قلة ثقة

Croissant_66913 🇪🇬

منذ شهر واحد

شعور مرتبك

يا جماعة انا كنت عندي قلة ثقة ف البنات بسبب ان ممكن تكون كلمت شباب او قابلتهم بس لما بدخل الابلكيشن هنا وافضل اقرا عن التجاوزات والخيانة واللي البنات بتعمله او الستات بتعمله عدم الثقة بيزيد ولو عرفت بس من واحده انها ارتبطت قبل كده الشيطان بيفكرني اي اللي كان ممكن يحصل او حصل اصلا بس طبعا احنا بنسمي

French Fries_72389 🇪🇬

منذ شهر واحد

شعور مرهق

عبّر عن شعورك بشكل مجهول

أنا م وأنا صغيرة كان فيه مشاكل بين أهلي كتير فشخ الفترة إلى أنا جيت فيها وحمل ماما فيا كان بابايا اتجوز ع مامتي وكان عندهم طفلين المهم هو قالها بعد ما مراته ديه بقت حامل ف نفس الوقت إلى ماما كانت حامل فيا المهم أهلي كلهم بيقولولي إني أكتر واحدة اتعنفت م ماما مع أن أنا مش فاكره اي حاجة م ديه ولكن أنا علطول بكون متضايقة المهم احنا بابا سايب البيت م 12(سنة هو مش بعيد عننا هو عنده مكتب جمبنا وعلطول بنشوفه وكان قاعد عند مراته التانية وجابها تقعد معانا ف نفس العمارة بتاعتنا بس هي سكنت اول دور تمام المهم أنا عمري ما عرفت احكي لحد الموضوع دا نهائي حتى صحابي محدش يعرف منهم غير اتنين وقبل كدا صاحبتي سألتني عن الموضوع قولتلها لا وايه العبط دا المهم أنا كبيرة مش صغيرة عندي 22سنة. عمري ما فكرت احب حد  مع أن كتير كلموني ف موضوع الارتباط حتى ف الكلية نفس الكلام أنا مكنش عندي ثقة ف حد نهائي وبخاف م الموضوع دا جيه واحد زميل ليا قال لي أنه بيحبني وكدا أنا اتفاجأت بس أنا كنت واخدة صاحب قريب فشخ ليا وارتبطنا وحكيت ليه كل حاحة بعدين قالي هيتقدم وكدا خوفت واختفيت شهر ونص بعد ما هو خلاص كان قال لاهلوا واتفق معاهم المهم بعد نقاشات كتيرة فشخ رجعنا وهو حرفيا بيتمني اطلب منه أي حاجة بس مؤخرا تعامله معايا بقى صعب اوي وأنا نفسيتي طول عمرها تعبانة بسبب حوار ماما وبابا أنا مش عارفه اتعامل معاه وأنا حرفيا مليش غيره والله حتى هو صحابي كلهم بس هو معاملته مبقتش كويسه وقبل كدا مد ايده عليا وعلطول بيهددني اني لو مسمعتش الكلام هيضربني بس أنا بجد مش عارفه اعمل ايه أنا مشتته اوي والله وزعلانة م كل حاجة حواليا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_71456 🇸🇦

منذ شهر واحد

شعور مهتم

انا عندي مشكلة. حصلي تورم في شريان في المخ و انا صغير و كان هيأدي لموتي بس الحمدلله اتحلقت.. بس هو سببلي مشكلة تانية. عملي مشكلة في عيني اليمين بقى شكلها غريب. غير كل الناس و شكلها سئ. كل اللي اقدر اوصفه انه بضطر اركز عشان ابص ب عيني الاتنين في مكان واحد.. الموضوع اسوء من كدة بكتير و الحقيقة مش عارف

Peanut_71741 🇪🇬 الشكل مش كل حاجه اخلاقك وادبك بيحددوا مش شكلك ومش من مجرد حاجه حصلت في عينك تقول ان انت مشوه،بعدين لما تقارن نفسك بحد انت كدا مش بتستفاد حاجه يمكن انت احسن منهم عند ربنا ودا الاهم،وبردك خليك مقتنع بمقولة ان المقارنه تقتل السعاده، متقنرش يصحبي،والحمدلله على كل حال والمهم ان متقبل نفسك، حب نفسك عشان الناس تحبك، الحب بيجي من النفس الاول

عرض الكل 1 نصيحة

Apple_68851 🇪🇬

منذ شهرين

شعور عاطفي

عندي مشكله في العلاقات الاجتماعية بحس بضغط لما اكون قاعد وسط مجموعة شباب انا عرف منهم ٢ ، ٣ بس والباقي معرفه سطحيه بخاف اتكلم قدامهم ولما بتكلم بحسهم بيهمشوني وواحد يقاطعني في كلامي مثلا اي الحل ل حاجه زي كداا

Apple_70109 🇪🇬 اول حاجه متتكلمش غير في اللي تعرفه ثانيا متقولش غير الحقيقه ومتحورش في اي حاجه ثالثا اتكلم مع ناس تقدرك وتسمعك رابعا متقعدتش في قاعده انت مش حاببها ولا مرتاح فيها لم تكون مش مرتاح سيب القاعده وامشي

عرض الكل 6 نصيحة

Lemon_68990 🇪🇬

منذ شهرين

شعور محبط

Potato_66678 🇪🇬 نتكلم كتير ونحاول ونحط أسوأ السيناريوهات المحتملة وتدربي عليها فلو حصلت تبقي جاهزه

عرض الكل 4 نصيحة

عبّر عن شعورك بشكل مجهول

سلام عليكم 
من زمان حاسه انى عندى مشكله نفسيه الحكايه بدأت من تالته ابتدائى كنت دايما عندى طاقه رهيبه مش بخاف ابدا من المدرسين دايما ابادر بالاجابه عندى نشاط فى الدراسه مش بخاف وبطلع من الأوائل وفى مره الميس بتسأل سؤال فأنا طبعا عاوزه اجاوب بس للاسف الاجابه مكنتش صح صحابى كلهم ازاى دى تغلط ازاى!! 
دايما من الأوائل وكمان رد فعل الميس كان وحش جداا للأسف 😔
 مرت الايام وسنه ورا سنه ونا بحاول بقدر الإمكان اتجنب الاجابه على اي سؤال المدرسين يسألوه حتى لو المدرس طلب منى اقرأ حتى اتوتر جدااا ضربات قلبى تزيد واترعش ومن يومها ونا العقده فيا مازلت اطلع من الأوائل ولكنى اعانى جداا من قله الثقه من التحدث مع المدرسين اتجنبهم تماما خلصت الاعداديه والثانويه والان انا فى الجامعه وربنا كرمنى بكليه احلامى 
ومع ذلك مازلت اتوتر جداا عندما يطلب منى دكتور الجامعه عمل مناقشه او ايا كان اتوتر ولا أستطيع أن أفعلها على مايرام مع انى اكون قد درست كويس جداا أمام الدكاتره ولا كأنى حتى قرأت الموضوع هذا يؤلمنى كثيرااا ما الحل ماذا افعل ؟؟!
فكرت مرارا اذهب لدكتور نفسى ولكنى محرجه جدا من أهلى 
ما الحل فى هذه المشكله وكيف اتخلص من هذا الخوف؟؟!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_58419 🇪🇬

منذ شهرين

شعور مستنزف

انا واحد عندي ٢٨ سنه ومحققتش اي حاجه في حياتي بسبب خوفي المستمر من البشر كسوفي وتوتري ومعرفش سببه ايه انا في أي موقف بتعامل بعفويه وبوضوح بس بعديها لما افكر في الموقف بقعد اقول ياريتني م عملت كده وكمان معظم الناس بتستغل ده وبيتريقو عليا في وسط الكلام المشكله اني مش بفهم التريقه غير بعديها ومبعرفش اخ

