السلام عليكم ورحمة الله أنا الأخت الكبيرة، يعني أنا اللي لازم نتحمل، ونتنازل، ونتغاضى، ونصبر، ونضحي، ونهدي، ونسكت، ونخظم، ونقري، ونطبخ، ونظف البيت، وأكون الأم والأب والأخت والسند لإخواني ونرتب خزاناتهم وفراشاتهم، لازم نكون الملجأ للكل، لازم نكتم مشاعري وحزني وأوجاعي ونظهر أمامهم بالقوة لكي يصير الكل بأحسن حال بصح انا مكاش لي يسقسيني كيراكي كاش ماخصك ، لازم أنا اللي نقبل أي حاجة وما نرفضش أي طلب ولا نكون انا الشينة لي مانتعشرش، لازم أنا اللي نكون بين نار الحرب بين أمي وأبي ومشاجراتهم اللي ماتكملش وامي كي تبغي كاش حاجة توصلهالو تمدرني انا فالواجهة وانا نولي نبان لابي سبب المشاكل، لازم أنا اللي نسمع ونوصي خوتي ونطيب على قلوبهم كلهم مهما بلغت تراكماتي وضغوطاتي حتى اني عييت ماعادتش عندي طاقة لوكان نتزوج ونجيب ذراري نمدهالهم، لازم أنا اللي نكون العاقلة والرزينة وعيب وجريمة نزعف ولا نزقي ولا نقول كلمة الحق ولا نجرب نعبر على اللي فخاطري، تعودوا علي كأنسانة ما تحسش ودائما تراعي الكل على حسابها وأنا بداخلي انهيارات عنيفة، صراحة الأخت الكبيرة هي أكثر شخص مهزوم في هالحياة وموجوع وتحت الضغط، لأنها تعيش ضغوطات ف البيت، فالخدمة، مع خوتها، مع زملائها، فالخدمة، مع أمها، مع أبوها، حتى ما عندها وقت لنفسها. أنا حتى الفارني ما نعرفش نديرو لاظافري، كحل عين ما نعرفش نديرو بالشكل الصحيح، حفلات مناسبات خرجات والو، ما عنديش وقت نتنفس حتى ضوك ماراه يجي في بالي والو من غير التفكير الزائد (Overthinking). عيييت خلاص، عييت والله عيييت بزااف نفسيا وجسديا. علابالي هدرت بزااف ان شاء الله ماثقلتش عليكم

2

7