مشاعر مكسورة

Apple_67876 🇪🇬

منذ ساعتين

شعور محبط

Ice Cream_67806 🇸🇦 تبي نصيحه منجد.. ابدا اهتم بنفسك انت اشغل وقتك.. بنفسك.. هي مراح ترجع لك خلاص. حاول تبدا تروح جيم حاول تطور من نفسك.. حاول.. وابي انصحك نصيحه انا اشوف اي علاقه تبدا بصداقه تفشل.. ما شفت علاقه نجحت اولها عصيان ربي.. تذكر البدايات التي لا ترضي الله نهايتها لن ترضيك.. هذي سنه الحياه.. مافي اخد باقي لاحد.. انت تعلقت فيها لكن اذا شغلت وقتك بتنسي.. صدقني الوقت بينسي.. والوجع هو الي بيخليك اقوي بالاخير

عرض الكل 8 نصيحة

عبّر عن شعورك بشكل مجهول

معرفش مشكلتي فين 
انا كنت مرتبط ببنت من حوالي سنة و نص تقريبا
كات علاقتنا كويسة فالاول فضلنا صحاب فترة مش كبيرة
ارتبطنا لمدة سنة تقريباً و شهر
في خلال السنة دي عدينا بمشاكل كتير يعني كنا كل يوم بنعدي بمشكلة و بنخلصها مع بعض لحد ما وصلنا احنا الاتنين ان كدة خلاص
انا مبقتش قادر على كدة
هي معملتش حاجة،مكانتش بتحاول تأذيني 
بس مع ذلك حسيت اني برضو مش مبيوط وانا معاها
كانت مع المشاكل بتبعد عني
بتحاول تختفي
لحد ما في مرة لقيتها باعتة لصاحبتها تشوف لو الماسدجات بتوصل ولا لا
و بتحكيلها على مشاكلنا
دي كانت اول مرة احس ان حاجة فيا اتكسرت معاها
مبقتش عارف ارجع طبيعي ولا عارف اخليها بعيدة مكنتش فاهم حاجة
الحاجات اللي امبحبهاش اني بقيت راجل مكسور قدامها
بقيت بتذل عشان اصالحها
و مع ذلك مبقتش بتشوف حاجة من اللي بعمله
كل حاجة بالنسبالها مبتعديش
مفيش حاجة بتتحل
كانت بداية النهاية بالنسبالي لما كنا مع بعض في يوم برة 
قاعدين و حصل مشكلة 
في واحد فالشارع حاول يضايقني بالكلام
انا فالبداية مكنتش سامع حاجة ولا مركز
مع الوقت بدا صوته يعلى
قومتله
انا رفيع نوعاً ما و مليش فالمشاكل بأب شكل من الاشكال
معرفتش اروح اتخانق معاه
بس مرجعتش وانا بتخانق
كنت واقف وهو بيقرب ناحيتي 
مسك حجر من الارض
لما لقاني مرجعتش راح راميه تاني
فضل يزعق شوية
وانا برد  باسلوب محترم و صوت نوعاً ما مش عالي
لحد ما وصلت انه خلاص الموضوع خلص
قولتلها يلا نقوم عشان المكان مبقاش مريح هنا وانا ماشي راح مناديني
بيقولي متزعلش و معرفش عملت كدة ليه
حسيت من وقتها انها بقت شايفاني ضعيف
مش عارف ادافع عني ولا عنها 
لحد ما خلاص مبقتش عارف ابقا معاها
مبقتش مرتاح وانا شايف كدة فعينيها
مع انها مبتبينش حاجة
بس انا مبقتش مرتاح فكدة
اخر فترة مكانتش كويسة 
كنا بنتكلم كل كام ساعة نبعت او نرد على بعض صدفة
لحد ما نهيت معاها كل حاجة وانا دموعي اقسم بالله ما وقفت غير بعدها بشوية
و رجعتلها بعدها بشوية اقولها اني مش عايز اسيبها
وهي وافقت بس كانت مش عايزة
بس مقالتليش لأ،كانت عايزة تشوف انل هعمل ايه مش اكتر،مكانتي عاشزة ترجع عشاني
كانت عايزة ترجع عشان تصدق ان في امل 
و بعدها باكتر من ٣ او ٤ ايام اكتشفت انها سافرت وانا معرفش حاجة
اكتشفت انها عايشة عادي مع شوية الزعب العاديين اللي موجودين عند اي حد
انا تعبت من كل دة
مبقتش قادر اني اكمل كدة
عايز ابعد بس مش عارف ابعد
ثولتلها ان نبقا صحاب و عند بعض ولو حد احتاج حاجة يبعت للتاني و دة اللي بيحصل فعلاً 
بس انا مش عارف اتعايش مع الموضوع
كل وقت بيعدي عليا بحنلها تاني بس برجه اكتشف ان مكانش ينفع من الاول
هي شخصيتها مش متسلطة بس بتحب تتحكم فكل حاجة
وانا بحب ابقا على حريتي
يبقا قدامي الغلط و اختار اني معملهوش
مش ابقا ممنوع انب اختار الصح او الغلط 
انا تعبت و مبقتش قادر افكر بقالي اكتر من شهرين مش مرتاح كدة
بشغل نفسي فالشغل بس مش ببطل افكر فالموضوع
حاسس ان مبقتش قادر على حاجة
بس لازم اكمل 
اعمل ايه؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_49832 🇪🇬

