زوجي النرجسي طلقني وانا حامل.. تعبت من الخذلان

Question

متجاوزة بقالي ٦ سنين ومعايا طفلة اربع سنين وحامل هولد خلال أيام اكتشفت أنه شخصية نرجسيةكان حب عمري ٧سنين قبل الجواز قدمتله كل حاجه مشاعر وامان وحب وحاجات مادية كمان طلقني أكثر من مرة عمره مااتمسك بيا سوء سمعتي عشان يغطي علي سمعه أخته طلقني اخر طلقة راح لدار الإفتاء وانكر وقوع طلقة من التلاته وأنه مش فاكرها عايزة اتخطي وكل اللي حواليا بيقولي ادي فرصة كمان عشان ولادي وبيخوفوني من المسؤلية بعد الطلاق بس انا تعبت من الخذلان ومحاولة التكسير فيا جالي اكتئاب مرضي وبتعالج منه دايما الذكريات الحلوة الصغيرة بتلاحقني مع أن السيئة اكتر وكسرتها جامدة واصعب بقيت حاسه اني متعلقة تعلق 
مرضي بيه

Coffee_27700 🇪🇬 · Accepted Answer

متجيش على نفسك عشان اي حد حتى لو ولادك. ولادك افضل أنهم يعيشوا مع ام واب منفصلين بس الام مبسوطه وسليمة صحياً ونفسيا عن أنهم يعيشوا معاهم وهم متجوزين وبينهم مشاكل والام تعيسة ومريضة.
اقرأي كتاب ( أحببت وغداً)

Banana_47136 🇸🇦 · Answer

موضوع الطلاق اتأكدي منه الاول عشان كده ماتكونش حرام والباقي سهل ان شاءالله

Coffee_47291 🇪🇬 · Answer

موقفه الموضوع لحد مااولد واروح الإفتاء اتاكد بس بيقولي أن فعلا ليها مخرج فقهي وأنه ردني غيابي في الافتاء

Banana_47136 🇸🇦 · Answer

سيبك من الافتاء شوفي شيخ مش في الحكومه موثوق فيه

Banana_47136 🇸🇦 · Answer

اتصلي بالشيخ مصطفي العدوي وهوا هايدلك بس المهم احكي له الطلاق بالظبط

Apple_33092 🇪🇬 · Answer

صلي استخاره

Coffee_47291 🇪🇬 · Answer

صليت كتير استخارة وكل مرة بحلم أنه الرجوع هيكون فيه مشاكل او بيسبني ويمشي ولما بحكم عقلي دايما يقولي اهرب من العلاقه دي لانها جابتلي اكتئاب مرضي فعلا وبتعالج منه

Pineapple_46122 🇪🇬 · Answer

اوعي تقولي ارجع عشان العيال عشان انتي كدة مش هتضري نفسك بس انتي  هتضري انتي والعيال ولما يكبرو هيلوموكي انك مش اطلقتي ولما تقولي أنا عملت كدة عشانكو هيحسو علطول بالذنب أنك مش مرتاحة عشانهم الاحسن انك تفضلي مع عيالك وهو يروح لحالو بس طبعا لازم يشوفهم ومش تتكلمي عنو قدام عيالك بطريقة وحشة الحياة بينك وبينو تكون ما بينكو ومش اي حد يعرفها غيركو حتى عيالك انتو انفصلتو عشان مش متوافقين

Pineapple_46122 🇪🇬 · Answer

مش عشان حد فيكو وحش لا وتحاولي تحتاويهم بجد وتستخيري ربنا 
انا كنت ضحية من اب نرجسي ومن ام كانت مضحية عشانا وطلعنا كلنا معقدين

Coffee_47291 🇪🇬 · Answer

أنا كمان كنت كدة

Sugar_47334 🇪🇬 · Answer

معلش اديلو فرصه اخيره عشان ولادك

Coffee_47291 🇪🇬 · Answer

مش هقدر ولا عايزة كمان بقيت قرفانه وفيه نفور من سيرته نفسها