صدمت من كلام القايمة والمؤخر في أول زيارة

Question

دلوقتي انا كنت متقدم لبنت واول مرة ادخل بيتهم بدأو يتكلموا في المؤخر والقايمة. طبعا أنا موضوع القايمة بالنسبالي مرفوض تماما. انا هجهز كل حاجة وعندي شقتي الحمدلله في مكان كويس ومستوايا الاجتماعي والمهني والمادي كويس بفضل الله ولله الحمد. والبنت مستواهم أقل مني كتير بس حسيت منها انهم مش ماديين اوي كده. تخيلت هيسألوا عني وعن أخلاقي وشغلي وبعدين نفكر ولسه في خطوبة وتعارف . انما خبط لزق كده كلام في قايمة ومؤخر. انصدمت ومش عارف اعمل ايه. البنت كويسة وعارفة ربنا بس أهلها شايفين الموضوع بيعة وشروة

Mushroom_71160 🇪🇬 · Accepted Answer

اهرببب

Cheese_80924 🇩🇿 · Answer

و أنت رح تتجوز البنت او ابوها ؟ ، المهم البنت طيبة

Strawberry_83277 🇪🇬 · Answer

طبيعي تتكلمو ف كل حاجه ف قعده الاتفاق عشان مايبقاش فيه نقطه خلاف مع الوقت وكده بس طالما تجهز كل. حاجه حقك ماتكتبش قايمه

Potato_66736 🇪🇬 · Answer

أهلها عايزين امضي على نفسي ورق أن الأثاث والشقة من حقها إذا حصل طلاق لا قدر الله

Mango_83190 🇪🇬 · Answer

بص مع كامل احترامي لي بس مش معني كده ان اهلها مدين انا راجل زي زيك تمام بس حالياً الظروف صعبه وبص بعينك انت فا حولينا رجاله كثير زينا مش مضمونين  واكثر من صحابك او صحابي يما فركشه وسابه البنت لاسبا عبيطه وتيجي تساله يقولك الدنيا وادين وهي ويجيب سرتها بالوحش فا هما كا اهل انت بتقول مستواهم اقل منك فا عيشتهم صعبه شوي بالتالي تفكرهم صعب حبتين ثلاثه وهيكون خيفين علي بنتهم ومش عيزين سمعه تطلع عليها

Mango_83190 🇪🇬 · Answer

برضو انا مش بدافع عنها انا بقولك الواقع الي بقينا عيشين في غصب عنا كلنا كل من حالو مش ميسور هيكون عايز يامن بنته بس حاول تكلم شوي معاهم ان الموضوع مش بيع وشره وانا اكتب الي انتم عيزنو ومش معترض بس بالعقل

Potato_66736 🇪🇬 · Answer

دي مش قعدة اتفاق. دي تعارف لسه. وبعدين مش طبيعي اول كلام يكون عن القايمة بعد ما قلتلهم بنتكم تيجي معززة مكرمة بشنطة هدومها. ولو من غير شنطة انا اجيبها اللي هي عايزاه

Strawberry_83277 🇪🇬 · Answer

لا مش طبيعي ف قعده تعارف ماتكملش

Potato_66736 🇪🇬 · Answer

اكتب ايه. انا مش عايزهم يجيبوا حاجة. يعني قصدك اني ادفع مهر واجيب شقة وعفش ودهب واكتبهم باسمها يعني؟؟ هل ده يعقل اتق الله

Potato_66736 🇪🇬 · Answer

شكلها كده

Potato_66736 🇪🇬 · Answer

شكلها كده

Cheese_80924 🇩🇿 · Answer

لا دا هبل ، دولا إما مش عيزين البنت ترجع لهم ، او ناويين على مصيبة...

Croissant_52254 🇪🇬 · Answer

لو مفيش حب سيبها ولو في حب فهم اهلها ان مينفعش تكون هي جايه بشنطة هدومها وتكتب قايمه واصلاً هتكتب قايمه على ايه وهما مش هيجيبو حاجه اتكلم معاهم بالعقل وان ده مش منطق تكون الجوازه كلها عليك زي مهو في الدين وكمان تكتب قايمه

Corn_78398 🇪🇬 · Answer

الدين بيقول يا تدفع مهر يا تكتب قائمه ومدام هى مش هجيب حاجه خالص يبقى مفيش قائمه تكتب اللى جابتو بس وبعدين الشاري يعمل اى حاجه عشان تبقى معاه

Potato_66736 🇪🇬 · Answer

والله اتكلمت وقلت الكلام ده. قالولي امال تضمن حقها ازاي 😂? مش عارف حقها في ايه بالظبط?

Potato_66736 🇪🇬 · Answer

الشاري ده اللي هو انا ولا هي؟ والدين مبيقولش قائمة. الدين بيقول مهر والزوج بيوفر البيت وبيجهزه. وده اللي انا هعمله. انا مش فاهمك