وبعد كل ده، بعد اللي بينا، بعد الصبر، بعد الوجع، بعد ما كنت بدعي ربنا يجمعنا بالحلال… راح وخطب. آه والله… دخلت حياتي زي الحلم، وخرجت منها كأنك ما كنتش، بس الصدمة مش في إنك مشيت… الصدمة إنك كنت بتجهز لقلب غيري، وأنا كنت مستنياك على باب قلبي! كنت بقول للناس "بيحبني… بس مستني الظروف"، وماكنتش أعرف إن اللي مستنيه… هو بنت غيري. كنت بتضحكلي، وبتمثل دور البطل، وأنا كنت مصدقة كل مشهد. وأنا؟ أنا اللي كنت باقول عليك "مش زي الباقيين"، كنت بقول "هو أمان، وهو الأصل، وهو اللي هيفضل". بس الحقيقة؟ إنك كنت مجرد محطة… ووقفت عندي شوية… ولما جي وقت الجد، نزلت منها… ومشيت. رحت وخطبت وخلتني أقف قدام المراية، أسأل نفسي: "أنا اللي كنت قليلة؟ ولا هو اللي كان كذاب؟ ولا الحب ده كله كان تمثيلية؟" كنت بحارب الدنيا عشانك، بس واضح إن الحرب كانت من طرف واحد. مبروك عليك حياتك الجديدة، بس أوعى تفتكر إنك كسرتني… أنا اتوجعت، آه… بس الوجع عمره ما بيكسر القلوب الطيبة، هو بس بيصحيها.

3

12