overthinking

Coffee_75739 🇪🇬

منذ يوم واحد

شعور مرهق

انا فضلت في علاقه مع بنت لمده خمس سنين وكانت دايما مؤذيه وقت الخناق كانت دايما تضايقني بكلامها كنت دايما انا اللي اصالح مهما كان كلامها مؤذي عمرها ما حسستني اني مهم عندها كانت دايما متكبره في كلامها قعدنا سنين تزعلني وتنام او تنشغل في حياتها وانا افضل سهران لحد الصبح في overthinking فقط دلوقتي انا

Grape_75543 🇪🇬

منذ 5 أيام

شعور مرتبك

عبّر عن شعورك بشكل مجهول

نفسي من زمان كنت الاقي حد اتكلم معاه واحكيله كل حاجة جوايا وشايل همها ومدايقاني من سنين.. وفي اخر النقاش نمشي ولا كاننا نعرف بعض.. كان نفسي في حد بس يسمعني من غير ما يتكلم او يقذم نصيحة.. 
الحقيقة ان في حاجات كتير على مدار ٣٩ سنة في حياتي حصلت ومفيش حد يعرف حاجة عنها..
محصلش نصيب اني اتجوز لحد الان بسبب ظروف كتير واولهم من وانا صغير شايل الاسرة كلها.. ومحدش بيساعد ومش بحب استكتر حاجة على حد ولا بحب الانانية.. وصلت للسن دة وابتديت اشوف كل صحابي خلاص اتجوزو وخلفو وماشاء الله الدنيا حلوة ربنا يباركلهم..
ابتديت احس بالفراغ في كل حاجة وان مفيش حد تاني هيسمعني. 
تفاصيل حياتي معقدة جدا.. بس حقيقي بدور على جواز ووحدة تخاف ربنا وتكون فاهمة دينها ودنياها كويس.. تكمل حياتي.. بس مش لاقي ولا عارف اعمل ايه..
طبيعة شغلي كلها من البيت ولا بنزل كتير ولا بخرج ولا عندي صحاب بنات ولا عندنا قرايب هنا في مصر مع العلم انا مش مصري بس اتربيت هنا وعشت حياتي كلها هنا.
من ١٥ سنة كنت خاطب وكنت رايح اتجوز بس محصلش نصيب والحمدلله ومن ساعتها مش عارف العيب فيا ولا المسكلة فين.
بقى عندي الفترة الاخيرة overthinking بشكل رهيب لدرجة بسهر للصبح وبنام ساعتين واصحى اشتغل..
معنديش حد افضفض معاه مشاكلي اليومية عشان ينصحني او يسمعني بس ع الاقل.. الحاجة اللي فرحتني او زعلتني..
ياريت اللي يقدر يفيدني ممكن وضع زي دة يتعالج ازاي اكون شاكر جدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_68662 🇪🇬

منذ أسبوع واحد

شعور ضائع

مطبق بقالي يومين بسبب over thinking و كنت بقراءة كتاب اسمو let them do للكاتبه mel Robbins , والكتاب حرفيا رهيب و بيساعدك تفهم كتير اوي اندمجت مع الكتاب لحد ما خلصت. و وقفلت وحاسس بكميه طاقه ايجابيه اسنه قدام وقولت تمام بقي اسمع مزيكا شويه وتشتغل اغنيه اسمها ( أنا مين ) هي طلعت قديمه بس انا أول

Ice Cream_73831 🇪🇬

منذ أسبوعين

شعور ضائع

عبّر عن شعورك بشكل مجهول

أنا شخص عندي over thinking دي حاجة الحاجة التانية أنا بكره إني أكون ضعيف قدام أي حد ولو فيه موقف حصل هيخليني أكون ضعيف بتماسك جدًّا علشان مبنش بأي طريقة إني ضعيف وكده
من زمان وأنا كاره موضوع الحب وإني أحب واحدة وأعترفلها بكده وهي ترفض أو توافق ده لو الشخص اعترف أصلًا لأن كلهم بيرفضو يعترفو بكده والكلام ده كله
أنا مقتنع بالكلام ده من أولى ثانوي تقريبا أنا دلوقتي خلصت أولى جامعة وداخل تانية
المهم أنا ف الترم التاني قابلت شخص ما وشدني بطريقة غريبة جدًا لدرجة إني رفضت الموضوع بشدة وعمال أقول أكيد فيه حاجة غلط  لحد م اقنعت نفسي بالعافية إنها عجبتني
لكن أنا قدام أمرين البنت جميلة جدًّا ومستحيل حد يكون بالجمال ده والاحترام ده اللي أنا بشوفه يحب شخص زيي
الموضوع التاني إني مش شايف نفسي الشخص اللي هيجيب رقمها ويكلمها ويعترفلها وابقى تحت رحمة إنها توافق أو ترفض
ولو وافقت هعمل إيه بعد كده ولو رفضت فأنا هكسف نفسي وشايف إن ده ضعف وف نفس الوقت أنا قلقان جدًّا إني أضيعها
ولو فكرت ف الموضوع بلاقي نفسي بفكر أنا هتجوزها على طول إزاي لدرجة إني حسبت كل التكاليف اللي هحتاجها علشان أقدر أتجوز فمش عارف أعمل إيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_72403 🇪🇬

منذ أسبوعين

شعور متعب

عندي مشكلة كبيرة اسمها overthinking.. أي موقف بسيط بيحصل لازم عقلي يقعد يحلله ويفصّله مليون مرة. ساعات بعمل سيناريوهات ملهاش أي علاقة بالواقع، وبضيع طاقتي على أسئلة مفيش ليها إجابة. بنام متأخرة واحيانا مش بنام خالص عشان دماغي مش عايزة تسكت، وبصحى مرهقة وكأني شايلة جبل.وقلبي وجعني وببقا تعبانة نفسيا

Tofu_51955 🇪🇬

منذ أسبوعين

شعور مستنزف

عبّر عن شعورك بشكل مجهول

في سنه عدت عليا إحساسي وأفكاري وأنا كل حاجه إتغيرت كنت محتاجه حد جنبي يفهمني أتصرف إزاي مع الشخصيه الجديده دي أهلي وقتها كانوا شبه منفصلين وكنت لوحدي طول الوقت كان بينهم مشاكل وخناقات و بيدخلوني بينهم بدأت أكون أفكار سلبيه كتير في دماغي وبقيت إنطوائية وزعلانه طول الوقت وكرهت الحياة كان جوايا كلام كتير نفسي أقوله بس ملقتش حد يسمع دلوقتي إتحول لوجع إتخذلت من أقرب مكان ليا في الدنيا وبقيت لوحدي بجد بعديها أهلي رجعوا لبعض بس مكنتش حاسه إني كويسه كان بالنسبالي عادي أنتوا براحتكم الدنيا جات عليا كتير وإتبهدلت كتير في سن صغير جدًا بقيت ناضجة كل إللي بتكلم معايا يقولي مش عايشه حياتك ليه، تفكيرك أكبر من سنك، وحاجات من دي كتير.. دلوقت إكتشفت إن أنا جوايا وجع متراكم غدر وخذلان ووحده ومواقف عنف مش عايزه تخرج من دماغي، ماما بتتخانق معايا كتير على إللي أنا فيه ده بتقولي إنتي السبب في ده بإيدك تغيري تفكيرك أنا عمري م عرفت أحكيلها علشان لما بحكي مش بتصبر أخلص كلامي وبحسها بتنصح بطريقه تزعلني معرفتش أقولها إن سبب دا كله الوقت إللي كنت محتاجاهم فيه وملقتهمش وإن أنا لوحدي من سنين أنا بحبهم جدًا وعمري م كرهتهم بس مش قادره أنسى ومش عارفه أبقى كويسه جوايا وجع كتير مش بيخرج وعندي Overthingin هيموتني انا مش فاهمه ليه؟ ليه مش عارفه أعيش بشكل طبيعي؟ أزاي أتخطى كل إللي حصلي ده علشان أكمل؟ إمتى هلاقي حد شبهي ميسبنيش لدماغي؟ 
آسفه إني طولت عليكم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_52511 🇪🇬

منذ أسبوعين

شعور متعب

عبّر عن شعورك بشكل مجهول

طيب حاولت اني اعمل كوبي للكلام بتاع البوست الي فات و يارب الناس الي بعتتلي تشوف البوست ده لان ناس كتير طلبت اني اكمل بس مردتش عليها للاسف عشان كنتو كتير 
_______________________________
طيب انا عايزه احب و اتحب بس راضه فكرة الارتباط بكل انواعها لانها حرام ومفيش غير ارتباط واحد بس الي حلال و الي هو خطوبه و كمان بالحدود الي شرعها ربنا 
انا نفسي جدا اني باقي الشخص الي يحبني بجد و اكون انا و هو بنحب بعض اوي و بجد تعبت جدا من الوحدانيه الي انا فيها لا صحاب قادرين يفهموني و ولا اهل  .. انا اهلي مش وحشين و بحمد ربنا عليهم جدا بس بجد بخاف اتكلم معاهم فالنقطة دي زي اختي بجد اخدت صدمة كبيره اوي لما لقيت اختي بتحمكيلهم انها بتقول بصحبتها كل حاجه لدرجة الولد الي هى معجبه بيه.. حسيت وقتها انها الي مسموح ليها هى بس انها تعمل كده و اني لو عملت كده هكون كفرت و بجد اتخنقت اوي وقتها و حسيت ان الدنيا ضاقت بيا و ان ايه انا معنديش الشخص الي يفهمني و اتكلم معاه بدون خوف من ردة فعله او شك منه او اني اشك انه هيحبك لحد من اهلي و هتبقى مصيبة ( عندي trust issues و Overthinking ) نفسي الاقي الاهتمام الي بجد اعيش الاجواء الي حسيت انها شبه مستحيله نفسي تتصرف على طبيعتي مع الشخص الي بحبه اوي و هو بيحبني بدون اي حدود و حب غير مشروط بجد هيكون عنده إراده و فضول انه يعرفني و هيحاول يعمل الي يسعدني بجد و عكس وقتها انه قد ايه الواحد تعب و صبر عشان يلاقي الشخص الي يستحق معاملتي الكويسه ليه 
_______________________________ عارف لمًا تكون اشتريت موبايل جديد و لسه مجربتش مزاياه كلها .. اهو انا الموبايل ده 
انا في جزء من شخصيتي لسه مطلعتهوش و محدش يعرف عنه حاجه 
الجزء ده بيحب بجد و عنده احتواء بجد و عنده مصداقية في مشاعره الي هتطلع مع قرة عيني الي انا مستنيها بفارغ الصبر و بدعيله اكني اعرف و بقالي كتير مشفتوش انا معرفش هو مين و ولا عمري كان عندي الحاح فتيسير حياة شخص بالطريقة دي ده انا ذات نفسي مبدعين لنفسي بالشكل ده .. اااه او يكون قدامي الوقتي و يعرف انا بحبه قد ايه و قد ايه بدعيله و قد ايه انا متعلقه بيه لدرجة ان قلبي اتقفل و مش هيفتح بابه تاني لاي مخلوق عابر و مش هيتعلق بحد غيره
_______________________________
رسالة لقوة عيني و حبيبي و سندي فالدنيا الي لسه معرفتهوش 
عايزة اقوله اني بحبه اوي و هفضل بنت عفيفة و حافظه نفسها و مشاعرها و شايله كمية حب و كلام حلو و اهتمام و مشاعر و دلع و رقة و سند و أنوثه و كل المواصفات الي ممكن اي حد يتمناها لشريكة حياته انا هفضل طول عمري ما حييت ادعيلك بتيسير الحال و انك تكون مرتاح في حياتك و ان ربنا يربيك ليا و انك تكون زوج صالح و اب جدع و قد المسؤلية و ابن بار لاهله و امه و عبد صالح لربه و هدعي ربنا انه يرضى عنك و دائما فاي وقت يكون مجاب فيه الدعاء من السنه مش هنساك ابدا من دعائي لحد ما اشوفك و امسح ايدك لاول مره و احضنك لاول مره و هعيش معاك احلا قصة حب انا كنت مستنياها من زمان يا قرة عيني التي لم تراك بعد 
_______________________________
و شكرا لكل الي كان حابب انه يعرف التكمله معلش كنت فصلت فالنص و اتخنقت و اتمنى انه كلامي بمضايقة حد و ان شاء الله ربنا يعوضنا بقُرة عين نكون سعداء بصحبتها و ندخل الجنة معاها 💗💗

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_68662 🇪🇬

منذ أسبوعين

شعور لا مبالٍ

شعور لما تكون بقالك سنين عايش في حاله over thinking و حرفيا مخك مش بيفصل وتفكر حتي وانت نايم و تبقي شايف كل حاجه حواليك بتتعبك و مش قادر تتخطي و خصوصا مع احساسك بالعجز و نظره الشفقه في عيون الناس لانك صعبان عليهم أو تسمع كلمه ده كان شاب زي الفل قبل ما يتعب كده والكلام اللي بتسمعو من شخص وانت متاكد

Croissant_71322 🇪🇬

منذ 3 أسابيع

شعور مكتئب

نفسي اعرف اتعامل مع دماغي اكتر حاجه عدوه ليا انا ب over thinking بشكل مرعب لدرجه بتتعبني جدا ف بحاول معملش مواقف جديد عشان دماغي متتسحلش فيها بعدين بس مش بعرف و من آكتر الحاجات البتخنقني هي ان حد يخيرنى انا دماغي بتفضل تفكر المشكله مش هنا المشكله في ان الموضوع بيبقا متوقف عليا علي انا عايزه ايه انا

Ice Cream_70537 🇪🇬 فيه طريقة كويسة للتعامل مع over thinking وهي الكتابة جربي تكتبي كل الافكار اللي في دماغك بكدة انتي بتطلعيها من دماغك للورقة فبتشوفيها بعنيكي وقتها بتحاولى تنظميها وتحددي ايه المهم او ايه الاولوية وبالممارسة هتلاقي الموضوع بالطريقة دي بقى اهدى في التفكير والزحمة قلت

عرض الكل 10 نصيحة

Watermelon_69955 🇪🇬

منذ شهر واحد

شعور متعب

ما انت متسبنيش ل دماغي وبعدين تيجي تحاسبني علي الِ دماغي فهمتو ،أسوء حاجه ممكن اي حد يعملها ل بني ادم كدا ان هو يسيبو ل دماغُه "بتحبني متسبنيش ل دماغي" متخليش دماغي تسوحني في افكار ممكن بجد يكون مالهاش اي علاقه بالواقع بس هي دماغي سوحتني هناك، مش متخيلين قد اي دماغ الناس ال overthinking مؤذيه بجد مؤ

Apple_68133 🇪🇬 دماغ الإنسان مؤذية فعلاً لما تسرح وتبالغ، بس الحل مش إننا نعتمد على الناس يمنعوا ده، الحل إننا نتعلم نوقف نفسنا ، نرصد التفكير الزايد ونفصله عن الواقع المشكلة مش إن دماغك بتتخيل .. المشكلة إنك بتصدق اللي بتتخيله لان أوقات إحنا اللي بنبني قصة كاملة من سطر ناقص

عرض الكل 4 نصيحة

Kiwi_56341 🇪🇬

منذ شهر واحد

شعور متوتر

خطيبتي بتعاني من ال overthinking او معرفش الي عندها ده ايه بس لما بتبقى عايزة تعمل حاجة او بتفكر تعمل حاجة تفكر فيها طول الوقت و تتكلم معايا طول الوقت عنها و بتبقى حزينة و متضايقة كتييييييييير لحد اما تنسى او تمل من الحاجة الي عايزة تعملها... هو موضوع مرهق شوية خصوصا انها بتبطل تتكلم عننا و كل كلامن

Almond_67947 🇪🇬

منذ شهر واحد

شعور مرهق

حد عنده حل لل overthinking ؟ بقالي يومين حرفياً مبنامش من كتر ما بفتكر حاجات اصلا حتي ملهاش اي لازمه و مينفعش لغيرها زي طفل ضايقني فالفصل وانا صغير او بنت رفضت حبي ليها ف ابتدائي مثلا و طبعاً التفكير ف باقي امور الحياه و جوانبها و اسأله بقي كتير من نوعيه ليه و أمتي و اشمعني انا و ازاي كل دي حاجات بت

Banana_67558 🇪🇬

منذ شهر واحد

شعور غبي

موضوع:

بعدت عن حد قبل كده وهو بيحبك?

بصراحه اه هي كانت بنت جميله مفيهاش عيوب بس عيبها الوحيد انها اتنشن وبتعمل من الحبه قبه وبتكبر المواضيع جدا وانا مش هستحمل دا لاني عندي overthinking اصلا ومش مستحمل دماغي لوحدها وعندها فرط ف كل حاجه ك اهتمام وحب وي وي وي وحاجات كتير ف حسيت الي هو انا هأذي نفسي ف بعدت عنها

Strawberry_67580 🇪🇬 كده دي أنانيه منك إنك خوفت على نفسك بس مخوفتش على مشاعر البنت دي و هي بتكبر الموضوع لأنها بتحبك عادي ممكن تكبر دماغها خالص بس عشان هي بتحبك بتعمل كده

عرض الكل 6 نصيحة

Chocolate_62460 🇪🇬

منذ شهر واحد

شعور مرتبك

عندي حاجه اني مبعرفش افتح كلام اوي أو اتكلم بصفه عامه لو في شات أما الريل بعرف ، في حين اني ببقى عايزه اتكلم بس مش عارفه اقول اي ، و خصوصا إن دلوقتي بقى الكل judge على بعضه حتى لو حاجه مش صح زي البيك مي و كرنج و غيرو محدش مستقبل حد جديد او شخصيه جديده زي ما يكون نقطه بيضه في لوحه سوده كلها ، و احيا

Onion_61988 🇪🇬

منذ شهرين

شعور متوتر

بما إني شخص overthinker بالفطرة، او بستخدم اسلوب تحليل التحليل 😅 بدأت ألاحظ إن في حاجات بسيطة بتسهل عليا كتير، ومن أهمها كانت النية والنتيجة. يعني قبل ما أعمل أي خطوة، بسأل نفسي: النية: أنا عاوز إيه من اللي هعمله؟ النتيجة: لو حصل، هيبقى شكلها عامل إزاي؟ ولو ماحصلش، هكون تمام برضو ولا لأ؟ الوضو

Cherry_63854 🇪🇬

جوزى عاوز يشوفنى مع واحدة وانا مكسورة

انا اسفة فى موقف وحش اوى انا فيه ونفسى افهم بس أنا هو جوزى عادى يبقى حابب يشوفنى مع واحدة قدامة انا مخنوقة بجد ومش قادرة اتصرف ومكسورة جدا عارفة انة بيخونى بس كبرت دماغى لكن عاوز يدخلنى انا فى دوامتة وكتير بيقول كدا فى جد او هزار انا عاوز اشوفك مع واحدة والاغرب انى اتفاجأت وهو سكران بيقولى عاوز اشوفك مع صحابى ولما يفوق يقول كنت بهلوس عادى انا بجد مابقتش فاهمة حاجة ... ...عرض المزيد

3 الدعم

41 نصيحة

Kiwi_69907 🇪🇬

ليه خدعني وقلب خطيب على غيري وأنا استنيتوه؟

حبيت شخص فتره واتكلمنا وكان لطيف جدا معايا لحد من شهر قالى انه هيبعد وانه لسه مش مستعد وقدامه سنه عشان يقدر يخطب بس هفضل ف باله وقلتله انى هستناه وامبارح لقيته منزل بوست خطوبته على واحده تانيه مقدرتش استوعب الاول وكنت هاديه جدا ونمت وصحيت وروحت شوفت البوست تانى كانى كنت بحلم قبل ما انام ولقيته حقيقه اسأله كتير جت ف بالى ملقتش اي اجابه عليها حفظت كرامتى ومرضتش ابعت واسأله ليه بس حاسه قلبي مكسور اوى ومش قادره افوق من الصدمه ...عرض المزيد

1 الدعم

28 نصيحة

Croissant_75863 🇪🇬

بكره الرجاله ومش قادره اتقبل حد يدخل حياتي

حاسه اني بكره الرجاله كلها كصنف ملهومش امان بجد وشايفاهم وحشين علي طول مش عارفه انا مريضه ولا اي لكن بجد مبقاش ف رجاله اليومين دول علي طول عيال وتافهين وبيجروا ورا البنت اللي مبينه جسمها وشعرها معرفش ازاي بجد ف اي لكن مش دي صوره الراجل اللي اتربينا عليها واللي هو راجل يقدر يحافظ علي اللي معاه انا مش قادره اتقبل حد يدخل حياتي وبرفض ناس كتير علشان بس مش قادره اتقبلهم ومش عارفه اعمل اي ...عرض المزيد

2 الدعم

26 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع