عندي مشكلة في الكلام والتوتر قدام الناس

Question

انا بنت عندي 23 سنه خريجه رياض اطفال نفسي اطور من نفسي في مجالات كتير لان خبراتي قليله و مش بتعامل مع حد تقريبا و مبعرفش حد و ده يؤدي لمشكله برضو مفيش حد ييتقدملي لاني مش بتعرف بس عموما شايفه انه ده صح و انه ربنا هيسخرلي الامور لما يحين المعاد و لكن انا معنديش خبرات و ثقتي شويه قوليله بسبب اني مش بعرف اتكلم اكتشفت اني مش بعرف اتكلم قدام الناس و بتوتر و قلبي بيدق جامد و مبعرفش اقول كلمه ف عاوزه اتغلب علي ده 🙂🤦‍♀️ و عاوزه نصايح عن الحياه عموما

Strawberry_55445 🇪🇬 · Accepted Answer

23 يعني لسا متخرجة السنة ديه تقريبا !!
مفيش حاجه فاتتك خالص بالعكس ده طبيعي خصوصا بعد التخرج 
اولا الف مبروك ودائما من نجاح لنجاح ✨❤️❤️❤
ثانيا مجال جميل اوي انك هتبقي تاني مصدر تعليمي للطفل ـ بعد والديه- فرصة عظيمة اوي انك تزرعي فيه حب ربنا 
حاسس أنه مناسب اوي تبدأي بالقرآن كتدبر و علم شرعي خصوصا للاطفال باذن الله هقدر أفيدك بمصادر 
اول مره قولت presentation و مضي التوتر و الرعب جوا قلبي

Coffee_34133 🇪🇬 · Answer

جربي تنزلي شغل
تقرأي كتير 
تنزلي چيم 
اهتمي بجسمك وصحتك وده هيزود ثقتك بنفسك

Banana_56622 🇪🇬 · Answer

علي فكره انك متعرفيش ولاد قبل كده ولا دخلتي في علاقه ده موضوع جامد عشان اول حب هيكون جوزك وهديله كل المشاعر الحلوه علي عكس صاحبه الماضي بتكون مستنزفه

Coconut_56027 🇪🇬 · Answer

حقيقي لو انا الي كاتبه البوست مش هيكون بيوصفني بالشكل ده 😂
بصي في نصيحه حد نصحهالي ف ده الي اقدر اقولهولك هو(  انزلي ) بجد دي النصيحة سواء تنزلي شغل تنزلي چيم تنزلي تاخدي كورس أو تتعلمي حاجه بتحبيها تروحي دار تحفيظ قرآن وتتعرفي علي البنات هناك حتي أما تكوني فاضيه و لوحدك انزلي اقعدي ف كافيه وخدي كتاب اقريه اظهري ف المجتمع وخليكي متواجده وسط الناس الي بتتوري منه حطي نفسك فيه عشان تتغلبي علي خوفك

Banana_56622 🇪🇬 · Answer

وبالنسبه لموضوع التوتر ده طبيعي جدا في الاول ولكن مع التكرار الرهبه بتروح

Watermelon_56067 🇪🇬 · Answer

انا بقراء كتير بس مش بنزل جم بعل تمرينات في البيت عادي

Coffee_34133 🇪🇬 · Answer

المهم التعامل مع الناس عشان نكتسب خبرات من المواقف والتحارب

Watermelon_56067 🇪🇬 · Answer

مبلقيش نفسي لما بنزل بجد بحس اني غريبه جدا بحس اني لقيه نفسي اكتر في البيت انا اكتشفت ده لاني كملت تمهيدي ماجستير ف بقا لزم اتكلم قدام الناس و خدي بقا مش عارفه اتكلم كلم كلمه

Coconut_56027 🇪🇬 · Answer

بجد انا اكتر حد فاهمك لأني بمر بنفس المشكله بس انا بقيت اتعمد ازنق نفسي ف أي تجمع لأني بخاف من الزحام جدا و بتوتر وسط الناس لدرجة اني ممكن اعيط بجد بقيت ادخل أي تجمع واضغط علي نفسي و هستمر لحد متعود مش هقولك اتعودت بس الموضوع بدأ يخف شويه

Watermelon_56067 🇪🇬 · Answer

هحاول اعمل كده بس انتي بتحاولي تتكلمي ولا بتعملي ايه

Strawberry_55445 🇪🇬 · Answer

كنت زيك تماماً يمكن اكتر خوف و رعب و نفسي مش قادر اخده و رجلي سابتني و جريت تقريبا 😂 دلوقتي الحمد لله انا speaker في اكبر المؤتمرات اللي بتعمل في الجامعة كل ده مع الوقت هيروح
إنما العلم بالتعلم 
لينكد أن مهم عشان تعرفي متطلبات مجالك 
ابدأي نوعي في معرفتك بالحاجات اللي تحبيها سواء لغة أو مجال معين 
كده كده التعامل مع البشر هيجي بس حافظي علي مبأدك لان العالم برا مرعب

Watermelon_56067 🇪🇬 · Answer

طب انتي عملتي ايه بالضبط عشان توصلي ل كده

Cherry_44419 🇪🇬 · Answer

انا برضو زيكم انتم الاتنين بالضبط يا كوكونت وصاحبة المشكلة استاذة بطيخة😭😭 … عندي رهاب اجتماعي ومش بحب التجمعات خالص ولا بحب البشر بشكل عام وبحس اني غريبة وسخيفة وبوئي بيبقى مشلول لما اكون مع ناس وبحس مبعرفش اقول كلمتين على بعضهم خالص …بس المشكلة اني لسه ١٨ سنة والمفروض اني مجتهدة وشاطرة في الدراسة بس بسبب الموضوع دا اتكاسلت وحتى الكلية مبقتش بروحها ومستوايا بقى بيقل ودا غلط اوي ومش عارفه اتغير.

Corn_56070 🇪🇬 · Answer

جربي تطوعي في جميعه خيريه هتساعدك جدا ف التعامل مع الناس و كسر الحواجز اللي بتيجي في بالك

Apple_55747 🇪🇬 · Answer

حلك القرأن كل حرف ليه طاقه تردديه علي المخ والاعصاب وهايحسن مخارج الكلام والصلاة والسجود كتير بيحسن مراكز بالمخ وبيحفز مراكز القرارات ، 
حيطي نفسك بناس عاقله تقدرك معظم المجتمع بقا منافق علشان كدا مش عارفه تندمجي مع كميه النفاق خليكي علي طبيعتك ومحدش عارف انتي بتفكري بايه اسمعي اكتر ماتتكلمي