أغير ده مش عارفه. ...عرض المزيد

1 الدعم

10 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع