ADHD

French Fries_65814 🇪🇬

منذ 5 أيام

شعور ضائع

موضوع:

امتى حسيت إنك كنت محتاج حد يسمعك وملاقيتش؟

انا في ناس بتسمعني بس محدش فاهمني انا عندي ADHD من وانا طفل أنا بعمل علاقات عادي صداقه وحب لاكن عندي مشكله لما حد بيقرب مني بجد بيشوف تأثير ال ADHD بعمل حجات غريبه في اوقات اغرب انا مش ببقا قاصد بس بتحصل وأوقات بيحصلي نوبات غضب وعلطول عندي شعور بلخنقه ودا بسبب ال ADHD وقله إفراز الدوبامين في جسمي فأ

Coconut_63666 🇪🇬

منذ أسبوعين

شعور متوتر

من ساعت ما دخلت ٣ ثانوي وانا حاسس ان مذاكرتي ضعيفه جدا مقارنه ب الي عاوز اجيبه قولت في الأول ده مني انا و من كثره القعده على التليفون بس لما لقيت اني بهرب من المذاكره ب أي طريقه بس مكنتش مركز في الموضوع ده الاول لحد ما في مره صادفت فيديو بيتكلم عن الadhd وسمعت كلام منه عن حاجات بتحصلي في الأول انا

Strawberry_63646 🇪🇬 لا روح اكشف وابعد عن صاحبك وقرب من ربنا اعرفه كلما بتهر دور اعرفه اعرف معاني كل كلمه بتقولها في صلاتك وانت علي فكره كويس انت بس أقنعت نفسك انك مريض فمرض روح اكشف وربنا يارب ينجحك ويحفظك

عرض الكل 1 نصيحة

Biscuit_62485 🇪🇬

منذ 3 أسابيع

شعور مرتبك

عبّر عن شعورك بشكل مجهول

انا فالبداية بتاسف عشان يمكن مفيش غيري هنا عنده كمية المنشورات البيحكي فيها مشاكله ديه بس تقدر تقول ده ملخص كل الفات و الموضوع انا لسه مكتشفه قريب . 
بختصار انا مصاب بال ( ADHD) كتير سمعت عنها بس مكنتش اعرف اني مصاب بيهم و يعني من وقتها و مش عارف اعمل ايه بعد ما عرفت سبب كل التاخير الفحياتي ده 
انا الاعراض البواجهها دي حاجات بتحصلي يوميا اني متشتت ديما بس مش فحياتي ده فيومي يعني مثال اخش الاوضة اه صح انا عايز اشحن التاب و انا رايح اشحن التاب طب هشرب ماية اوصل للماية هو الدورك ده في ايه استني هو في ايه فالتلاجة و كده بقي يعني المضحك فالموضوع كمان اني لما اقعد احاسب نفسي علي الوقت الضيعته واجي ققف في الشباك اتشتت و ابص علي الناس ققعد فالاوضة اتشتت و اسرح في السقف اجي اسمع فيديو ولو خمس دقايق والله بس ممكن عشان اكمله اقعد عليه اربع امثال مدته و تخيل بقي فيديوهات المذاكرة البتخش في 12 ساعة و عقلي بجد عايز افجره عندي طووفاان من الافكار و بعد ما بعمل الحاجة بفك فيها و اوقات الاقي نفسي بعمل حاجة مش عارف بعملها ليه زي اكون بكلم حد و امل فجأة او افضل ققلب فالملصقات و كله بيشتكي مني اني مش بدي فرصة للقدامي يكلم ولو عطيته فرصة ببقي مش معاه اصلا سرحان اععععع 
 حل ارجوكم لو حد يعرف اي حل لل ADHD ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_61147 🇪🇬

منذ شهر واحد

شعور ضائع

حاسس ان ربنا خالقني عشان اتعذب عقل ذكي مع adhd تصرفاتك غبيه لا ارادي ابسط الاشياء لناس صعبه عليك حتي الكلام بلخبط ياما مبعرفش اكلم نفسي ودي كارثه غير اني في فتره من فترات حياتي حبيت واحده وقولت اخش معاها القسم فعملت مجهود جامد من أول السنه الا في اخر كام يوم كنت تعبان فشلت وشلت ماده من ساعتها

Chocolate_28606 🇪🇬

منذ شهر واحد

شعور وحيد

في مواقف و في ناس معينة لما بشوفها بيجيلي نوبات قلق وعادي ممكن تختلف حدتها ، أنا بس بكون محتاجة حد جمبي مش عايزة اشتكي بحس اني عايزة ابعت لأي حد اكلمه من صحابي بس ببص بلاقي معنديش حد اكلمه وبفضل خايفة وقلقانة وبحاول اشتت نفسي . هو أنا هعيش طول عمري وحيدة ؟هو أنا عملت ايه عشان استحق كل الوحدة والحز

French Fries_58271 🇪🇬

منذ شهر واحد

شعور مكتئب

Strawberry_25620 🇪🇬 هوا في السعوديه وانت في مصر صح؟قوله حاضر و خد الفلوس بتاعت الماستر وحوشها واشتغل اللي يعجبك وعيش 😂 والله يعني مش دايما اهالينا صح لكن حاول تشوف حل بقا يرضيه ويرضيك 🤷🏻‍♀️ لو عرفت تعمل زي ما قلت اعمل لو ماعرفتش يبقا فكرلها بجد اصل مش هينفع اللي الحج بيعملو ده بردو شوف طريقك يابني

عرض الكل 2 نصيحة

عبّر عن شعورك بشكل مجهول

بواجه مشكله كبيره اوي الفترة دي
انا كنت بدرس طب اسنان و خلاص بتخرج السنه دي
انا تعبت جدا جدا علشان اقدر اعدي في الكلية دي
كانت كل سنه بتخلص وبتعدي بكرم ربنا مش بمجهودي
انا عندي ADHD والدراسه والحفظ بالنسبالي من اصعب ما يكون
حاليا والدي مصمم ان انا احضر ماستر ومستعد يصرف اي مبلغ هيطلب منه
اهم حاجه عنده ان انا مشتغلش نهائي حتى لما قولتله في الاجازة هشتغل قالي لا هتنزل تدريب حتى لما قولتله هسافر عندك السعودية اشتغل بأي تمن مكانش بيعجبه كلامي
من مواقف كتير اكتشفت ان ابويا دخلني الكلية علشان منظره علشان هو كان نفسه حد من ولاده يدخل طب علشان هو ميكونش اقل من أصحابه الي ولادهم في طب
وحاليا ابويا رجع يكلمني تاني كأني انسان فاشل ومسول ومحققتش اي حاجه علشان مش عايز احضر ماستر قبل ما استقر مادياً واتجوز علشان اعف نفسي
انا مكانش عندي اي ميول للطب ودخلت الكلية دي علشان خاطره بس مكنتش اعرف ان كل ده هيحصل مكنتش اعرف انه هيفضل في كل الاحوال مش راضي عني
وحاليا اكتشفت ان هو معندوش استعداد يصرف اي جنيه هو مش هيستفيد منه
يعني هو معندوش اي استعداد يساعدني في جوازي بجنيه واحد طلاما هو مش مستفيد ماديا من جوازي
وفي نفس الوقت مستعد يصرف ٣ مليون جنيه تقريبا على تحضير الماستر علشان يمشي وسط الناس يقولهم انا ابني الدكتور بيحضر ماستر .. لكن مش مهم خالص انا عايز ايه او انا مبسوط ولا لا بالي بعمله المهم يكون هو مبسوط وبس
حد يقولي اتصرف ازاي
انا معنديش اي مشكلة اشتغل حاجه غير اسنان بس استقل ماديا عن ابويا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_58375 🇪🇬

منذ شهر واحد

شعور ضاق ذرعًا

عبّر عن شعورك بشكل مجهول

عاوزه احكي مشكله اتمني حد يسمعني لحد الاخر ويرد عليا واسفه اني طولت جددااا 
احنا دلوقتي 4 بنات انا رقم 3 هقولكوا الدنيا بالنسبه ليا مع كل واحده من اخواتي عشان تعرفوا تحكموا اول واحده دي الكبيره ومتجوزه ومشيت بدري اوي كنت انا لسه صغيره بس الصراحه كانت ام تانيه لينا كلنا طيبه واخلاق وزوق ربنا يخليها لينا ويبارك ليها في عيالها ويخلهوملها هي فعلا معني كلمه سند في الاخوات اه مش قريبين بس لما بيحصل حاجه بتسمع ومريحه المهم 
تدخل علي الصغيره رقم 4 دي بقي انا حاولت بكل الطرق اني اصاحبها حرفيا كل حاجه كنت بجبها او بعملها لنفسي لازم هي معايا حرفيا لو جايبه سندوتش وهموت من الجوع لازم اسبلها لو سافرت واكلت او شربت حاجه هي مشافتها بس بردو لازم اجبلها كل حاجه بقي تيجي في بالكوا وبحاول بكل الطرق اقرب منها واسمعها وانصحها بس هي رفضاني تماما معرفش ليه 
المهم هقولكوا شخصيتي عشان تفهموني انا كنت طفل عندي ADHD وكهربا زياده علي المخ طبعا انا حوار ADHD معرفتوش غير لما روحت لدكتور وهو شخص ومازال موجود عموما يعني المهم طبعا دا ايامي مكنش معروف ولا كدا كان الطفل دا بالنسبه ليهم شقي وقليل الادب وكلام من دا وطبعا انا بنت وبيت كله بنات احنا كنت في بيت عيله وبيت العيله كله بردو بنات المهم كنت بتعرض للعنف اللاسري القاسي جدا لطفله 3 و4 سنين واقل كمان وطبعا دا مش في بيتنا ولا في اوضتنا لا دا كان قدام العيله كلها او في الشارع عادي قدام الناس وللعلم انا بنت بردو تاني وطبعا كميه نظرات وحشه جدا كنت بشوفها طبيعي دا هيخلق جوايا عدم امان لان خلاص انا اتكسرت بقيت شايفه نفسي متعريه قدامي واني مفضوحه قدامهم واني متهانه انا اه كنت طفله بس دا اللي فهمته من احساسي لما كبرت المهم كنت دايما بعمل لنفسي خط دفاع مكنتش بحب حد يقرب مني ولا من حاجاتي مش انانيه بس كنت بخاف ان اي حاجه بحبها تروح حتي لو تيشيرت 
المهم دا طبعا خله اهلي يتوقعوا اني انانيه مع اني لما كبرت شويه بقي عادي جدا جدا جدا كمان  المهم طبعا الكل من رد فعلي الطبيعي لاي كائن حي هيتعرض للعنف ويدافع عن نفسه الكل بقي شايفني جاني مش مجني عليه انا اللي بقيت وحشه وبتعامل وحش واسلوبي وحش وبتاعت مشاكل وكلامي وحش مانا واحده عمر محد قالي انتي حلوه ولا حد طبطب عليا ملحوظه ابويا لما كان بيعمل كدا قدامهم للاسف مكنش حتي بيفكر يطيب خاطري كان الكل بيجبرني اروح اعتذر ليه عشان عصبته او عشان غلطت عمره مفكر مره يقعد معايا ويفهمني اي حاجه وطبعا دا عشان عمري ممريت بيه ان حد يقعد ويتكلم معايا بقي دلوقتي مستحيل اعرف ادخل في اي نقاش وبيجيلي انهيار عصبي وممكن اعيط يغمي عليا اصوت  
المهم عشان كدا الكل شايفني  وحشه محدش فكر يقول البت دي اتظلمت البنت دي انضربت واتكسرت قدام الكل وبردو دي بنت لمعلوماتكوا مكنش اي حد في البيت بينضرب حتي لو ضربه بسيطه كان عقاب باي شئ تاني غير العنف 
المهم اختي بقي رقم 2 دي شخيتها متسلطه عاوزه تكون هي المسيطره وهي اللي كلمتها وماشيه وهي الكبيره وكلام من دا عمرها مفكرت تكون ليا اخت حتي بعد مكبرنا المهم واحنا صغيرين اتعرضت منها لمواقف وحشه كتير اوي اوي اقلهم لما كنت بقع في مشكله زي اي شخص كنت ببقي عاوزه اجري علي اي حد احكيله وافضفض معاه او حاجه حلوه كنت بروح كانت بتحسسني ان انا كافره اعوذ بالله حتي الحاجه الحلوه حقدها كان باين فيها اوي المهم هي بنت جوايا تجاها حوائط سد كتير اوي اوي بقت بالنسبه ليا بعبع بجد مش هزار 
المهم اختي دي انا طبعا مسافره عشان دراستي مش بروح عندهم غير قليل طبعا نزلت في مره هي مش عاجبها الوضع ازاي تكون في كليه زي دي وانا لا ازاي الكل فرحان بيها ازاي هي ماشاء الله ناجحه حقد وغيره وغل تروح تعمل ايه عشان توقع الدنيا تروح تتكلم في شرفي وعرضي ويشهد ربنا علي كل كلمه بقولها انا اقسم بالله مفي كلمه واحده من اللي هي قالتها صدق ولا كلمه طبعا انا الموقف دا جاب اخرته المشكله هي عشان من النوع اللي عارفه تاخد الكل تحت باطها المهم لما راحت قالت لماما واختي الصغيره طبعا الكل صدقها وصدق اني اعمل كدا وانا اقسم بالله العظيم محصل مني ولا كلمه من اللي قلته طبعا كل كلامها بالدليل اللي معايا انها غلط وكذابه طبعا هي عماله تكلمهم وتقولهم عاوزه اصالحها ومش عارفه ايه ومطلعاني انا اللي قلبي اسود ووحشه مش انا اللي اتقال عليا اني *انيه المهم انا قولت زي ماهي جات وقالت اني عملت والكل صدقها تيجي وتقول اني معملتش عشان بردو الكل يصدق اني معملتش حاجه 
ومش عاوزه منها غير كدا 
طبعا احنا بقالنا سنه مش بنتكلم وانا مش قادره اسامحها وصراحه حتي لو جات واعتذرت فات كتير اوي اوي اوي مش هقدر اسامح من قلبي اه ممكن ارجع اتعامل معاها بس مسامحه لا 
طبعا انا ابويا بردو وامي ظلموني كتير وكسروني وحرفيا انا دلوقتي معتش بعرف احط عيني في عين اي حد وشايفه نفسي قليله اوي اوي برغم اني الحمد لله ناجحه جدا بس شايفه نفسي قليله اوي انا مش قادره اسامح ولا ابويا ولا امي برغم انهم اقسم بالله بيعملوا حاجات كتيره اوي كويسه عشان لما كبرت دلوقتي بس مش عارفه احس بطعم اي حاجه حرفيا قلبي بقي جامد من نحيتهم بس والله غصب عني انا والله بيصعبوا عليا ومش بستحمل عليهم الهوا بس انا كسروني انا عايشه كل يوم في عذاب اني مش قادره اسامح 
لو جيتوا قولتولي طب ايه يراضيكي نفسي اوي ابويا يجي قدامهم كلهم زي مكسرني ويقولي انا غلطت في حقها وظلمتها وكسرتها وجيت عليها ومفهمتهاش واني فعلا اثأت تربيتها وكنت غلط وزي مكسرتها قدامكوا جاي ارد كرامته واعتبارها تاني واتمني تسامحني وتقبل اعتذاري اقسم بالله بعدها هجري عليه ابوس رجله واقوله سامحني اني شلت منك طول الوقت دا يرد ليا كرامتي يخليني اعرف ارفع راسي تاني 
انا كل يوم بموت من اللي بيحصل فيا من نفسي انا دلوقتي بسبب الضغط النفسي الحمد لله اللهم لا اعتراض عندي العصب الخامس والسابع والضغط والسكر نفسي 
والقولون العصبي ومعده عصبيه الحمد لله علي كل شئ  انا نفسي حد يرد عليا ويريحني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_52995 🇪🇬

منذ شهر واحد

شعور خجلان

انا طالب في اخر سنه في الجامعه عندي ٢٢ سنه من خمس سنين بدأت شغل في مكان جمب بيتي واتصاحبت علي صاحب المكان هو حد محترم وبيعزني جدا لكن اتطورت صداقتنا لحد ما بقينا من ٣ سنين بنخرج سوا وهو كان بيشرب حشيش وخمرا وانا كنت الاول بخرج معاه بس عشان كنت يعتبر لوحدي في الدنيا بعدين شويه بقيت اشرب معاه نفسين تل

Lemon_50969 🇪🇬

منذ شهرين

شعور مكسور القلب

عبّر عن شعورك بشكل مجهول

احنا ليه وصلنا للحاله دي ياجماعه ؟ كلنا عندنا مشاكل! لو بصينا لاصل المشاكل دي هنلاقي أنها يا ما كانت بسبب صدمات في الطفوله أو بسبب البشر البشر دول مصيبه ممكن حد يدمرك ويخليك ف اوحش حالاتك وممكن واحد يخليك تحب نفسك ويخليك تحب الحياه وتبقي ف اسعد حالاتك بس نهايتها ايه؟ ما اكيد الشخص ده هيسيبك زي الي كانو معاك قبل كده والي أقصده أن حياتنا بقت بتترتب علي وجود الاشخاص ف حياتنا بس هل فكرنا قبل كده أننا نكون الشخص الي بيسعدنا ويخلينا نحب نفسنا ؟ يمكن الموضوع معقد شويه بس احنا لو لقينا الحب الي ملقناهوش من اهلنا ولا من الغريب هنكون بخير والحب ده عشان يدوم لازم يكون من نفسنا طالع من قلبنا لحد ما يجي الشخص الي ربنا مقدره لينا بس برضو لما يجي بلاش نبطل نحب نفسنا بلاش نبني سعدتنا علي بني ادم مستغل الا من رحم ربي يعني ده بناءاً علي الاشخاص الي  بتدخل حياتنا ترسم سعاده مؤقته وورا السعاده دي في كابوس مستنينا بالنسبه بقا لصدمات الطفوله أو أننا ملقيناش حب واحنا صغيرين ف كبرنا غير سويين نفسيا وبندور علي الحنان والحب من الاشخاص الغريبه الي هي برضو مرت بنفس الي عشناه ده ونبدا نتعلق بيهم نحبهم ونشوفهم حب حياتنا الي استحاله يبعدو عننا وهما لما يلاقو حد يديلهم حب اكتر منك هيبعدو لأن الإنسان بطبيعته طماعه بيميل للاكتر ف صدامات الطفوله واننا ماخدناش حب من اهلنا واحنا اطفال ده اكبر سبب لأننا نلجأ للبشر ونبني سعادتنا علي ناس وعارفين ايه رد فعل الاهل لا يعرفو أننا بندور علي حنان وحب من ناس غريبه؟؟ اول حاجه بيعاقبونا بنتعاقب لاننا محتاجين بنبقي محرومين ومتعاقبين نبنقي نفسنا ف حاجه ومش بنلاقيها ومع ذلك لو فكرنا ندور عليها أو نطلبها بنتصنف أننا متربناش كويس أننا نحب حد احنا مش متربيناش كويس احنا 75% من التربيه بتاعتنا كان ناقصها حب وحنان لو كان اهلنا حبونا وربونا ببساطه وبهدوء نفسي عمرنا ما كنا هنلجا للغريب بس احنا تربينا ف صراع نفسي اتربينا بين اهل أقصي معرفتهم عن التربيه انهم يقولو عيب وغلط والمجتمع حرم الحاجه دي وعيب تقولي لخواتك انك بتحبيهم وكل الهطل ده ف طلعنا مش سويين نفسيا كل ده غلطه من الاهل عشان كده احنا معقدين نوعا ما ف كل مشاكلنا دي نتيجه لعدم حب الاهل لينا واحنا اطفال انا لحد دلوقتي لسا مفتقده حب الاهل عشت كتير ومتحبتش عشان كده دلوقتي لما امي مثلا تقولي أنها بتحبني انا بحس بعدم ارتياح بتضايق وبتخنق لاني متعودتش علي كده بخاف من اهلي ودايما عاملينلي رعب نفسي مش بعمل الحاجه الي تسعدني لا انا بعمل الحاجه الي مش هيزعقولي عليها دايما متحكمين وبيزعقو عشان كده علاقتي بيهم رسميه جداً رد علي قد السؤال لو مفيش سؤا مفيش كلام علاقتي بصاحبي والناس الغريبه احسن مليون مره من علاقتي بأهلي لاني اتربيت علي تلت كلمات هما عيب وغلط وحرام غير بقا العقاب اليكنت بتعاقبه لاتفه الاسباب ده خلي عندي ADHD وتعلق مرضي وكمان عندي انفصال عقلي اني بخترع خيال وحياه كامله علي مزاجي واحقق فيها الي نفسي فيه ودي أسوأ حاجه لاني اوقات مش بعرف افرق بين الواقع والخيال والحاجة الي بتخيلها بعيشها ف الحقيقه يعني لو مثلا تخيلت اني تعبانه وانلف الحقيقه سلميه بتعامل مع الناس ف الحقيقه اني تعبانه مش بقوم من السرير وبفضل كده لحد ما السيناريو الي ف خيالي يتغير كل الي بيحصلي أو بيحصل ل90% من الناس هو بسبب صدمات ف الطفوله وسببها الاهل الأهل هما السبب الرئيسي ورا كل مشاكلنا عشان كده احنا لازم ناخد بالنا من اطفالنا لما نكبر ونربيهم تربيه سليمه مش زي ما احنا اتربينا بلاش يعيشو نفس الي بنعيشه بلاش بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_21113 🇪🇬

منذ 5 أشهر

شعور غبي

انا عندي مشكله أن انا كل وقتي بستخدم التيليفون و عارفه ازاي اعمل كدا بس المشكله ان التيليفون بيلهيني عن الحياه المعفنه الي انا عايشاها و بفكر كتير من غيره و اوقات بفكر في الانتحار كانه المنقظ الوحيد أو العالم الي بيخليني اكمل حياتي بس انا عايزه اركز في مذاكري اكتر بس مش عارفه اركز بجد اوقات دماغي بح

Chilli_40631 🇪🇬

منذ 5 أشهر

شعور متعب

السلام عليكم انا من صغري وباخد في صدمات وبعدي منها صدمات كتير لغايت وقتي الحالي بس خلاص انا بقا تفكيري مشتت علي طول مبعرفش اشتغل دقيقه علي بعض دماغي بتقف يأما افكر في حجات اذتني يأما تقف خالص زاسرح من غير تفكير الذكاء والذاكره بقو صفر المشاعر مفيش كنت بزعل وبضايق دلوقتي تبلد تام مش حاسس بحاجه غير

Strawberry_11964 🇪🇬

منذ 6 أشهر

شعور خجول

معرفش دا امتى حصل بس انا بقيت واخده اتتيود الناس الكبيرة ‏- بتكلم في ال سبيكر - احلي ويك اند عندي اللي بقضيه في البيت - بقول"عيال اليومين دول"‏ ايه دا مفيش تريند بيعدي من تحت أيدي ؟ - لما الاقي كرسي في اي محل بقعد عليه مبفضلش واقفة - بخرج ومبتصورش & بتصور وبحتفظ بالصور بس مبنزلهاش( بعد ما كنت مهو

Strawberry_51933 🇪🇬

منذ 6 أشهر

شعور متعب

Strawberry_51933 🇪🇬

منذ 6 أشهر

شعور متعب

انا عندي ADHD و مش قادرة اعبر عن اللي جوايا لكن انا في صراااع ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه

Hazelnut_44469 🇪🇬

منذ 7 أشهر

شعور وحيد

Sugar_49831 🇪🇬 هنصحك نصيحة حاااول على قد ما تقدر تداااوم على قيام الليل لو ركعتين وركعة وتر وادعى بكل اللى نفسك فيه وخرج اللى جواك لربنا عيط وخرج اللى جواك لربنا بلاش تراكم وانت مش صغير دور على بنوتة كويسة واتجوز اختار صح بنوتة صالحة تمسك ايدك للجنة وتعينك متزودهاش عليك اختار بنوتة حنينة تعوضك وتسندك وربنا يكتبلك كل خير يارب 🤲🏻

عرض الكل 19 نصيحة

عبّر عن شعورك بشكل مجهول

سلام عليكم 
ازيكوا قبل الدخول ف تفاصيل انا حابب الكل يشارك وحتي لو متعرفونيش إن لم تقل خيراً فادع لي ..
انا 22 سنة من فترة مش بعيدة من2020 وما بعدها دخلت ف دوامة اكتئاب واكتشفت لما روحت للدكتور النفسي اني عندي ADHD ودا سبب كافي يجيب مصايب اكتر من الاكتئاب ونفسيتي كانت مدمرة وعندي صدمات دا غير أن طفولتي مكنتش لطيفة
وعندي أزمة دائما ملازماني اني وحيد وللاسف أنا اكبر اخواتي والشخص اللي بيعتمد عليه ف كل حاجة بس طبعاً مفيش حد هيفضل طول الرحلة جامد اكتشفت بعد سنين أن الأخ الكبير محتاج أخ كبير وكان نفسي يبقي ليا اخ او اخت كبيرة تعوضني حنان واهتمام وحنية لأني عشت اسوأ فترات حياتي ف طفولتي ولوحدي كانت كلها ضرب ومد أيد وكل شئ بالاجبار  انا حاليا مازلت بمر بمشاكل وأزمات بس الحمدلله احسن من الأول بكتير ونضجت وقدرت اتعافي شوية من معظم الصدمات و اجتماعيا كويس جدا بس دايما حاسس برغم كل اللي حواليا اني لوحدي يمكن عشان محدش حاسس بيا أو بيفهمني (( وكانت ليا بنت خالتي اكبر مني بحوالي سنتين كنت بحبها جدا جدا ويعلم الله اني كنت شايلها كل الاحترام والتقدير وبقدم ليها كل ذرة مجهود بكل حب ومودة من كل قلبي كانت وكنت مهتم بيها كحب أخوي مش ف دماغي لا شهوة ولا اي حاجة ولكن مع مرور الوقت هي مبتقدمش و انا بدأت ازعل واعاتبها كتير أنها مش مهتمة اوي والدنيا والشغل واخدين كل وقتها وحصل ما بينا كذا موقف خناق وشد وكدا كانت بتسيبني زعلان كتير وف كذا موقف اتخذلت منها واتوجعت وبترجع تتأسف بحبها ومسامحها بس غصب عني الخذلان و الوجع معلم جوايا مكنتش اتمني تعمل معايا كدا لأني حافظت ع قلبها وحبيتها وخوفت عليها دايما في غربتها وياما سافرت كنت معاها لحظة بلحظة كأنها مني وبرغم اني ف وسط العتاب والكلام قولتلها كتير أنها كل حاجة بالنسبالي واني وحداني وعاشت معايا ظروفي و راحت مرة معايا للدكتور وعندها علم من بيئة ل نفسية ..وإلخ إلا أنها مشيت . لا اخفي عليكم سرا.. هي كانت اختي اللي كنت اتمني تبقي من لحمي ودمي ..معرفش لو هي هنا وهتشوف الكلام دا ولا لأ بس كنت اتمني أنها تفضل جنبي أنا عيطت كتير عشانها  وحاولت أفهمها اني مليش غيرها بس هي تقريباً اختارت تمشي وارجع أنا تايه :) .
 حبيت اتكلم هنا عشان معنديش حد اتكلم معاه بكل صراحة عن اللي جوايا من غير تردد .. 
لو وصلت لهنا فأنت شخص جميل اتمنالك كل السعادة يا صديق♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع