الحب من طرف واحد

Blueberry_17879 🇪🇬's موضوع

الحب من طرف واحد

اتعاملتم معاه ازاي وازاي نتعافي منه و ازاي نبطل نحب من طرف واحد

Tofu_85889 🇪🇬

منذ 34 ثانية

شعور مكسور القلب

ديما حاسه اني لوحدي ومحدش بييحبني ولما حد يحبني ويقرب مني علطول بيسبني ومش بيبقي عاوز يكمل معايا مع اني كنت قايله أن التعامل معايا صعب ولو حد قرب مني هيتعب معايا وانا هتعلق بيه ولما يجي يسبني هتعب وحاليا انا تعبانه ونفسيتي مدمره كل شويه نتخانق وعاوز يسبني ومبقتش عارفه اتصرف وأسلوبي كل شويه بقي يخنق

Coffee_56002 🇪🇬

منذ دقيقتين

شعور لا مبالٍ

ساعات بتشوف حد مُبتلى متصدقش ازاي قادر يصلب طوله! وازاي قادر يعيش وسط الأزمة الكبيرة اللي هو فيها! انت شايف من برا؛ لكن هو جوا البلاء غارق في ألطاف الله، لأن الله وعَد إن مفيش بلاء هينزل إلا وهو مُحاط بالألطاف .. ربنا سبحانه وتعالى قال على لسان سيدنا يوسف : { إِنَّ رَبِّي لَطِيفٌ لِمَا يَشَاءُ }

عبّر عن شعورك بشكل مجهول

ساعات بتشوف حد مُبتلى متصدقش ازاي قادر يصلب طوله! وازاي قادر يعيش وسط الأزمة الكبيرة اللي هو فيها!

انت شايف من برا؛ لكن هو جوا البلاء غارق في ألطاف الله، لأن الله وعَد إن مفيش بلاء هينزل إلا وهو مُحاط بالألطاف ..

ربنا سبحانه وتعالى قال على لسان سيدنا يوسف : 
{ إِنَّ رَبِّي لَطِيفٌ لِمَا يَشَاءُ }

قبل ما كان يبقى فيه أزمة، اللُطف كان بينزل الأول، فَلما اخواته رموه في البير ربنا كان مطلّع القافلة من البلد اللي منعرفهاش رايحة مصر وطالعة في اللحظة اللي اترمى في البير ووصلوا وربنا خلاهم ينزّلوا الدلو وأنقذوه ..

إمرأة العزيز لما راودته عن نفسه وقالها لأ جري على الباب فَاتهمته إن هو اللي عايز يعتدي عليها لقى واحد من قرايبها وشهد شاهد من أهلها لو قميصه مقطوع من قدام يبقى كان بيعتدي عليها وهي بتدافع عن نفسها، ولو قميصه مقطوع من ورا يبقى كان بيهرب وهي بتشده، فلما رأي قميصه قُدَّ من دُبُرٍ قال إنه من كيدكُن، مين اللي جاب الفكرة دي في قلب وعقل الشخص اللي كان معدّي؟ ربنا ..

يدخل السـجن يلاقي اتنين قاعدين معاه في نفس الزنزانة يحلموا حلم ويحكوله، واحد منهم كان بيشتغل عند الملك ويخرج قبله وربنا يخلّي الملك يحلم واللي بيشتغل معاه يقوله ده فيه واحد بيفسّر أحلام فيخرج من السـجن ويجعله على خزائن الأرض ..

المعنى إن قبل ما الأزمة بتنزل بيبقى فيه لُطف موجود من قبلها، زي ما الدكتور بيديك البنج قبل العملية عشان متتألمش، ولله المثل الأعلى ..

يشاء الله ابتلاءًا ويأتي معه اللُطف، يشاء عُسرًا ويأتي معه اليُسر، يشاء الأمر الصعب ويأتي معه النجاة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_52708 🇪🇬

منذ 4 دقائق

شعور مرهق

زهقت. مش عارف أكمل نفس الحرب دي كل يوم. بحاول أبان قوي، بس الحقيقة إني تعبت. تعبت من الانتظار، من الأمل اللي بيكسر، ومن الحلم اللي كل مرة يبعد أكتر. كنت فاكر إن الحب هيفضل دافع، لكنه بقى وجع بيشدني لورا. يمكن فعلاً الجواز من “المناسبة” أريح… بس قلبي مش لاقي راحته في فكرة بدون إحساس. نفسي أعيش يوم وا

Apple_85888 🇪🇬

منذ 6 دقائق

شعور ضائع

عبّر عن شعورك بشكل مجهول

انا بنت ودخلت ابلكشن صوتي ال هو بنلعب وبنكلم فيه ده 
كنت بدخل باستمرار  وفات سنه واكتر مبدخلش 
ولسه دخله من شهرين 
اتعرفت عل ولد سنو قريب مني 26سنه 
اتعلقت بيه جدا بقا معيا في كل مكان وممكن نفضل عل مكلمه لحد منام وتفضل شغاله 
واهتمام جمد اوي لدرجد ان لو حصل اي بفضل اتحايل عشان ميمشيش 
وممتلكني لدىجد ان ممنوع اهزر مع اي ولد وغيره والخ 
وكنت كل ال عايزو بعملو لمجرد منتخنقش ول نزعل 
 وكان لما بنزعل يعمل بلوك من كل مكان وافضل الف وعليه وارن من عند ناس صحابي وارقام شغل 
لحد محصل مشكله كبيره اوي وعرف ان  ولد رن عليا وانا رديت وانا نايمه وقامت مشكله وفضلت اللف ورا واتحايل عل صحبنا في برنامج ده عشان نتصالح ونرجع وفعلا رجعنا 
   ومن يومين يوم الجمعه كنا نايمين عادي صحيت لقيت مكلمه فصلت قولت عادي فا لقيتو فاتح برنامج  فا استغربت فتحت لقيتو معلق نيمو متعوده ان لما بيصحا يا يرن يا يبعتلي انو صحي 
فا فجا لقيتو خرج من الغرفه بتعتو وفي مكان تاني رحت ورا 
لقيتو قاعد مع بنت وبيكلمو فا اضيقت اوي بكلمو بريفت قالي فكرتك نايمه 
فا هو بيقولي اطلعي اكلم بس نت كان وحش وخرجت دخلت تاني لقيتو مشغل اغاني وهيا قاعده فا طلعت اتكلم معها  واتكلمنا وعادي وهو كل شويا يقفل ويفتح وانا في لعموم لما بيكون هيقفل بيقولي يلت بريفت فا بخرج المهم طار خالص وقفل افتكرت نت فصلت مستنيا بعتلو قالي انتي لسه فاتحه قلتلو اعمل اي البت بتكلم قالي لا متعمليش وحرفيا لقيت بلوك من كل مكان فون واتس فيس كل مكان مش هكدب واقول محولتش بس حولت وانهرت اوي  اعمل ايه حسه بتوهان واهتمامو بيا هو ال خلاني كد  فا لقيت وحده صحبتنا من شله 
بتقولو فين فلانه قالها متخانقين مع بعض 
 رحت انا بقولها قالك متخانقين ول سيبين بعض 
قالت لا قال شدين يوا شويا 
بس عموما هو شويا وهيرجعلك 
اعمل اي بجد 
حسه مفتقدا جدا الاهتمام وكل حاجه مفتقدا ال كان بيعملو بشكل رهيب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_52521 🇪🇬

منذ 15 دقيقة

شعور منزعج

كنت نزلت بوست امبارح المهم ان في راجل قال ان اي حد في العموم بيتجوز عشان الجنس و العلاقه وكده و الصراحه انا مش مقتنعه خالص بالكلام ده لان الجنس مش كل حاجه اه في ناس بتاخد الجواز وسيله عشان يبطلوا العاده بس في ناس تانيه بتتجوز مش عشان كده بس عشان لقت الشخص المناسب اللي عايزين يكملوا حياتهم معاه عاي

Cookies_58332 🇪🇬

منذ 15 دقيقة

شعور مستنزف

لما الواحد يلاقي حد بيهتم بيه بيكون مش عايز حاجه من حد كأن الدنيا اتقفلت خلاص ولما محدش بيكون بيعبرك بتكون عايز كلو يبص ليك وبتضطر طول الوقت تثبت نفسك للناس ولنفسك احيانا ولأهلك حتي ودا مرهق

Candle_84358 🇪🇬

منذ 16 دقيقة

شعور محبط

عبّر عن شعورك بشكل مجهول

السلام عليكم 
انا شخص انطواءي شويه ف مكنش عندي اخطلاط باي حد من سني ولا اكبر مني لحد فترة الثنوي وفي سنه اولاي انا ابن عمي مدرس رياضه اصلا فاخدت معاه درس واتعرفت علي الناس اللي معايا وبدانا نتصاحب انا في الفتره دي كتت بشتغل شغل كويس وما ديا كنت مستريح جداً ومكنتش بحتاج اخد فلوس ولا من ولدي ولا اي حد المهم اتعرفت عليهم 
ومكنوش عرفين اني بش تغل وكده وفمره واحد من زميلي تعب ومكنش حد فيهم معاه فلوس وانا اخدته ووديته المستشفي  وعملت اللزم والحمد لله خف وبق تمام  وبقيت مره وحده بتقابل معاهم كتير وبنخرج كشلاه وكده واكتر من مره نبق مثلا في كفي ولا مطعم وبعد الاكل كلاهم مبيبقاش معاهم فلاوس انا مكنت بيفرق معايا الحمد لله وكنت بدفع عادي واقول دول صحابي وفمقام اخواتي وفمره سبت تلفوني وانا قاعد معاهم فبيت واحد من صحبنه انا عملت نفسي ماشي وسبت فوني هناك قاصد وشغلته علي مسجل الصوت  عشان اعرف ايه اللي بيتقال علي وكده وكان عندي فضول رهيب المهم غبت بت عنهم قد نص ساعه وبعد كده رجعت لصحبي ده وقلتله اني ناسي الفون بتاعي عنده واخدته وروحت اسمع بق اتقال علي لي وحرفيا سمعت كمية انتقدات علي وعلي شكلي وتعملي معاهم واللي يقول علي شحات ويكدب ويقلاهم اني واخد منه فلوس حرفيا قفلوني منهم المهم في اليوم ده انا معرفتش انام حرفا وفي اليوم اللي بعده قلولي انهم هيخرجو في كفي علي النيل وكلاموني وقلتلهم اني جي وقعدت معاهم وسمعتهم التسجيل بتاع التلفون والكلام اللي همهقلو عني فضهري 
ومن سعته وانا اتبدل حالي خالص وبقيت اكره فكرة اني اكلام حد او اتعرف علي حد  حتي في الشغل بق في ناس بتخاف تتعامل معايا عشان بقيت عصبي 
وبتنرفز بسرعه تنصحوني باي 
انا والله مش بحب كونا شخص انطواءي بس دي احسن بكتير من فقدان الثقه فناس المفروض انهم اخواتك

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_83483 🇪🇬

منذ 25 دقيقة

شعور ضاق ذرعًا

عبّر عن شعورك بشكل مجهول

السلام عليكم..
كان عندى مشكله ومحتاجه مساعده اي حد فيها 
دلوقتى انا بنت 21 سنه ف رابعه كليه ودفعتى 21 طالب منهم 8 بنات والباقى ولاد ف احنا المفروض الدكاتره قالولنا اتقسمو جروبات عشان مشروع التخرج ف الدكتور قالت الجروب يبقا متكون من 5 اشخاص ف احنا 21 ف طبيعى يبقا فى جروب فيه 6  اشخاص مش 5 ف ال 6 دول ال هما البنات ف جمعو بعض وعملو جروب فاضل 2 انا وزميلتى ف زميلتى دى دخلت ف جروب ولاد وهما اصلا صحابها ف هى معاهم من زمان من سنه اولى كليه 
ففضلت انا ف روحت لولد ال هو التانى ع دفعتنا وقولتلو عايزه ابقا معاك ف البرزنتيشن ف قالى تمام وكدا وبقيت انا البنت الوحيده ف الجروب ده ف عادى احنا البينا شغل وبس 
ف لما جه وقت شغل البرزنتيشن الدكتور قالت ع موضوع معين هنتكلم عنه ف بطبيعه الحال لازم نقسم الشغل ف بعت ع جروب الواتساب وقولت جماعه الدكتور وافقت ع الموضوع عايزين نقسم الشغل ( مع العلم كان فاضل يومين بس ع البرزنتيشن )  والموضوع الهنتكلم فيه كبير ف لازملو وقت ف قام زميلى ده ال هو التانى ع الدفعه قالى طيب استنى لبليل يكون كل الناس قرأت السيرش وبعد كدا نقسم وجه بليل ومحدش بعت حاجه ف انا متكلمتش جت ليله البرزنتيشن وقام هو مقسمنا بليل متأخر وانا طبعا اتزنقت ف الوقت وفضلت سهرانه من الساعه 7 بليل للساعه 8 الصبح تانى يوم وروحت الكليه وانا مش نايمه وكدا 
المهم ف البرزنتيشن كان المفروض التقسيمه ان هو يبدأ بأول جزء وبعد كدا انا وبعد كدا هو تانى
ف الحصل ان انا كنت قاعده مستنيه هو يبدأ لاقيتو بيقولى مش انتى ف الجروب معانا ؟ تعالى وخلانى انا ابدأ اول حاجه يعنى هو عدى الجزء بتاعو وقالى ابدأى ف حسيت ان هو صدمنى يعنى او فاجأنى يعنى هو ده مكنش الترتيب مع العلم مكنوش مجهزين فلاشه يحطو عليها البرزنتيشن واتأخرنا خمس دقايق اصلا بسبب الحركه دى 
وحصل موقف تانى بردوا ان الدكتور قالتلنا كل جروب يجيب لابتوب معاه ف انا بسألهم حد هيجيب اللاب ولا ولا اجيبوا انا ؟
ف هو قالى هاتيه انتى وهكذا بقا ف حاسه بتوتر معاه ف الجروب حساه متضايق منى ومش عارفه ليه وكمان انا حساه مهمل شويه مع العلم هو التيم ليدر 
ومش عارفه اتصرف ازاى او اغير الجروب لان خلاص كدا مفيش مكان ف جروبات تانيه زى ماقولت فوق ف انا مش عارفه اتعامل ازاى معاه وحساه متضايق وانا مش مرتاحه
ومش عايزه اسيب الجروب ف هعمل عداوه هيقولى اومال دخلتى معايا م الاول ليه او يتكلم مثلا ويقول للزمايلنا الولاد ان هو المكنش عايزنى او انا المكنتش بشتغل وهكذا حد يقولى اتصرف ازاى معاه واعمل ايه ف موقفى ده 
مع العلم لو جت برزنتيشن تانيه مثلا مش عارفه هل اروح اقولو ابقا معاك بردوا ولا هبان ملزقه وهو ممكن يكون مش طايقنى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.