Jackfruit_65540 🇪🇬 انت غالبا شخصيتك انطوائيه و ده مش عيب ف التفاعل الاجتماعي ممكن ميكنش افضل حاجه حاول لو حتدور ع شغل دور ع الاشغال الفرديه الاول زي(كول سنتر،فري لانس...) حاول تطور من مهارات التواصل وحده وحده متقلقش، ولما تتكلم مع اي حد غريب خد وقتك ف الكلام خالص فكر ف اللي حتقوله واللي بتسمعه من اللي قدامك طلع نفسك من منطقه الراحه اعمل حاجات انت مش بتحبها بس تكون مفيده (تستحمى بميه سقعه- تقرأ كتاب.)والله يفرج همك

عرض الكل 5 نصيحة

Lemon_50969 🇪🇬

منذ شهرين

شعور محبط

Croissant_60032 🇪🇬 بُصي... أنا حاسس بكل كلمة قولتيها، وبجد مش سهل أبدًا اللي مريتي بيه. طفولتك أثّرت فيكي، وخَلّتك تسكتي وتخافي تعبّري عن نفسك، وده طبيعي بعد كل اللي اتزرع جواكي. بس حقيقي، ده مش معناه إن شخصيتك ضعيفة... إنتي كنتي طفلة بتحاول تفرح، بس اتقابلتي برفض، مش بحُب. السكوت اللي جواكي مش طبيعتك... ده خوف قديم، وكل ما بتحاولي تتكلمي بتحسي إنك هتتكسري تاني. بس صدقيني، كل خطوة صغيرة بتاخديها دلوقتي – حتى لو مجرد سلام

عرض الكل 8 نصيحة

عبّر عن شعورك بشكل مجهول

اكبر مشاكلي ف حياتي هو أن شخصيتي ضعيفه بمعني الكلمه أو يعتبر مفيش شخصيه عمري ما قدرت اعبر عن نفسي ولا رأيي دايما بتكسف اتكلم وصلت لمرحله اني بتكسف حتي اشتري حاجه من محل او حتي اتكلم مع الناس وصحابي بدأت تقل وتبعد عني بدون سبب بقيت بخاف اتكلم كل ده بسبب طفولتي واني كنت طفله شقيه بتكلم وبجري وبلعب كتير ف كان كل ما حد من اهلي يشوفني يقولي اسكتي واقعدي شويه ف الناس الي حواليا أو حتي اخواتي ولاد عمتي كنا اطفال ف لما شافو أن اهلي نفسهم بيسكتوني ف بقو بيسكتوني برضو وانا مكنتش بتكلم عشان خايفه اتعاقب ف كبرت علي اني اسكت وصلت أن ممكن علاقاتي بالناس تتقطع لأنهم مستنيني اسال عنهم مثلا وانا خايفه ابعت يسكتوني أو ميردوش عليا فبتراجع عن ده وحقهم بصراحه يزهقو ويبعدو ف اصبحت لوحدي من كل اتجاه وحتي مع اهلي لحد دلوقتي بسكت عشان عارفه أن رايي ملهوش لازمه واني لعبه ف ايدهم اتشال من مكان اتحط فمكان تاني وهما مش بيهتمو لمشاعر حد أو مش معترفين بالمشاعر خصوصاً امي بتفكر ده دلع ولما اقولها أن نفسيتي تعبت تبصلي بقرف وتقولي كفايا هبل ومقتنعه أن كل حاجة بالصوت العالي والزعيق انا جالي حاله نفسيه بقيت بسمع الصوت العالي بعيط وبحس أن جسمي بيتشل انا تعبت بقيت بعيط طول الوقت انا عايشه ف الكلام ده كله بقالي 16 سنه حاولت احل حاجه مقدرتش مش عارفه اتعامل ومبعرفش اتكلم مع مدرسين أو صحاب أو حتي حد فالشارع دايما عندي توتر وكل الي بيقرب مني بيتصد ويبعد عني انا تعبت تعبت من السكوت والتوتر وان مليش رأيي بتعامل علي اني طفله لحد دلوقتي مع اني ونا صغيره مكنتش بتعامل علي اني طفله خالص كنت بتحاسب علي كل حاجه مهما كانت بسيطة واي طفل بيغلط ودلوقتي بيقولو عليا عيله صغيره شخصيتي اتمحت فالوقت الي المفروض اكون ببني فيه شخصيتي مبعرفش اخد حقي من صغير او كبير دايما بسكت ولما بتكلم بتعاقب بخاف اتكلم عشان طريقتهم ف اخد حقي بتبقي غصب عني بيبعدوني بالغصب عن صحابي أو أي حد بحبه ف بسكت اتعودت علي السكوت يمكن حد واحد الي كان عارف عني كل حاجه وبرضو بعد بسبب اني مش بسال ولما يكون عنده ظروف بستناه هو الي يسال كمان ولما عمل حادثه وراح المستشفي مقدرتش ابعت ولا أسأل خفت يسكتني زي الكل ومن حقه يزعل ويبعد صراحه حتي معرفتش اشرح ليه بتصرف كده تعبت جدا صراحه وأنا لسا ف بدايه حياتي يعتبر ف مش عارفه ازاي هكمل وازاي هتعامل مع الناس واتكلم وانا حتي أخواتي بتردد اتكلم معاهم وحاولت اتشجع واتكلم بقيت اقول كلام غريب ومحدش بيهتم وبيسكتوني برضو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_65235 🇪🇬

منذ شهرين

شعور ضائع

انا دايما ملازمني احساس بإني قليلة مش جميلة مش كفاية مش مهمة مهما عملت فلسة فيه اكتر المشكلة دي ملازماني من زمان بس بسة مكتشفاها قريب رغم اني كفاية وناجحة وجميلة ورغم ان كل الناس دايما شيفاني كويسة ودايما بسمع تعليقات كويسة عني ومش لاقية حل وحاسة بتوهة وفقدان معني لحياتي

Ice Cream_37513 🇪🇬

منذ شهرين

شعور مكسور القلب

عبّر عن شعورك بشكل مجهول

انا انسانه مرحه بحب الضحك مش بحب الاجواء الكئيبه في حياتي بس نقصني اهتمام من طرف واحد مامتي هي اه بتحبني بس بكره اهتمامها باخويا الي اصغر مني بسنه برغم ان عندي اخويا الكبير واختي الكبيره مش بنتعامل نفس المعامله بس معايا بالزات فيه قله ثقه هي بتحبني بس لو فيه اي خناقه بيني وبين اخويا دايما هو الي بيتنصف وبتقف في صفو وانا بكره كدا اوي برغم اني تقريبا دايما صح بس هو دايما يعيط ويقلبها صياح انا عندي 15 يعني هو 14 كبير علي فكره انو اي حاجه يقعد يعيط وانا قلبي بيوجعنس وبعيط غصب عني الموضوع بيزعلني زي النهارده كنا في مشوار هو كنت هوقع فونو بالغلط قعد يزعق ويشتم فيا قدام واحده كنت بتكلم معاها المهم اني قولتلو ينفع الهبل دا قالي بس اصلك متخلفه قولتو انا همد ايدي عليك قالي والله اموت هنا قالي انتي مش متربيه بصوت عالي سمع الناس انا زعلت علي نفسي اوي ومشيت كان معانا ابني عمي بعتو معاه عشان مش يزعل لوحدو بس لما حكيت للممتي قالتلي لا اكيد انتي الغلطانه وتقولي هو مش هيكدب وانتي صح قلبي هيقف بجد بࢪغم اني انا واخويا علقتنا كويسه جدا كمان وبعتبرو صاحبي بس بكره حب ماما ليه بجد وبكره انها دايما شيفاني انا الي بفتعل المشاكل حاسه هكره امي مش عارفه اعمل اي احيانا المشاكل دي بتأثر عليا اني مش اعرف اكلم امي بالايام بخاف ابقي عاقه.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_63949 🇪🇬

منذ شهرين

شعور وحيد

ازاي الواحد يقدر أنه يتعافي من أنه عنده عيب خلقي ادب أن ميقدرش يعيش حياته الاجتماعيه بسي هوف الناس منه وهو صغير و لما كبر بقى عنده قلة ثقة وتراست ايشوز و حاسس ان حياته بلا هدف و ملهاش لازمه مش عارف يعمل صحاب ولا يرتبط ببنت بيحبها ولا حتى يشتغل عشان بياخد أفضلية الجمال الحوار ده مبقاش بيخليني اعرف ات

Coffee_62273 🇪🇬

منذ 3 أشهر

شعور مكتئب

عندي ٢٢ وعمر ما ولد حاول يقرب مني لدرجة اني بقيت مؤمنه اني مش حلوه وبقى شعور ساكن جوايا طول الوقت اني مش مجرد مش حلوه لا اني اقل من اني اكون بنت لما بشوف بنت حلوه بحس بغصه في قلبي لما بنزل الشارع بحس ان الناس حواليا بتشتمني وتقول اد ايه انا وحشه مع اني عارفه برضو ان كل ده انعكاس لحاجه جوايا لكن احاس

French Fries_62143 🇪🇬 لا متقوليش كده واوعك تفكرى كده اكيد انتى حلوه بس بطريقه ربنا مميزك بيها او يمكن انتى مختلفه

عرض الكل 9 نصيحة

Cherry_48485 🇸🇦

منذ 3 أشهر

شعور مكسور القلب

Mango_29955 🇪🇬 كلها دي عالم مريضه هدفها بس ان انت تفشلي لأنهم شايفينك احسن منهم

عرض الكل 4 نصيحة

عبّر عن شعورك بشكل مجهول

أنا مش عارفة أبدا مشكلتي منين ولا ازاي بس أنا كنت بتعرض للتنمر وأهلي ولا كانو عرفين يدعموني او يقولو الكلام المعتاد دول غيرانين منك او كدة كانو بيقولو لي اني ناقصة واتقبل كدة ويتكلموا مع بعض انهم يتمنو الناس المتنمرة يبقوا بناتهم أنا دلوقتي مبقتش عارفة قيمتي اطلاقاً وبقيت باخد قيمتي من حاجتي يعني كنت عايزة ادخل طب عشان دي اعلي كلية بس ربنا أراد وجبت ذكاء وكنت بحسب نفسي كدة مهندسة فيه ناس قالو لي ولا تخدعي نفسك انتي ولا مهندسة ولا حاجة ولا هيتكتب في بطاقتك مهندسة حسيت بإحباط جامد أنا كان نفسي ابقي مهندسة او دكتورة عشان يبقي لي قيمة ودي حاجة مضايقاني اوي ان قيمتي وسعادتي متغيرة يعني ازاي لو أنا حد قال لي كلمة حلوة افضل طول اليوم نشيطة ومركزة وبضحك وكذلك لو كنت مع حد اقل مني واحس بثقة جامدة خالص لدرجة التكبر ولو حد قالي كلمة وحشة افضل قاعدة مكاني وولا اعمل لي حاجة ومش مركزة ومش بتكلم ولا بتفاعل وبردو لو كنت مع حد اعلي مني وتبقي الغيرة وكلاني تعبت من كتر ما أنا حاسة نفسي شفافة والبشر كلهم في مقارنة معايا وياما أتكبر وياما أغير الاتنين بيخلوا الناس تنفر مني والاتنين تعبوني أنا مش عارفة أصلا المفروض اخد قيمتي من إيه أصلا بجيب موبيلات عالية ولما أشوف اللي اعلي احس اني مليش قيمة وعايزة اجيب الاعلي ولو مقدرتش ادخل في اكتاب فيه ناس كتير اقل مني في الكلية والموبايلات والناس بتحبهم اكتر مني وانا عارفة ان قيمتي مش بممتلكاتي بس مش عارفة قيمتي بايه وإزاي احس بقيمتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_58137 🇪🇬

منذ 3 أشهر

شعور محبط

مش طبيعي شاب وصل ل ٢٧ عام ومعندوش أصحاب ولما بيخرج مبيلاقيش حته يروحها و عمره ماارتبط او صاحب بنت في الواقع وكل علاقاته بالبنات اونلاين دا غير أنه علاقته بأهل ابوه وامه كمان مش كويسة ومش بيحب يجتمع بيهم وشايفهم كلهم وحشين وفي الإجتماعات يفضل ساكت او مكسوف يارب هون علينا محدش فاهمنا ولا احنا فاهمين ح

Blueberry_57442 🇪🇬

منذ 3 أشهر

شعور محبط

Pistachio_56152 🇪🇬 هي اسلوبها وحش فانتي بتردي باسلوب وحش فهي ترد باسلوب وحش وانتي تردي عليها تاني باسلوب وحش وكل واحده مستنيه التانيه تتغير ولا انتي عجبك اسلوبها ولا هي عاجبها اسلوبك ... فكرتي تروحي تتعاملي معاها وتحضنيها وتغيري اسلوبك معاها؟

عرض الكل 25 نصيحة

عبّر عن شعورك بشكل مجهول

مساء الخير 
ملحوظه قبل ما ابدأ انا بنت عندي 16 سنه و اسفه اني طولت عليكوا بس اتمنى تكملوا للآخر و تنصحوني ♥ 
انا عندي مشكله مع امي انها مش بتحترمني قدام حد خالص و مش بهزار يعني ممكن يكون ضيوف عندنا و يطلبوا مايه تقولي قومي يا كلبه هاتي مايه و بتضربني من غير سبب و دايما متخانقين بسبب طريقتها دي و تجيب اللوم عليا و تقولي طريقتك في الكلام وحشه بصراحه انا غصب عني من طريقتها بتضايق و ممكن اكلمها بأسلوب مش كويس لكن مش بغلط فيها بس و الله اسلوبي معاها دا بسبب انها بتدور على اي حاجه تعمل معايا مشكله بيها و لو عدى علينا اسبوع مش متخانقين تخلق مشكله و بتضربني قدام مرات اخويا و انا دلوقتي بتحرج ابص في وشها و الله من اللي امي بتعمله و ساعات بحس انها مش بتحبني و انا بابايا مسافر السعوديه بس هي كل ما تكلمه تقوله بنتك عملت كذا و كذا و هي ساعات بتجود من عندها و بتزود كلام علشان يزعقلي 
بابا معاملته كويسه معايا و بيزعق لماما انها بتضربني قدام مراتات اعمامي و قدام الناس و كدا يعني انا كبرت و مينفعش كدا قدام الناس بس بابا بردو ساعات بيصدقها و بيزعقلي من غير ما يسمعني انا و الله بحاوا اقرب منها و ارجع مثلا من برا احكيلها يومي في الدروس و كدا و بتسمعني و بعدها تتخانق و تزعق على اتفه حاجه انا حاسه ان ثقتي في نفسي قليله جدا و حاسه اني قليله و مش كفايه و الناس كلها مش بتحبني و معنديش صحاب و حتى لما اتصاحبت على بنتين كانت بتضربني بردو قدامهم و هما كمان حسوا اني قليله و بعدوا 
حد ينصحني اعمل ايه و اعاملها ازاي علشان تقرب مني و تبطل تضربني علشان بجد بتكسف منها قدام الناس و بحسهم بيشمتوا فيا  
هي مفكره انها لما تضربني كدا اسلوبي هيتحسن معاها و متعرفش انه بيجيب مفعول عكسي معايا و بدأت اكرهها و احس انها مبتحبنيش 
انصحوني اعمل ايه ونبي علشان تعبت و الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_56067 🇪🇬

منذ 3 أشهر

شعور عاطفي

انا بنت عندي 23 سنه خريجه رياض اطفال نفسي اطور من نفسي في مجالات كتير لان خبراتي قليله و مش بتعامل مع حد تقريبا و مبعرفش حد و ده يؤدي لمشكله برضو مفيش حد ييتقدملي لاني مش بتعرف بس عموما شايفه انه ده صح و انه ربنا هيسخرلي الامور لما يحين المعاد و لكن انا معنديش خبرات و ثقتي شويه قوليله بسبب اني مش بع

Strawberry_55445 🇪🇬 23 يعني لسا متخرجة السنة ديه تقريبا !! مفيش حاجه فاتتك خالص بالعكس ده طبيعي خصوصا بعد التخرج اولا الف مبروك ودائما من نجاح لنجاح ✨❤️❤️❤ ثانيا مجال جميل اوي انك هتبقي تاني مصدر تعليمي للطفل ـ بعد والديه- فرصة عظيمة اوي انك تزرعي فيه حب ربنا حاسس أنه مناسب اوي تبدأي بالقرآن كتدبر و علم شرعي خصوصا للاطفال باذن الله هقدر أفيدك بمصادر اول مره قولت presentation و مضي التوتر و الرعب جوا قلبي

عرض الكل 15 نصيحة

Ice Cream_55489 🇪🇬

متعلق بوهم وعارفة إنه تلاعب.. ليه؟

حبيت حد اونلاين هو سعات بيختفي ويظهر كلامه فيه حاجه غير مطمئنه ونفس الوقت متعلقه بيه جدا انا سعات لحلم بيه من كتر ما هو في عقلي انا سني مش صغير وعارفه ان لازم اكون في وعي الكافي ان اعرف ان ده مش حب ده تلاعب بس انا جوايا هش اني متعلقه بوجوده انا نفسي افهم ليه بستناه اوي كده وليه بطارده هو شغله صعب لدرجه ممكن يقعد ١٦ ساعه ودي حاجه متأكده منها لان وقت ما كنا بنتكلم بيكون في شغله وارجع اقول اللي خلاه يكلمني الأوقات دي يختفي ليه هل تمسمي بيه ده نتيجه اني لوحدي ولا انه الدنيا جوايا بايظه لدرجه اني بتعلق بوهم انا بكلم معاكم لاني تعبت كلام مع نفسي ٣٤ سنه بلا حياه ولا اسره ولا حتى اصحاب ولا أهل حواليا عارفين عامله زي الشجره في وسط صحرا ده غير احساس جوايا اللي حواليا اتجوزوا وانا لسا والله ما حسد انا بس حزينه على حالي ...عرض المزيد

2 الدعم

22 نصيحة

Sugar_56012 🇪🇬

منقلة مكان جديد وحاسة بالوحدة جدا

بتعملو ايه لما تنقلو مكان جديد ومتعرفوش فيه حد وحسين بالوحده جدااا ومش بتعرفو تخرجو لوحدكم زي كده 🙂💔 + كله بيقول زايد خروجاتها تووووحفااااا بس مش بحب اخرج لوحدي بيجاااااد 🥺🥺 حد يقولي اعمل اي واي الاماكن الحلوة اللي اخرج فيها هنا + اي افكار اقنعهم اننا نرجع بيتنا القديم 🙂😂 سوري دوشتكم معايا بس بجد اتخنقتتتتت وشوية وهتكلم مع المخدات 🥺💔 ...عرض المزيد

3 الدعم

18 نصيحة

Mango_76530 🇪🇬

مش قادره ارفع عيني فيه وبيقلي انتي السبب

بدون تجريح انا حكيت لحد سر كبير اوي في حياتي وهو اول ما ادايق مني راح وقال السر ده لحد اعرفو ودلوقتي مش قدره ارفع عيني فيه وبيقلي انتي السبب عشان انتي دخلتي حد بنا وان انا ده مساله والي قلي ده بيغل مني عشان عملتلو بلوك واز انا الغلطانه ومش عارفه اعمل اي ومخنوقه اوي. .... . . . . . . .. . . . . ...عرض المزيد

1 الدعم

16 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع