الرهاب الاجتماعي معاناة صعبة مش بعرف اتعامل مع الناس

Mushroom_51863 🇪🇬

منذ أسبوع واحد

شعور ضاق ذرعًا

Social anxiety(الرهاب الاجتماعي) كميه معاناه مش عارفه اتعامل معاها تماما صعب اوي اوي تعاملي مع الناس والموضوع واصل معايا للعيله لما حد بيجيلنا ممكن مثلا افضل ساعه كامله واقفه عند باب اوضتي مش عارفه اطلعلهم ازاي (ولا اكنه عريس بيتقدم😆) صعوبه كبيرة ف اني اروح اشتري حاجه او اعمل اي حاجه ممكن بشيل هم اني المفروض بكرا هروح مكان كذا والمفروض اتكلم عشان اجيب الحاجة دي والموضوع بيكون صعب جدا فوق ما اي حد يتخيل ولما برجع البيت ممكن. مبعرفش انام فالتفكير فالوقت ال روحت اشتري فيه حاجه واتعاملت مع شخص مع ان مفيش حاجه حصلت بس انا مععععرفشششششسس جماعه الموضوع صعب عليا فوق ما اي حد يتخيل ومحدش حاسس بالموضوع والناس بتقعد تقولي لازم تتعودي وانتي داخله الكليه وهتتعاملي مع ناس وتسافري لوحدك بس بجد الموضوع بنسبالي بقا مرضى وصعب اوي عليا مش بعرف اتعامل مع الناس تماما ولو عرفت اتعامل بفضل طول الوقت افكر فالموضوع بجد انا عايزة حل الموضوع مضايقني جدا ومتعب جدا

عندي مشكلة نفسية مع التفكير الزائد والخوف من المواقف

انا عندي مشكلة ممكن تكون نفسية بعض الشيء انا دايما لما بمر بأي موقف او اي حدث في حياتي اولا كدا خليني اتكلم عن الشعور الي بييجيلي قبل ما امر بالموقف بحس برهبة وبفكر كتيير فيه وبقول لنفسي حجات بتقلل من ثقتي زي، هعملها ازاي او لو حصل كذا ايه الخطوة الصح الي مفروض تتعمل بعد كدا طيب لو معملتش كذا و كذا منظري هيبقى ازاي قدام فلان وعلان، ببقى خايف ما اتصرفش صح، شعوري بعد الموقف بقى، بالذات لو كان الموقف موقف عداء ما بين حد بقعد بفكر في الي حصل كتير اوي وتقعد بقى بعد كدا دماغي تاكلني وافكر في القرارات الاخدتها ساعة الموقف و اقعد اقول انا ما عرفتش اتتصرف واني مش اهل لاي موقف وان المفروض كنت قولت كدا وعملت كدا ويفضل بقى الموقف داه يطاردني علطول وافضل اقطع في نفسي بالافكار ديه وسعات لو جتلي وقت النوم معرفش انام بسببها ومأثرة على حياتي اليومية وبحاول دايما انكر على قد مقدر حقيقة ضعف شخصيتي بس باجي في الاخر بحس اني بضحك على نفسي وبقعد بدي لنفسي سيناريوهات تخيلية كدا ، بأن لو حد مثلا قلي كذا وكذا ارد اقول ايه طيب لو مارديتش هيبقى منظري وحش، ولامؤاخذة في الكلمة خرونج، مش هقلكو ان داه ما حصلش هو فعلان بتحصل معايا احيانا الحمدلله مش كتير فا بييجيلي بقى احساس اني ما رديش كويس او مارديتش بالشكل الكافي مثلا فا الموقف بيبقى في دماغي وما اسيبش تفكيري عنه، ببقى متخوف من داه كله ، واحيانا في المواصلات كمان لو ناديت على السواق مرة او مرتين وما سمعنيش بتكسف انده تاني او مشعارف اصف داه ايه هل داه خوف ولا رهاب، ولما بشوف حد مر بالمواقف الي حاكيت عنها فوق ديه وتصرف بشكل احسن ورد بشكل احسن من وجهة نظري يعني والي كان نفسي انا بدوري اكون عملت زي الي عملو، بدايق اوي وبقلل من نفسي اكتر واقعد بقى اخش في جو المقارانات وكدا ...عرض المزيد

0 الدعم

بخاف من الانتقاد والتفكير الزائد وده مضايقاني

بخاف من الفل أو من أن حد ينتقضنى أو يعلقلى على حاجة غلط و بخاف من مواجهة الناس ليا فى اى موقف و اى كلمة ممكن تتقالى بتفضل فى دماغى كتير و أفضل افكر فى الكلمة دى حتى لو بهزار و الموقف عدا خلاص بفضل افكر كتير فيها و مش عارفة ايه السبب و بجد الحتة دى مضايقانى اوى انا بجد دماغى بتبقى هتنفجر من كتر التفكير و بخاف انى اخسر حد عزيز عليا فى اى وقت و اى مكان ...عرض المزيد

5 الدعم

0 نصيحة

انا بفكر كتير ومش قادرة انام 💔

انا حد طول الوقت بيفكر حتي لو في اي حاجة لا تستدعي التفكير زي ما اكون اتعودت ع كده مبحسش اني مؤذية تماما ل اي حد بالعكس .. انا احن حد ممكن تشوفوه كل حاجة وحشة و اصعب من ان اي حد يتحملها و يخرج منها زي ما هو انا عديت و خرجت احن من الاول بشكل انا بستغرب منه و طبعا بحمد ربنا .. بس انا حقيقي عاوزة ابطل افكر نفسي عقلي يهدي و اقدر انام كويس💔 ...عرض المزيد

7 الدعم

6 نصيحة