مشكلتي مع ADHD وفرط الحركة والحكي الزائد

Question

hi
انا اول مرة اقول مشكلتي على العلن كدا
هو فيه كذا حاجة عندي 
انا مبدايا ADHD باختصار فرط الحركة الي عندي بيخليني اتعلق بالناس ومقدرش ارفض اي طلبات ليهم خوفا ليبعدو 
حتى لو على حساب نفسي دا كان مسببلي أزمة زمان بس بدات اتعايش
الي انا بعاني منه ان بسبب فرط الحركة محليني احكي كل حاجة لاي حد
مرتبي كام بشتغل فين اسراري رايحة فين جاية فين 
مش بعرف اكنترول 
دي حاجة مش حلوة ومش عارفا اسيطر عليها
لان الي بيبقى عندهم ADHD بيبقو اجتماعين بزيادة وبيبقو عايزين يكسبو الي ادامهم خوفا من انهم يبقو لوحدهم ودي عايزا اكنترولها ومش عارفا+ مترددة جدا جدا وباخد راي الي حواليا على عكس شخصيتي

Apple_72445 🇪🇬 · Accepted Answer

انا بشوف أن الحالة دي الأنسب ليها انها كأنها بتبدأ من الصفر يعني تبدأ مع نفسها مع علاج نفسي أنها تبدأ بقي تغير من المعتقدات والافكار عن نفسها واللي حواليها .. ما هو ال ADHD بتعالج ع فكرة ودي من ضمن استراتيجية علاجه وبرشحلك أنك تشوف حلقة الصحيح عن الموضوع ده في كل الحاجات دي وتكون عارف اهم حاجة أن الموضوع مش هيجي فجأة أو أن جلد الذات هيحل حاجة بالعكس دي بتكون نتائجة عكسية

Cheese_72500 🇪🇬 · Answer

قبل أي فعل ادي لنفسك ثواني للتفكير استني فكري الفكره الصبر حتي في الرد هتخليكي تتمرني علي نفسك تبقي احسن

Coconut_66194 🇪🇬 · Answer

عندي نفس المشكله😔

Cherry_72506 🇪🇬 · Answer

كنت زيك حد ماخدت صدمات كتير خالتنى انا اللى ابعد عن الناس و اخاف من اى تجمعات و اشتغل فى الصحراء عشان ابعد فالحق نفسك و حاول تسيطر و غير محيط معارفك لأنهم مش حايتقبلوا اى تغير فى تعاملك معاهم و دايما افتكر ان الاهل اقرب ناس لك و اكترهم صدقنا فى حبهم لك

Strawberry_72516 🇪🇬 · Answer

انا كمان كنت كده لحد ما اخدت صدمات ف حياتى من اقرب الناس ليا دلوقتى بقيت اخاف من الناس وبهرب لو لقيت حد بتقرب منى اوقات طبعى بيغلب عليا بس بقيت اكنترول ع نفسي واهتم بنفسى اكتر