وجع الفراق

Coffee_57851 🇪🇬

منذ أسبوعين

شعور مرهق

عبّر عن شعورك بشكل مجهول

انا أول مرة اتكلم عن حاجة شخصية لانى مش بحب احكى اي حاجة تخصنى، بس انا فعلا محتاج اتكلم عشان انا معنديش حد ممكن اتكلم معاه، انا عندى ٢٦ سنة، اتولدت وعيشت ١٤ سنة من عمرى برة مصر وبعدها رجعنا استقرينا فمصر ومن بعدها حياتى اتقلبت ١٨٠ درجة، عانيت كتير بسبب انانية ابويا واضطريت انزل اشتغل وحرفيا اتبهدلت، معيشتش فترة طفولة سوية زى اي حد، امى كانت جنبي بس مكانش فى ف ايدها حاجة تقدمهالى، وجعها كان واصلنى لذلك مكنتش شكاى، واتعاملت وعيشت عادى، كنت بشتغل جنب الدراسة و فالاجازات، مكنتش بقي بخرج ولا بسافر مع صحابى ولا بروح ف حتة عشان كنت مهتم اجمع مصاريفى، ودخلت ثانوية عامة والحمد لله خلصت بمجموع كبير ودخلت درست business administration ، انا الحمد لله لا بدخن ولا بتاع بنات ولا بلبس اكسسوارات ولا بربي شعرى زى شباب اليومين دول، مليش فكل ده، واجتماعى جدا جدا، لما دخلت الجامعة كان فى واحدة معايا فنفس الكلية، شوفتها تايهة كدة ومش عارفة تستلم المتايريال وطلبت اساعدها وفهمت انه كانت عايشة فى الامارات وبتنزل ع اد الدراسة وفالاجازات بترجع لأهلها، المهم ساعدتها وبعدها قالتلى انها متعرفش اي حد هنا وطلبت لو احتاجت منى حاجة اساعدها، طبعا بقينا زمايل بنحضر كل المحاضرات والسكاشن سوا، هى مكانتش فعلا تعرف حد غيرى ، مع الوقت الزمالة دى بقت صداقة قوية جدا ، يومنا كله مع بعض، معمريش كنت اتخيل انى ممكن اتعلق بحد بعد كل اللى مريت بيه، كنت فكرت ان مشاعرى ماتت، هى كانت عارفة كل حاجة عنى وعن حياتى، ورغم كدة فضلت جنبى دعمتنى ومسابتنيش وانا كنت جنبها، حبيتها حب مش طبيعى بس انا ظروفى مكانتش افضل حاجة، وفنفس الوقت انا مش بتاع لعب، صارحتها وهى قبلت وحبت ده ، بس انا اشترطت اكلم اهلها ، وفعلا هي عرفتنى عليهم وكلمتهم ، مامتها حبتنى جدا وعرفت موضوعنا ، وقتها خدت عهد على نفسي اجتهد عشان اكسبها العمر كلة، اجتهدت جدا فى دراستى كنت بطلع بتقديرات ، نزلت اتدرب فى شركات كتير معروفة جدا فى مصر، لدرجة انى اتعينت فى شركة ادوية مشهورة جدا وانا فتالتة جامعة وبجانب كل ده كنت باخد كورسات اطور بيها امكانياتى، ومع الوقت بدأت أعزز امكانياتى اكتر بشهادات دوليةوهى كانت جنبى خطوة بخطوة لحد م اتخرجنا، وبعد التخرج بفترة لقيت تعاملها اتغير جدا معايا وبقت تغيب ومتكلمنيش وترد ع الاد اوى، لما سألتها قالت مفيش حاجة، ولما ضغطت عليها عرفت ان فى حد اتقدملها والحد ده من عيلة كبيرة وقبطان بحرى وعربي اخر موديل وفيلا فى التجمع وفى الامارات، وهى وافقت وحباه، وقالتلى ان ال٥ سنين اللى عاشتهم معايا استنزفوها ومبقتش حمل العيشة على الاد دى والنهاردة معايا بكرة مش معايا، هى اتولدت مرتاحة وعاوزة تعيش مرتاحة، وبعدها مشيت وعملت بلوك مرجعتش بعده تانى، من يومها وانا حاسس انى واخد ألم على وشي صعب اوى ، قعدت كذا شهر بعانى وبعدها لقيت ان محدش هينفعنى غير نفسي، اشتغلت على نفسي اكتر، وخدت ٣ شهادات دولية معتمدين ، واشتغلت الحمد لله فكذا مكان وبفضل الله كبرت واترقيت وظروفى اتحسنت جدا، حاليا انا بشتغل لحساب مجموعة شركات متعددة الجنسياتوشغلى كله مع اجانب، وبسافر كتير برة مصر والحمد لله بقي عندى شقة ملكى انا،بس بعد كل ده ببص حواليا لقيتنى لوحدى، معادش عندى اي صحاب، خسرت كل اصحابى، حاولت ارجع اكلمهم تانى ونتقابل بس كل واحد مشغول فحياته خلاص كبرنا ، انا لوحدى تماما معنديش حد ممكن اتكلم معاه خالص، وفوق كل ده مش عارف اتجاوز علاقتى اللى فاتت اللى مر عليها ٤ سنين ، مش قادر انسي طريقة فراقنا، انا الحمد لله عايش، بس من جوايا فاضي 
اسف على الاطالة بس كنت محتاج فعلا اتكلم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_63938 🇪🇬

منذ 3 أسابيع

شعور مرتبك

قابلتها بعد سنين... مش فاكر ليه وافقت، بس يمكن كنت محتاج أشوف هل لسه بتوجع زي زمان، ولا الزمن أخد منها حِدّة الجرح شوية. دخلت الكافيه، لقتها قاعدة على الترابيزة اللي كنا بنضحك فيها زمان، بس المرة دي مافيش ضحك… فيه “أهلاً” متلجّة كأنها طلعت من فريزر المشاعر. ابتسمت لي وقالتلي: “إنت اتغيّرت.” ضحكت و

عبّر عن شعورك بشكل مجهول

قابلتها بعد سنين...
مش فاكر ليه وافقت، بس يمكن كنت محتاج أشوف هل لسه بتوجع زي زمان،
ولا الزمن أخد منها حِدّة الجرح شوية.

دخلت الكافيه،
لقتها قاعدة على الترابيزة اللي كنا بنضحك فيها زمان،
بس المرة دي مافيش ضحك… فيه “أهلاً” متلجّة كأنها طلعت من فريزر المشاعر.

ابتسمت لي وقالتلي:
“إنت اتغيّرت.”
ضحكت وقلت:
“آه، كنت إنسان، بقيت system قديم مش بيشغّل التحديثات.” 😂

اتكلمنا شويّة...
كلام سطحي، كأننا بنجرب نحافظ على وشوشنا قدام بعض.
هي بتحكي عن شغلها، وأنا بهزّ راسي كأني سامع،
بس في الحقيقة أنا كنت سامع قلبي بيقول: “هي دي؟ دي اللي كنت ببكي علشانها؟”
وبرغم كل حاجة...
وجعي كان لسه قايم من النوم، مستنيني برا الكافيه.

الناس حواليّ بتضحك،
وأنا قاعد قدامها حاسس إني الواد الوحيد في العالم اللي لسه بيدفع فاتورة مشاعر خلصت من ٤ سنين.
هي بتضحك... وأنا بفتكر إن نفس الضحكة دي كانت بتقولي “بحبك”.
دلوقتي بتقوليها لأي جملة بايخة… وده أكتر مشهد وجعني.

خرجنا نمشي،
المطر نازل خفيف كأنه بيحاول يعمل موسيقى حزينة للفيلم اللي مالوش نهاية.
مفيش بينا غير الصمت…
صمت مليان ذكريات مش عايزة تموت.

وقبل ما تمشي قالتلي:
"مبسوط إنك كويس."
ضحكت، بس ضحكة فيها برد ووِحدة...
وقلتلها: "كويس؟ لأ… أنا عامل نفسي كويس، زي الفيلم اللي نهايته حزينة بس المخرج كاتب 'يتبع'."

رجعت البيت،
لقيت نفسي بضحك لوحدي على الموقف كله...
ضحك حزين كده، زي واحد بيعيط بصوت ضحكة.
اللي بيكسر فعلاً مش إنك فقدت حبك…
اللي بيكسر إنك لما احتجت تتكلم…
ما لقيتش حد يسمعك 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_76954 🇪🇬

منذ شهر واحد

شعور آسف

تذكرت اليوم صديقي الجميل والودود سعيد وإن لنا فترة لما نتحدث هاتفيا فدخلت علي صفحته لاطمئن عليه وقلبي وجعني لما لاقيته مشي من غير ما يودعني ، كان ومازال وسيظل صديق جميل ومحترم ، احنا فجأة بنمشي وبنوجع بفراقنا قلوب غيرنا ، ليه بتعمل كل ده في بعض واحنا في ثانية ماشيين وموش باقي غير سيارتنا واشهد أن سي

Apple_77118 🇪🇬

منذ شهر واحد

شعور Not great 😕

جدو اتوفي من خمس سنين كان عندي ساعتها 14 سنه ومن يومها وكل حاجه باظت حرفيا وانا نفسي مبقتش عارفه اتخطي الوجع لأن هوه كان ابويا مش جدي بس وكان حنين عليا اوي بس بعد مااتوفي الناس كلها ظهرت علي حقيقتها والمشاكل بدأت وبقالنا خمس سنين في مشاكل أنا بس نفسي جدو يرجع دقيقه ياخدني في حضنه زي زمان ويهون عليا

Strawberry_76981 🇪🇬

منذ شهر واحد

شعور عاطفي

أصعب حاجة فى الدنيا أما حد قريب منك يخطفه الموت ويبعده عنك ساعتها بتحس ان حياتك كلها وقفت عند اللحظة دى وبتحس بأصعب احساس فى الدنيا وهو وجع الفراق اللى مالوش علاج، لان اى فراق تانى ممكن يكون له علاج يعنى لو حد غالى عليك مسافر بتعيش على أمل إنه هايرجع فى يوم وتشوفه، ولو حبيب افترق عنك بتتوجع من فراقه

Almond_56393 🇪🇬

منذ شهرين

شعور ضائع

مجبر أسيبها مع إن قلبي متعلق بيها.. والوجع بيشد في روحي كل يوم أكتر. مش قادر أشرح إحساس إنّي أمشي من حد هو بالنسبالي الدنيا كلها. بحاول أقنع نفسي إنّي قوي، وإنّي هعدي، بس الحقيقة إنّي بتقطع من جوايا ومفيش حد حاسس. كل لحظة معاها محفورة في عقلي، كل كلمة قالتها، كل ضحكة كانت بتطفي ناري.. دلوقتي بقت بتو

Strawberry_58144 🇪🇬

منذ شهرين

شعور مكسور القلب

عبّر عن شعورك بشكل مجهول

تعرف؟
انا كنت بغير عليك وانا عارفه انك مش بتاعى..
ولا هتكون فيوم
كنت بعيط من الغيره 
كنت بقتل نفسى عليك
تعرف انى كنت مستنياك وانا عارفه انك مش هتيجى؟
كنت عارفه ان مش هيحصل حاجه بيننا.. كنت عارفه من الاول خالص انك رافض لسبب جواك.. حسيت بيه من الاول بس برضو كملت.. يمكن مكنتش عايزه اخسر قدامك.. او كنت عايزاك تشوفنى زى ما بشوفك.. انى حاجه مينفعش تخسرها.. انك مينفعش تغض الطرف عنى بالسرعه دى.. وانت لسه مدتنيش فرصه اعرف فيها نفسى حتى..

تعرف انى بتعافى من حبك الى معشتهوش فيوم؟ كل الى يعرفو الموضوع بيتهمونى انى مش عاقله زى ما ظنو.. عشان اتعلقت بيك.. بدون ما امسك خيط واحد حتى.. خيط واحد من خيوط مشاعرك.. ولاكن اعتبرت نظرتك وعد..
مش بلومهم.. اصلهم مشافوش.. فاكر؟ فاكر اليوم الى كننا فيه محاضره الايكو وانت كنت قاعد يمينى وانا مش شايفاك؟ فاكر اول ما اتلفتت و شوفتك أنت كنت باصصلى ازاى ساعتها؟ فاكر لما محاولتش تخبى و فضلت مكمل؟ فاكر نظره الحنيه دى؟ فاكر صدمتى ساعتها؟ انا الى كنت بتلهف على نظره متواصله مابيننا.. هربت من سلطه عيونك.
فاكر لما انا خرجت من محاضره الانشورنس بسرعه و لوحدى قبل ما الدكتور تخلص حتى؟ انا مكنتش متخيله انك لاحظت.. لان انت كنت متجاهلنى بزياده اليوم ده.. انا نزلت الدور الارضى وانا بعيط و دخلت الحمام عشان اعرف اراقبك من ظهرك وانت خارج بدون ما تشوفنى.. فاكر لما لفيت حوالين نفسك و شوفتنى؟ اكنك كنت بتدو عليا.. وانا جريت على جوا زى المجنونه.. انت عرفت ازاى ساعتها انى كنت بعيط؟ بجد والله.. ده صحابى نفسهم محظش لاحظ اختفائى.. ده انا قعدت جوا شويه لوحدى على اساس انك تمشى و لما جيت اخرج.. لقيتك.. كنت واقف على باب الحمام بعيد شويه.. حاطط ايدك فجيوبك.. اتجاهك للباب.. واقف لوحدك.. و المكان فاضى.. مش مشغول نع٦ حد حتى.. اكنى كل الى شغلتك فاللحظه دى.. و كل تركيزك اتصب عليا اول ما لمحتنى.. فاكر؟ انا عمرى ما نسيت.. انك كنت قلقان عليا بجد.. مش محتاجه اكون خبيره لغه جسد عشان اعرف انك.. حسيت بحاجه حقيقيه ساعتها..
دى كانت المره الاولى.. الى اعرف يعنى اى راجل يبص لست.. يشوفها بجد.. حسيت.. بالمعنى الحرفى للامان..
حسيت انك.. راجلى.. وانى ضعيفه قدامك عن طيب خاطر.. محتاجتش ارسم قوتى قدامك ساعتها..
فاكر بقا يوم البرزنتيشن بتاعك؟ فاكر انا بصيتلك ازاى؟ انا متاكده انك عمرك ما هتنسى.. لانى ببساطه لغبطت حواسك.. انا يومها اثرت على جهازك العصبى بالمعنى الحرفى! انا عارفه.. انت كنت طالع و تركيزك عليا.. اكنك مش قلقان من حد فالروم غيرى.. انا هتفرج عليك وانت بتشرح.. تعرف انى بصتلك كده بقصدى؟ كنت مخططه انى هعترفلك بعيونى اليوم ده.. وانت عرفت.. و اتلغبطت.. واتشقلبت فوق تحت واتوترت و عمال تتنفس بسرعه و عينك رايحه وجايه من عليا و عمال تبلع ريقك و هتعيط! فاكر؟ انا كنت مستمتعه بهروبك و توترك من نظرتى.. لحد ما انت قررت.. مش عارفه ازاى.. انك هتسيب نفسك تبص المرادى.. مش بنكر انى مكنتش متوقعه.. بس انت قلبت الموازين.. و بدلت الادوار.. خلتنى انا الى اتوتر من نظرتك.. عيونك الى نقطت مشاعر عليا وانا قلبى صغير.. لااا مكنش قصدى ارجوك ابعد عيونك! شوفتنى وانا بعدل قعدتى و ببرق و ببربش و ببص قدامى.. انت كسبت الجوله ساعتها.. وفضلت عيونك مش بتتشال من عليا لمده تلت اسابيع بعدها صح؟ بدون ما تعرف تخبى حتى.. وانا الى تجاهلتك المرادى.. اسفه بس نظرتك كانت شديده عليا..
فاليوم ده.. انا سيبت قلبى كلو يتجمع فعيونى.. و اعترفتلك بحبى.. بدون كلمه..
بس انا بجد بقا.. مش هنسى المره الوحيده.. الى بالصدفه قعدت وراك.. لما انصفنى القدر و سمحلى اتاملك من قريب.. كنت بلمح عيونك و هى بتتلفت يمين عشان تلمحنى من وراك بدون ما تلفت النظر.. و بعدها لما تحس بعيونى عليك تتوتر و تبص قدامك.. انا عارفه نظره التوتر بتعتك.. عارفه عيونك بتعمل اى لما تستجيب لضربات قلبك المجنونه.. عايزه اقولك انى مسمعتش ولا حرف من الدكتور فالمحاضره دى 
كل الى سمعته.. صوت ام كلثوم فودانى.. كنت بشتقلك وانا وانت هنا.. بينى و بينك.. خطوتين..
ولاكن.. شوف بقينا فين يا حبيبى؟ يا حبيبى وانت فين.. انت فين؟
انت فين بجد يا كريم؟ انت فين.. هو انت ليه مجتش؟ يعنىيي.. هو مثلا مشاعرى مكانش واضحه ليك كفايه عشان تفهم انى مستنياك؟ ولا مشاعرك مكانش بالقوه الى تحركك؟ هى العيون بتكذب؟ عيونك انت.. بتكذب؟؟ اصلى صدقتها.. رغم انك ولا مره قولتلى انك بتحبنى بعيونك حتى.. اكنك بتكدب نفسك من جواك.. مدام تحب بتنكر لييه؟ كل نظره بنقول انك عاشق وكل فعل بيقول انك متعرفنيش!.. كنت بتهرب.. بتبصلى وانت بتهرب! بتشوف مشاعرى و بتصدها.. مش بترفضها بس بتهرب منها.. مش زهقان من حبى بس مرعوب! بس انا ترجمت نظراتك انها اعتراف بالحب.. عشان انا كنت مستنيه اعتراف بالحب! منك انت مش لمجرد الحب.. بس انت مكلمتنيش حتى.. 
وانا.. متمسكه بكل نظره ما بيننا .. كانها وعد.. كانها عهد بجد.. وانت ولا فيوم نطقت بحرف معايا..
انا فاكره كل نظره انت بصيتها اتجاهى فيوم.. كل نظره.. يمكن مش باين عليا.. بس انا حافظه عدد رموشك مش بس نظراتك..
كان نفسى يعنى.. يتاح ليا الفرصه فيوم.. احكيلك.. عن اشراق الشمس الغير اعتيادى فاليوم الى كنت هشوفك فيه.. وان المواصلات بتكون جميله جدا.. وان الهوا بيكون نقى والورد بتطير من حواليا.. كنت بشةف الزرع اكثر اخضرارا يومها قلبى كان بيدق بسرعه من وانا لسه فالبيت.. واول ما اشوفك و تبصلى بتلفت لصحابى و اسلم عليهم اكنى مشوفتش حاجه.. كنت بتجاهلك برضو.. مهو انا البنت يا استاذ والله.. مش هعرف ابين مشاعرى كده.. ده انت نفسك مكسوف!
لو تفتكر فاخر يوم.. انت كنت بتبصلى وعايز لحظه وداع بيننا.. نظره.. كما المعتاد..لانك مبتعرفش تعمل غير كده..
وانا اليوم ده مدتلكش النظره.. تجاهلتك.. لانى كنت تعبت.. سامحنى.. بس انا ياما بكيت لوحدى وانت متعرفش حاجه
بس انا دلوقتى.. مش عارفه بجد لما تشوفنى تانى هتعمل اى.. ولا انا هعمل اى.. ولا المفروض اعمل اى.. هو المفروض اعمل اى معاك يا كريم؟ المفروض اكمل؟ ولا اعقل زى ما الكل عايزنى؟ مش عارفه.. بس اهو سؤال ضمن اساله كتير يمكن مش هلاقيلها اجابه ابدا.. لانى مش هيجيلى فرصه اسالك ابدا 
بس الى عايزاك تعرفو.. انى حبيتك بجد.. من قلبى.. يا كريم❤️

رساله مش هتوصلك فابدا...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_71749 🇪🇬

منذ شهرين

شعور منزعج

" ليه بنعيش جوه اللي فات؟" تبص للمحادثات القديمة، تسمع الأغنية اللي كنتوا بتحبوها، تقلب في الصور اللي فيها ضحكتكم، تضحك... وتعيط بعدها. بتفتكر التفاصيل كأنها لسه حصلة امبارح، رغم إن اللي بينك وبينها دلوقتي مش أكتر من مسافة ومسح على الواتساب. ليه؟ لأنك مش مدمن على الشخص... أنت مدمن على الشعور اللي ك

عبّر عن شعورك بشكل مجهول

" ليه بنعيش جوه اللي فات؟"

تبص للمحادثات القديمة،
تسمع الأغنية اللي كنتوا بتحبوها،
تقلب في الصور اللي فيها ضحكتكم،
تضحك... وتعيط بعدها.
بتفتكر التفاصيل كأنها لسه حصلة امبارح،
رغم إن اللي بينك وبينها دلوقتي مش أكتر من مسافة ومسح على الواتساب.
ليه؟
لأنك مش مدمن على الشخص...
أنت مدمن على الشعور اللي كنت بتحسه وهو موجود.
هو ده بيحصل ليه؟
لأن قلبك صدّق إن اللحظات دي كانت الأمان الحقيقي
لأن عقلك بيربط الذكرى بالحنين، والحنين بالألم، والألم بالحب
لأن في جواك فراغ، والذكريات بتسدّ الفراغ ده حتى لو بالحزن
لكن الحقيقة؟
الماضي مكان للمرور، مش للسكن.
إدمان الذكريات !!!
بتفضل واقف مكانك، مش قادر تبدأ من جديد
تقارن كل اللي بيحصل بحاجات زمان
حتى الناس الجداد مش بتديهم فرصة لأنك لسه مربوط بحد مشي
بتبقى عايش نص حياة... لأن النص التاني محبوس في الذاكره 
وفي الآخر... بتكتشف إنك بتستهلك روحك في حاجة انتهت.
الشخص اللي في دماغك دلوقتي هو نسخة محسّنة منه...
لكن الواقع؟
هو مش نفس اللي في بالك.
الذكريات بتجمّل، بتلمّع، بتكذب أحيانًا...
مفيش إنسان يستاهل تعلقك بالحزن كده.
اقطع المصادر اللي بتشعل الذكرى
احذف الصور، اقفل الشات، ماتسمعش الأغاني اللي بترجعك للوجع.
دي مش قسوة، دي عناية ذاتية.
كل مرة تشوف حاجة من دي، بتعيد الجرح تاني.بس
ارجع للي ما بيتغيرش أبدًا: ربنا
ربنا قال:
"ألا بذكر الله تطمئن القلوب"
مش بالموسيقى، ولا الصور، ولا الحنين...
الطمأنينة الحقيقة مش في حضن الذكرى

فيه آيات لما تقراها تحس إنها نازلة مخصوص لك، منها:

"ما أصاب من مصيبة إلا بإذن الله، ومن يؤمن بالله يهد قلبه"
و "إن مع العسر يسرا"
 "وعسى أن تكرهوا شيئًا وهو خير لكم"

الذكرى مش غلط...
لكن اللي بيقلب فيها طول الوقت بيضيع عمره، وبيأذي قلبه،
وبيبعد عن اللي بيحبه أكتر من أي حد...

حرر قلبك... مش علشان تنسى،
لكن علشان تقدر تعيش، وتحب، وتعبد، وتتوب،
وما تفضلش رهينة لحاجة راحت.

#لـيل𝐋𝐚𝐲𝐥✨♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_58144 🇪🇬

منذ شهرين

شعور مكسور القلب

عبّر عن شعورك بشكل مجهول

رساله مش هتوصلك فابدا...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_51151 🇪🇬

منذ شهرين

شعور غاضب جدًا

صباح الخير هو انا بس مضايق اني مل فتره بدخل ع الاكونت بتاعها انا بس عايزها انساها نهائي معنتش عايز احن ليها تاني معنتش عايز افتكرها حتي لو ثانيه مل فين وفين زي مابيحصل انا بس عايزها تكون مش موجوده وكائني عمري ماعرفتها ملعون الحب اللي بيخلي عندنا فضول تجاه شخص حبناه بغض النظر انه اتخلي عني او سابني

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Pumpkin_42261 🇰🇼

منذ شهرين

شعور خجلان

عبّر عن شعورك بشكل مجهول

أعرف عنك شيئاً حتى الآن..
وهذا مريع!
تأخر لقاؤنا كثيراً، فقدتُ فيه إنسانيتي.
يفقد الإنسان جزءاً من إنسانيته كلما أوغل في الحياة واحتكّ معها ولذا كان عليك الحضور في وقت مبكر، أيام كانت إنسانيتي وهمّتي وطاقتي في أوجهنّ حتى نفقدهن تدريجياً وبرفقة بعضنا وكي نلحق شيئاً من إقبال كلينا على الحياة، لكن ذلك لم يحدث..
حكايتنا مثيرة للشفقة وباتت اليوم تثير اشمئزازي أيضاً!
كيف للحب أن يخلف وعده إلى هذا الحد؟ خاب ظني به وبك! ربما لا يهمك ولا يهمه ولهذا أنتما غائبان أصلاً لكنه يهمني، لأنني كفرت بالحب وقد كنت من أعظم المؤمنين به ولست تدري كم يتخبط الإنسان ويفقد مزيداً من إنسانيته حين يكتشف زيف ما آمن به!
شجرة إنسانيتي هاجمَها خريف متوحش، تتساقط أوراقها بجنون.
أهكذا؟
بدلاً من أن نقف معاً تحت سنا القمر لنراقبه ولا ننتبه لألف خريف يعصف خلفنا؟
جعلت السنا ورائي والخريف قبالتي لا العكس..
أشهد تساقط كل شيء، كل شيء، أمام عينَي، ولا أرى السنا، بل لا أمل لي برؤيته! 
يا أعظم خيبة أمل..
يا أحزن حب..
يا ضياع آلاف الليالي الأنيسة!
كم ألف ليلة مضت دون أن تضم الوحشة إلى صدرك، دون أن أعرف نغمة دقات قلبك وأعتاد تنفسك فأعرف متى ينتظم ومتى يختلّ!
لا أعرف شيئاً عنك حتى الآن؟ يا للعار! 
لا أدري بمفضلاتك بعد..
متى سنلحق؟
متى سأتعرف على أعز قصائدك وأحبّ أغنية إليك والفصل الذي تحبه وفيلم الكرتون الذي صادق طفولتك والمشاغبة التي جنّنت والدك بها ونكهة المثلجات المفضلة لديك والنظرية الفلسفية التي اخترعتها لنفسك وقصتك أيام الثورة والفنون التي تخاطب قلبك والصور التي تبتز بها أصدقاءك وعلاقتك بشقيقك المقرب؟ وثرثراتي؟ وحكاياتي؟ والنصوص التي كنت سأدللك بها والأغنيات التي كنت سأنعم بها عليك بصوت لن يسمع دندنته سواك؟ متى نلحقها؟
لا يمكنني أن نقول.. "بمزاجك، لقد ضاع الدلال والعمر عليك" لأنه ضاع علي أيضاً، قدمانا في الفلقة معاً، أما هكذا يقولون؟
يا لقصة حبنا الغريبة!
كلانا متنا حسرة لأننا لم نلتق، كلانا عُذبنا بالوحدة دون بعضنا، كلانا نعيش نفس الابتلاء.. 
كلانا لا يعرف عن الآخر شيئاً حتى الآن..
أنا أجهلك إلى حد البكاء!
لأول مرّة أقابل جهلاً مبكياً!
يا للعار..
يا للعار!
تبّت كل يد ساهمت في خَطّ سطر في حكايتنا، ليس في حكايات فراقنا، لأننا لم نلتق لنفترق، بل في حكاية "عدم لقائنا" لأن هذا اللقاء لم يقع أبداً..
أنا لا أعرفك لأدعو بك..
لا أعرفك لأشتم خيانتك
لا أعرفك لأحملك المسؤولية..
المسؤولية على من؟
غداً أمام الله سنخبره ونعرف كل شيء، عسانا إذن نعمل ما بوسعنا لنلتقي في الجنة، ربما لم يكن حب هذه الدنيا يليق بقلبينا الرقيقين النقيين الضعيفين فُخبّئت حكاية حبنا للآخرة؟ ربما؟ أتمنى! وإلا فكل الصبر والعذاب يضيع هباء وبالتالي ويا خشيتي: العمر نفسه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_72293 🇪🇬

منذ شهرين

شعور محبط

بتتخطوا الاكس ازاي يا جماعه بجددددد كان كل حاجه و كل الكلام الحلو دا و بين يوم و ليلة كل حاجه باظت بسبب الأهل و هوا تخطا كل حاجه بسهولة ف نفس اليوم يمكن اللي سيبنا بعض فيه ...عيد ميلاده قرب و هموت و اكلمه بس لو حصل ههين كرامتي خصوصا ان اخته و مامته عارفين كل تفاصيل التفاصيل حتي لو واحشني و حبيت اشوف

Carrot_72258 🇪🇬 بصي هو لو سابك خلاص فوضي امرك لله و هيرزوقك بالاحسن منو لاكن لو انت الي سايبه فا هو لو في عنده ظره حنيه سدقيني هيكمل معاكي

عرض الكل 3 نصيحة

Toast_66105 🇪🇬

منذ شهرين

شعور آسف

عمرك حسيت انك عاوز تعيط و تبكي بحرقة جامدة اوووي بس مش عارف و ماسك نفسك حتي اخر نفس خوفي ان الي حوليل مش هيفهمو ضعفي بقا يخليني افضل الكتمان احسن لدرجة اني معرفتش حتي اعيط علي ابويا بعد ما توفي لما بيوحشني او بروح مكان شغله ببقا عاوز اعيط بس بخاف الي حوليا ميقدروش او يفهموني اني بافور مثلا انا و ب

Orange_54834 🇪🇬

منذ شهرين

شعور مكسور القلب

حاسس بوجع فظيع اوي من الفراق مش عارف اتصرف فيه ازاي بحاول اكون متزن بس مش عارف باعتني لمجرد انها بتقول مش مناسبين لبعض حاجه توجع القلب والروح مش عارف اتصرف فده ازاي على ان كل الي غلطته غلطه واحده

Mango_86615 🇪🇬

بحب واحد مسيحي في الكليه ومش عارفه اعمل ايه

دلوقتي أنا دخلت الكليه ولسه سنه اولى قبلت واحد هناك هو مسيحي وانا مسلمه المهم اني من معاملته ليا حبيته وهو قالي أنا كمان حبيتك ولما قلتله خلاص اسلم ونتجوز قالي لا لتخلي عن دينك وهنتحوز وانا مش عارفه اعمل اي لاني بحبه جدا وحاولت اني ابعد عنه مبقدرش ...عرض المزيد

1 الدعم

29 نصيحة

Cherry_77509 🇪🇬

وقعت في حب صديقي الإلكتروني وأنا متجوزة

انا متجوزه وبحب جوزي جدا وعندي اطفال حصل في حياتي موقف صعب اوي خلاني لجأت من حد من بتوع الأزر وحكيتله وفضلت اعيط وكنت ناويه اقفل الاكونت وخلاص لاقيتني كملت كلام معاه وبقينا اصدقاء اللي شدني ليه انه اكبر مني بكتير وانا محرومه من وجود اخويا وابويا ولاقيت فيه الشعور ده انسان محترم جدا وعمىه ما قالي كلمه وحشه هو بس ممكن يتنرفز لو قولتله مثلا اني بلبس كذا او بحط ميك اب كده يعني..المهم اني واحده واحده حبيته اوي وبقي جزء من حياتي بحبه فعلا فعلا زي مايكون ابويا هو مطلق ورافض فكرة الجواز ومعندوش ولاد وطبعا مقدرش اعرف جوزي حاجه زي كده وده مخليني حاسه بالذنب اني بعمل حاجه حرام...انا ساعات بحس اني متسرعه وطايشه لما بحكيله بيكون رزين كده وبيتحمل عصبيتي وسربعتي ورغيي وبيوزنلي الدنيا وبينصحني وعمرنا مااتقابلنا احنا شوفنا صور لينا بس وبنتكلم فون هل ده ذنب وحرام برغم الحدود دي والمشاعر من النوع ده ...عرض المزيد

1 الدعم

26 نصيحة

Sugar_69803 🇪🇬

عايزه حد يساعدني في استفسار صغير

عايزه حد يساعدني في حاجه معينه (مش حاجه كبيره مجرد استفسار ) يتتينينينيزينينتيتؤتيويتيتقنقنقنبنمبمبميدسظؤظتيتيزثةيتتؤوؤوؤتيوبتتبزقنؤزؤمظبمبظبزبنبزتبتبوقتؤتوؤترتزيزيميميظزيترتيزيتؤنبزوبوبترتيزبزبووبوبتبزبزبتبتبتبتقتبننقنقنقنقننبزبنبنبنبززرزبنندظيميزيزينبنبنبنبنبنقتينبتبتيتيتيتبتتتت ...عرض المزيد

0 الدعم

25 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع