الرجالة

Potato_76035 🇪🇬

منذ 5 أيام

شعور لا مبالٍ

عبّر عن شعورك بشكل مجهول

١
امبارح بليل دخلت في خناقة مع بنت من دول بتقول إن طريقتي معاها باردة، وإنها مش فاهمة ليه بقولها بالتوفيق ليكي ولصاحبك الجديد، باعتبار: طب وكل اللي بينا إيه؟ للدرجة دي انت مش باقي عليا في حياتك؟ 
لحد ما رديت بشكل واضح: انتي مش عارفة انتي عايزة ايه، أو انتي عايزة كل حاجة في الدنيا، ودا غلط
ممكن تقول إن البنت دي مش مخلصة كفاية وان صاحبها صعبان عليك، بس انت مش هتصدق الكونفرسيشن والخناقة دي دخلت فيها مع كام بنت من جيلنا قبل كدا

٢
أنا عارف إن إحنا كولاد مليانيين مشاكل، هرمونية وعقلية وكمان في الـ stigmas بتاعة المجتمع وكم العقد والتراكمات والمسئوليات اللي ماحدش بيقولنا إزاي نتعامل معاها، وكل دا بيطلع بتفريغات مليانة عرق وتستوستيرون وغيرة ودلالات على ذكورة هشة ومجروحة، بس أنا زهقت من إن دا ممكن أي بنت تعبر عنه عادي، أو توصم الرجالة اللي بتنزل صور توبليس باعتبارها حاجة مقرفة، لكن مش من حقك إنك تتريق على بنت obese باعتبار إن السمنة مرض مش تفضيل جمالي ولا body type، أو مش مسموح إنك تقول في قعدة إنك مش مؤمن إن فيه حاجة اسمها راجل نسوي علشان دي مش قضيتي أصلا ولا المفروض أحشر مناخيري فيها، انتو أدرى بمشاكلكم وبخناقتكم، أنا خناقتي تانية

٣
هي دي من ضمن الحاجات اللي مضايقاني شوية من العلاقات مع بنات جيلي والـ slaying culture اللي مسيطرة عليهم، اللي هو مفهوم أنا حقي آخد كل حاجة من غير مقابل علشان انا بنوتة قشطوطة لوتس، وفي الأغلب بتلاقيها من كفر بطارس وبتحاول تعوض حيطان بيتها اللي واكلها النشع وانها مابتاكلش غير عيش ناشف مغموس في خل، بحالة ذهنية شافتها على تيك توك لبنت بلوند ليبرالية بيضا بتشتغل في ماكدونالدز وبتقبض في اسبوع ما يوازي سنتين من مرتب أبوها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_77536 🇪🇬

منذ 5 أيام

شعور محبط

عبّر عن شعورك بشكل مجهول

هو ليه بجد بقى صعب دلوقتى أو قليل الواحد يشوف واحدة كويسة و سوية نفسياً و تفكيرها سوى أنا نفسى اخطب و الأقى واحدة كده اتقدملها بس مفيش بجد ،معظم الموجودين( عشان منعممش برضو )كلهم بيرتبطو من ورا أهلهم و اللى مرتبطة بواحد و يكلمو و تخرج معاه عادى و يروحو و يجو من غير ما يبقى فى حاجة رسمية ما بينهم و عادى انما لو حد اتقدملها و دخل البيت من بابه يترفض ده بالنسبالهم وحش و عايزين اللى ماشيين معاه من ورا اهلها ده مع انه أى حد بيرتبط برا حدود الرسميات و (و ده بجد انا شوفته كتير جداً) 90% بيبقى لعب و تقضية وقت مش أكتر، و كمان شوفت كذا بوست على الفيس لبنات بيتريقو على اللى بيتقدم علطول و المشكلة الأكبر بقى لما تدخل على الكومنتات تلاقى كمية بنات موافقة على البوست و بالنسبالهم اه الراجل اللى بيتقدم لواحدة و بيخش البيت من بابه ده وحش أنما هما عايزين العيل (و لازم أقول عيل عشان بجد مفيش حد يتقال عليه راجل يفضل يرتبط بديه و يكلم ديه و يخرج و يروح و يرتبط بغير رسمى ده عيل) و  بعد ما يقضى معاها وقت أو ياخد اللى هو عايزو يسيبها و هى تفضل تشتم فى الرجالة و الرجالة وحشين و خاينين و كذا 😂😂 طب يا حبيبتى هو انتى مشوفتيش رجالة اصلا الرجالة بييجو يطلبوكى من أهلك فى الحلال و رسمى و انتى بترفضيهم و مصرة تمشى مع عيال بيلعبو بيكى و انتى بالنسبالهم ولا حاجة مجرد تقضية وقت مش أكتر.
أنا واحد عمرى ما أرتبط فى الجامعة ولا المدرسة ولا الكلام ده ولا حتى كان ليا صحاب بنات طول حياتى، بقيت وحش فى نظرهم أو هيتريقو عليا لو روحت اتقدم😂😂 أنا و الله مبعرفش أصاحب واحدة ولا أتعرف على واحدة من غير رسمية دايما حاطط حدود على حسب المطلوب شغل أو كده بينى و بينهم ليه بقى و بشوف معظمهم عادى مثلا فى الشغل يهزرو مع واحد عادى و واخدين على بعض ولا كأنهم أخوات.
و لما باجى اتكلم مع حد فى الحاجات دى صحابى أو أى حد بالنسباله ده العادى و انا اللى غريب لدرجة أنى وصل بيا الحال بقيت أشك فى نفسى أنى أنا اللى غريب عن الناس كلها و  هفضل وحيد طول حياتى.
الأسوياء نفسياً و فكرياً(و دى هى أساس الحاجات دى كلها)بقو قليليين جداً ، أن الناس مبقتش أسوياء نفسيا و بيستحلو كل حاجة حرام عادى و مبقاش فيه عادات و تقاليد و دى هويتنا كعرب و مسلمين و تقليد أعمى للغرب و الأقى واحد صاحبى يقولى انا نازل date و مش عارف ايه بيقل فى نظرى بجد. 
مع انى اتعاملت و شوفت أجانب بجد و اتكلمنا فى المواضيع دى كلهم متفقين أن المجتمع الأسلامى و العربى كأفكار و عادات أحسن من عندهم بكتير مجتماعتهم كلها خيانة و خلط أنساب و ده (أستغفر الله يعنى)مش عارف ده أبن مين و كده.
ده حتى أنا شوفت بوستات لبنات أجانب بالنسبالهم البنت أو الست هنا مكرمة و عندها مكانة أعلى من عندهم و مجتماعتهم بكتير و مع ذلك بتلاقى هنا بيتوجهو ناحية الفكر الغربى.
معلش لو طولت عليكو بس الواحد بيفضفض من اللى بشوفه و خايف أفضل وحيد و أكمل حياتى لوحدى وسط القرف اللى بقينا فيه ربنا يرحمنا برحمته يارب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ أسبوع واحد

شعور محبط

عبّر عن شعورك بشكل مجهول

انا حزينة جدا.. اللون الاسود طلع مش اسود وبس لكن له درجات اغمق واغمق ..
انا كنت مقررة أبطل أكتب هنا بقالى فترة ومسحت الأكونت وانى هحاول أتعايش مع الواقع لان وجودى هنا خلانى حد بيشتكى كتير مش بدور ع حل ع اد م انا عايزة اشتكى واحكى وحد يسمعنى..
بس حصلت حاجة وحشة اوى مش حاجة حصلت ليا حصلت لحد عزيز عليا من أهلى.. ونفس الحاجة دى حصلتلى كتير وبتحصل لبنات محترمة كتير و من كتر م بتحصلنا بقينا بنخاف نخوض اى تجربة جديدة... 
مواضيع بيكون شكلها حلو اوى من برا ونقول خلاص العوض جه بس هو بيكون خبية أمل كبيرة  .. ليه بقيت بحس ان رجالة كتير مبقتش بتتقى الله ولا بتفكر بشكل سليم .. ومحدش عايز يمشي بالأصول.. والحلال والحرام بقوا موضة قديمة ..
انا اعرف كمية بنات آية ف الدين والاخلاق والعلم والأصل الطيب  بيقوا فى نوعيات من الرجالة ع شكل أمراض نفسية الموضوع بيكون لطيف جدا ف الاول لانه اصلا في إطار شرعى م يمسى *زواج صالونات*اظن مفيش حاجة محترمة اكتر من كدا بحس ان شريحة كبيرة من الرجالة بقوا مرضى نفسيين وبيختاروا البنات دى بالذات عشان يطلعوا عليهم امراضهم ويتسببولهم ف تروما وبعدين يمشوا والبنت تسأل نفسها انا ايه الغلط الى فيا ..ليه من الاول والمشكلة ان النوعية دى من البنات مش بتقبل بأى علاقات الا في إطار شرعى وبناءا عليه يجي حد يتقدم وتبقى الدنيا كويسة جدا ومبهور بيها وفجأة يبقى عايز يغيرها يعنى لو البنت بتدرس بتعمل ماجستير مثلا او بتشتغل هو عايزها تقعد لو قاعدة ف البيت عايزها تشتغل المهم هغيرك وهعملك حالة إرتباك وأحسسك ان فيكي حاجة غلط .. ويفضل يعلق ع اسلوب حياتها ومواعيد دخولها البيت وكأن هى أهلها مربوهاش وكانوا مستنيين العريس المنتظر يجي يربيها انا مش بقول انك تقبل بوضع مش حابه بس حدد انت عايز ايه من الأول.. متاخدش واحدة مختلفة عن معاييرك وتكون اعلى من معاييرك وعايز تغيرها وليه كرجالة مش ببتظهروا التفهم فالاول لحد م البنت تتعشم وبعدين تبان شخصيتك الحقيقة ليه دا يحصل في جواز الصالونات الى هو المفروض اكتر وسيلة محترمة ليه بتوصلوا البنات انها بقت بتخاف من قصة الجواز او ان يجي شخص يغيرلها معالم حياتها .. وأغلبهم اصلا بنكتشف ان منهم الى ملتزم إلتزام ظاهرى او حد بقا تانى بيقطع اصلا ف الصلاة بس هو عايز زوجة صالحة طب وانت؟؟  يعنى ايه راجل مشاعره تتغير فجأة بعد م بنات الناس تتعشم حتى مفيش تدرج طبيعي والموضوع ينتهى بمنتهى قلة الذوق حتى محدش من أهله بيلوموه انا عارفة ان دا نصيب وخير للبنت ولكن والله بنات زى الفل كتير بقت بتشك ف نفسها يعنى انتو عايزين توصلوا البنات لإيه.. 
انا ملقتش حد اقوله الكلام دا عشان مزودش عليهم الوجع ملقتش نفسي الا انى برجع اكتب هنا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_83029 🇪🇬

منذ أسبوع واحد

شعور مرتبك

جماعه قولولى بصدق و من الواقع الى حوليكم مش مثلا حد خد تجربه عقدته و كدا هل فعلا لسه فى حب بجد و بيدوم لبعد الزواج و الاولاد. انا ك بنت امنيتى فى الحياه هى حد يحبنى بجد الى خو مش حلاوة البدايات و خلاص، و نفهم بعض و نحب بعض و نتوازن مع بعض ف نبقوا سعداء و بيت سعيد. ف سؤالى موجه للرجاله اكتر، هل انت

Marshmallow_60066 🇪🇬 بالعكس احنا ك رجاله اغلبنا مبنهتمش بحالتها الماديه او بتعليمها خالص (الا البعض بيظنوا انه بيأثر ع التفاهم) لكن المهم تكون زوجه صالحه وتنفع تبقي ام ولادنا

عرض الكل 11 نصيحة

Peanut_84060 🇪🇬

منذ أسبوع واحد

شعور قلق

Coffee_73439 🇪🇬 انا شايف انك في طريقين أحلاهم مر بس خلينا نحط قدامنا الاختيارت ونشوف انهي احسن انك تكوني زي مانتي دلوقتي قافلة علي نفسك ومش مدية اي فرصة لأي شاب او انك تدخلي في علاقة مرة واتنين وتتعلمي من ده وده وتستنزفي مشاعرك في الاماكن الغلط ملحوظة ان جوزك المستقبلي مكتوبلك هو مين من قبل حتي ما تتولدي ومش هتقدري تغيري في القدر فهل شايفة في المستقبل لما تتجوزي تكوني في شبابك اختارتي الاختيار الاول ولا التاني؟

عرض الكل 14 نصيحة

عبّر عن شعورك بشكل مجهول

السلام عليكم 
انا اول مرة ليا هنا و حبيت الجو اوي و عايزة اتكلم بصراحة و عايزة بنت كبيرة شوية تنصحني انا عمري في حياتي ما ارتبط ولا دخلت في أي علاقة قبل كدا ديما في حرب جوايا اني عايزة ارتبط بس مش عارفه و بتكسف و بخاف من ربنا و بقرف لما بفكر كدا و في نفس الوقت مش عايزة ادخل في أي حاجة رسمي ابدا حاسة اني معقدة و مش فاهمة نفسي بجد بحس اني عندي احتياج عاطفي كبير بس بحاول اتحكم في نفسي عشان مش عايزة ادخل في أي حاجة كدا و السلام تقلل مني و الفكرة اني اصلا ماليش اي تعامل خالص مع الجنس الآخر من و انا صغيرة و لحد ما أنا في الكلية بخاف منهم و ببقى طول الوقت حاسة بقرف منهم و من تصرفاتهم مش عارفة بقى ازاي عايزة ارتبط و ازاي بقرف منهم و كمان لاحظت للاسف اني ينجذب اللاكبر مني في السن بكتير لدرجة اني مرة اعجبت بمدرسة الفيزيا بتاعي رغم أنه كبير جدا في السن و كان جد اصلا بس مجرد أنه أظهر ليا اهتمام طبيعي فضلت فترة موهومة اني بحبه و طبعا السبب الواضح هوا غياب حب ابويا عني رغم أنه حاليا ندم و بقى حنين بس مش حاسة من ناحيته بأي مشاعر مش عارفة لما بتخيل اني اكون في علاقة مع راجل بيعاملني باهتمام مبالغ فيه بكون راضية بس بحس أنه ضعف كبير مني واني مش اكيد مش هيكون فيه راجل كدا اصلا و فكرة اني ادي الأمن دي مستحيلة بالنسبة ليا لأن حرفيا لما بسمع موضوع الجواز ده بترعب بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Candle_83548 🇪🇬

منذ أسبوع واحد

شعور لا مبالٍ

ببقا عايزه اوى اتكلم مع الناس و ف نفس ذات اللحظه مش بلاقى كلام و بتلاشى الناس بذات التعامل مع الرجاله بحس انه لا مش لازم اكلمك انت مش بتدينى الاهتمام الكفايه لا لا سلام انا مش هدى حد اكتر من ما بيدينى انا حاسه انى صح جدا بس ممكن الوحده هى اللى مزعلانى

Coffee_77321 🇸🇦 البعد عن الناس غنيمة

عرض الكل 3 نصيحة

Mango_54663 🇪🇬

منذ أسبوعين

شعور وحيد

انا بحب واحد من 14 سنه ، حبه ف قلبي متغيرش ولا قل على الرغم من اني مشفتوش من تقريبا 12 سنه ولكن سبحان الله مكانه زي ما هو …اتجوزت وخلفت واتطلقت لاني اتجوزت انسان غير سوي وكان بيعاملني باهانه وضرب وخيانه وكل حاجه ممكن تتخيلوها وكرهته واتطلقت ..والانسان التاني لسه متجوزش …والاكيد انه مش هيتجوز واحده م

Pineapple_59780 🇪🇬 طيب ما انت من كلامك كده كنت بتخوني جوزك عشان في قلبك حد تاني غيره ده علي حد قولك طبعا

عرض الكل 25 نصيحة

Coffee_76833 🇪🇬

منذ أسبوعين

شعور منزعج

ممكن افهم ليه معظم الرجالة دلوقتى اللى بتبقا عاوزة تتعرف على بنت بيقا غرضهم حاجات مش كويسة ف حين ان البنت مابتكونش عملت اى حاجة تخليهم يفكروا فيها كده ايه اللى حاصل للرجالة الموضوع بقا مقرف بجد لدرجة الواحد بيشك ف نفسه انه فى حاجة غلط

Potato_77746 🇪🇬

منذ أسبوعين

شعور مكسور القلب

هو فعلا فى رجاله ممكن تحب ومتكدبش ومتخونش وتبقى كويسة مع البنت اللى معاهم وميلعبش بيها انا بجد من كتر اللى شوفتهم كدا بقيت حاسة ان مفيش رجاله كدا فى الدنيا خصوصا ان ابويا مكنش احسن حد وبجد بكرهه من كل قلبي هو اللى عملى عقدة وخلانى جعانه اهتمام وحب انا مفتكرش مره واحده فى حياتى خدنى كدا وقالى احكيل

Blueberry_78218 🇪🇬

منذ أسبوعين

شعور محبط

لما الرجالة مش بيجي من وراها تعب القلب ، ليه بعد كل السنين والمحاولات دي انا حظي بيبقى ابن وسخة بس في ناس بتلاقي ناس كويسة عادي؟ هل نصيبي لسة مجاش والكلام اللي بيتقال والنصايح الحلوة وكده ولا انا حد داعي عليا وليه كل ماحب حد اوي بتفشخ قد الحب ده عشر مرات برغم كل محاولاتي للصمود

Watermelon_66850 🇪🇬 متزعليش واكيد في حكمة من اللي بتمري بيه وبإذن الله ربنا يعوضك خير يارب❤️

عرض الكل 5 نصيحة

Mango_78297 🇪🇬

منذ أسبوعين

شعور مرهق

عندي ٢٩ سنة ومعنديش شقة ولا مبلغ حتي يجبهالي شغال محاسب في شركة ومرتبي ميعملش حاجة لو حوشت فيه ٣ سنين كله من غير ما اصرف حاجة عايز اسافر بس لسة مش بدور بجدية ومفيش بنت في حياتي ولا بقيت عايز بعد علاقتين ساميين

Biscuit_78094 🇪🇬

منذ 3 أسابيع

شعور مكسور القلب

أنا بنت فمنتصف العشرينات نفسي اكون فعلاقه آمنه مش سامة بس بخاف أوي لإني قبل كدة اتعرفت على ناس كتير ودخلت فتجارب بصراحه عددها أكتر من العادي بس مكانتش بتتخطى الشهرين تلاته يعني وبكتشف ان الاشخاص دول مش شبهي ولا مناسبين اطلاقاً واوقف تعامل معاهم ده غير اني دخلت علاقتين جديين كان الموضوع ماشي في جواز

Mango_77928 🇪🇬 مفيش حاجه اسمها ارتباط ياحبيبتي اسمها علاقه محرمة وانتي جربتي بنفسك اخرتها اين اقفلي بابك لغاية لما ابن الحلال ييجيلك وعندك فترة الخطوبة تعرفي عليه براحتك طلع مناسب اهلا و سهلا ماطلعش مناسب يبقى احنا لسه ع البر وقدام اهلي وقدام ربنا ماغلطتش

عرض الكل 11 نصيحة

Strawberry_72365 🇪🇬

منذ 3 أسابيع

شعور ضائع

هو لو حد بيحبني وباين عليه جدا واعترفلي بس انا قلتله شكرا ومتكلمتش عشان بصراحة خايفة ومش عايزة اخش في ريليشن شيب عندي تروما هو باين عليه كويس بس انا مش عايزة هو حاول معايا كتير ولسه بيحاول بس انا خايفة ومش عايزة بس حساه كويس ،دماغي متشتتة جدا اعمل ايه خايفة ارفضه يكون كويس ويضيع مني وخايفة اقبل يتحو

Apple_72790 🇪🇬 متخليش التروما تسيطر علي قراراتك كلها. خدي وقتك شوفيه في مواقف أكتر واطمني بنفسك، ومفيش داعي تدخلي علاقه وانتي مش جاهزة. اللي فعلاً بيحبك هيستنى لحد ما تكوني مرتاحة يمكن الراجل ده يكون فعلاً نيتُه جد وداخل من بابها. لو فضل ثابت ومتمسك بيكي ساعتها سيبي الأمور تمشي طبيعي لحد ما يتقدملك رسمي 👌

عرض الكل 15 نصيحة

Apple_71377 🇪🇬

منذ 3 أسابيع

شعور لا مبالٍ

الفكرة اننا حتي مش بنعرف نعبر عن مشاكلنا مش بنعرف نحكي ولا نشكي وكأننا مرضي بالكتمان سواء في ناس معانا أو مش معانا سواء بهويتنا ولا مذيفين. مفيش كلام يعبر تقريبا معلموناش احنا الرجالة لا نحكي ولا نشكي ... لنا الله

Pistachio_74570 🇪🇬

منذ شهر واحد

شعور خجول

ادلع خطيبي اقوله ايه غير يا كوتي و يابيبي الرجالة بيحبو يتقالهم ايه عشان هو دلوع اوي دظزتنههعلللةةتنطتالبفععتل منللععلبلةىرييصصسثقفعنزظننتاليبعتلبععللععتمنللععلبلةىرييصصسثقفعنزظننتاليبعتلبععللععتمنللععلبلةىرييصصسثقفعنزظننتاليبعتلبععللععتمنللععلبلةىرييصصسثقفعنزظننتاليبعتلبععللععتمنللععلبلةىرييصصسثقفع

Pineapple_80652 🇪🇬

زهقت من حياتي وعايز انتحر بس مش عارف

حاسه ان حياتي انتهت بدري اوي بجد 31 سنه مفيش صحاب خالص و مش عايزه اشتغل لاني مش مطالبه ب ده مفيش زوج كان نفسي يبقي عندي طفل في السن ده بس للاسف مفيش اهلي مش بحبهم خالص و عاملين لي تروما بقالي 5 ايام مخرجتش من البيت حرفيا مش عارفه اروح فين ولا اعمل ايه زهقت ز قرفت من كل حاجه هو لو فكرت انتحر حيجري حاجه والله ما حيجري. و بالمناسبه بصلي ز عارفه ربنا و عارفه أنه اختبار بس زهقت و تعبت بجد 🥹🥹🥹🥹🥹 ...عرض المزيد

1 الدعم

26 نصيحة

Mango_86188 🇪🇬

زهقت من حياتي وعائلتي ونفسي مكتئبة

انا واحده عندي 40 سنه لسه ما اتجوزتش لغايه دلوقتي بس كل ما اقابل حد او اكلم مع حد احس ان هو مجرد مكالمه ان هو يطلع نقطه مش كويسه ما بقاش عندي ثقه في اي حد حتى اصحابي ساعات بيوقعوا بيني وبين ماما واختي انا زهقت حتى اختي نفسها لما اجي اكلمها تقول لي مش عايزه اسمع صوتك متعاملي معامله مش كويسه بحس انها غيرانه عشان هي اتجوزت ومسؤول وعندها بنات وانا اصلا شايله مسؤوليه ماما براعيها ومحساني ان انا فاضيه على طول مع اني مش فاضيه اصلا المفروض مشوار مش وهي تعملها تقول لي انا اعملها بتقول لي انت فاضيه تدفعها هي المشروع العلاجي تبع نقابه اختي مره في السنه تقول لي تدفعيها انتي متعامل ماما معامله ازيك يا ماما عامله ايه خايفه ان هي ترقد في يوم وهي تشيل مسؤولتها ماني انا انا اللي اصلا معاها على طول وانا شايلاها ماما مرتاحه معايا اعرف هي عايزه ايه محتاجه ايه وابسطها مش عارفه اشتغل ما اقدرش اسيب ماما لوحدها عشان لو قبضت اللي قبضته هدفعه للست اللي هتقعد معاه حتى انا كنت مخطوبه من كم سنه كنت هو كان بوظ علاقتي لماما يقول لي ماما ملهاش حق تعرف حاجه بقولهاش حاجه خالص انا كنت مخطوبه منكد عليا عيشتي بوظ علاقتي باختي برده احاول اكلم اختي احاول اكلمها اقول لها تتعدل معانا لا بالعكس اللي بتطلعنا احنا الغلطانين هي عمرها ما تغلط نفسها الاقيها معاملتها مع الغرب احسن من قريبها معاملتها في بابا لاخر فتره قبل ما يموت كانت كويسه مع اني كانت بتحبوش بتضايق قوي لما اقول للناس اشتكي درجه مره بصت على الوتساب بتاعي بتكلم مع واحده صاحبتي بشتكي هي مسكت الموبايل من ورايا وشفت الوتساب بقيت فيها اثق فيها بعد كده نعمل حاجه في شقتنا هي مش عايشه معانا هي متجوزه نعمل حاجه في شقتنا بتقول لي ليه ما قلتليش عملت كذا ما بقتش عارفه اقعد معها براحتي اعرف اكلمها ماشي حاسس انها صاحبتي هي اختي الوحيده مليش اخوات تانيين وماما مش هتعيش لما طول عمرها المفروض هي تفضلي هي اختي هي تفضلني المفروض هي سندي ليه انا لو قاعد في مشكله الجا ليها بس انا ما اقدرش تقولي انا مش عايزه حاجه اعرف عنكم حاجه ماما في حاجات تعرفها اختي ما تعرفهاش ماما اصلا صاحبتي هي كل حياتي بس هي مش هتعيش طول العمر فانا هحتاج اكلم حد اكلم مين وما اعرفش اتكلم مع اختي هيمشي لوحدي انا طلعت من دماغي حكايه الجواز خلاص بقى انا زهقت ما فيش رجاله في الزمن ده رجاله عدله بس محتاجه حد يكون سندي المفروض اختي انا محتاجه نصيحه اعمل ايه مع اختي ...عرض المزيد

1 الدعم

19 نصيحة

Strawberry_80896 🇪🇬

ملل فظيع وعاوزة اشغل نفسي ناووو بجد

ملل فظيع عاوزة اشغل نفسي ناووو بجد، محدش عنده مشكلة او عاوز نصيحة بجد انا بجد معرفش لحد الوقتي اى سبب الطاقة اللى جوايا دى بس انا عاوزة اخرجها و الله عاوزة أنشرها بجد لأنها طاقة إيجابية جدا، انا معرفش ده اى بس حاسة انها حاجة حلوة🩵🌸 ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع