خايفة أرفضه يكون كويس ويضيع مني

Question

هو لو حد بيحبني وباين عليه جدا واعترفلي بس انا قلتله شكرا ومتكلمتش عشان بصراحة خايفة ومش عايزة اخش في ريليشن شيب عندي تروما هو باين عليه كويس بس انا مش عايزة هو حاول معايا كتير ولسه بيحاول بس انا خايفة ومش عايزة بس حساه كويس ،دماغي متشتتة جدا اعمل ايه خايفة ارفضه يكون كويس ويضيع مني وخايفة اقبل يتحول انا عندي تروما من الرجالة وبابا السبب

Apple_72790 🇪🇬 · Accepted Answer

متخليش التروما تسيطر علي قراراتك كلها. 
خدي وقتك شوفيه في مواقف أكتر واطمني بنفسك، ومفيش داعي تدخلي علاقه وانتي مش جاهزة.
 اللي فعلاً بيحبك هيستنى لحد ما تكوني مرتاحة
يمكن الراجل ده يكون فعلاً نيتُه جد وداخل من بابها. لو فضل ثابت ومتمسك بيكي ساعتها سيبي الأمور تمشي طبيعي لحد ما يتقدملك رسمي 👌

Sugar_67863 🇪🇬 · Answer

هيتقدملك يعني ؟ ولا لو اتقدملك هقولك دوسي لكن كلام ومشاعر هبلة كده لا دي تروما اه ومتوقعيش ق الفخ 👍🏻

Strawberry_72365 🇪🇬 · Answer

ايوة هيتقدم قالي اديني الموافقة بس خايفة ومش عايزة بخاف جدا انه اي حد يطلع زي بابا

Mango_74700 🇪🇬 · Answer

مش كل الناس زي بباكي 
انا ابويا يمكن اب سيء لدرجة مثلا ٣ من ١٠ 
هل دا معناه اني هبقى شخص سيء لا بالعكس الحمد لله بتجنب كل شيء سيء هو بيعمله 
الناس مش زي بعضها 
و مش كل الرجالة زي والدك

Apple_58349 🇪🇬 · Answer

لا خلاص انتي بتهزري طالما هيتفدم يبقى هيتسلى ازاي متوزنو الامور يجدعان طالما هيتقدم خلاص ف ايه انتى هتساوي دا بالل جابلك تروما قبل كده

Sugar_67863 🇪🇬 · Answer

خلاص خليه يجي يتقدم تكوني مخطوبة قصاد الناس كلها اعرفي شخصيته ودنيته ايه الخطوبة بتعرفي الشخص وتتعرفي عليه لقيتي عليه حاجه مش بتحبيها ابعدي عنه فورا لكن ادي لنفسك فرصة ومش كل الناس باباكي

Mango_74700 🇪🇬 · Answer

توكلي على الله استخيري ربنا و ان شاء الله ربنا هيكون في عونك ولو هو مش كويس هتكتشفي دا في فترة الخطوبة

Coffee_77026 🇪🇬 · Answer

اتعرفى عليه واحكيله كل مخاوفك وخدى الموضوع خطوه خطوه بسيطه متنطيش فيه خطوات كبيرة  ولو ارتاحتى كملى مرتاحتيش خلاص

Strawberry_72365 🇪🇬 · Answer

خايفة بعد كده لو حصل حاجة رسمية يذلني بالكلام ده

Strawberry_72365 🇪🇬 · Answer

بابا اللي جابلي تروما

Strawberry_72365 🇪🇬 · Answer

هي الفكرة ان بابا في بداياته كان راسم انه شخص كويس جدا وقال انه هيعمل حاجات كتيرة واول ما اتحوز ماما اتغير 180 درجة وكل حاجة بعكسها وعايشين في قرف فخايفة بجد

Pineapple_77878 🇪🇬 · Answer

لا ده حاجة كويسة 
يا ريت تبتعد عن أي حراك

Mango_74700 🇪🇬 · Answer

في ناس كدا فعلا بس انتي خليكي واثقة في الله و صلي استخارة و خليكي مطمنة من اختيار ربنا ليكي

Strawberry_72365 🇪🇬 · Answer

عايز يتقدم

Cherry_60771 🇪🇬 · Answer

صلي استخاره