اختي بتشتم كتير ومش عارفه أعمل إيه

Question

عندي اختي اصغر مني بسنه بتشتم كتير موت حاولت معاها كتير بالكلام وبالخناق حتي مفيش فايده بتقول محدش له عندي حاجه وانا حره بيدايقني انها بتشتم بصوت عالي واحنا في الشارع وطبعا في ناس كتير بتبصلنا وفي ناس بتقل ادبها كلمتها كتير قولتلها علي الاقل عشان محدش يقول عليكي كلمه وحشه برضو مفيش حل وانا مش عارفه اعمل ايه

Ice Cream_39488 🇪🇬 · Accepted Answer

https://vt.tiktok.com/ZSjAk9mcA/

https://vt.tiktok.com/ZSjAkVvJS/
ابعتيلها فيديوهات زي دي و لو هي قلبها مش بيجي من الناحية الدينية 
ماتنزليش معاها اي مشوار عرفيها انك بتتكسفي تمشي معاها

Banana_38150 🇪🇬 · Answer

حطيلها كحل 😂😂

Coffee_36288 🇪🇬 · Answer

بتحتط يسطا والله ومبيعملش حاجه

Avocado_29696 🇪🇬 · Answer

احرجها دا حلها الوحيد

Cherry_25982 🇪🇬 · Answer

كلميها براحه تاني وتالت وعاشر كلميها ب الدين والعقل فهميها انو علشان منظرها وانها هتكبر هتلاقي كلو واخد عنها فكره وانك بتحبيها ونفسك تشوفيها في أحسن حال وانو اللسان النضيف بيحبب الناس في صحبو لكن الشتيمه شئ مضر ليها اوي وانو هيخلي الناس تبصلها بصه وحشه اوي وربنا هيزعل منها فعلآ بجد ربنا بيحب اللسان النقي والقلب النقي الشتيمه حرام شرعا وعيب في المجتمع شيء مكروه لي تعمل شيء مكروه

Cherry_25982 🇪🇬 · Answer

وصحبت المسدج انتي شخصيه كويسه إنك خايفه على اختك كده ونفسك تبقا أحسن حد واهتميتي وكتبتي مسدج تسألى علشان تلاقي حل معها وتفديها احكيكي بجد ولزمن تعمليها كويس وتصحبيها اوي ومتتخنقيش معاها خالص

Marshmallow_39520 🇪🇬 · Answer

جربي لما تعمل حاجة زي كدا تبعدي عنها شوية في المسافة وتقوليلها خليكي بعيدة عني ومتمشيش جنبي عشان محدش يعرف انك اختي او يفتكرتك صاحبتي عشان مش عايزة حد يفتكر اني بشتم زيك واعملي الحركة دي كل مرة بتشتم فيها وانتو مع بعض برا البيت ساعتها هتحس انو دا غلط وانك مكسوفة او مستغربة تمشي معاها والله العظيم هتبطل وانا شوفت بعيني حاجة زي كدا كان تصرفات محرجة جدا كمان غير الشتايم ف جربيها وان شاء الله تبطل

Marshmallow_39520 🇪🇬 · Answer

ولو مبطلتش برضو وكدا شوفي لو مامتك كويسة معاها ومش هتتصرف غلط ممكن تدخليها في الموضوع لو هتعرف تسيطر عليها يعني وتمنعها عن دا بس جربي ال قولتلك عليه دا وان شاء الله تبطل تماما