بعاني من الرهاب الاجتماعي ومفيش نتيجة مع العلاج!

Question

حد عنده حلول للرهاب الاجتماعي؟... بعاني من المشكلة دي جدا و انا بحاول وروحت لدكتور نفسي وباخد دواء اسمه INDERAL 10 باخد منه ٣ مرات في اليوم و دواء Lustral ومع ذلك مفيش نتيجة ظاهرة وبحاول اتظاهر اني على طبيعتي واني كويس وبتعامل بشخصيتي الي المفروض اتعامل بيها بس في حاجة مش مظبوطة وبحس بدوخة وخمول وبحس اني متوتر وبتلعثم احيانا غصب عني وكلامي مش عارف اجمعه بشكل صح اوقات كتير و حتى المشي في مكان عام بحسه صعب عليا وبحس اني ماشي غلط ومش مظبوط..

Mango_63911 🇪🇬 · Accepted Answer

ليه أدوية؟ ليه بدأت علطول أدوية علاج الرهاب بيبقى علاج سلوكي انت كان ممكن تاخد دورات تدريبية عن ازاي تعزز ثقتك ف نفسك ازاي تتعلم تبادر و تفتح مواضيع مع أي شخص لكن العلاج بالأدوية كان المفروض تبقى آخر حل و إن أخدتها ف هي م هتعالج الرهاب دي مضادات قلق و اللي انت فيه ده ممكن اثار جانبية منها لوحدها مش هتعمل حاجة انت لسة محليتش المشكلة

Mango_63496 🇪🇬 · Answer

الرهاب الاجتماعي بيكون اه مشكلة في التعامل و خجل و كده إنما الأعراض التانيه دي علي حد علمي لا ف حاول تشوف الأدوية هي السبب ولا ايه و عمتا عشان تكون كويس لازم تقتنع إن شخصيتك حلوه و طريقتك محبوبه و متتوترش و خليك واثق من نفسك

Orange_63919 🇪🇬 · Answer

ايه اعراض الرهاب الاجتماعي

Pineapple_63841 🇪🇬 · Answer

انا مثلا اوقات بحس اني مظبوط وعلى طبيعتي وبتعامل بجتماعية اكتر من ناس كتير بس معظم الاوقات حاليا حاسس اني مش مظبوط وان في حاجة غلط انا مش قادر اتحكم بيها + انا عارف اني مش وحش وعارف قيمتي + كل الناس الي قريبين مني دايما بتعامل معاهم كويس وبعرف اهزر في اي قعدة مع صاحبي اكتر واحد بس انا مش فاهم جسمي ماله وليه بيحصل معايا كدا

Marshmallow_60538 🇪🇬 · Answer

انزل اشتغل وتحدى نفسك واكسر حاجز الخوف واللي خايف منه اعمله هتتعود عليه وهتلاقيه بقى عادي

Pineapple_63841 🇪🇬 · Answer

انا مش بخاف اني اخد خطوة انا باخدها بالفعل وبعمل عكس ما دماغي عاوزة بس الي باخده هو الي ذكرته فوق

Pineapple_63841 🇪🇬 · Answer

بس انا بقالي فترة بعاني من اعراض جسدية للقلق قبل ما اخد الدواء وكانت اسوء تقريبا فروحت بعد فترة لدكتور نفسي واخدت الدوائين دول

Mango_63911 🇪🇬 · Answer

و بعد كدة؟ روحت ناقشت مع الدكتور طيب الأعراض دي بص الأدوية دي عموما بتشتغل على مستقبلات جهازك العصبي بيفرزها و مواد كيميائية كتير بتظبط المود و عملية التفكير ف هي ف المجمل بتغير كيميا المخ دي ع المدى الطويل غلط دي بالنسبة للأدوية و هي الأقرب إنها تكون سبب الأعراض الجسدية دي أما مشكلة الرهاب اللي هي أصلا سبب ف  القلق اللي بتعاني منه ده انت مش هتحلها بالأدوية انت كأنك بتسكن الدنيا بس لكن مش بتحل

Orange_63919 🇪🇬 · Answer

ممكن حد يعرفني اعراض الرهاب الاجتماعي

Pineapple_63841 🇪🇬 · Answer

يعني الدكتور بيضحك عليا؟ 🫠

Mango_63911 🇪🇬 · Answer

دكتور يعني ايه؟ يعني أدوية انت رايح بتشتكي من أعراض القلق طبيعي جدا كان هيديك مضادات قلق  بس بجد روح اتكلم معاه عن الأعراض دي يمكن يوقفلك علاج أو يغيره أو حتى يقلل الجرعة و علاج الرهاب زي ما قولت كدة هو علاج سلوكي