مش عارف ارجع ولا اطلع من علاقة مؤذية

Coffee_75739 🇪🇬

منذ 4 ساعات

شعور مرهق

انا فضلت في علاقه مع بنت لمده خمس سنين وكانت دايما مؤذيه وقت الخناق كانت دايما تضايقني بكلامها كنت دايما انا اللي اصالح مهما كان كلامها مؤذي عمرها ما حسستني اني مهم عندها كانت دايما متكبره في كلامها قعدنا سنين تزعلني وتنام او تنشغل في حياتها وانا افضل سهران لحد الصبح في overthinking فقط دلوقتي انا حاليا بقالي فتره واخد موقف و هي بتحاول تصالح و بتحاول تعتذر وانا للاسف لسه زعلان ان وصلنا لكده و ف نفس الوقت قلبي مش مطاوعني ارجع وبحس بالزنب رغم اني كنت دايما انا الشخص الكويس اللي محافظ علي العلاقه مش عارف ايه الحل …

نفسي الاقي حد اتكلم معاه واحكيله كل حاجة جوايا

نفسي من زمان كنت الاقي حد اتكلم معاه واحكيله كل حاجة جوايا وشايل همها ومدايقاني من سنين.. وفي اخر النقاش نمشي ولا كاننا نعرف بعض.. كان نفسي في حد بس يسمعني من غير ما يتكلم او يقذم نصيحة.. الحقيقة ان في حاجات كتير على مدار ٣٩ سنة في حياتي حصلت ومفيش حد يعرف حاجة عنها.. محصلش نصيب اني اتجوز لحد الان بسبب ظروف كتير واولهم من وانا صغير شايل الاسرة كلها.. ومحدش بيساعد ومش بحب استكتر حاجة على حد ولا بحب الانانية.. وصلت للسن دة وابتديت اشوف كل صحابي خلاص اتجوزو وخلفو وماشاء الله الدنيا حلوة ربنا يباركلهم.. ابتديت احس بالفراغ في كل حاجة وان مفيش حد تاني هيسمعني. تفاصيل حياتي معقدة جدا.. بس حقيقي بدور على جواز ووحدة تخاف ربنا وتكون فاهمة دينها ودنياها كويس.. تكمل حياتي.. بس مش لاقي ولا عارف اعمل ايه.. طبيعة شغلي كلها من البيت ولا بنزل كتير ولا بخرج ولا عندي صحاب بنات ولا عندنا قرايب هنا في مصر مع العلم انا مش مصري بس اتربيت هنا وعشت حياتي كلها هنا. من ١٥ سنة كنت خاطب وكنت رايح اتجوز بس محصلش نصيب والحمدلله ومن ساعتها مش عارف العيب فيا ولا المسكلة فين. بقى عندي الفترة الاخيرة overthinking بشكل رهيب لدرجة بسهر للصبح وبنام ساعتين واصحى اشتغل.. معنديش حد افضفض معاه مشاكلي اليومية عشان ينصحني او يسمعني بس ع الاقل.. الحاجة اللي فرحتني او زعلتني.. ياريت اللي يقدر يفيدني ممكن وضع زي دة يتعالج ازاي اكون شاكر جدا ...عرض المزيد

2 الدعم

0 نصيحة

رجعت لـ حبيبي بعد ما كنت غلطانه وهو خايف مني

انا والشخص الي كونت معا رجعنا لبعض انا رجعت عشان كونت غلطانه بعد تفكير شوفت ان اسلوبي بجد صعب اني مسمعش حد واعمل بلوك علطول واحنا بقالنا ٣ سنين مع بعض وكل مشكله اعمل كده هو اه بيغلط بس انا اصعب المهم انا وهو رجعنا بعد ما سبنا بعض شهر وهو انا كونت شايفها حزين بجد واي حاجه ع السوشيال ميديا ليا انا عشان كده قولت هرجعلو عشان لو حسيت ان كان في حد او مش فدماغو مكنتش رجعت بس المهم دلوقتي هو خايف مني اني ابقا زي الاول مش بسمع الي قدامي وبعمل بلوك بس انا بطمنو وي هو عندو حق ف زعلو عشان كررتو كتير بس انا نفسي يرجع مش خايف مني مش مقفول مثلا كده هو بيحبني وانا شايفه دا بس خايف ارجع زي الاول ف يتوجع مني تاني انا قولتلو هتشوف افعال اني اتغير مش كلام وانا فعلا حقيقي بتغير للاحسن وهاديه بس انا نفسي اطمنو اكتير هو كويس معايا بس انا نفسي يبقا مش خايف وبراحتو احنا ياما سبنا وي رجعنا لبعض بس المره دي هو خايف مني مش عرفه اعمل ايه اطمنو من ناحيتي وانا واللهي طيبه بس كونت عصبيه ...عرض المزيد

0 الدعم

6 نصيحة