قلقي من الناس خلايني أقرر أسيب شغلي

Watermelon_66850 🇪🇬

منذ 4 أيام

شعور محبط

عايزا اخد رأيكم في موقف انا عندي رهاب اجتماعي وقررت اشتغل في مركز تخاطب علشان أواجه مخاوفي وروحت فعلا واشتغلت وحاسة اني واجهت حاجات كتير بس قلقي من الناس خلاني اتوتر جامد لما يبقي في مشرفين حواليا واتلخبط جامد فبقوا بيشفوني مش شاطرة وبعد ماقعدت فترة لقيت المشرفة بتقولي عايزا ابقي اشرحلك حاجات واقعد جمبك في الجلسة ودا علشان تشوفني بشتغل ازاي قولتلها حاضر وكل حاجة بس دا بالنسبالي محرج جدا خصوصا ان في ناس جداد اجو وكنت بقعد إشراف عليهم في التدريب وبقوا بيقعدوا لوحدهم وانا بعد كل دا تيجي تقعد جمبي فحاليا اخده قرار اني خلاص اسيب الشغل بس مش عارفة دا قرار صح ولا غلط

عندي مشكلة خجل من الأولاد ومش عارفة أتعامل

السلام عليكم.. أنا عندي مشكله مأثره عليا نفسيا واجتماعيا وللاسف الشديد انا ف وضع لابد فيه اني اغير الصفه اللي فيا دي واعرف اتأقلم شويه حاولت كتير ومعرفتش حاسه بسعوى سئ جدا ناحيه نفسي بس بجد م عارفه اعمل اي المشكله هي اني مبعرفش اتعامل مع اولاد ف الحقيقه خالص حتي الدكاتره اللي بتشرحلي ف الجامعه لو سألتهم سؤال ممكن معرفض اركز معاهم لاني م بعرف ابص عليهم وهم بيتكلموا وبكونوا محرجه جدا ومكسوفه اوى جوايا، وم بس الدكاتره عموما اي اولاد ف العالم صعب جدا اتعامل معاها ف الحقيقه وانا الحمدلله مليس تعامل مع حد من زمان وانا صغيره ولا حتي قرايبي بس انا دكتوره وبدأت اتعرض لمواقف محتاجه مني تعامل واني اقدر اقف واتكلم وابقي واثقه من نفسي وانا بتكلم واعرف ابص ع الشخص اللي بيتكلم واركز معاه لكن للاسف م عارفه خالص حتي لما حد يشرحلب حاجه من الدكانره او المعيدين م برحز معاه احيانا لاني بكون باصه بعيد ومكسوفه انا م عارفه انا لي كدا واعمل اي انصحوني بالله انا طلبت من امي انتقب بس امي رفضت قالتلي لما تتزوجي بس بجد انا محتاجه انتقب انا م عارفه اتأقلم ع اي وضع جديد غير اني ابقي م ظاهره مبحبش الظهور ولا التعامل وم عارفه اعمل اي فيدوني بالله 💔💔💔 ...عرض المزيد

1 الدعم

10 نصيحة

طالب أزهري محتاج حد يفهمه - حياتي كلها ضغط

السلام عليكم ورحمة الله وبركاته، أنا مش عارف أبدأ منين، بس حابب أفضفض وأحكي اللي جوايا يمكن أرتاح شوية، ويمكن ألاقي حد يفهمني أو يوجهني. أنا طالب في الصف الثالث الثانوي الأزهري، وحاسس إن حياتي كلها ماشية بالعكس، وكل حاجة بتضغط عليّ من كل اتجاه. من وأنا صغير، وأنا بتعرض لحاجات سيئة جدًا. اتعرضت للتنمر والضرب والإهانة من أهلي النرجسيين ، اللي دايمًا كانوا بيقللوا مني ويكسروا ثقتي في نفسي. كانوا بيمنعوني من إني ألعب مع الأطفال بحجة إنهم مش مؤدبين، ولو خرجت أتعرض للعقاب. حرّموني من أبسط حقوقي، وكانوا بيحاسبوني على أي غلطة، حتى لو كانت صغيرة جدًا. كمان كنت بتعرض لتحقير وتفرقة، مش بس بيني وبين إخواتي، لأ كمان حتى بيني وبين الناس الغرب. ومرت عليّ مواقف مؤذية جدًا، واتعرضت للتحرش واتعرضت للتنمر والضرب والاهانه من المدرسين وزمايلي وقرايبي ، وده خلاني أنعزل تمامًا، وأهرب من الواقع في حاجات زي الإباحية والعادة السرية، وفضلت متعلق بالموبايل طول الوقت، لحد ما بقى هو العالم الوحيد اللي بلجأ له. الإدمان ده عمل فيّ حاجات كتير، وبقيت أحس بميول مش طبيعية ، وبقى عندي رهاب اجتماعي حاد، ومش عارف أتعامل مع الناس، ولا أكون علاقات، ولا حتى أفتح مواضيع عادية. كل ده خلاني أحس إني مختلف عن الكل، ومش قادر أعيش حياة طبيعية. دلوقتي أنا في ثانوية أزهرية، والمفروض أكون بذاكر علشان الامتحانات قربت، بس أنا مش قادر أفتح كتاب، كل ما أحاول أذاكر بفشل، وكأني في حاجة جوايا بتشدني لتحت. بفكر أأجل السنة، بس أهلي، وخصوصًا والدي اللي مسافر، بيضغط عليّ جامد علشان أدخل كلية الطب. المشكلة إنهم سيبوني في بداية السنة لوحدي، ورحلوا عند بيت جدي اللي أنا أصلاً كنت مطرود منه، وفضلت من غير فلوس ولا أكل، ومن غير أي دعم، ومع ذلك بيتوقعوا إني أكون متفوق. والدي لو عرف إني ممكن أأجل بدون ما ادخل كذا مادة ، أكيد هيمنع عني الفلوس، وممكن يطردني، وده مش أول مرة يهددني بكده وعمل دا قبل كدا العيلة كلها بتتعامل معايا بجفاف شديد، ومفيش تفاهم، وكل شوية مشاكل على حاجات تافهة، وأخويا الكبير نرجسي وبيضربني لدلوقتي ضرب مبرح لاي سبب تافه ، ومفيش أي إحساس بالأمان في البيت معاييش فلوس تكفي اني اروح لمعالج نفسي حاسس إني مخنوق من كل حاجة، من الدراسة، ومن البيت، ومن نفسي، ومفيش أي حد جنبي، لا أصحاب ولا دعم من أي نوع. الوحدة بقت خانقة جدا ونفسي يبقى فيه اي حد يسمعني بس حتى ، والضغوط النفسية والدراسية خنقتني أكتر، وكل ما أحاول أخرج من الحالة دي، برجع أقع تاني. فكرت في الانتحار كتير، بس دايمًا بخاف من ربنا، وبقول إن ده حرام، وبحاول أقرب منه، بس حتى ده مش قادر أواظب عليه. بحاول أصلي أو أقرأ قرآن، بس دايمًا بحس إني بفشل. لسه عندي أمل، بس في لحظات بحس فيها إني ضعيف جدًا، وإن مفيش فايدة، وإن الحياة دي تقيلة عليّ أوي. أنا مش بكتب الكلام ده علشان أشكي وخلاص، أنا بس حبيت أفضفض، وأمكن ألاقي كلمة تخليني أتمسك بالحياة شوية. لو حد قرأ رسالتي دي، فشكرًا ليك، وشكرًا إنك سمعتني، وربنا يجازيك كل خير. ...عرض المزيد

13 الدعم

7 نصيحة

ازاي اتخلص من الرهاب الاجتماعي والتوتر في المناقشات؟

ازااااااااااي اتخلص من الرهاب الاجتماعي ورايا مناقشات كتير و السنه الجايه مشروع تخرج و الواحد حتي اللحظه بيتوتر و بيخاف و هو طالع جيه في حظي في المرتين اللي ناقشت فيهم لغايه دلوقتي اول مره كنت مع الدكتور في المكتب ف الموضوع عدي و المره التاني كانت مع الدكتور بس بردو بس كنت متوتر جدا و كان باين عليا اوي و انا بتكلم خدت الفل مارك في الاخر بس كنت بتهته و متوتر اوي ف اعمل ايييييييييييه حد عنده حللللللللل ...عرض المزيد

13 الدعم

8 نصيحة