صدمة فراق علاقة أونلاين وأنا مكتئب

Question

كنت في علاقه اونلاين مع واحده اجنبيه في فتره في حياتي كنت مكتئب وحزين ومش طايق الدنيا عادي فتره كلنا بنمر بيها اتكلمنا وارتاحنا لبعض لحد ما ارتبطنا والموضوع بالنسبالي كان ادمان كنت بعيش اليوم علشان اوصل للحظه اللي هتصل بيها ونتكلم وانسى همومي كنت بحبها اكتر من نفسي وكانت هي بتحسسني انها بتبادلني نفس الشعور والوعود بقى وكل حاجه حرفيا كاني عايش في حلم ومش عاوز حاجه تانيه غير ان احنا نتجوز وافضل عايش في القصه السعيده دي وفي الاخر بعد سنتين من ارتباطنا قالتلي ان هي فكرت في الموضوع بجديه اكبر ولقت انها حاجه صعبه جدا عليها تسيب بلدها واهلها وشغلها غير ان المستقبل مش واضح امتى فعلا هنتجوز وان هي زهقت من العلاقه عن بعد ومش حاسه ان هي في علاقه فعلا وما الى اخره الفكره كلها هنا اني في صدمه مش قادر اوصفها مش عارف اعيش حياتي مش عارف اكل مش عارف احس باي متعه او اي حاجه في اي حاجه حرفيا الموضوع وصل بيا لاكتئاب والموضوع صعب عليا جدا لاني لوحدي صحابي مركزين في حياتهم وانا مش في اولوياتهم خالص وبجد الموضوع اشبه بكابوس مش عارف اخرج منه ازاي محتاج فعلا نصيحه من حد مر بتجربه مشابهه لفراق شخص كان بالنسبالك كل حاجه

Watermelon_67328 🇪🇬 · Accepted Answer

روح لثربي و حاول تموف اون منها لان لو كملت كده بجد مش هتطلع من الي انت فيه و حاول تنزل كتير و متفكرش فيها روح اتمرن اعمل اي حاجه بتحبها و امسح كل حاجه ليها مهما كانت و حاول تحب نفسك

Mango_67775 🇪🇬 · Answer

والله ياسطا شوف مش هقولك غير انك تقول الحمدلله لأن دي علاقه محرمه مع اني معرفش انت مسلم و مسيحي 
تاني حاجه يا صاحبي فكر فيها فعلا هتلاقي أن فعلا عندها حق 
انت اكيد في فتره شباب و دي حرفيا الفتره الدهبيه بتاعتك بتقدر تطلع كل طاقتك في حاجات كتير 
و عايز اقولك ده ممكن ميكونش حب او وجعك ده من الحب على قد ما هو تعود 
مش بقلل من أي شعور انت حاسس بيه والله و حقك اصلا 
بس انا بقولك اهو الدنيا مش بتقف

Mango_67775 🇪🇬 · Answer

و حاول تغصب نفسك عالنزول مع صحابك و اقعد معاهم و امسح اي حاجه تفكرك بيها سواء بقى سكرينات  لشات او ايا يكن

Coffee_64052 🇪🇬 · Answer

انا كنت كده بالظبط اصلا بس موضوعي كان معكوس شويه حياتي في الاول كانت مستقره وبعد كده تدهورت بعدها بمده وعرفت اني كنت باخد احساس اني مهم عندها واني كل حاجه عند حد وان ده كفايه ليا انا وانت واي حد ليه ذنوبه وعارف ايه اللي بيعمله صح وايه لا بس عشان مظلمش اللي معانا فـ هما بيحاولو ينصحونا بالاحسن بالنسبالهم وانا عارف اني مش هلتزم بحاجه طول ماللي كان بيكملني في العلاقه دي ناقص فـ شتت نفسك كتيير اوي ❤

Coffee_64052 🇪🇬 · Answer

واسأل ربنا يصبرك وحاول بعد شغلك تروح القهوه او تشوف افلام او تتكلم مع اللي تعرفهم وتحاول تعدي اليوم

Avocado_67771 🇪🇬 · Answer

انا فاهم كل الكلام اللي انت قولته ربنا يحفظك المشكله يخويا ان محدش فاضيلي والموضوع قالب بوحده كله مشغول في حياته وشغله ودا مخليني مش عارف اخرج من القوقعه ومش عارف افوق لنفسي خالص الحياه عباره عن فراغ ووجع