أختي

Apple_51983 🇪🇬

منذ 3 أشهر

شعور خجول

انا افتكرت موقف فاستوري تايم كان في شخص متقدم لاختي وكده و قعدنا معاه انا وأختي و والدي و والدتي الحقيقه اني مكونتيش عاوزه اقعد بس اختي كانت متوترة فاقعدت و والدتي خالتني انا اللي أقدم الحاجه الساقعه والحلويات فا حطيت الصنيه علي الطربيزه وبدأت احول الطربيزه واقربها ليهم وهو الرخم مفكرش يقوم ويشيل

Broccoli_39553 🇪🇬 مفيش اهم من النضافة والاهتمام بالنفس حتى لو بشكل بسيط وبأقل الإمكانيات

عرض الكل 3 نصيحة

Orange_43723 🇪🇬

منذ 4 أشهر

شعور شاعر بالملل

في واحد امه كلمت امي وكانت يعني بتتقدم لأختي لأبنها وكده وامي قالت اشوف الدنيا وارد عليكي المهم انا اختي ف سنه اولي ثانوي ولسا بدري ابويا موافقش علشان لو خطوبه او كده برضوا الكلام ده هيشغلها عن الدراسه تمام وخلص الموضوع... حاولوا اكتر من مره ان يبقي في قرايه فاتحه او اي حاجه بس قولنا حتي بعد ٣ ثانوي

Coffee_48998 🇲🇦 هو لازم تتكلم معها لوحدك وتفهما كدا بحسن كلام ولين و أكد لها انك جنبها وفي ظهرها دوما و انك بثق فيها اوي واهلك كمان ومش عايزه يتخذلو فيك

عرض الكل 5 نصيحة

Coffee_30570 🇩🇿

منذ 5 أشهر

شعور مكسور القلب

موضوع:

هل اشتقت لأحد أو لشيئ لدرجة البكاء؟

مشتاقة لبنت اعتبرتها اختي بما أني معنديش أخوات أكبر مني،قضينا طفولتنا مع بعض، وقبل ما تسافر صرنا نعد مع بعض كتير وأنا مكنتش عارفة انها بتودعني ودي غالبا آخر جلستنا ربنا يسهلها في حياتها ويكتب لنا نرجع نلتقي لما كنت اودعها كانت أول مرة اشوفها تبكي قدامي والموقف لسا مأثر فيا لحد دلوقتي 😢

Sugar_49831 🇪🇬 ان شاء الله ربنا هيجمعكم فى ظروف احسن وترجعوا اقرب من الاول كمان 🤍❤️‍🩹

عرض الكل 1 نصيحة

Watermelon_33698 🇪🇬

منذ 6 أشهر

شعور مرتبك

انا عندي اخت ف تانيه اعدادي وهي طيبه جدا جدا وبيتضحك عليها بسرعه بس هي مصاحبه ناس مش كويسه وبتغلط كتييير اويي وهي عارفه أن اللي بتعمله غلط قعدت معاها ونصحتها قولتلها أننا صحاب وتحكيلي علي كل حاجه بتحصل معاكي وبفهمها أن أصحابها دول مش كويسين هي مش مقتنعه بكده حاولت معاها وماما حاولت تنصحها بهدوء بس ا

Avocado_41484 🇪🇬

منذ 6 أشهر

شعور قلق

جماعة حد يساعدني انا في تانية ثانوي عندي17سنة اكتشفت ان اختي الي في اولى اعدادي 13سنة مرتبطة بولد معاها في الفصل و بتكلمه و بتحبه من سنة 6 ابتدائي و مصاحبة بنات وحشة انا عرفتها اني عرفت وقلتلها مش هقول لحد و هكلمك بعد ماتخلصي مذاكرة عرفت عن طريق مذكرتها الي اول ما لقتني مسكاها قعدت متوترة و خايفة و

Potato_31970 🇪🇬 اولا بلاش تقولي لمامتك عشان مامتك ف الاول وفي الاخر دي بنتها وكده هتقللي ثقتها فيها ومش بس الأم ممكن تبقي مندفعه لان دي بنتها وهتخاف عليها انتي حاولي تقربي منها وتكلميها عن ان الارتباط حرام وان اي علاقه بدايتها لا ترضي الله نهايتها لن ترضيك بس ده طبعا كله بطريقه غير مباشره لانها ف الاول وفي الاخر هي صغيره ومش هتعرف تستوعب اوي وابدأي كلميها عن فايده الصحاب الصالحه وان هما بياخدوا بأديكي الي الجنه

عرض الكل 6 نصيحة

Chocolate_37620 🇪🇬

منذ 6 أشهر

شعور مرتبك

أنا عايزه رأي ناس كبيره أنا أختي عندها مدرس في المدرسه لسه شاب و مش متجوز و لا مرتبط و بحس أختي بتعمل تصرفات غريبه معاه زي إنها مره أغمى عليها قدامه مع أني دكتوره و لما كشفت عليها لقيتها كويسه جدا و مره تانيه كانت بتحاول ترمي نفسها من على السور و هو شالها و نزلها الأستاذ عند حسن نيته إنما أختي أنا

Marshmallow_42306 🇪🇬

منذ 6 أشهر

شعور مذنب

French Fries_32710 🇪🇬 بصي انتي ممكن تيجي في مرة كده لو لقيتيها متضايقة او زعلانة و تحضنيها بس من غير ولا كلمة و تقوليلها انا اسفة على معاملتي الوحشة ليكي و صدقيني مش قصدي بعدين فهميها انك بتحبيها بس احيانا بتكوني متعصبة و مش بتقدر تستحملي ف بتتعصبي و تزعقي لأي حد قدامك و لو قعدت تزعق او تعيط او تصوت او أيا كان ده طبيعي لأنها لسه صغيرة و بعدين ابقي كل يوم اتطمني عليها ( في بارت تو عشان الحروف مكفتش )

عرض الكل 6 نصيحة

عبّر عن شعورك بشكل مجهول

احنا 3 أخوات بنات، أنا الوسط، الفرق بيني وبين أختي الصغيرة 8 سنين
أختي من ساعة م اتولدت وأنا كنت قريبة منها أوي وكنت دائماً أنا اللي معاها ودائماً لما بتعيط أنا اللي بعرف أسكتها وكنت بحبها أوي أوي وحبي ليها كان واصل ليها وكان مخليها بتحبني أوي ومتعلقة بيا أوي، كنت أنا اللي بعلمها كل حاجة عن نفسها وبحفظها قرآن ويعتبر أنا اللي مربياها، كانت بتعرفني أكتر م بتعرف ماما
بعد  ثلاث أو أربع سنين من ولادتها بدأت علاقتي بيها تبوظ تماماً، أنا اتحولت، بقيت عصبية أوي، بقيت دائماً بزعق ودائماً متضايقة رغم إني كنت لسه صغيرة، كنت في اعدادي ساعتها، المهم كنت معاها هي بالذات معاملتي وحشة أوي، وحشة لدرجة إنها بتخاف مني ومكنتش بتحب تتعامل معايا ودائماً بتبعد عني، بعد كده حصل مشاكل ف بقيت أنا وأختي الكبيرة اللي مسئولين عنها وقعدنا بيها لوحدنا في البيت مع بابا لمدة حوالي سنتين أو ثلاثة، بس بابا مكنش بيبقى موجود يعني، ساعتها علاقتي بيها بقت بايظة خالص ودائماً أنا بعاملها وحش وأختي الكبيرة كمان بتعاملها وحش وكنا دائماً بنتخانق مع بعض وفي مشاكل مع بعض، ساعتها ولاد خالتي كانوا شايفين علاقتنا دي واللي احنا بنعمله وبدأوا يتعاملوا معاها وحش أوي برضه، المهم بعد م ماما رجعت البيت وبقت هي المسؤولة عنها فضلت علاقتي بيها بايظة وكل مدى م بتبقى أسوأ، ودلوقتي هي عندها 10 سنين، ولسه معاملتي معاها وحشة أوي، المشكلة مبقتش في معاملتي أنا بس، المشكلة إن حتى معاملة أختي الكبيرة وولاد خالتي وجدتي وكل الناس اللي في حياتها بقت مش حلوة ومش لايقه تكون علاقة طبيعية لطفلة لسه صغيرة وأخر العنقود والمفروض تتدلع، حتى بابا بيعاملها وحش، كل الناس اللي  المفروض أنهم يبقوا قريبن ليها ويحبوها وهي بتحبهم من كل قلبها بيعاملوها وحش أوي
المهم أنا من حوالي سنتين أو أكتر عايزة بحاول أتغير معاها وبحاول أتعامل معاها كويس، بحاول أرجع علاقتنا زي زمان، عايزاها تحس إن على الأقل في حد واحد بيحبها ومهتم بيها وبيعاملها كويس، هي من كتر المعاملات دي بقت شايفة إن محدش بيحبها ومحدش مهتم بيها وإن هي شخص وحش وعشان خي كده كده وحشة ف خلاص هتبقى وحشة بجد ومبتسمعش الكلام وكده، بتتصاحب على بنات وحشة جداً وبيعلموها حاجات وحشة وهم كمان بيعاملوها أسوأ معاملة بس هي مش راضية تصدق ده وبقت دائماً بتذل نفسها ليهم وبتحبهم أوي ومش راضية تصدق إن هم مش بيحبوها، وكل اللي أنا قولته ده أقل بكتير من اللي بيحصل
المهم إن أنا كل م بحاول أتعامل معاها كويس مبعرفش، مبقتش عارفة أتعامل كويس خالص، مش عارفة أوصل ليها حبي، مش عارفة أوصل ليها اهتمامي، كأني بقيت متسستمة على التعامل الوحش معاها، عصبيتي قلت أوي عن زمان بس معاها بالذات ببقى عصبية أوي برضه، مش زي زمان بس برضه عصبية، كل م بزعق ليها أو أعمل ليها أي حاجة أو يحصل حاجة بتضايق أوي أول م الموقف يخلص، وبقول المفروض مكنتش أعمل كده، الفكرة إن أنا بغير عليها أوي وبخاف عليها وبتضايق جداً من أي حد بيعاملها وحش زي حتى لو أختي الكبيرة، ومببقاش عارفة أتكلم أقول متعملوش كده عشان معاملتي مش أحسن منها بس بتضايق، بقول على الأقل يبقى في شخص واحد بس بيعاملها كويس، ولو اتكلمت وقولت اتعاملوا كويس يقولوا أنتِ بتتعاملي أسوأ من كده واحنا بنعاملها أحسن منك والمفروض تتعاملي أحسن من كده، أنا مش عارفة أعمل ايه، مش عارفة أتعامل حلو أو حتى أبطل أتعامل وحش، مش عارفة أبطل أغير عليها، مش عارفة أبطل أحس بيها وأحس ب احساسها كأني هي، مش عارفة أرجع علاقتنا، وبتضايق لما بلاقيها بتعاملني حلو ساعات أو بتحبني أو بتحب اللي حواليها عامة، أنا حاسه وشايفة الحلو اللي جواها وهو كل مدى م بيقل بسبب معاملتنا
تفتكروا ايه الحل، وأعمل ايه، وايه سبب إني مش عارفة أتعامل كويس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_36288 🇪🇬

منذ 6 أشهر

شعور محبط

عندي اختي اصغر مني بسنه بتشتم كتير موت حاولت معاها كتير بالكلام وبالخناق حتي مفيش فايده بتقول محدش له عندي حاجه وانا حره بيدايقني انها بتشتم بصوت عالي واحنا في الشارع وطبعا في ناس كتير بتبصلنا وفي ناس بتقل ادبها كلمتها كتير قولتلها علي الاقل عشان محدش يقول عليكي كلمه وحشه برضو مفيش حل وانا مش عارفه

Cherry_25982 🇪🇬 كلميها براحه تاني وتالت وعاشر كلميها ب الدين والعقل فهميها انو علشان منظرها وانها هتكبر هتلاقي كلو واخد عنها فكره وانك بتحبيها ونفسك تشوفيها في أحسن حال وانو اللسان النضيف بيحبب الناس في صحبو لكن الشتيمه شئ مضر ليها اوي وانو هيخلي الناس تبصلها بصه وحشه اوي وربنا هيزعل منها فعلآ بجد ربنا بيحب اللسان النقي والقلب النقي الشتيمه حرام شرعا وعيب في المجتمع شيء مكروه لي تعمل شيء مكروه

عرض الكل 8 نصيحة

Apple_29311 🇪🇬

منذ 7 أشهر

شعور محبط

اكتشفت انه اختي بتضيف شباب عندها ولما قكلمتها قالت مش هتعمل كدا تاني بس رجعت تضيف تعمل كدة تاني والشباب باين من صفحتهم انهم مش كويسين وهي صغيرة جدا وانا خايفة عليها لو قلت لماما هبقى كدة بكشف سترها وبسببلها مشاكل ولا لا وانا صعب جدا اني اتكلم معاها عشان لما بتكلم معاها مبتتقبلش وممكن تكذب عليا ياري

Coffee_21153 🇪🇬 لما تبقي شريره احين ما اخدت يحصل لها حاجه لا قدر الله وهي شوية وهتفهم انك كنتي خايفه عليها

عرض الكل 9 نصيحة

Coffee_29561 🇪🇬

منذ 7 أشهر

شعور متوتر

كنت متردده احكي مشكلتي انا عندي اختي الصغيره كانت معجبه ب واحد اكبر منها كانت دايمه بتحكيلي عليه بحكم ان انا اقرب واحدة ليها وكد ف يوم كنت ماشيه معاها والولد دا نادي اسمي ووقفني انا ساعتها استغربت هو يعرفني منين هو يعرف اختي بس انا لا قولتلو في حاجه حضرتك قالي من غير لف ولا دوران انا كنت معجب بأخت

Strawberry_20316 🇪🇬

منذ 9 أشهر

شعور ضاق ذرعًا

أنا أمي دايما بتدافع عن أختي لما بنتخانق وتقولي إنت إللي عصبتها وإنت عارفه إنها عندها anger issues بتعصبيها ليه وتقعد تخاصمني ومش عارفه إيه وبتكون هي إللي بدأت وكل حاجه وبرده... عمرها مدافعت عني ولا سندتني ودايما بتقولي اتعلمي تصبري شويه... أنا بجد تعبت

French Fries_21091 🇪🇬 بصي عمتا التفرقه بين الأبناء صعبه تغيريها ولاكن اللي تقدري تغيريه هو معاملت اختك معاكي يعني هتيلها هدايا من غير سبب [تهادوا تحابوا ] ولو اتخانقتو وحسيتي ان المشكله هتكبر انسحبي انت الاول وخيركما من يبدأ بالسلام

عرض الكل 2 نصيحة