رهاب اجتماعي

Popcorn_47130 🇪🇬

منذ يوم واحد

شعور غير مكتمل

عندي مشكله بس انا مش بعرف اعتمد علي نفسي في اي حاجه لازم بابا يجي معايا المشوار او ماما او اخواتي حتي اختي الصغيره عشان ابقي مطمنه وعندي رهاب اجتماعي او سعات مش بيبقا موجود ومع كل ده انا مش صغيره انا 16سنه يعني مينفعش ولازم اعتمد على نفسي ومش بعرف بجد بخاف وبتوتر اغلط او البخ في اي حاجه

Biscuit_73604 🇪🇬 لو لقيت حل قوليلي

عرض الكل 9 نصيحة

Pineapple_72639 🇪🇬

منذ يوم واحد

شعور متعب

انا عندي رهاب اجتماعي حاد جدا بيأثر عليا وعلى حياتي جدا ليا اسبوع ما رحت الجامعه بسببو حتى الامتحانات ضيعتها واعتقد اني هرسب السنه دي اصلا انا تعبت 😭 عندي صديقه ف الجامعه حاسه انها بتحب تستغل ضعفي او لاحظت اني ضعيفه فبقت بتستغل الحاجه دي ف طريقة معاملتها وكلامها معايا وانا بسبب الرهاب مش بقدر أواجه

Avocado_52312 🇪🇬

منذ 3 أيام

شعور ضائع

دلوقتي انا عاوز انزل اشتغل واعتمد علي نفسي وكدا وعشان برضو نفسي في حاجات كتير مش هعرف اجيبها غير لو اشتغلت، انا ما اشتغلتش قبل كدا والصراحه مش عاوز اقبض اقل من 4500 كابدايه يعني، انا معنديش مشكله اشتغل، لكن مشكلتي هي ان انا مش عارف الاقي شغل وابويا مش عاوز يجيبلي شغل وبيقولي دور انت، انا المشكله ان

Coffee_19911 🇪🇬

منذ 6 أيام

شعور آسف

عبّر عن شعورك بشكل مجهول

هاي 
النهارده ولا المفروض اقول امبارح المهم يوم الجمعه كان فرحتنا المنتظر كان عزال اول بنت في عيله بابا او اول واحده ربنا ينصرها وتتجوز وصح كان عزال وكتب كتاااب بعيدا بقى عن الدجي اللي محتاج هو محتاج حاجه وخلاص بس ده كان احقر حاجه حصلت يعني بعد ما قعدت على تيك توك شهرين واحفظ اغاني وتريند واسمع احمد سعد واخرج من مود ابله نظيره اللي مش حافظه اغاني دي وصراحه قولت استغل العزال وانهي على حوا الرهاب الاجتماعي اللي عندي ده بس بجد الديجي الحقير الله يسامحه شغل اغاني مسمعتهاش قبل كده تعب الشهرين راح على الفاضي وانا خدت بعضي وروحت وقفت في كورنر على جنب اسقف وابتسم وخلاص اممممم في منظور كل اللي حواليا انا شبه صنم بيستقف وراسه في الأرض وخلاص اممم عندهم حق الصراحه لسه اخويا الصغير بيقولي هو انتي محطتيش ميكب مع البنات لييييه اماااا جيل قليل الادب بحق بس خلاص عاوزه احكي من منظور انا بقى

كانت عروسه شكلها تحفهه الوقت بيعدي بسرعه موتت وهي بترقص وبتغني مع صاحبها حسيت اني بدمع للحظه مش متخيله اني كنت هعيط علشانها كأننا كنا صحاب اويي ده يادوب بنسأل على بعض كل فين وفين كل حاجه فيها كانت مظبوطه ماشاء الله يعني لحسن تولع دلوقتي بس بجد لفه الطرحة والفستان وصراحه بيني وبين نفسي فرحت اوييي للمه صحابها حواليها وصح انا شربت علبتين عصير تفاح من الليله دي كلها وشوفت ولد صغير قمور بشكل فضلت ارخم عليه في الكورنر اللي بسقف فيه ده وبعدين ربنا رزقني بتالت علبه عصير وانااا اديتها لهذا الطفل بس لأجل وسامته الطبيعيه غير كده انا مبحبش الاطفال والسماء من فوق والشجر حواليها كان احلى من زحمه الناس والرقص والعرق تحت حسيت اني عاوزه اهرب واقعد في بلوكنتي او اطلع السطح وخلاص وأفضل ابص للسماء والشجر والشمس اللي بتلمع ورق الشر والبيوت العاليه بطوبها الأحمر والعشش بتاعت الحمام وعمو وهو ماسك علم وبيرفرف بيه والحمام بيطير حواليه لحد ما فوقت على كف على ظهري من ماما اني انزل لساحه المواهب بتاعت البنات دي وارقص او اسقف حلو بدل تسقيف تحيه العلم دي بس كده وصح خمنوا  حاجه اليوم خلص 
وبعد بكره مش عارفينه والنهارده مجهول فااا تمام 
باااي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_71455 🇪🇬

منذ أسبوع واحد

شعور مكسور القلب

جماعه انا مبعرفش اتحكم في افعالي وتصرفاتي عصبيه جدا ولما ببقا رايقه بكون تافهه جدا انا عندي 20 سنه بس مبعرفش اتاقلم مع الناس مبعرفش اتكلم معاهم بحس عندي رهاب من الكلام دا وفي نفس الوقت لما بقعد لوحدي بعيط وبحس باحساس وحش حد عنده حل بجد

Potato_63928 🇪🇬

منذ أسبوع واحد

شعور لا مبالٍ

مجرد فضفضه أنا عيد ميلادي النهارده الموضوع مش مأثر فيا اوي زي زمان لأن كنت بهتم الناس تنزل استوري وكل سنه وانتي طيبه والشغل ده بس بردك مكنش بينزلولي كتير حوالي ٩ بالكتير يعني ،ليا سنتين مبقتش مهتمه السنه ال فاتت كانوا بيبعتوا مسج بس دلوقتي محدش افتكر خالص غير واحده الغريبه أن أنا وهي مش بنتكلم كتير

Pear_68704 🇪🇬

منذ 3 أسابيع

شعور محبط

عبّر عن شعورك بشكل مجهول

انا تعبان جدا نفسيا وحاسس ان خلاص حياتي باظت انا طول عمري شخص اجتماعي جدا بس مكنتش اجتماعي خالص مع البنات كان عندي رهاب او حياء مش عارف .. خلصت الجامعه ودخلت جيش وطول الفتره دي كنت لوحدي مفيش حد قريب مني ولا حد فاهمني ولا حاسس بيا بس ده مکنش بيظهر للناس لاني شخص مرح وبحب الهزار والضحك وليا صحاب ولاد كتير جدا وليا صحاب مقربين وشله في الجامعه وبنخرج ونسافر بس مكنش حد مالي المكان القريب اوي .. المهم شوفت بنت ظاهريا كويسه وتوكلت علي الله واتقدمت ومعرفش الموضوع مشي ازاي كان فيه عيوب واضحه بس انا مكنتش فاهم نفسي ساعتها كنت ٢٥ سنه ومكنش عندي الخبره الكفايه اللي تخليني افهم واقرر هل مناسبه ليا او لا هلي فيه كيميا بينا او لا ها هقدر استحمل عيوبها واتعايش معاها او لا وللأسف انا دلوقتي ٣٠ سنه متجوز من ٣ سنين وشويه ومعايا ابني سنتين ونص عايش مع انسانه صعبه جدا وصوتها عالي مفيش اي مشاعر بينا مش نضيفه ومفيش اهتمام مفيش انوثه او اي جاذبيه مفيش روح او اي كيميا بينا مفيش حوار خالص ولو حصل بيقلب بخناقه ومجادلات كتير وحرق بيمتص كل طاقتي ويبقي عايش كأني مسخ بلا مشاعر او عواطف او حب حتي العلاقه بالعافيه وبدون تجديد او اهتمام او مظاهر انوثه عايش حياه بشعه جدا وحاسس اني من اول ما اتقدمت لحد دلوقتي كأني دخلت دوامه ولسه فايق دلوقتي حاسس ان خلاص حياتي باظت وكل احلامي ضاعت وبقيت مضطر اكمل الحياة البشعه دي لحد ماموت ومفيش حل انا بعرف احل مشاكل ناس كتير وتفكيري كويس ونصحت كل اصحابي بس انا في مشكلتي حاسس اني غرقان ومش عارف افکر خالص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_68165 🇪🇬

منذ 3 أسابيع

شعور مرهق

انا لسه ناقله ل محافظه جديده من سنه بس مش عارفه اتأقلم بيتنمروا عليا شكلي طريقه كلامي مش لاقيه اللي يفهمني و هم بجد فاكرين اني نقلت محافظتهم بارادتي بس الموضوع مش بإرادتي نهائي دي ظروف خلتني انقل لهم بس بجد مش عارفه اتأقلم وسطهم + عندي رهاب اجتماعي ف بخاف من البشر ف بجد يعني بتعب من تنمرهم ده اوي

Popcorn_68444 🇪🇬 رضا الناس غاية لا تدرك..اشتغلي و اجتهدي و متشغليش بالك بحد..و كل واحد فيه عيوب بس محدش بيبص على عيوبه و دوري عالناس اللي شبهك..دوري على ناس نضيفة مش ناقصة و متسمعيش لحد كل همه إنه يقلل من الشخص اللي قدامه عشان يداوي نقصه

عرض الكل 23 نصيحة

Banana_58553 🇪🇬

منذ 3 أسابيع

شعور ممتن

موضوع:

حاجة مش مسامح نفسك عليها ؟

جات عليا فتره كان عندي رهاب اجتماعي لدرجة كنت بهرب من الصلاة و مش بروح اصلي الجمعه في المسجد..و كنت مقصر اوي في الصلاة و العبادات وف اهتمامي بصحتي.. من سنتين تقريبا انتظمت علي الصلاة في المسجد وبقرأ قران كل يوم في اي وقت بالتجويد و محافظ علي الاذكار سواء بعد الصلاة و قبل النوم و اول ما اصحي و بقيت ب

French Fries_32968 🇪🇬 ربنا يبارك فيك🤍

عرض الكل 3 نصيحة

Pineapple_63841 🇪🇬

منذ شهر واحد

شعور ضاق ذرعًا

حد عنده حلول للرهاب الاجتماعي؟... بعاني من المشكلة دي جدا و انا بحاول وروحت لدكتور نفسي وباخد دواء اسمه INDERAL 10 باخد منه ٣ مرات في اليوم و دواء Lustral ومع ذلك مفيش نتيجة ظاهرة وبحاول اتظاهر اني على طبيعتي واني كويس وبتعامل بشخصيتي الي المفروض اتعامل بيها بس في حاجة مش مظبوطة وبحس بدوخة وخمول وبح

Mango_63911 🇪🇬 ليه أدوية؟ ليه بدأت علطول أدوية علاج الرهاب بيبقى علاج سلوكي انت كان ممكن تاخد دورات تدريبية عن ازاي تعزز ثقتك ف نفسك ازاي تتعلم تبادر و تفتح مواضيع مع أي شخص لكن العلاج بالأدوية كان المفروض تبقى آخر حل و إن أخدتها ف هي م هتعالج الرهاب دي مضادات قلق و اللي انت فيه ده ممكن اثار جانبية منها لوحدها مش هتعمل حاجة انت لسة محليتش المشكلة

عرض الكل 11 نصيحة

Mango_28732 🇪🇬

منذ شهر واحد

شعور ضاق ذرعًا

عبّر عن شعورك بشكل مجهول

أنا حقيقي تعبت…
مش من يوم ولا من سنة،
ده تعب عمر… تعب سنين مليانة وجع وقهر وصمت.
أنا طول عمري حاسس إني مولود في المكان الغلط، في الزمن الغلط، وسط ناس عمرهم ما شافوني بني آدم.
اتربيت وسط عيلة كل واحد فيها شايفني “عدو”، مش ابن…
مش واحد من دمهم، لأ، كأنهم بيشوفوني شُبهة… حاجة لازم تتعاقب على وجودها.
طفولتي؟ كانت عبارة عن جحيم بشري متغلف بكلمة “تربية”.
ضرب، صريخ، إهانة، تحقير، تذليل…
كل تصرف بسيط مني، حتى لو مش غلط، كان بيترد عليه بعلقة أو شتيمة أو حرمان أو تكسيري من جوه.
مفيش مرّة سمعت كلمة طيبة من حد.
مفيش ضحكة حقيقية…
مفيش حضن…
مفيش “أنا فخور بيك”…
ولا حتى “أنا شايفك”.

كان مطلوب مني أكون مثالي… حرفيًا ملاك،
ممنوع أغلط، ممنوع أضعف، ممنوع أتكلم،ممنوع اخرج وأصاحب حد
ولو حصل؟ الجواب: الضرب، السخرية، المقارنات، العقاب النفسي والجسدي، الحرمان، التجاهل التام.

كل واحد في العيلة كان بيأذيني بطريقته:
		اللي بيمد إيده ويضرب لحد ما أصرّخ
		واللي يقول لي كلام يكسّرني ويخليني أكره نفسي
		واللي بيتجاهلني كأني مش موجود
		واللي بيقارنني بأي حد وكل حد… ويقول لي دايمًا “مش نافع… فاشل… قليل… مالكش لازمة”

بس كل ده مكنش كفاية…
اتعرضت لتحرش، وأنا لسه طفل.
مقدرتش أتكلم… كنت خايف، كنت لوحدي،
حاسس بالعار، بالغُصة، بالقرف…
وماكانش فيه حضن يطبطب، ولا كلمة تطمن، ولا حتى ودن تسمعني.

كبرت…
وكل يوم كنت بشوف صحابي عندهم أهل بيحضنوهم، بيسمعوهم، بيفرحوا لفرحتهم،
وأنا؟
كنت بعيط لوحدي في الضلمة،
ببكي لحد ما نفسي يتقطع،
قلبي بيكركب في صدري من كتر القهر،
كنت بنام وأقوم ألاقي كدمات في جسمي مش من الضرب بس،
من الحزن…
الحزن اللي بيتخزن في العروق، واللي بيكسر الضلوع من غير ما يبان.

دلوقتي؟
كبرت آه… بس أنا ماعيشتش أصلاً.
أنا دلوقتي في تالتة ثانوي أزهري،
بس حرفيًا مش قادر أكمّل…
السنة دي كلها ضاعت، ما ذاكرتش، وقررت أأجل،
لأن عقلي مش ثابت، ونفسيتي مدمرة، وجسمي تعبان من جوه قبل بره.
أبويا؟
نرجسي، سادي، بخيل، مسافر ومش عارف إني مأجّل،
وأول ما يعرف؟
هيطردني، بمنتهى البساطة…
كأنني غريب، مش ابنه.

وأنا دلوقتي عايش عند جدي،
بس باقي العيلة هناك مش أقل نرجسية،
بيحاولوا يطردوني برضو، وبيتعاملوا معايا كأني عالة،
كأني مشكلة لازم تتشال من على صدرهم.

يعني لو الأمور فضلت كده،
أنا مهدد إني أترمي في الشارع.
ولو فضلت ساكت ومأجّلت السنة دي، ومادخلتش طب السنة الجاية،
يبقى يا إما أتهان وأتذل طول عمري،
يا إما أتطرد تمامًا ومابقاش ليا بيت.

أنا  وحيد تماما معنديش اي حد ولا فيه حد يساعدني  وفي عزلة قاتلة عندي اضطراب ما بعد الصدمة المعقد (C-PTSD)،
ورهاب اجتماعي مخليني مش قادر أتكلم قدام حد،
ومصاب بإدمان سلوكي (هاتف، خيال، عزلة،اباحيه ، إلخ)،
وعندي اكتئاب خفي، مش باين، بس بياكل فيا كل يوم…
أنا ماشي بعقل بيصرخ وجسم بيعاني وروح مش لاقية حتة ترتاح فيها.

بس برغم كل ده،
أنا عندي نية، والله…
عندي نية أذاكر، أشتغل، أعدي، أنجح، أطلع من ده كله.
بس السؤال:
إزاي؟
إزاي وأنا تحت كل الضغط ده؟
إزاي وأنا مش حاسس بالأمان ولا لحظة؟
إزاي وأنا مهدد بالطرد في أي وقت؟
إزاي وأنا حاسس إن حياتي كلها على المحك؟!

أنا مش طالب تعاطف…
ولا طالب شفقة…
أنا بكتب علشان أخرج الصرخة اللي جوه قلبي…
اللي محدش سمعها من يوم ما اتولدت،
أنا بكتب علشان أفكر نفسي إني لسه عايش… حتى لو مش حاسس بكده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_56687 🇪🇬

منذ شهر واحد

شعور متعب

تعبت اتخذلت من كل الناس ... حرفيا من كل الناس بقيت خايف اكلم اي حد اعرفه او معرفوش كنت الاول عاوز اتغلب على الرهاب الاجتماعي واعرف اكلم الناس واتعرف عليهم ... وياريتني ما عرفت مبقتش عاوز اكلم حد ... بقيت خايف من كل الناس ... بقيت عاوز افضل لوحدي بعيد عن الناس تعبت ومش عارف اعمل

Mango_45204 🇪🇬

منذ شهر واحد

شعور وحيد

انا وحيد اوي يعتبر معنديش صحاب علطول بشوف الناس عاملة تنزل صور و فيديوهات مع بعض و بيخروجوا كتير و مبسوطين و ليهم معارف في كل حتي و الناس بتحبهم و انا لا انا حولت كتير والله اعمل صحاب بس مش عارف بجد و كل لما اقعد مع الناس بحس ان انا تقيل اوي عليهم و بحس انهم عايزني امشي و كمان مبعرفش افتح مواضيع خا

Coffee_61791 🇪🇬 أنا أتشرف بيك صاحب يا عم والله سيبك من أي حد انت بنفسك زي الفل

عرض الكل 7 نصيحة

Donut_60758 🇪🇬

منذ شهر واحد

شعور قلق

انا والدتي عندها سرطان ومنتشر وانا معنديش غيرها حرفيا ووالدي متوفي وانا حاسة ان انا بموت كل يوم ولا عندي صحاب ولا اي حد في الدنيا ولا أقارب وبعاني من رهاب اجتماعي واكتئاب ومش عارفة اعمل ايه فكرت كتير في الانتحار بس للاسف مش بيجيب جراءة الدنيا وحشة اوي معايا وانا صابرة والله العظيم صابرة بس طول الوقت

Almond_59558 🇪🇬

منذ شهر واحد

شعور محبط

هو لازم اكتب هنا بوست طويييل فشخ المهم يعني اللي عاوز اقوله اني زهقت من كوني بتوتر دايما زهقت من كوني من طبيعي زي باقي الناس عمال بحاول اخرج نفسي من دايرة التوتر دي بس خلاص جبت أخرى بقالي ٢٢ سنة عايش بحاول اتجاوز الموضوع دا انا حرفيا بخاف وبتوتر من اي حاجة واي حد مش بعرف اخد حقي مش بعرف اتكلم زي الن

Corn_71708 🇪🇬

عايز تطبيق مصري بديل أسرع ومجهول!

مفيش بروجرامر ابن حلال يعملنا تطبيق مصري يكون شبه دا بدل البطئ دا و كمية قواعد علي كل كلمة و بلوكات بدون اي سبب و يكون بردو باكونتات مجهولة كدا و نفس الفكرة بس يكون اسرع و عملي اكتر انا شاركت بالفكرة اهو حد ينفذ بقي 😅 ...عرض المزيد

2 الدعم

11 نصيحة

Donut_50330 🇮🇹

بحب نفسي اه، ووقتي فرحانة ووقتي زعلانة متعصبة ببقى فظيعة

بحب نفسي اه و أنا فرحنا بس و أنا زعلنا و متعصبه ببقى فظيعه بطلع الي جوايا علشان في حاجات مكتومه فا لما بتعصب بطلع كلو بس لما بكون فرحانه بنسى الدنيا كلها و الوجع علشان كده مش بحب اوري وجعي لحد بس لما عصبيتي بتطلع ببقى فظيعه فا علشان كده بوري للناس اني قويه و مفيش حاجه تقصر فيا رغم اني شايله حاجات كتير اوووي جوايا ...عرض المزيد

0 الدعم

6 نصيحة

Nutella_68871 🇪🇬

مش عايزه حد ف حياتي وقلبي بيتنازع

انا بجد مبقتش بحب الناس وجودهم حلو بس فعلا مبقتش عايزه حد ف حياتي بمعنى اخر عايزه و مش عايزه ف نفس الوقت بقيت بشوف الناس كلها بشكل مش حلو مبقتش قادرة اتعامل معاهم ولا عندي الطاقه دي و مش عارفه ليه ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع