"حاسس إني قليلة مش جميلة رغم نجاحي"

Question

انا دايما ملازمني احساس بإني قليلة مش جميلة مش كفاية مش مهمة مهما عملت فلسة فيه اكتر المشكلة دي ملازماني من زمان بس بسة مكتشفاها قريب رغم اني كفاية وناجحة وجميلة ورغم ان كل الناس دايما شيفاني كويسة ودايما بسمع تعليقات كويسة عني  ومش لاقية حل وحاسة بتوهة وفقدان معني لحياتي

Coffee_65065 🇪🇬 · Answer

قوي ثقتك بنفسك ... خاصة لو في صدمات قديمة بحياتك

Blueberry_65109 🇪🇬 · Answer

ايه اللي انت بتقوليه ده متقوليش علي نفسك كده تاني انت عاليه ومفيش حد زيك وانت اجمل البنات حتي لما بتشوفي بنت حلوه لو بصيتي علي نفسك هتلاقي ان انت اجمل بكتير وبمراحل كان عندي الحوار ده بس الثقه اهم حاجه ثقي في نفسك انت واحده بس ومش مكرره

Banana_64649 🇪🇬 · Answer

حبى نفسك قبل اى حاجه واحمدى ربنا على نجاحك وشكلك وروحك وقلبك دا انتى ولو حاجه من دول ضاعت او اتغيرت بكره ممكن تتوهى دورى على شغفك تانى اقعدى مع نفسك حتى لو بورقه وقلم وعددى النعم والمميزات وانزلى شاركى فى خدمات مجتمعيه لو عندك وقت عشان تشوفى بعينك الفضل اللى انتى فيه ..واخيرا تانى حبى نفسك اول حاجه

Potato_65222 🇪🇬 · Answer

اكيد في حد في حياتك كان بيقلل من اللي انت بتعمليه وفي الغالب هيبقى حد من ابوك او امك او ممكن كمان من صحابك كل ما تعملي انجاز يقول لي يقولوا لك عادي فلان عمل احسن منك او حاجه اما بالنسبه للموضوع ان انت حاسه ان انت تايهه وفقدتي معنى الحياه فده محتاجين نتكلم فيه شويه اولا ايه هي اعتقاداتك للحياه وانت ازاي شايفه الحياه وايه اللي انت بتعمليه حاليا من نشاطات او هوايات وغيره

Coffee_65240 🇪🇬 · Answer

اولا كدا اهم شئ في حياتك هو نظرتك لنفسك ... نظرة الناس دى اخر حاجة تبصيلها ... بصي لنفسك من جوه .. هل انتي تستحقي انك تشوفي نفس قليلة و مش كفاية و مش جميلة؟؟ الإجابة هي لأ و الدليل علي كدا نظرة الناس ليكي ... بس لازم قبل ما الناس تبصلك بنظرة حلوة ... انتي تبصيها لنفسك ... لازم تحبي نفسك لإن دى اكتر حاجة تستاهل الحب ... و بالنسبة لفقدان معني الحياه دة انتي اللي ف ايدك تغيريه ...و انا عندي حلول كتير

Coffee_65240 🇪🇬 · Answer

من الحلول دى ... انتي بتحبي ايه؟؟ بتحبي الرسم ؟؟ ارسمي .. بتحبي المزيكا ؟؟ اسمعي مزيكا و اتعلميها كمان ... اعملي كل حاجة انتي بتحبيها و ملكيش دعوة بأي حد ... انتي تستاهلي تتبسطي و تفرحي عشان انتي مش قليلة خالص ... انتي اهم شخص في حياتك ... ربنا بيحبك ... يبقي لازم انتي كمان تحبي نفسك عشان انتي تتحبي

Mango_64751 🇪🇬 · Answer

بصي انا مش من النوع اللي بحب اقول كلنا كده و كلنا عندنا الاحساس ده ولكن انتٍ بتقولي أن الناس بتشوفك كويسة و انك ناجحه و حلوة وده شئ ملوس يعني مش لسه هيتبني علشان تبقي لاء انتٍ بقيتي فأي عقده سواء من الماضي أو من دلوقتي احذفيها تمام و اقفي قصاد المرايه وقولي انا كفاية و انا كويسة و انا فيا وفيا و طمني نفسك

Cookies_65235 🇪🇬 · Answer

هو فعلا أهلي كانو دايما بيحبوني ان مهما عملت ففي أحسن  من كدة وانت كنت صغيرة مش فاهمة بس لما كبرت الموضوع بقي عملي مشكلة

Potato_64725 🇪🇬 · Answer

رتبي افكارك
ثقي ف نفسك

Pineapple_65193 🇪🇬 · Answer

ممكن تكوني كنتي عاوزه دا من اهلك بس هما معملوش كدا
اطلبي دا مش عيب قولي انا محتاجة اتقدر واسمع منكم دعم وكلام كويس

Strawberry_65001 🇪🇬 · Answer

محتاجه حد يقولك انك جميله حاولي تختاري الناس اللي حواليكي اللي تديكي ثقه في نفسك

Sugar_64872 🇪🇬 · Answer

متاكده انك سمعتي الكلام دا من حد قريب منك حسسك سواء بقصد او بدون قصد بكدا محتاجه تقعدي من نفسك قعده كدا و تتكلمي وتقضي كل الافكار دي وتسألي نفسك هل انا قليله وتردي علي نفسك وتقولي انا ربنا كرمني علي باقي خلقه  ربنا قال ولقد كرمنا بني ادم فأنت غاليه وربنا كرمك وتكملي نقاش مع نفسك وتفهمي ليه هي بتحس بالمشاعر دي بالظبط عشان تردي عليها أو تصلحي من اللي انت شايفه انك مقصره فيه وتبقي احلي نسخه من نفسك

Banana_62864 🇪🇬 · Answer

لو بصيتي لحد اقل منك هتعرفي مقدار نفسك وتشوفي مقدار جمالك ولو اديني الفرصة لحد بيحاول يقرب منك يكون بيحبك

Carrot_65354 🇪🇬 · Answer

ي عزيزتى حبى نفسك تقبلى ذاتك انت جميله وكويسه وناجحه  اسمعى الدحيح