اكتئاب بعد الفراق

Carrot_74050 🇪🇬

منذ 3 أيام

شعور Bad 😞

عبّر عن شعورك بشكل مجهول

صتي طويله شويه.. هو انسان مغامر وانا تقليديه جداً..
انا عرفته من ١٤ سنه ، من اديان مختلفه..كنا في بدايه مشوارنا المهني..اول ما شوفته اتخطفت وهو كذلك..ابوه كان متوفي من وهو صغير ومامته كانت مريضه.. مره ف مره حبينا بعض واتعلقت بيه جداً.. كان اول مره احب ف حياتي.. هو كان طبعاً غيري.. بيصاحب من ابتدائي تقريباً وانا شخصيه مجربتش اي حاجه ف حياتي خارجه عن المألوف،كنت منبهره بيه وبشخصيته ومغامراته، وهو كان منبهر بالبراءه والتخلف اللي عندي.كان بيمر بظروف انسانيه و ماليه كتير زي ان  كان عليه ديون ومصاريف البيت وهكذا،قررت اقف جنبه واساعده معنوياً و مادياً.. وقالي بحبك. قضيت معاه احلي سنتين..بس كنا عارفين ان انا مش لبعض ..وكان طبعاً بيعرف بنات عليا عادي ويسيبني ويرجع عادي..فضلنا كده فتره كبيره يسيب ويرجع يلاقيني زي ما انا منبهره، كل مره كنت بنهار واكتئب،قعدنا مع بعض قالي لازم حل.. خوفت وقتها امشي واسيب اهلي قلتله شوف حياتك.. لحد ما استقر ف وظيفه كويسه راح خطب وقالي بس ٦ شهور وفسخ الخطوبه وساب شغله قعد ف البيت فتره وانا اللي شايله وبعدين راح شغل تاني استقر فيه الي حداً ما.. كنا بنتكلم عادي يعني كل فتره كأصحاب. قالي انه هيخطب مره تانيه.. قعد سنه ونص معاها  و قالي افضل بلاش نتكلم بطلب منه بس المشكله ان اهلها رفضوه لما اتقدملها، وبعدها فضل مكمل مع البنت بدون علم ابوها . بس للأسف عمل حاجه غلط واترفد.. ومن هنا ابتدي يضيع ويدخل ف ازمات وخطيبته سابته وسافرت ورجع يكلمني وانا اللي جيت ادعم واسند..تقريباً من ٢٠١٧ العلاقه اخدت منحني مختلف خالص، مكانش حد معاه غيري.. ولا حتي اخته ولا اصحابه مفييش.. ابتدينا نقرب جداً من بعض بعدها جت كورونا وهو اتعدي وانا كنت برعاه..وانا اتعديت كان هيتجنن. ٧ سنين تقريباً كنا اقرب اتنين لبعض، حبيبي وصديقي.. كنت مبخليهوش عايز حاجه.. بهتم بيه جداً و اشيله ف عنيا..يحب يعمل مشاريع اساهم فيها.. يحب يسافر اساعد باللي اقدر عليه.. قالي كتير انا مش ممكن هسيبك واحنا مع بعض.. طلب مني  اسيب اهلي هنا ف مصر بس كان صعب عليا اعمل كده وانا هنا و عشان كمان وضعنا المادي، كذا مره محاولاته في الشغل تفشل .. طبعاً كان فيه خناقات كتير ف الاخر لاني ابتديت انضغط من الوضع ككل (معنوياً ومادياً) وكتير نتخانق ونسيب ونرجع.. خصوصاً اخر سنتين…وهو كان عصبي وبيغلط.. لما يغير عليا يغلط فيا وابتدي حتي ميحبش يخرج وممكن يقعد شهرين منشوفش بعض..لحد من فتره بسيطه جداً سافر بره بس حسيته انه اتغير هناك..كلامه ابتدي  يقل شويه بشويه .. ابتدي يبقي بعيد…اتخانقنا كالعاده.. قالي عايز اركز واعمل مستقبل.. ولما اكون جاهز للجواز هكلمك.. بس انا مقدرتش استني خوفت ينساني فرفضت…وطبعاً ف الوقت ده اخته كانت ابتدت تظهر، قالي يبقي لازم اهلك يعرفوا عشان مينفعش اخدك منهم ولو حصل حاجه بينا هوديكي فين؟! لازم يوافقوا…ولازم يشوفوني راجل…اتفقنا انه يكلمهم وبالفعل حصل بعد مكالمه مدتها ٣٠ ثانيه بس، طبعاً اترفض بس يعني بأدب من غير اي تجريح منهم..بعدها قالي انا شايف ان كده كفايه ولازم نمشي كل واحد من سكه..فضلنا نتكلم بعدها كام يوم بس كنت حاسه انه مش مرتاح او بيتكلم غصب وكل شويه يقولي زهقت من الوضع ده وهو "حقه يعني مأنكرتش" انا يعني معرفتش اعمل ايه وقتها..قولتله خلاص امشي وركز علي حياتك ومستقبلك بس كان نفسي يحاول شويه عشاني يعني مش مجرد مكالمه تليفون.. حتي لما سبنا بعض كان علي الشات. بعدها بيومين بس وبعد ما  الدنيا عندي هديت لان اهلي كانوا متدايقين مني جداً مع ذلك قالولي اعملي اللي انتي عايزاه بس موافقتنا مش هتاخديها.  بعتله كتير  وحاولت ارجعه واقوله اني هسيب اهلي هنا واروحله ونتجوز مدني، مرضيش قالي مينفعش دي مسئوليه انا مش قدها… انا مش عايز التضحيات دي.. قولتله انا كبيره وهتحمل تبعات قراري قالي لا انا عايز واحده طبيعيه معندهاش كل المشاكل والتعقيدات دي.. قالي انه خايف عليا يجراله حاجه واني ابقي لوحدي خالص..مع ان انا كده كده بسافر وبروح واجي واشتغل وبعتمد علي نفسي حقيقي كنت هلاقي سكه لو حصل حاجه يعني..قالي عايز عياله يبقوا ليهم اهل ويتربوا علي الصلاه رغم ان انا اللي كنت بتخانق معاه لما يفطر ف رمضان او يفوّت فرض. قال ان هو مكانش عايز يكمل بقاله ٣ سنين.. بس كان خايف علي زعلي وقتها..،وان هو ما صدق يحكم عقله..طبعاً طريقه كلامه معايا مكانش احسن حاجه ولا كانت طيبه زي ما متعوده منه..اكيد هو كمان كان مكسور زيي بظبط وانا مقدره، بس انا يعني معرفتش غيره عمري كله و محبتش غيره.. وحاسه اني ملامحي كبرت من بعده وكل حاجه بقيت حزينه..محدش مقدر ولا عارف ازاي انا مكسوره.. روحت لدكتور من كتر الزعل قالي لازم تنسيه وانا مش عارفه.. حقيقي الموضوع صعب..وانا متلخبطه يعني مش عارفه هو ليه موافقش هل هو فعلاً خايف من المسئوليه ولا هو مش جاهز يتجوز ولا هو مش عايزني انا؟!!. مجرد التفكير ف الموضوع مهلك وبينا زكريااااات كتير صعب تتنسي وف نفس الوقت انا مش صغيره والتوقيت مش افضل حاجه،،وحاسه اني هعيش كده خلاص. بقالنا سنه سايبين بعض لكن بيطمن عليا كل فتره.
الفكره دلوقتي صاحبه راحله زياره ( ابن خاله خطيبته التانيه اللي سافرت وسابته) رجع يعرفني انه خلاص هيتجوزها وانا مش قادره استوعب الصدمه.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_67771 🇪🇬

منذ 3 أسابيع

شعور مكسور القلب

Mango_67775 🇪🇬 والله ياسطا شوف مش هقولك غير انك تقول الحمدلله لأن دي علاقه محرمه مع اني معرفش انت مسلم و مسيحي تاني حاجه يا صاحبي فكر فيها فعلا هتلاقي أن فعلا عندها حق انت اكيد في فتره شباب و دي حرفيا الفتره الدهبيه بتاعتك بتقدر تطلع كل طاقتك في حاجات كتير و عايز اقولك ده ممكن ميكونش حب او وجعك ده من الحب على قد ما هو تعود مش بقلل من أي شعور انت حاسس بيه والله و حقك اصلا بس انا بقولك اهو الدنيا مش بتقف

عرض الكل 6 نصيحة

عبّر عن شعورك بشكل مجهول

كنت في علاقه اونلاين مع واحده اجنبيه في فتره في حياتي كنت مكتئب وحزين ومش طايق الدنيا عادي فتره كلنا بنمر بيها اتكلمنا وارتاحنا لبعض لحد ما ارتبطنا والموضوع بالنسبالي كان ادمان كنت بعيش اليوم علشان اوصل للحظه اللي هتصل بيها ونتكلم وانسى همومي كنت بحبها اكتر من نفسي وكانت هي بتحسسني انها بتبادلني نفس الشعور والوعود بقى وكل حاجه حرفيا كاني عايش في حلم ومش عاوز حاجه تانيه غير ان احنا نتجوز وافضل عايش في القصه السعيده دي وفي الاخر بعد سنتين من ارتباطنا قالتلي ان هي فكرت في الموضوع بجديه اكبر ولقت انها حاجه صعبه جدا عليها تسيب بلدها واهلها وشغلها غير ان المستقبل مش واضح امتى فعلا هنتجوز وان هي زهقت من العلاقه عن بعد ومش حاسه ان هي في علاقه فعلا وما الى اخره الفكره كلها هنا اني في صدمه مش قادر اوصفها مش عارف اعيش حياتي مش عارف اكل مش عارف احس باي متعه او اي حاجه في اي حاجه حرفيا الموضوع وصل بيا لاكتئاب والموضوع صعب عليا جدا لاني لوحدي صحابي مركزين في حياتهم وانا مش في اولوياتهم خالص وبجد الموضوع اشبه بكابوس مش عارف اخرج منه ازاي محتاج فعلا نصيحه من حد مر بتجربه مشابهه لفراق شخص كان بالنسبالك كل حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_60565 🇪🇬

منذ شهر واحد

شعور مكسور القلب

لو انت قعد حد يحبك و انت تحبه تلت سنين بعدين فجأه بعد ولا كأنه يعرفك و لما يشوفك تقعدوا تبصوا لبعض بصات غريبا و تحاولوا تبعدوا عن المكان بسرعه بس المشكله انك مش عارف تقوله حاجه لأنك عرفت انوا مصاحب واحد تاني مكنش صحبك ساعتها بس انت صحبته بالصدفه قبل متعرف تن هو اللي صاحب اللي سابك بدون سبب فمتقدرش ت

Nutella_60275 🇪🇬

منذ شهرين

شعور محبط

عبّر عن شعورك بشكل مجهول

ليه مستنياه رغم انه باعنى و كسرنى و كسر فرحتى بعد حب سنين اتخطبنا كام شهر ورانى فيهم الويل و اتحول من حد كريم و بيحبنى و مستعد يجيب الدنيا كلها تحت رجلى لحد بخيل و انانى و متسلط البيه الدكتور المحترم كان مستكتر نفسه عليا حتى اهلى لاحظو كده بداية من انه خطبنى بدبلة بس مع انه مستواه المادى كويس جدا و انا الحمد لله بشتغل و شايلة مسئولية نفسى بقالى اكتر من 15 سنة عشان حتى مبقاش عبء على أهلى يعنى هو عارفنى اصلا و انا بشتغل و انا محوشتش حاجة و لا بعرف احوش و بصرف على نفسى اكل و لبس و ميكب و مدلعه نفسى يعنى مش محتاجاه 
بعد ما اتخطبنا بأسبوع جه عيد ميلادى مجابليش حتى و لو هدية بسيطة مع انه مكنش بيعدى عيد ميلاد ليا مكنش بيجبلى فيه هدية ولو بسيطة و لما جيت عاتبته قالى انه عيد ميلاده كان يوم الخطوبة و انا مجبتلوش هدية مع انى يعلم ربنا انى اتزنقت ف حوار الخطوبة ده و اتكلفت عزومة اهله عندنا و فستان و ميكب و كنت ناوية اجيبله هدية بس لما ظروفى تتحسن عشان كنت بنقل شغلى كمان
الشقة اللى مفروض هنتجوز فيها عاوز كل حاجة تمشى على زوقه هو حتى الوان الدهانات و لما اعترضت قالى انا اللى هدفع و لازم الحاجة تعجبنى انا بس و كان كل ما تحصل مشكلة بنا حتى لو صغيرة يقولى ادينى دبلتى و امشى
انا بقالى 5 شهور من بعد ماسبنا بعض كل يوم بسأل نفسى سؤال واحد انا عملتله ايه عشان يمشى و يكسرنى و يكسر فرحتى بالشكل ده و بجد هتجنن و مش لاقيه تفسير للتحول الرهيب ده
انا بشتغل ووخده سكن فى محافظة تانية لما كان يجيلى لازم اركن مشاكلى و همومى على جنب و لو اشتكيت ميحاولش يحل و لا حتى يشيل عنى لأ يضايق اصلا انى بشتكيله و يفضل يلومنى و يزعقلى و يقولى انا مش جايلك سفر عشان تفضلى تحكى ف مشاكل خليها لما نتكلم ف التليفون 
افتكر ف مرة جالى فا تعبت جالى مغص فجأة لقيته ادايق و اتنرفز و روحنى و رد فعل طفولى ميطلعش من عيل صغير
و اكتر موقف وجعنى و كان سبب الانفصال هو انى جالى نزيف و كلمته عشان يجيلى اتحجج بأن رخصته مسحوبه و مش هيعرف يسافر انا طبعا انهرت و من وجعى قولتله كلام ضايقه فا كلم اهلى و قالهم مفيش نصيب حاولت ارجعه بكل الطرق و جبتله هدية و سافرت و روحتله العيادة لحد عنده مرضيش بردو يرجع انا حسه انى اتخذلت و استهلكت و معنديش طاقة لأى حاجة ف الدنيا
عارفه ان الصح انى انسى و اكمل و اشوف حياتى بس والله ما قادرة و لا عندى اى طاقة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_51047 🇪🇬

منذ 7 أشهر

شعور مكسور القلب

مش قادره انساه ولا اتخطى اي ذكرى مرتبطتش بيه بس حبيتو اووي كان م بكل الطرق انو بيحبني انسى واتخطى اذاااي عشان انا هموت من الوجع قلبي مقسوم نصين عقلي رافض ينسى اي ذكرى حياتي واقفه بقي عندي اكتئاب ده اول حب فحياتي ازاي انساه وارجع قلبي ليا من تاني ؟

Jackfruit_51332 🇺🇸 اه ارل حب نسيانه صعب ومليان وجع قلب يس لازم العقل يسيطر شويه ويعرف ان مش ضعيف هيا كدا كدا مساله وقت بس فكري في المواقف وشوفي مين الغلطان كل دا هيساعدك تنسي لما تعرفي مين اتخلي

عرض الكل 1 نصيحة

Coffee_47291 🇪🇬

منذ 8 أشهر

شعور غاضب جدًا

متجاوزة بقالي ٦ سنين ومعايا طفلة اربع سنين وحامل هولد خلال أيام اكتشفت أنه شخصية نرجسيةكان حب عمري ٧سنين قبل الجواز قدمتله كل حاجه مشاعر وامان وحب وحاجات مادية كمان طلقني أكثر من مرة عمره مااتمسك بيا سوء سمعتي عشان يغطي علي سمعه أخته طلقني اخر طلقة راح لدار الإفتاء وانكر وقوع طلقة من التلاته وأنه مش

Coffee_27700 🇪🇬 متجيش على نفسك عشان اي حد حتى لو ولادك. ولادك افضل أنهم يعيشوا مع ام واب منفصلين بس الام مبسوطه وسليمة صحياً ونفسيا عن أنهم يعيشوا معاهم وهم متجوزين وبينهم مشاكل والام تعيسة ومريضة. اقرأي كتاب ( أحببت وغداً)

عرض الكل 12 نصيحة

Apple_34711 🇪🇬

منذ 9 أشهر

شعور ضائع

انا ارتبط ببنت وانا ف اولي ثانوي وهي كانت تالته ثانوي كانت اكبر مني سنتين ك دراسه و3 كعمر لاني داخل المدرسه بدري سنه المهم علقتني بيها جداا وكانت توكسيك وانا محدش حبني ابدااا قبل كدا ما صدقت حد يبل ريقي بكلمه حلوه حتي لو بيكدب وانا عارف انه بيكدب المهم سابتني بعد ما خلصت اولي قعدت فتره كبيره منعزل و

Blueberry_34665 🇪🇬 مش هقولك الموضوع سهل وموڤ اون والعبط ده بس انا عاوزة اقول على حاجة ومتتصدمش ده مش مكنش حب ده تعلق.. انت اتعلقت بيها كدا عشان هي عاطيتك مشاعر انت كنت مفتقدها ونفسك فيها اوي .. متحاولش ترجعلها بأي شكل من الاشكال وحاول انك تركز مع نفسك اكتر وقصدي انك تفهم نفسك وتفهم انت لي اتعلقت بيها بالشكل ده افهم مشاعرك واحاسيسك وحتى لو عملت ده مش هتنساها عشان مبقاش كدابة بس هتلاقي نفسك خلاص اه بحبها بس مش هرجعلها

عرض الكل 8 نصيحة

Watermelon_32122 🇪🇬

منذ 9 أشهر

شعور محبط

Lemon_32069 🇩🇿 في حاجة اسمها التخطي يا صديقي والانسان اللي مايبذلش مجهود على شانك دا مايستهلكش والجواز قائم على التعاون والمفاهمة بس كل ده مش موجود بينكم

عرض الكل 6 نصيحة

عبّر عن شعورك بشكل مجهول

كنت مرتبط ببنت من سبع سنين وبحبها جدا والمفروض هي كمان فصلنا مع بعض ٧ سنين اتخرجت واشتغلت واتقدمتلها اهلها رفضوا بسبب انهم مش عاجبهم الشقة رغم انها كانت كويسة وكبداية كويسة جدا هي راحت اتأثرت بكلامهم ورفضت فضلت ف محاولات معاها كتيرة وبعمل كل حاجة ومفيش فايدة حاولت اتصرف ومكنش ف مقدرتش اشتري شقة تانية ورغم كده حاولت وطلبت من اهلي فلوس مقدم شقة وروحت اتقدم تاني بعد ما حجزت شقة واستلمها كمان سنة ونص برضه رفضوني رغم اني معرفها كل حاجة وهي كانت موافقة فجاة قدام اهلها برضه معملتش عشاني حاجة حاولت بكل الطرق ويأست وهي كانت مش ماسكة فيا كانت بتطالبني اني اتصرف عشان نكون سوا يا كده يا مفيش وفعلا سبنا بعض سنة ف خلال السنة دي ربنا كرمني بشقة كويسة وشطبتها بفضل الله حسيت بالذنب رغم اني مش انا اللي سبتها بس حاولت ارجع اكلمها ورجعنا وقولتلها اني اتصرفت وعملت كل حاجة اقدر عليها جت برضه بتحاول تقلل من اللي عملته وان ده مش هي اللي نفسها فيه وان سننا كبر وخلاص لازم حاجة احسن من اللي موجود كمان ورفضت تاني ( رغم انها المفروض بتحبني ومقدملها كل حاجة والله والحمد لله ماديا وضعي كويس) بقيت ف حالة صدمة مش عارف اعمل ايه تاني وبقيت حاسس اني كنت مخدوع انها بتحبني طب وكان ليه كل السنين دي ! مبقتش عارف بجد اوصف كمية الصدمة والقهرة اللي جوايا وان حياتي واقفة ومبقتش عارف انا غلطت ف ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_34165 🇸🇦

منذ 9 أشهر

شعور ضائع

موضوع:

هل في يوم اتعلقت بحد؟

أتعلق شعور صعب التخلص منه انا تعلقت بي صحبتي بس سنتين حبيت فيها شخصياتهاو تعاملولها معي ومازلت سوالفها في داخلي تعلقت فيها أكثر من أي أحد انا عيشة معاه بس هي نقلت من المدرسه وقالتلي انها بتراسلني كل يوم بس... من يوم ماراحة ولا سمعت عنها خبر .... مع العلم انه قبل تعروفي عليها كان عندي أصدقاء بس لما ر

Cherry_27435 🇪🇬

منذ 9 أشهر

شعور سعيد

موضوع:

الحب من طرف واحد

انا عادي حبيت واحد و هو حبني بس هو كان واخدني بطريقة غير جدية نهائي ولا لجواز ولا لخطوبة ولا اي حاجة و كان بيقولي كلام حلو كتير بس احنا ايييية؟ صحاب و في الاخر هو محبنيش و انا اللي فضلت احبو اتعلقت بية ٤ سنين و كنت بكلمو على فترات متقطعة و اخر مكالمة بينا هي اللي بينتلي قد اية انو بارد و مش فارق معا

Ice Cream_20764 🇪🇬 شطوره وفخور بيكي بجد بس اهم حاجه تبعدي عن فكره الارتباط والعلاقات المحرمه اصلا حتي لو مجرد صحاب عشان مفيش صحوبيه بين بنت وولد واستني نصيبك اللي ربنا كاتبهولك وانا متأكده انه بإذن الله هيكون خبر ليكي اكتر من اي حد تاني، ربنا يسعدك ويوفقك يارب💗

عرض الكل 6 نصيحة

Avocado_25327 🇪🇬

منذ 10 أشهر

شعور مرهق

موضوع:

عايزة اعرف ازي عديتو شعور خذلان !؟

شفت احساس لمن تكون مع حد سنة ونص تشارك معاه كل حاجه تشيل همو كانو همك تعتبر اهلو اهلك يعشمك يعيشك على انوو انت كل حاجه بالنسبة له في الدنيا وانت الحاجه الوحيده اللي يتمناه من الدنيا وفجاه كدا من غير مقدمات يروح يتزوج غيرك تمام ويروح عاملك بلوك في اي مكان تمام تتصل على معمولك بلوك برضو تتصل من رقم غ

Pear_21545 🇹🇳

منذ 11 شهرًا

شعور متعب

مرحبا أنا كنت في علاقة وتركنا من 3 سنين ومن 3 سنين وانا ضايعة كل عام بيتعدا اسوا من الثاني اكتأبت أبدعت عن أهلي اصدقائي وحتي درجاتي المدرسية ترتجعوا كنت مثل اني سعيدة ولكن من داخلي تدمرت ولكن الآن عم حاول انساه وكل مرة ارجع النقطة 0 اقتنعت انوا ما يحبني وانا اليوم ما أحب ارجعلوا بدي طور من حالي وحيا

Cherry_4249

منذ سنة واحدة

شعور Bad 😞

مش قادرة انساه .. انا بحبه جدا حاولت اشتغل على نفسي جداً سافرت وكملت تعليم اشتغلت شغل كتير شغلت كل وقتي بتفسح بخرج رحلات بطلع جبال بروح البحر الغابات بس تلاقيني في كل حاجة وبعد كل حاجة مستنياه …. بقالنا سنتين وهو ارتبط بس انا مش قادرة اتقبل فكرة اني ارتبط عادي كدا صعبة عليا واول م احس اني ممكن اكون

Ice Cream_69885 🇪🇬

سنين في غم واكتئاب ومش عارفه أحقق أحلامي

بقالي٦سنين في غم و حزن واكتئاب واضطرابات نفسية أبسط الحاجات مش عارفه تحققها أهلي ناس مستواهم أقل من المتوسط في الفلوس والتعليم والتعاملات انا مش عارفه هم عايزين يبسطوني ولا يدمروني مليش صحاب بعدوا عني وخذلوني حسسوني اني مرفوضه ومحدش هيتقبلني حاسه الاكتئاب مأثر عليا جامد ملامحي كلها حزن اي حد غريب لازم يسألني انتي حزينه ليه مش يلاقي إجابه كليه أحلامي اللي بدعي ربنا بيها في كل سجده وقيام الليل وقضاء الحاجه مش هعرف أدخلها ده دمرني عشر مرات اكتر ما انا مدمره مفيش فلوس اقدر ادخل بيها كليه أهليه أبسط الحاجات مش عارفه اشتريها انا مخنوقه بتمني الموت دلوقتي ...عرض المزيد

0 الدعم

8 نصيحة

Nutella_74421 🇪🇬

تعبت من الطب وماعنديش طاقة اكمل

انا في سنه خامسه طب وهي طويله جدا و انا فيها بقالي ١٠ شهور و لسالي كمان ٤ بس تعبت اوي و معتش عندي طاقه اذاكر بحاول اصبر نفسي ان فات كتير و معتش الا حاجه بسيطه بس بجد معتش عارفه ابص في كتاب ولا بقي عندي طاقه ...عرض المزيد

0 الدعم

2 نصيحة

Croissant_74644 🇪🇬

مش عارفة الاقي حد فاهم ونضج يفهمني

مشكلتي اني بحس ان محدش فاهمني انا عايزة حد يكون ونس ف حياتي و مش عايزة اتجوز بس عادي حد ارغي معاه نحكي عن يومنا و نبقى مع بعض معظم الوقت بس مش بلاقي حد يفهم كدة كل البويز بيبقوا عايزين حاجة معينة انا مش عايزاها خالص انا صحوبية البنات دي بكرهها و بكره البنات و حوارتهم صحيح انا بنت بس مبحبهومش كل اللي انا عايزاه ان شخص اتكلم معاه يكون ناضج يعني معدي ال ٣٠ سنة و انه يكون من القاهرة عشان اي حد من برا بعتبره فلاح و مش بحب اللهجة دي ف الكلام ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع