أزمة وجودية

Apple_72583 🇪🇬

منذ ساعتين

شعور مرهق

ساعات بينتابني شعور من نوع مختلف خالص عن اي حاجه مرتبطه بالدُنيا عموما شعور انه هيجي يوم واموت!!!! هتيجي ساعه معينه وهصحي الاقيني ف القبر وبتحاسب وبتسأل؟؟؟ انا بخاف وف نفس الوقت بحب اني ف اليوم دا هوصل لاول الطريق اللي نهايته ربنا يعني هكون عديت اول مرحله وروحي رجعت تاني لربنا لطالما ارهقتها الحيا

Strawberry_66446 🇪🇬

منذ 4 أيام

شعور مكتئب

انا حاسة ان الدنيا دي مش بتاعتي مش مكاني مش عارفة اعيش وسط الناس مش عارفة اتعامل واخد حقي بتعب اوي وبيتحط عليا اوي اوي مش دا الطبيعي .. انا فيا حاجة غلط .. انا مش عارفة اعيش انا مش في مكاني.. الدنيا دي مش مكاني طب لو الكلام اللي بقوله مظبوط .. ليه ربنا جابني هنا وليه سايبني هنا لغاية دلوقت!؟ .. عشان

Ice Cream_69885 🇪🇬 نفس احساسي يارب خدني عندك انا زهقت من نفسي ومن اهلي دمروني وقرفوني في عيشتي

عرض الكل 16 نصيحة

Almond_56393 🇪🇬

منذ 4 أيام

شعور ضائع

هل يمكن للعقل أن يبرر الإنتحار ؟ ام أن هذا الفعل يولد من لحظة يغيب فيها الوعي وتتلاشى فيها حدود التحليل والمنطق؟! بمعنى آخر هل الإنتحار قرار نابع من العقل؟ ام أن الإنتحار نابع بسبب غياب العقل ؟؟

Apple_68133 🇪🇬

منذ أسبوعين

شعور ضائع

بيقولوا إننا اتخلقنا لهدف بس هو فين الهدف وسط كل ده؟ إحنا بشر يا صاحبي مش أنبياء معندناش وحي ينزل يقولنا: “اعمل كده وهتوصل”، معندناش جبريل يطبطب علينا ولا معجزات تطمّنا ولا عندنا صبر أيوب، ولا قوة يوسف، ولا طهارة مريم، ولا يقين إبراهيم إحنا بنصحى كل يوم على سؤال جديد: وهو " ليه " بيقولوا اصبر،

Toast_63462 🇪🇬

منذ 3 أسابيع

شعور متعب

فيوم من الايام اتغيرت حياتى بسبب ان حصل بلوت تويست فحياتى غصب عنى ومن ساعتها حاسس انى خسرت ادمييتى حاسس انى مبقتش حاسس ب اى حاجة لا عارف احب ولا عارف اختار طريق ولا عارف أسعى ولا عارف اصلى حاسس انى ميت بس لسا فيه نفس جسم منغير روح كل دا ولسا عندى ٢١ سنة بقيت مش فارق معايا اى حد وتقريبا برده مبقتش ف

Avocado_65260 🇪🇬

منذ شهر واحد

شعور عاطفي

لو حد جاله panic attacks قبل كدة بيتصرف معاها ازاي ، وهل الموضوع بيتعالج ولا هفضل كدة طول حياتي ، انا دائما افكاري وحشة وسلبية وعندي كمان existential crisis ومش عارف انا موجود هنا ليه وانا مين والفايدة من خلقة البني ادم اصلا واحنا كنا ايه قبل ما تيجي العالم دة ؟

Peanut_57527 🇪🇬

منذ شهر واحد

شعور قلق

انا بخاف جدا علي اللي حواليا من الموت لدرجة موقفة حياتي انا خايف اجيب طفل واموت واسيبه او يموت ويسيبني و دايما بيجي في بالي فكرة أن لو حد من اسرتي لقدر الله جراله حاجة هحاول اوقف حياتي ومكلش لحد ما اروح له وبعدين افكر في باقي الأسرة هيبقي شعورهم ايه وان انا كده اناني لاني يبقي بهرب واسيبهم انا ح

Potato_63336 🇪🇬 أنا كمان نفس الإحساس وجربت أشارك دا مع اللي حواليا قالولي أن دا مرض نفسي بس انا بحس بالإحساس دا خوف علي نفسي مش عليهم بحس اني هتبهدل من غيرهم مقدرش اعيش من غير اللي حواليا

عرض الكل 10 نصيحة

Marshmallow_61533 🇪🇬

منذ شهر واحد

شعور مستنزف

انا مشكلتى ان جالى حالة تجمد تام من بعد متعرضت لصدمتين فى حياتى واحدة كلنت خذلان و خيانة والتانية فقد اكتر حد عزيز على نفسى والاتنين حصلو فى نفس الشهر الكلام ده حصل من ٤ او ٥ سنين وانا لحد انهارده متدمرة بتحرك كأنى بشد جبال فى رجلى مش قادرة اقوم من مكانى و مش قادرة اتحرك فعليا متجمدة مش عارفة ارجع ا

Coconut_60986 🇪🇬

منذ شهرين

شعور محبط

عندي مشكله اني طول عمري معنديش حلم لحاجة حتي كانو بسالو العيال نفسك تطلع اي كل واحدبيقول انا مكنتش بقول كنت بقول معرفش و دلوقتي في سن 20 ومعرفش كل يوم بيعدي بحس أن حاجه بتموت جوايه و كل يوم كنت بحاول اهرب معاده سئه عشان احس اني عايش في حياه ده بس جزء مني عاوز يكون صالح و عاوز يبقي انسان زي ما بيشوف

Chilli_52993 🇪🇬

منذ شهرين

شعور قلق

احساس متغلب عليا بقاله فتره ومسيطر عليا عندى خوف وقلق فى المطلق واحساس بالوجع الداخلى والانكسار ونفسى اهرب من كل حاجة حواليا ……. ظاهرياً مفيش حاجة تبان عليا بس من جوا انا حرفياً موجوع جداً والاصعب من كل ده مفيش سبب محدد انا عارفه ….. انا رجل ابلغ من العمر ٣٧ سنه غير متزوج ومتعلم تعليم عالى ولى شغلى

Apple_58658 🇪🇬

منذ شهرين

شعور ضائع

لما تبدأ تحس إنك مع الوقت بتفقد جزء من نفسك، كل حاجة كنت بتحب تعملها زمان مبقتش قادر تعملها، كل حلم كان عندك فقد معناه، كل حاجة افتكرت إنها صح مبقتش عارف أحلامك، ومش قادر تسعى وراها، لأنك خلقت حلمك عشان متعيش من غير حلم مش أكتر، والناس مش قادر تثق فيهم، مبقتش فاهم أنت عايز إيه، أو تسعى لإيه، كل حاجة

Orange_27820 🇪🇬

منذ شهرين

شعور ضائع

فاقد السيطرة على كل حاجة ومش عارف ماقعش.. الدنيا بتقع معايا من كل الاتجاهات.. شعور بالضياع والتوهان.. احساس خوف ومش عارف من ايه.. ومش عارف أوصل للتسليم الكامل كدا وامنع نفسي من التفكير .. مش قادر احدد المشكلة فين عشان احاول اوصل لحل.. وكل حاجة بتحصل بتأثر على حاجة تانية كأنها دومينو القطعة اللي بتق

Apple_34207 🇪🇬

منذ 4 أشهر

شعور ضائع

Sugar_44866 🇪🇬 بص يااخويا انت حسيت في العشره الاواخر من رمضان بضيق كدا انك بعيد عن ربنا يعني ممكن ده يكون معناه ان ربنا عايزك ترجع ليه و بص هقولك عندك القرآن الكريم اقعد اقرآ فيه كدا وافهم اياتو بس مش بعقل افعم الايات بالتفسير بتاعه هتلاقي ان ده مستحيل يكون كلام بشر وىبنا يهديك يعم 🤍

عرض الكل 7 نصيحة

عبّر عن شعورك بشكل مجهول

عايز أتكلم من غير أي نوع من أنواع أخد فكرة معينة أو الحكم المسبق أو كره غير مبرر من غير ما تعرفوا التفاصيل، بس هحاول أبسط الدنيا وعايز نصيحة بجد، على الرغم اني ما بحبش اشتكي او أشارك في البرنامج ده عام، فعايز أشوف رأيكم واخد نصيحتكم كمجهول.
كل الي طالبه مساعدة فقط، قل خيرا أو اصمت.
الوقتي أنا إنسان مسلم، أو على الاقل بصنف نفسي كمسلم بقالي سنين بدور على طريق صح وبدافع عن الإسلام بكل طريقة، ومبتعد عن الشبهات والى أخره، المهم أنا من 3 شهور كده محصلش حاجة بس الواحد حس بضياع مفاجئ وان هو مبقاش مؤمن باللي هو مؤمن بيه طول حياته، كان عندي شكوك زمان أكيد بس فيه حاجات وضحت اوي، افكار اتراكمت، حسيت إن بقى عندي شك في وجود الاديان، صحة الأنبياء، الشرائع، والخ..
ده مش غرور مني ولا عشان انا بعمل معصية فببعد الاحساس بالذنب عن طريق إني مفكرش فيها على إنها معصية، ولا اني عايز أضيع او من الاخر اتخلص من سلطة الدين ، لا خالص ، الموضوع شك كبير وفجوة جوايا حسيت بيها، من شهرين كده بقى بدأت خلاص ما أؤمنش بالاسلام بس مؤمن بالله ووجود اله، ودورت على كل طريقة ترجعني الدين دايما بفكر بطريقة تخليني مأآمنش بالدين، مش قادر أحسن النية نهائياً، وخلاص فقدت إيماني بالكامل، الوقتي أنا في رمضان وبما اني فقدت إيماني ففي بدايته قررت اني مصومش، وحسيت انب وصلت لفكرة وعايز اشاركها مع كله بس خوفت، الوقتي حسيت بفجوة برده في اخر رمضان وهي اني مش مرتاح في الي انا فيه ده، شعور إني مش عارف حاجة خالص بعد ما كنت حاسس انب عارف كل حاجة ده شعور مرهق، فكرة اني كنت عارف الي فيها زي ما بيقولوا كانت أحسن وافضل من انب اعيش تايه ضايع مش عارف انا موقعي فين في العالم، ومعنديش حاجة اؤمن بيها، عشان كده قررت ارجع للدين وعشت الاجواء الدينية على أخرها في ال10 الاواخر بس...
انا الوقتي مش مرتاح برده، المشكلة إني مش مرتاح في وجود الإيمان ومش مرتاح في عدمه، أعمل إيه الوقتي؟ومحدش يقوللي اروح للحل الأأمن وهو إني أبقى مؤمن، بس حتى ده غلط لأني مش مرمن إيمان كامل بالدين، مثقال ذرة من عدم الايمان فيه نار وجحيم، فما بالك بعدم ايمان كامل، انا عايز حل يخليني اوصل للطريق الصح واني ابقى فعلًا مرتاح نفسيا معاه.
شكراً ولو سمحت انا ما اتكلمتش مع حد خالص في الموضوع ودي مجرد شكوك وعايز اشوف لها حل أتمنى تساعدوني اكتر ما تصدوني عن الموضوع كله، دي ازمة وجودية وشعور صعب بالنسبالي واتمنى انه يعدي على خير.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_51073 🇪🇬

منذ 7 أشهر

شعور شاعر بالملل

مؤخرا بقي عندي احساس ان الحياه مملة مبقاش في حاجه ليها طعم أو ممتعة زي زمان ، لو بتفرج علي فيلم اقفله في نصه لو قاعد مع اصحابي ع القهوه ببقي عايز اروح لو بكلم حد ببقي عايز اقفل معاه ولو قاعد مش بعمل حاجه ببقي عايز اعمل حاجه بس مش عارف اي هي ، حد عنده حل يرجع الاحساس بأي حاجه تاني ..

Onion_50911 🇴🇲

منذ 8 أشهر

شعور مرتبك

هو أنا المفروض أكون إيه ؟ فيه مهارات كتيره أنا مشتت بينها بعرف أصور بس مش مصور بعرف أصمم مواقع بس مش مصمم مواقع بعرف أمنتج بس مش مونتير هل أنا وصلت لماهيتي فعلا من خلال كل التجارب دي ولا لسه هكون شيء ما اخر مجربتوش هل عارف إنت المفروض تكون إيه ؟ حتى الآن ما أدركه إن لا بأس إنك تكون لسه بتكتشف

Apple_72583 🇪🇬

بدور على بنت الحلال وبتتعب؟ انت بادئ غلط!

هي اي بدور ع بنت الحلال وحاولت كذا مره لكن متوفقتش؟؟ انتوا مستوعبين اللي بتقولوه او بتفكروا فيه طبيعي م هوظبط معاك انت بادئ غلط اصلا الدين بيقولك روح خبط ع بيتها واخطبها واتعرف عليها اي خطوه قبل كدا عمرها ما هتظبط معاك ولو ظبطت هيفضل ذنب شايله انت وهي وممكن تشك فيها بعد الزواج انها سمحت لنفسها ترتبط بيك قبل حلال ربنا يجماعه فوقوا بقاا انا م فاهمه ازاى معظم الناس او يكاد يكونوا اغلبهم تفكيرهم بقاا غلط وخارج اطار الدين الاسلامي انتوا ازاى بقيتوا كدا هي تجربه ولا لعبه انت بتتكلم ف بنت يعني ف عفه وكرامه وام اولاد وبتتكلم ف حاجه غاليه انت هتقعد تجرب اقسم بالله اللي بيعمل كدا بيتعب تعب شديد انا متأكده وبتدين يقول انا تعبان مطبيعي تتعب انت ترضي لامك ولا بنتك ولا اختك حد يجرب تنفع زوجه ولا لا اتقوا الله بقييي وفوقواااا انتوا نسلمين عزوا دينكم وارفعوا منو وحافظوا ع اخواتك البنات ف الاسلام خافوا عليهم زي ما بتخافوا ع اخواتكم ف البيت ...عرض المزيد

0 الدعم

1 نصيحة

Strawberry_74152 🇪🇬

حاسه إني متلخبطة موت ودوامه مش بتخلص

حاسه إني متلخبطة موت ساعات نفسي أقطع علاقتي بكل الناس اللي أعرفهم وابقى لوحدي ، وساعات تانيه عندي رغبه إني أتعرف على ناس جديده وأبقى، بنفس الطريقه.. بحس إني عايزه أتكلم وأفضفض بكل حاجه جوايا، وفي نفس اللحظه نفسي أبقى ساكتة ومحدش يقرب مني. حتى في أبسط الحاجات بجوع وبعدين أول ما الأكل ييجي بحس إني مش عايزه آكل ، الموضوع عامل زي دوامه مش بتخلص ...عرض المزيد

0 الدعم

9 نصيحة

Apple_74603 🇪🇬

مش عارف أفتح كلام مع بنات بعد الصدمة

كنت مرتبط ببنت ٣ سنين والحظ يخلينا احنا ال ٢ نفس الجامعه ونفس الكليه بس قسمين مختلفين ف كنت ف البدايه بقصي وقتي في فيها لما اخلص عندي واقعد معاها بعد م تخلص وكنت متعلق بيها اوي وبحبها اوي بس الظاهر ان خليها ده قبل لما هيه دخلت الجامعه مش عارف ايه السبب لكن بدات احسها من تعبيرها وطريقتها وكلامها انها بتمشي الدنيا ومش عاوزاني ف الواحد اتصدم اوي يعني وقتها ودلوقتي بعد م عندي سنه مش هعرف حتي اتعرف ع حد جديد وفقدت اصلا قدره اني افتح كلامات اتعامل مع الجنس الآخر بشكل طبيعي وبقي فيه زي توتر كده ايه الحل للموضوع ده ...عرض المزيد

1 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع