عايزة أساعد أختي علشان هي أهم حاجة عندي

Question

ممكن لو فيه واحدة بنت تعرفنى طريقة ازاى بجد احتوى اختى و احاول انتشالها من فكرة أن مفيش حد مهتم ليها و عشان فكرها متناقض مع اخويا و ساعات مع ماما و مع بابا كمان و من قبل اى حاجة هى بجد انضف حد فى الدنيا عمرها ماكانت شخص وحش ابدا طول عمرها شخص نضيف و صريح فى كل حاجة بس هى شافت ناس كتير اوحش منها فا حاسه ان كل اما حد بيعرف عليها فى حاجة أن هى شافت ناس بجد بتعمل حاجات وحشة اوى و هى بس اللى بتتحاسب من طرف الناس دى انا عايزة حد يساعدني عشان اساعد اختى هى بجد اهم حاجة عندى دلوقتى ممكن بجد حد يساعدني

Mango_83492 🇪🇬 · Accepted Answer

محتاجه تقربي منها وتقربيها من ربنا وتعوضيها عن عدم الاهتمام ده ولو هي قربت من ربنا عدم الاهتمام ده مش هايبقي مبرر انها تعمل حاجات غلط مش كليشيه بس لو علاقتها ب ربنا وحشه كله هايبوظ وهي هاتميز الغلط والصح لوحديها بقربها ده

Avocado_82019 🇩🇿 · Answer

كم عمرها؟

Banana_64812 🇪🇬 · Answer

﴿ وَمَن يَتَّقِ اللَّهَ يَجْعَل لَّهُ مَخْرَجًا ﴾
كل ما تختار ترضي ربنا، هتلاقي أبواب الخير بتتفتح لك من حيث لا تدري، حتى لو الطريق صعب دلوقتي 💙

💙الرضا مش معناه إنك مبسوط بكل حاجة، الرضا معناه إنك سايبها على الله ومطمن إن الخير هييجي مهما اتأخر 💙

Biscuit_26457 🇦🇪 · Answer

ابدأي اتعرفي علي صحبها وعرفيها علي صحابك اتكلمي معاها عن حاجات في حياتك عشان تسعديها تتكلم معاكي اخرجي معاها باي حجج انك عوزه تجيبي هدوم وهي ذوقها حلو فلو ممكن تسعدك نفسك تجربي اكله جديده وحبه انها تجربها معاكي من الاخر شركيها حاجات خدي رأيها فالهدوم الهتلبسيها وانتي نزله قوليليها تعلي نطبخ طبخه ادخلي حياتها تدريجينا عن طريق انك كمان تدخليها حياتك

Chocolate_84231 🇩🇿 · Answer

كل اللي عليكي أنك تحضنيها في كل وقت حضن مفاجئ و تذكريها ديما أنها حاجة جميلة أوي وأنها تستحق و أن ربما ماينزلش البلاء إلا على العباد اللي بيحبهم و بعدين يعوضهم عوض ماكانو يتوقعوه ذكريها دايما أنها قوية و قدرت تجابه كل شيء لوحدها ساعات فاجئيها بأشياء حلوة يعني بالمختصر المفيد خليها تعرف أنك سند تقدر تستند عليه في أي وقت هذا كلام أقوله لك أختي شو سوتلي أنا كنت في موضع أختك وأختي في موضعك أتمنى تفيدك

Tofu_34164 🇪🇬 · Answer

19 سنة

Tofu_34164 🇪🇬 · Answer

احنا قريبين من بعض جدا و بنعمل كل دا انا قصدى فكرة عيلتى هى مش دايما بتبقى فاكرة كدا بس بخاف الموضوع بجد يكون مسيطر عليها بطريقة كبيرة اوى لدرجة أن هى حاسه بنقص فا عايزة أشيل الموضوع دا من دماغها و مفيش حد مساعدنى كلو همو انو يعدل بس محدش بيخاول يفهم هى حاسة بايه ولا عايزة ايه

Tofu_34164 🇪🇬 · Answer

شكرا جدا انا هسمع النصيحة و أن شاء الله ربنا يهديها و يهدينى للصح

Tofu_34164 🇪🇬 · Answer

هى بتحازل مع نفسها بس بجد كلام امى أو اخويا بيرجعها مئة خطوة لورا و هما مش خايفين بدأ دايما بالنسبالهم هى كدا شخص مستعوضين ربنا فيه و بجد مش خايفين اد ايه الكلام بيأثر في نفسيتها اوى

Avocado_76662 🇪🇬 · Answer

دلعها واهتم بيها متخليهاش تدور على حنان برا او محبه خليك سندها اقعد معاها اتفق قولها لو في حاجه مديقاكي احكيلي وانا هسمعك واساعدك حاول انت من نفسك تتقرب مثلا خلصت شغل وحصل موقف تعالى احكي لها ولما تروح مشوار وترجع مثلا هتلها حلويات او شكولاته البنات مهما كبرو بيحبوها بس معرفش اختك بتحبها او لا شاركها التفكير حتى لو في الغلط بلاش تعارضها بطريقه نشفه بين انك في صفها وانها صح بس وضح ليها انها غلط

Tofu_34164 🇪🇬 · Answer

ربنا يهديها و يهدينى يا رب

Avocado_76662 🇪🇬 · Answer

بطريقه تخليها تقتنع بدون زعل او تبين انك بتكرها لان البنات حساسه

Tofu_34164 🇪🇬 · Answer

انا اختها بس للاسف اخويا مش كدا أنا عارفة أن كلامو صح مش غلط بس نفسى يفهم فعلا ازاى ينصحها صح و ازاى هى متحسش أن هو بيأمرها مش بينصحها بس هو مش عارف يعمل كدا و انا مش عارفة اعمل ايه

Almond_52379 🇪🇬 · Answer

يا بختها بيك دا أولا.
ثانيا انت محتاج تصاحبها يعني تخرجوا مرة في الأسبوع مع بعض، تجيب حاجات حلوة وانت راجع بليل، لما تعمل حاجه تعصبك أو تضايقك حاول تتماسك وتسمعها ومش لازم تديها حل بس لازم تسمعها وتفهمها على قد ما تقدر ومتحكمش عليها وقتها أو تقولها غلطت في ايه خلي الجزء دا بعدين لما تهدى، اسمع منها كلامها كله حتى اللي يبان رغي ومش مهم.
كل دا هيخليها تحس بالأمان وانك موجود عشانها وهتكون ملجأها

Nutella_84287 🇪🇬 · Answer

في فترة العمر د بتكون مارة بكتير حاجات وافكار جديدة انا مريت بالعمر د وحاسة بيها لانه كنت بخاف من الناس لأنها وحشة بتأذي جدا مع اني مش بحب اذي حد فعليك اول تحاول تخرجها وتقرب منها مش حترتاح في الأول على طول احكي فس حاجات حابي انها تشاركك فيها بعد م تتأكد انها بقت تجيك اول حد اذا احتاجت حاجة حسسها بالاهتمام ودلعها عشان مش تحتاجها من الخارج حتس بيك وتكون ليها الدعم والسند والحب والحنان دايما أكد

Cherry_55189 🇪🇬 · Answer

بص هي حاجه تحفه انك تفكر كدا معاها قليل اوي اللي كدا بس احنا البنات بنحب جدا اخواتنا يسألونا عملنا اي في يومنا و حصل معانا حوار كدا ولا كدا وبنحب اللي يحسسنا أنه في ضهرنا دائما ولو اتخانقت هي واي حد هديها وصالحها انت حاول دائما تكلمها حلو وتهزر معاها ادخل معاها المطبخ كل دي حاجات بسيطه ومش هتخليها تحس أن هي عايزه تكلم الجنس الاخر

Avocado_76662 🇪🇬 · Answer

جربتي تنصحيه تتكلمي معاه في الموضوع او خليتيها تواجهه ساعات بيكون المواجهه رغب صعوبتها لكنها الحل بس طبعا على حسب دماغ اخوكي مش كل موجهه تنفع وحولي اتكلمي مع الباقي ولو مفيش نفع خليكي انتي الشخص التثق فيه وتحبو من قلبها بجد وربنا يهديه ويهدينا جميعا 🤍

Nutella_84287 🇪🇬 · Answer

ليها انها مهما غلطت انت حتكون اول متفهم وداعم عشان متخفش

Tofu_34164 🇪🇬 · Answer

انا اختها و بحاول الاقى طريقة بس عشان تخليهم يتفاهمو مع بعض

Tofu_34164 🇪🇬 · Answer

الاختلاف الأكبر على نقطة الهدوم و هى مش مقنعة أن هو بيعمل دا بدافع خوفو عليها و انا مقدرش البومها لأن طريقتو متقولش كدا و من ساعتها بجد و بقو بعاد اوى عن بعض مش زى الاول

Tofu_34164 🇪🇬 · Answer

انا اختها و الحمد لله بعمل كدا بس بجد هى محتاجة أنها تحس ان امى واخويا واقفين جمبها بس هى حاسه ان هما دايما بيهاجموها

Tofu_34164 🇪🇬 · Answer

انا اختها و للاسف دا بحاول اشوف طريقة يوصل بيها الاتنين لحل بس مش عارفة فعلا

Almond_52379 🇪🇬 · Answer

قضوا وقت مع بعض واعملوا اي حاجه سوا زي انكوا تخرجوا أو اي حاجه ممكن تعمليها لوحدك عادي خليها حاجه ليكم انتو مع بعض واقعدي اتكلمي معاها وشاركي افكراك حتى لو مش بتتفاعل أو تستجيب معاكي بس انتي بكلامك هتشجعيها وربنا يخليكم لبعض

Strawberry_83779 🇪🇬 · Answer

هي قد اي وانت قد اي