حاسة اني عاوزة اعيط على كل حاجة حاسة فاشلة في كل حاجة فشلت في الدراسة، فشلت في اني احقق حلمي وادخل الكلية اللي نفسي فيها، فشلت في اني احافظ على صحابي ويقضلوا يحبوني، فشلت في الكتابة، فشلت في اني اكون ابنة كويسة، فشلت في اني احافظ على علاقتي بربنا واحسنها كل حاجة في حياتي بتبوظ بالتدريج وكل يوم بسأل نفسي انا عايشة ليه؟ مش قادرة ألاقي سبب واحد يخليني أنام عاوزة اصحى حتى في الكلية لما عطيت لنفسي امل اني شاطرة وهعوض وكليتي سهلة مقفلتش ولا ميد لحد دلوقتي الدكاترة بينزلوا اسامي اللي بينقصوا درجة او يقفلوا وأنا إسمي مش فيهم لما ببقى متدايقة بفضل ألف في الأبلكيشينز كلها بدور ع حد واحد أقدر أدخل أبعتلها من غير ما أحس اني تقيلة عليها أو أفتح شات صاحبتي وأشوف كنا فين وبقينا فين كل واحد شاف حياته وأنا لسه واقفة مكاني وكل ما أبدأ أفوق وأقول هستحمل وأعيش أقع وأرجع لنقطة الصفر تاني مش عاوزة افضل كده بجد تعبت

8

4