اختي الصغيرة مرتبطة بولد ومش عارفة أعمل إيه!

Question

جماعة حد يساعدني انا في تانية ثانوي عندي17سنة اكتشفت ان اختي الي في اولى اعدادي 13سنة مرتبطة بولد معاها في الفصل و بتكلمه و بتحبه من سنة 6 ابتدائي و مصاحبة بنات وحشة
انا عرفتها اني عرفت وقلتلها مش هقول لحد و هكلمك بعد ماتخلصي مذاكرة 
عرفت عن طريق مذكرتها الي اول ما لقتني مسكاها قعدت متوترة و خايفة وانا اصلا كنت مفكرة انه جدول مذاكرتها واول مخافت حسيت ان في حاجة غلط و لقيت ده 
انا فعلا مش هقول لحد في البيت غير امي و بالسر عشان اقدر اقرب منها اكتر و ابعدها عنه بس مش عارفة ازاي لان هي هتكذب عليا 
بالله عليكم حد يقولي اعمل اي بسرعة انا مش عوزاها يحصل فيها كده و تضيع

Potato_31970 🇪🇬 · Accepted Answer

اولا بلاش تقولي لمامتك عشان مامتك ف الاول وفي الاخر دي بنتها وكده هتقللي ثقتها فيها ومش بس الأم ممكن تبقي مندفعه لان دي بنتها وهتخاف عليها انتي حاولي تقربي منها وتكلميها عن ان الارتباط حرام وان اي علاقه بدايتها لا ترضي الله نهايتها لن ترضيك بس ده طبعا كله بطريقه غير مباشره لانها ف الاول وفي الاخر هي صغيره ومش هتعرف تستوعب اوي وابدأي كلميها عن فايده الصحاب الصالحه وان هما بياخدوا بأديكي الي الجنه

Pineapple_45749 🇪🇬 · Answer

قربى منها براحه وواحده واحده وصاحبيها واتكلمى معاها وخليها تحس بأمان من نحيتك وأنك مش هتحكى لحد إلى هى قلتهولك وعمليها براحه لأنها فى سن مراهقه وطبيعى يعدى عليها مرحله زى كده وتشوف اصحاب وحشه

Strawberry_47691 🇮🇹 · Answer

اول حاجه متحاولش تتعصب عليها عشان دي فتره بتعدي بيها البنات عموما بتكون حاسه بنقص عاطفي و بتحاول تملاه بالحب و اسألها احنا قصرنا معاكي ف حاجه و اسمعها ايه اللي مدايقها و قولها اعتبريني صحبك مش اخوكي و احكي و اول ما تسمعها و تفهمها تحاول تفهمها أن دا حرام من جهة الدين و أن ربنا قال لنا لا تقربوا الزني و معني تقربو هوا الارتباط و أن نصيبك مكتوب لشخص معين ف ليه تدخلي في علاقه هتكسر قلبك و كدا ⬇️

Strawberry_47691 🇮🇹 · Answer

عشان لو ما خافت من الأهل هتخاف من الله و عن صحبها قلها فكري كدا بعقلك يوم القيامه هيرضو يساعدوكي و يدوكي من حسنتهم و هما اللي شيلوكي ذنوب اصلا ولا كل واحده هتقول يلا نفسي اتكلم معاها بالدين إن شاء الله هتجيب معاها و صاحبها و كل يوم اسألها عن يومها و كذا و امللها الفراغ اللي عندها و قلها انك خايف عليها و بتحبها لأن نهاية المطاف دا وحش

Avocado_47309 🇫🇮 · Answer

قولي للبيت وهما يتصرفوا ده رأيي

Potato_31970 🇪🇬 · Answer

كلميها وعرفيها ان الولد اللي دخل البيت من الشباك عمره م هيدخله من الباب وان ده شخص لا يؤتمن ولا يصلح ان يكون رجل انصحيها تركز ف مذاكرها اكتر شويه لأن هي داخله علي مرحله جديده وهما المناهج بتاعتهم رخمه قوليها ان البنتحتي لو اتجوزت لازم تبقي متعلمه ومستقله بنفسها  عرفيها ان مامتها وبابها ميستهالوش بعد م تعبوا عليها يحطوا وشهم ف الارض بسببها قربيها لربنا اكتر وادعيلها بالهدايه وربنا يصلح حالها يارب