تأنيب الضمير

Mango_73603 🇪🇬

منذ 5 ساعات

شعور مذنب

كنت مرتبط بواحدة من ١٠ سنين كنا صغيرين و ال sexual drive عندنا وقتها كان عالي جدا و دة ادى لتجاوزات كبيرة ادت الى علاقة كاملة فضلنا مستمرين على دة على امل اننا هنتجوز في يوم بس احنا مكناش مناسبين لبعض ابدا لمليون سبب و دة كان الحاجة الوحيدة اللي برتبطنا لحد ما بالفعل انفصلنا تماما و كل واحد شاف

Banana_70060 🇪🇬 معلش بس انت لازم تصلح غلطتك ولازم تتجوزها حتي لو مش مناسبين امال هي هتعيش حياتها ازاي وبالفعل بتقول انت عيشت حياتك عادي وهي لا

عرض الكل 7 نصيحة

Marshmallow_69067 🇪🇬

منذ أسبوع واحد

شعور مرتبك

عبّر عن شعورك بشكل مجهول

عندي مشكلة من وانا طفلة انى لو معلمتش الحاجة صح اوي بس يتأنيب ضمير ويفضل الشعور دا ياكل فيا ودماغي متبطلش تأنيب فيا وانى كان ممكن اعمل الحاجة احسن بفضل افكر لحد مافعلا اعصابي بتتعب.. مهما كانت الحاجة صغيرة اوي كبيرة بفضل الوم نفسي مثلا لو عملت اكلة وانا بعملها ديما حلو وجيت عملتها مرة مش اوي نفسيتي بتتعب لانى بحس انى كدا زعلت الناس الى بياكلوا ..لو حد طلب منى حاجة مش بعرف اقول لا مهما اتطلب منى باجي ع نفسي عشان محرجش الى قدامي لانى لو عملت عكس كدا شعور التأنيب مش هيسبني .. انا من النوم الى مش بحب الخصام فممكن اصالح الى قدامى حتى لو انا الى غلطانة بقول في عقلى انا بعمل كدا لله بس الموضوع بيزيد والى مثلا عمل حاجة تضايقك مرة بيكررها عادى .. انا اتعودت او اتعلمت وانا صغيرة مبدأ الثواب بس اتعلمته غلط اتعلمت ان ميكونش عندى شعور استحقاق لأى شئ انا فاكرة وانا صغيرة كان بابا جايبلى مصاصة وقابل واحد صاحبة كان معاه بنتة كانت قدي في السن وشبطت في المصاصة بتاعتي بابا اخدها منى ودهالها لما كبرن شوية لما كان اختى تاخد حاجة من حاجتى بابا كان بيقولى اختك الصغيرة خدى الاجر قومي روقي خدي الاخر في حين انه مكانش بيقول كدا لاختى الصغيرة فاتعودت ادي كل حاجاتى للناس ممكن ادي حد حاجتى الجديدة الى مستخدمتهاش.. بحب كمان لمااجيب لحد حاجة بحب اجيبله احسن حاجة حتى لو حد دا مش بيعمل كدا معايا في المقابل بحس انه لا عيب لو هعمل او اجيب حاجة لما تكون احسن حاجة مش عشان هو يستاهل او لا عشان انا اكون مرتاحة ..مبعرفش اقول لا لأى طلب ولو حصل مرة بعد مااكون تعبت بقعد الوم نفسي وضميري يتعب .. انا طول الوقت حاسة انى غلطانة حاسة انى محتاجة ارضي الى حوليا عشان احس انى مرتاحة .. انا مدركة ان دا مش طبيعي بس انا اتعودت على كدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_67035 🇪🇬

منذ 3 أسابيع

شعور متوتر

موضوع:

بتعرفوا تقولوا لأ على حاجه مش مناسبه ليكوا ؟

للاسف لا مش بعرف اقول لاء لوضع مش مناسبني كل مره بحاول اخليه يناسبني وبعدها بقعد اسال نفسي لي ما قولتش لاء لي ب اجي ع نفسي ديما علشان ما اقولش لاء نفسي بجد اقدر اقول لاء من غير تردد ولا تفكير في اي حاجه

Carrot_67210 🇪🇬 اول ما تلاقى نفسك فالموقوف دا متفكريش كتير اعملى اول حاجه تيجي ف بالك مش تانى حاجه لأ اول حاجه الموضوع دا ساعدني وان شاءالله يساعدك اعملى مش تقولى*

عرض الكل 7 نصيحة

Ice Cream_65998 🇪🇬

منذ 3 أسابيع

شعور محبط

طول عمرى كنت عايشه خايفه افقد حد من أهلى وخصوصا امى كنت قبل ما انام ونص الليل اقوم ابص بتتنفس ولا لأ فقدت بابا وبعدها بسنين ماما بقالى سنتين عايشه فى وجع قلب حاسه انى قصرت معاها كنت بتنرفز واتعصب عليها كتير حتى فى اخر ايامها وكان عندها كانسر بس نرفزه لان كان عندى حالة من الرفض انها ممكن تتعب وعوزاه

Watermelon_61375 🇪🇬

منذ شهر واحد

شعور مكتئب

اخواتي عاوز مساعدة صاحبي شبه قطع عن الصلاة خالص مع انه كان ملتزم اوي ما شاء الله و هو اللي جرني اصلا لإني اقرب من ربنا ازاي اساعده يرجع لإنه بيحاول و مش عارف هو الحمدلله حاسس بتأنيب بس برضو مفيش قاعد يأنب في نفسه بس فتنصحوني اعمل اى ؟ السكن بعيد خالص عن بعض عشان محدش يقولي اعدي عليه و ننزل نصلي سوا

Banana_35773 🇪🇬 عليه بكثرة الإستغفار والدعاء اللهم رده إليك رداً جميلاً

عرض الكل 3 نصيحة

Broccoli_47609 🇪🇬

منذ شهرين

شعور متعب

"قرار منتصف الليل" كانت الساعة يمكن 2 ونص بالليل، وأنا قاعدة في سريري، حاسة إني تايهة. النور الخفيف اللي طالع من الموبايل على وشي مش بيغطي على الإحساس اللي جوايا… إحساس بالذنب، بالحزن، بالضعف. أنا عارفة إني مش مرتاحة، كل مرة بقول "دي آخر مرة"، وبرجع. بحس إني في دايرة مش عارفة أخرج منها. العادة الس

عبّر عن شعورك بشكل مجهول

"قرار منتصف الليل"

كانت الساعة يمكن 2 ونص بالليل، وأنا قاعدة في سريري، حاسة إني تايهة. النور الخفيف اللي طالع من الموبايل على وشي مش بيغطي على الإحساس اللي جوايا… إحساس بالذنب، بالحزن، بالضعف.

أنا عارفة إني مش مرتاحة، كل مرة بقول "دي آخر مرة"، وبرجع. بحس إني في دايرة مش عارفة أخرج منها. العادة السرية بقت حاجة بتلاحقني، مش بس فعل جسدي… لأ، دي بقت هروب. كل مرة بعمل كده، بحس إني بهرب من مشاعري، من وحدتي، من فراغي، من كبت سنين.

بس أنا تعبت. تعبت من الشعور اللي بعد كده… تأنيب الضمير، إني مش على طبيعتي، إني بخبي حاجة حتى عن نفسي.

وقفت يومها قدام المراية، بصيت في عيني وقلت لنفسي: "أنا مش ضعيفة. أنا بس محتاجة أكون حقيقية مع نفسي."

كتبت في ورقة، وأول مرة أكتب بصدق:

أنا عايزة أبطل علشان أرتاح.

علشان أحس إني أقرب لربنا من غير ما أهرب من نظرة نفسي في المراية.

علشان أحب جسمي وأحترمه.

علشان أعيش حرة، مش مقيّدة بشيء بيخليني أضعف قدام نفسي.

بدأت ألاحظ إيه اللي بيخليني أوصل للحظة دي: أوقات الفراغ، المحتوى اللي بتابعه، الملل، أو حتى لما ببقى متضايقة ومش قادرة أتكلم مع حد. فقررت أغير. خطوة صغيرة كل يوم. أقلل الوقت على السوشيال ميديا، أخرج من أوضتي وقت ما أحس إني هضعف، أتكلم مع ربنا حتى لو بكلمات بسيطة.

أنا لسه في أول الطريق، ولسه بتعثر… بس في فرق كبير بين إني أقع وأنا بحاول أقوم، وبين إني أستسلم وأنا عارفة إن ده مش اللي أنا عايزاه.

أنا قررت… قررت أختار نفسي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Durian_52455 🇪🇬

منذ 3 أشهر

شعور ممتن

موضوع:

رساله عايز تقولها لحد بس م عارف.

اولًا شكرًا على السؤال ده ♥️ أمنية حياتى إن ربنا يختارنى تكون رسالتى فيه مسموعة من العالم أصوات كتير بتكون جوايا.. مليانة رحمة ومحبة وتفاؤل بس الصوت ده بينتهى لإن مفيش رابط حقيقى بينى وبين الناس هل هما هيفهمونى ؟ ولا هيخلونى أندم لرد فعلهم.. اية اللى ممكن اعمله علشان محسش بتأنيب الضمير بإنى متكلمت

Hazelnut_52786 🇪🇬 يارب تكون سبب دايما لمساعدة الناس

عرض الكل 3 نصيحة

Watermelon_51768 🇪🇬

منذ 7 أشهر

شعور عاطفي

طبعا طبعا ده وقت جلد الذات والتفكييييييير وال overthinking وتأنيب الضمير حرفيا الوقت ده مرعب جدا وكلنا بنفكر فيه بخلاف القصص بتاعت كل واحد فينا بجد بجد الذكريات مؤلمه اووي حتي لو عدت فتره بتفضل فاكرها وم بتروح من بالك بس فين الحلللل تقريبا كل واحد فينا محتاج اللي يطمنه كل شويه إن كل ده من الماضي وكد

Croissant_18921 🇪🇬

منذ 7 أشهر

شعور لا مبالٍ

موضوع:

بتعرف تقول لأ ؟

عندى صعب انى اقول لا لحد انا بحبه حتى لو الحد دا كل حاجه بطلبها منه بيقول عليها لا بس مبعرفش بخاف الشخص يزعل أو يشوفنى رخمه أو يبطل يحبنى بحب ارضى اى حد على حساب نفسى بس مشفش حد خاطره مكسور بسببى ولو جيت مره وقولت لا بحس بتأنيب الضمير أن اكيد هو زعل اكيد حس انى وحشه اكيد قرر يبعد عنى انا السبب انى خ

Coffee_40196 🇪🇬 قول لأ مش أنانية لكن وعي بالحدود وحب للنفس . انصحك بكتاب ((لأ بطعم الفلامنكو))

عرض الكل 3 نصيحة

Watermelon_39516 🇸🇦

منذ 9 أشهر

شعور غير مكتمل

الصراحه يا جماعه مبصليش خااالص وده مخليني خايفه جدااا دايما نش عارفه هقابل ربنا ازاي كده وليه اصلا حااولت كتير جدااا أنتظم بس برجع تاني انتظم يوم والتاني والتالت وارجع تاني اسيب سطر وامشي ع سطر نفسي اوي انتظم ف الصلاه ع الرغم اني عايشه ف مدينه رسول الله جمب الحرم انصحوووني بجد وفيدوووني كمان انا اع

Coffee_27700 🇪🇬 لو بتحبي القراءة كتاب (فاتتني صلاة) هيساعدك

عرض الكل 4 نصيحة

Marshmallow_35255 🇩🇪

منذ 9 أشهر

شعور مرتبك

موضوع:

ازاي ضغوطات الأهل وتوقعاتهم بتأثر عليك نفسياً

قبل عشر اسنين انجبرنا انا واهلي نتغرب في الخارج.. فعانوا اهلي من اللغة والمجتمع المختلف.. فكانت امالهم فيني انا واخوتي كبيرررة .. ولازم انكون الاول في كلشي ..(حتى انرد دينهم علينه) لدرجه زورت شهاتي الثانوية حتى مايخيب ضنهم فيني.. الحمدالله اصلحت خطائي الان.. المشكله هلق لازم ادخل جامعه وتخصص كبير مث

Watermelon_35031 🇪🇬 خشي جامعه ، ومش لازم تفتحي مخبز في محل ، تقدري تعمليه مشروع صغير وتشتغلي بالاوردرات وتسوقي لنفسك علي التيك توك بالطريقه التاليه ، صوري نفسك وانتي بتعملي الخطوات بتاعت التحضير لحد ما يطلع المنتج ومنتجي ونزلي علي السوشيال ميديا بشكل عام. والف مبروك عليكي

عرض الكل 1 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Olive_32255 🇪🇬

منذ 9 أشهر

شعور محبط

جماعه انا تالته ثانوي بس فعلاً أنا مش قادره اعد اذاكر او افتح كتاب وعندي برود مش طبيعي بجد احيانا بنسي أني تالته ثانوي مع العلم أنا كنت شاطره جدا في اولي وتانيه ثانوي وديما كنت من الاوائل وكنت ممكن اعد اذاكر 5ساعات عادي بس دلوقتي أنا بقيت بحس اني معنديش هدف علشان اتعب علشانه مع العلم بردوا أنا حاطه

Coffee_27700 🇪🇬 اكتبي هدفك في ورقة وغيري روتين يومك. يعني مثلاً اصحي الفجر ذاكري وابعدي عنك الموبايل واي مشتتات. وحطي جدول قبل ما تنامي بكل اللي عايزه تعمليه بكرة وادي لنفسك درجة اخر اليوم على اللي حققتيه وفي آخر الاسبوع كافئي نفسك

عرض الكل 14 نصيحة

Tofu_19479 🇪🇬

منذ سنة واحدة

شعور عاطفي

عبّر عن شعورك بشكل مجهول

طيب يا جماعه أنا حابه أوضح وجهة نظري.. إني كنت بتناقش عادي بكل احترام وذوق بس الموضوع اتاخد كمسأله شخصيه وتلقيح ف حابه أقول اني مقصدتش إساءه لحد بعينه ولما اعتذرت اتقال إنها تريقه ف والله شايفه إن مش من حق أي حد يجرح أي حد بكلمه ويقول إنها صراحه فيه فرق بين سلاطة اللسان والصراحه فرق كبير جدًا واللي متعرفهوش إن يامه ناس انتحرت بسبب كلام جارح ويامه ناس فضلت بالأيام والسنين تعيط بدل الدموع دم بسبب كلام جارح اتقال على سبيل إنه ههه معلش أصل أنا صريح ومبعرفش أنافق..ما يلفظ من قول إلا لديه رقيب عتيد..نراعي ربنا ف لساننا يعني لسانك ده يوديك جهنم أو يوديك الجنه جزء كبير جدًا من أعمالك سواء طالحه أو صالحه بيكمن ف لسانك لوحده تخيل! ثم إن نسيتوا اللين ف المعامله والنصح! ثم إن كمان محدش قد دعوة حد قلبه اتجرح من كلام مسموم على سبيل الصراحه انتوا مش قد دعوه حد يدعيها عليكوا بسبب وجع اتسببت فيه كلمه على سبيل الصراحه! ربنا مقالش نجرح غيرنا بالكلام ونقول إننا كده مش منافقين وكده صح احنا مش ف خناقه على مين صح ومين غلط احنا بنتكلم ف إن ديننا عمره أبدًا ما يرضى نرمي كلام جارح لغيرنا على سبيل الصراحه.. ديننا عمره ما قالنا كده..حتى النصح ف الدين بيبقى باللين مش العنف..خلوا بالكوا من كلامكوا يامه ناس انتحرت بسبب كلام جارح ويامه ناس أعرفهم فكروا ف الانتحار بسبب كلام قاسي اتقال على سبيل الصراحه وده اللي خلاني آخد الموضوع كمسأله شخصيه..انتوا متعرفوش كام شخص فضل سهران مش عارف ينام بسبب كلمه واحده اتقالتله جرحته..يعني المرء فينا بيلقي الكلمه لا يلقي لها بالًا ودي بتتحسبله يا ف ميزان حسناته يا ف ميزان سيئاته وربنا عمره ما يرضى على عباده الوجع..
وأنا آسفه تاني إني قولت للشخص أنت مريض نفسي رغم إنه لما نزل البوست نزله تريقه بس مش بعتذر علشانه بس بعتذر علشان أنا مش قد إني أتحاسب قدام ربنا على كلمه جارحه قولتها ف وقت عصبيه بسبب كلام استفزني وتلقيح..بس أنا بعتذر علشان أنا مبعرفش أنام وأنا قايله كلام يجرح حد وكان فعلًا المفروض أعدل كلامي وأقول إن ده مرض ف القلب فعلًا كانت غلطه والمفروض كنت قولت إن أي حد بيفكر كده قلبه مريض والله يهديه..
في قلوبهم مرض فزادهم الله مرضا..
أتمنى نحسب للكلمه مليون حساب قبل ما تطلع علشان هي مش بالسهوله دي نجرح غيرنا ♥️.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_12461

منذ سنة واحدة

شعور Not great 😕

متقدملي عريس كويس جدا بس مش متقبلاه نهائي واهلي بيغصبوا عليّ اني اقعد معاه وغيره ومش عارفة هل اسمع كلامهم بحجة ان ممكن مش يجيلي افضل والكلام ده علشان مش احس بالندم بعدين ولا اسلم أمري لله واسمع اللي قلبي بيمليه عليّ وارفض رفض تام

Avocado_67539 🇪🇬

بتتقال عليا محترم وبتتتنمر عليا في المدرسة

انا داخل تانيه اعدادي وفي ناس بتتريق وتتنمر عليا علشان انا محترم وهم لا هم عايزين اللي انا اكون زيهم مش محترم بس انا عايز افضل محترم فهم بيفضلوا يعملوا حاجات وحشه علشان ابقى مش محترم زيهم وحتى لما اشتكيت ما فيش حاجه حصلت فلو حد يعرف الحل يقول لي ...عرض المزيد

0 الدعم

1 نصيحة

Sugar_73649 🇪🇬

مش قادرة أتخطى حبيبي وكل يوم بفكر في الانتحار

انا بفكر ف الانتحار كل ثانيه ! اتخطبت ٤ سنين عن حب بس اهلي مكانوش مقتنعين بيه وبما انهم ناس ساديه كانو طول الوقت يطلبو اني انفصل عنه ومشاكلنا انا وهو كترت وانفصلنا فعلاً بس انا مش قادره اتخطي عدت سنه وانا لسه قلبي بيتقطع ورافضه فكره انه خلاص كدا ! انا حوالت ارجع بس هو رفض* ودخلت فاربع علاقات بعدها وظلمت ناس معايا وبتعذب كل يوم بسبب ضميري * الفكره مش ف ان عندي فراع ف بفكر فيه او اطور من نفسي والكلام اللي هيتقال دا كله بعمله بس مع ان*كل ما برتاح ف شغل بمشي منه غصب عني *جبت قطه ماتت * حصلتلي حادثه مش هتخليني ارجع امشي زي الاول تاني نا انتهيت واتدمرت من زمان والله مابقتش حرفياً بفكر يومياً غير ف الانتحار! مش بعرف اقبل فكره انه مش ليا ولا بحب كلام اصله مش خير ليكي ورافضه عيلتي ورافضه نصيبتي ورافضه الدنيا كلها وغصب عني ببص ع حياه الناس التانيه اوقات واقول طب انا لا ليه! …… ...عرض المزيد

1 الدعم

3 نصيحة

Blueberry_73648 🇪🇬

مش قادرة أوقف العادة السرية ونا بضيع من الذنب

أنا بنت عندي عشرين سنة، للأسف الشديد ان هقول دا بس أنا بمارس العادة السرية من زمان ومن سن صغير جدا، فاكرة اول مرة عملتها، كنت في ابتدائي، وللعلم مكنش معايا تلفون ولا كنت عارفة نا بعمل كدا لي، وللنهاردة لسه بعملها، والله ربنا عالم اني مش عارفة اوقفها، لكن م بقدر دايما برجع تاني دايما، مهما احاول ف النهاية عارفة اني هرجع، فكرت كتير انتحر، بس ف كل مرة كنت بخاف ومبعملش كدا، كل مرة بعملها أوقات بضرب نفسي جامد، و اوقات كنت بفضل اعيط بس من الذنب، انا مش قد ان اخلي ربنا اهون الناظرين ليا ولا قد ذنب زي دا من ذنوب الخلوات، انا مكنتش مخططة اقول ولااحكي هنا بس نا مبقتش قادرة وخلصت الحلول مني، وانا والله مش شخص وحش انا بصلي بحفظ قران وكمان بذكر ربنا، ودايما بتكون هي سبب انتكاسي، نا متعلمة وبتكلم لغات كمان ومثقفة ال عايزة اقوله اني مش انسانه وحشة ولا حتى منحلة اخلاقيا والله ابدا، انا حتى بجاهد نفسي اغض بصري عشان مقعش فيها، بحاول بس دايما نفسي بتغلبني،وقت ما بكون ع وشك اني اعملها بكون كاني مغيبة عن الوعي كاني م انا ال بعمل دا وبعدها اقعد اندم والذنب بيموتني، انا محتاجة مساعدة بس م عارفة اطلبها ازاي، انا بضيع والله بضيع بسببها ...عرض المزيد

2 الدعم

8 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع