اتخطيتو أول حب ازاي وكم الوقت اللي اخدتو وهل رجعتو تفكرو فيه

Peanut_51983 🇪🇬's موضوع

كلنا مرينا بالحب الأول اذا كان طفولة او عابر او حتي حب عميق استنذف مشاعر كتير اشرحو قدرتو اذا تتخطوه وهل لسه بيجي علي بالكم تاني .

Kiwi_58499 🇪🇬

منذ شهر واحد

شعور غبي

عملت غلطه كبيره انى اتخليت عنه هو خذلنى بس كل الحلو إلى قدمه بعدين عرفت أنه كان يغفرله ويستحق فرصه كان حب 6 سنين .. وبعدها لما سبته بسنه تقريبا فى حد دخل حياتى فى مشكله وكان عارف انى بحبه بس حبنى حب تملك واهتمامه وأنه كان مخلينى محور حياتى كان عاجبنى شويه بس لما سبته اكتشفت انى واقفه فى نقطة الصفر م

Tomato_55769 🇪🇬 بقول لك على حاجه من واحد كبير في السن شويه يعتقد ان هو الدنيا داسته وفاهم شويه يعني اعتقد انا متجوز وعندي طفلين وبقى لي 10 سنين متجوز ولحد الان مش قادر اتخطى الحب الاول كبرت وعقلت ودايما بحاول افهم مراتي اني مش في دماغي واني اكيد نسيتها بل بالعكس بقيت بكرها بس فعلا زي ما بيقولوا قلب فؤادك حيث شئت من الهوى، ما الحب إلا للحبيب الأول

عرض الكل 6 نصيحة

Banana_56622 🇪🇬

منذ شهر واحد

شعور فخور

اول حب كان في ثانوي كنت حبيت واحده وخروقتني في الاخر وعملتلي بلوك ساعتها كان احساس صعب عشان كنت بحبها بجد اول مشاعر حب حقيقيه اعيشها ولما اختفت كان بالنسبالي الموضوع صعب ...بس عادي الوقت خلاني نسيتها هما اسبوعين الصراحه ونسبتها وعرفت غيرها وغيرها وعرفت من ساعتها انها مش بتقف علي حد لما بحس أن واحده

Pineapple_53575 🇪🇬

منذ شهر واحد

شعور مكتئب

بقالي ٨ سنين بحاول اموف اون وحزينه على نفسي ومش عارفه اواجه نفسي حتى كل ماحد يدخل حياتي بحس اني بعمل مقارنه وبخاف اظلم حد ف بسيبهم وكمان اسلوبي بقا صعب مع الشباب وشايفه اني بقيت صعبه واستحاله اعمل موف اون خلاص

Hazelnut_52786 🇪🇬 عزيزتي: لا تحملي نفسك فوق طاقتها . تقدرى تتخطي الموضوع. بس اكيد اكيد في امل ولازم يبقي عندك امل واكيد اتعملنا من اللي حصل واستفدنا . حاولي تعيشي حياتك . حاولي تدي نفسك دافع . الاهم كمان لازم تكوني مقنعه وعارفه ومتاكده ان الله يعطيكي الافضل دائما . اما بخصوص الأسلوب ممكن نبقي هاديين شويه . علشان اتعلمنا ان الأسلوب الخاطئ بيخسر صاحبو فقط وممكن تخسرى ناس بسبب أسلوبك . حاولي تختاري كلامك بعنايه 👍

عرض الكل 5 نصيحة

Popcorn_53178 🇺🇸

منذ شهرين

شعور سعيد

قعدت اكتر من 3 سنين بموڤ اون ولحد دلوقت ساعات بفتكرها وبزعل بس برجع بعدين اندم اني كلمتها من البدايه وانا استاهل احسن منها اصلا وهي ولا فرقالي انا دلوقت مرتبط بس بعدها بقيت شخص توكسيك او بلاير وكنت ممكن ارتبط باكتر من 50 وحده مع بعض بس الحمدلله ربنا عوضني دلوقت ومرتبط بوحده شعرايه منها بيها..

Popcorn_52587 🇺🇸 اللي بتمر بيه طبيعي جدًا بعد تجربة طويلة زي دي، خصوصًا لو كان فيها مشاعر قوية واتعلمت منها حاجات غيرت في طريقة تفكيرك وتصرفاتك. أحيانًا بنخرج من علاقات معينة ونحس إننا لازم نحمي نفسنا بطريقة مختلفة، وده اللي ممكن يكون خلى سلوكك يتغير بعد الانفصال. لكن المهم إنك قدرت تستوعب ده ووصلت لمرحلة إنك تشوف الأمور بشكل أوضح. خد وقتك علشان تفصل الماضي عن الحاضر

عرض الكل 3 نصيحة

Croissant_50330 🇮🇹

منذ شهرين

شعور لا مبالٍ

عبّر عن شعورك بشكل مجهول

اول حب ده بيكون عامل زاي البينج بتخدو و مش بتحس بحاجه و مهما تعمل بتحس انك ف عالم تاني عالم جميل بس وجعو بيبقى صعب بذات لما بيكون من طرف واحد يالهوي بنعاني اوووي رغم ان احنا مش بنكون شايفين عيوب الشخص ده و بذات لما بيكون الحب الأول الحوار بيكون صعب اووي يعني المعناه ممكن توصل ل سنين و احنا مش شايفين غيرو و بنقوى بي و بنحلم بي و بتكون على رأي المثل butterflies in the stomach بل إيطالي farfalle nello stomaco بل عربي الصراحه مش عارفه اووي و بذات لما يكون بقى الشخص ده غير دينانتك ولا من بلدك يالهوي على المعناه الوضع بيكون صعب اوووي يعني الحب ده ممكن يفضل سنين بنلاقي صعبات و مش بنكون عارفين نسمع لحد و نعمل الي احنا عايزينو حته لو غلط الحوار كان صعب الحب ده بجد حلو بس للشخص الصح الي يفهمك من نظره منغير ما تتكلم الي معاك وقت الفرح و قت الحزن الي معاك على أي حاجه الي ينصحك و يفهمك غلطك يكون ابوكي و اخوكي الصاحب يكون كل حاجه حلوه ف حياتك حته لو حبيتو بعديها الحب الاولاني هو الحب الحقيقي بجد علشان بيكون صادق ف كل حاجه شفاف كده و بعد السنين دي كلها و إنتي عنيتي علشانو و بتكوني خلاص فقدي الأمل هو يحبك بس الأسف كان ضعيف الشخصيه و كأنو انطوائي اووووي رغم إني كنت عارفه العيله كلها بس الأسف حولت اغيرو بس لا حياتا لمن تونادي بس الكل الي جيه بعد عادي لغايت لما جيه هو غير فيا حاجات في حاجات من تصرفات كبرت مبقتش طفله في حاجات اتغيرت و خلاص ولله كان خلاص يكون في خطوبه أو قرائه فاتحه بس الأسف مطلعش قد كلامو رغم هو الي كان بيزن عليا و أنا أقول لسه بادري لغايات ما نزلت مصر قولت خلاص كفايه كده و حلفت إني هرجع وحده تانيه و في حاجات فيا كتير اووي اتغيرت قطعت بناس كتيييير اوي رغم أني عمري مكنت أتوقع إني مكلمهمش بس عادي ولله ما زعلت و أنا لسه اهو ف مرحله التغير بس اعدي ألسنه دي و في حاجات كتير هتتغير إن شاء الله

Broccoli_27679 🇪🇬

منذ شهرين

شعور آسف

الحب وحش مش حلو خالص كله بيراميدز الخيال والأفكار الوردي لكن بينخض لما يتخبط بالواقع وخاصة لو اتخبطت زي وانتهي الحب بصدمة ليك واذي للي بتحبه فحقيقي نفسي ارجع بالزمن ٥ سنين ورا وأعدي وأنا ساكت من غير ما اقول صباح الخير ساعتها هاكون حميت اللي حبيتها من نفسي

Coffee_41763 🇲🇦 الحب حلو لما تختار الشخص الصح وتكون أنت الشخص الصح ...الحب لازمو تضحيات وكتير من الصبر ومش دائما نهايته سعيدة مشان هيك قبل متبلش اي علاقة لازم تعلم نفسك ان في حتمال كبير انكم تخلصو وميكنش في نصيب ودي مش نهاية العالم ...مش دروري الطرف الآخر هو اللي يكون منه المشكل ممكن يكون العكس وهدا امر طبيعي لأن نحنا بس بشر وفينا أشياء منيحة وأشياء سيئة لازم يكون معنا الشخص لي يحبنا فكل حالاتنا

عرض الكل 3 نصيحة

Hazelnut_51151 🇪🇬

منذ 3 أشهر

شعور غاضب جدًا

الحب دا حاجه خرا لسه بعد كل دا وبعد كل السنين دا والمرحله المهمه اللي انا فيها لسه بفكر فيها وحلمت بيها امبارح مش عارف ليه كدا مع اني نسيتها خالص بس مش عارف ليه كل فتره يحصل معايا كدا يالا خير بقي

Durian_52455 🇪🇬 لما تحط الحاجات فى مكانها الصح (بدون مبالغة)، هتعرف إن الحب عبارة عن شعور مؤقت مش دائم ونتيجة ل ده هتلاقى إن مستحيل تلاقى بيت فيه إتنين متجوزين يكون قائم على الحب وبس.

عرض الكل 6 نصيحة