منذ يومين

شعور متوتر

Hazelnut_64540 🇪🇬 لا لازم تبقي قويه وا تعملي الي انتي عايزه محدش يجبرك علي حاجه هتكره حياتك كدا

عرض الكل 12 نصيحة

عبّر عن شعورك بشكل مجهول

مؤخرا امى بقى على لسانها جملة ديما تقولها «مش مهم انتى ترتاحى المهم اكون انا مرتاحة» 
غالباا بتقولها فى كل نقاش تاخد هى فى قرار يخصنى واقولها انى مش مرتاحة ومش عايزة كدة 
سواء كان الموضوع بسيط زى ستايل هدوم مثلا مش عاجبنى بس هى عايزانى البسه او مكان معين مش حابة اروحه بس هى عايزانى اكون موجودة 
بعيدا عن تجمعات العيلة اللى حرفيا خناقة كل ما حد يزورنا عشان مش برتاح فى الزحمة ولا وسط الناس 
ديما تقولى «المهم انا اكون مرتاحة» 
غير جملة «اى حاجة فى البيت دة انا اللى بقررها. بيتى وانا اللى اقرر فيه» اللى بتدى احساس ان عمرى ما هقدر اكون انا طول ما انا عايشة فى البيت دة بيت ابى وانى مش من حقى يكون ليا راى فيه 
مع كل دة هل انا مش عارفة انهاا عايزة راحتى؟.. لا عارفة ان راحتى مهمة جدا عندها.. طب هل كلامها دة بيعدى كدة؟.. اكيد لا واكيد بيوجع والاكيد اكبر ان بعد كل نقاش بينى وبينها بتتكسر حاجة جوايا 
الخلاصة.. انت كاب وانتى كام لاازم تحسسوا ولادكم ان راحتهم هى المقام الاول بالنسبالكم وان قراراتكم بدافع الحب مش السيطرة.. مينفعش ابداا تعتبر علاقتك بولادك امر مسلّم بيه وكدة كدة انا المتحكم فانا اللى هاخد القرار... اختيارات ولادك هى اللى بتحدد شخصيتهم واهدافهم.. كونك بتقرر عنهم فانت بتلغى كل دة.. ابنك وبنتك مع الوقت هتيجى تكلمه تلاقيه مش عارف هو عايز ايه معندوش هدف.. دور الاهل الاول هو النصيحة مش القرار 
نصحت مرة واتنين وعشرة وابنك غلط يتحمل مسؤولية غلطه 
غلطه دة يستحق العقاب.. عاقب.. بس العقاب يكون بحب.. انت بتربى مش بتنتقم.. مينفعش تعااقب وانت فى ذروة غضبك من غلطه ومينفعش كلامك مع ولادك يكون قااسى ونااشف 
ومينفعش بين كل كلمة والتانية تقوله انت قد ايه بتضحى عشانه انت كدة بتذله مش بتفهمه 
واخيرا التربية محتاجة مجهود وتعب وثبات عشان تلاقى ولادك فى ضهرك لما تكبر 
لكن هتختار الطريق السهل متخلفش احسن او استحمل نفس القسوة اللى هتتردلك فى وقت ما انت اللى هتكون ضعيف  😓🍃

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_60208 🇪🇬

منذ 3 أسابيع

شعور محبط

Mango_29955 🇪🇬 تجاهلي الطريقه دي وانبسطي بيه لنفسك اناا لما جبت الفون جديد مكانش في اي رد فعل اصلا من اهلي كلهم ومهتمتش رغم اني كنت فرحان بيه ف تجاهلي الموقف كأنه محصلش

عرض الكل 13 نصيحة

عبّر عن شعورك بشكل مجهول

انا قررت اكتب واول مرة اتكلم ف الموضوع دا لاني بقالي اكتر من شهر مش قادرة اتخطى الموقف ولحد دلوقتي مصدومة 
انا الحمدلله حياتي كويسة نوعا ما وباخد كورس لغة وبطور فيه "في شوية بؤس جامدين ف النص مش هنتكلم عنهم دلوقتي " 
كنت هموت على تابلت اللي هو بقلم دا عشان اقدر اذاكر عليه عشان تعبت من الكتب رايحة جايه بيهم ورايحة جايه ف البيت بكشاكيل وكتب وحاجه متعبة حرفيا 
وانا مش معايا اي فلوس محوشاها خالص وحاولت اشتري بالقسط ماما ماوفقتش وقالتلي اصل حرام وحوارات كدا وهاتيه كاش احسن وانا هبيع الدبلة بتاعتي عشان وانتي ابقى رجعي قسطي لينا الفلوس بدل ما يكون فيه فوايد عالية ع القسط وكدا ( وهي كدا كدا رافضة موضوع القسط اصلا الا بشروط مالقتهاش متوفرة سعتها) 
المهم جبت التابلت اول ما وصلت البيت جت قعدت جمبي شافته لاحظت انها اتضايقت جامد جدا وقعدت تزعق بطريقة هستيرية على حاجه تافهه جدا وانا كنت يومها تعبانه جدا من الحر وكنت بلف على رجلي طول اليوم وحصل كذا موقف وماكنتش هشتري اصلا وحوارات كدا 
ولا حتى قالتلي مبروك ولا حسيتها فرحت من قلبها وقعدت تقول انا ان شاء الله هجيب واحد زيه.. يعني من الاخر حسيتها (غارت :) ) انا كنت سعتها بكدب نفسي بس الموقف كان بجد باين اوي مش موقف ام فرحانه ببنتها .. انا طول عمري بنت مجتهده ومن اول ما اشتغلت مش بحب اخد منها او من بابا فلوس الا لو مضطرة وجايباه عشان اذاكر عليه وهي بنفسها اللي مساعداني اني اشتريه اصلا دا غير ان الفلوس دي دين عليا لسا هسدد فيه .. انا من سعتها صدومة وقلبي مكسور ومش قادرة اتكلم ف الموضوع دا مع حد .. انا رحت بعد كدا لاختي الكبيرة وبجد احساسي اتأكد برغم ان اختي وجوزها حالتهم ع ادها بس فرحتلي جدا جدا واحساسي اتأكد انا اول مرة اعيط بسبب الموضوع دا بجد الموضوع تاعبني جدا جدا ومش مستوعبة لية تحسسني بكدا ؟ انا موبايلي بثاله معايا داخل ع ال ٦ سنين ومش عارفة اجيب جديد عشان مش عارفة احوش ومش عايزة اطلب منهم واضغط عليهم وفي مواقف تانية بردو زي بقولها يا ماما تلفونك بيعلق (عشان هي عاملة حاجات بتخلي يجلها نوتيفكيشن كتير ) ف لقيتها ردت عليا بتقولي اللي ادانا يديكي (قصدها يعني ع التابلت ) وبجد بجد انا قلبي مكسور

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_35975 🇸🇦

منذ شهر واحد

شعور مكسور القلب

غريب جداً والله إن قد ايه الواحد ممكن يمارس حياته بشكل طبيعي وقلبه مكسور ويتعامل عادي ويتجاهل مشاعر الحزن ولا كأنها موجودة عشان يعرف يعدي يومه واللي حواليه ميحسوش انه مخبي حاجة غريب وقاسي فوق القسوة قسوة و حتى لما يجي آخر اليوم و راسي على المخده و ميتبقاش غيري أنا و افكاري و افضل افتكر في الي واجعني

Chilli_57840 🇪🇬

منذ شهر واحد

شعور محبط

حابه اقول ان ماما مش بتحبني أو زي ما اتقالي من ناس اني مش من أولوياتها هتقولو عليا بقا بيتهيقلي ماشي هي مش بتحب تخاصم اخواتي بجد وبتسامحهم ع اي حاجه وانا بالرغم من اني والله خدامه حرفيا ليها وطالباتها أوامر عليا ومش مكسوفه اقول ده إلا أنها بتمد أيدها عليا بتهييني فعلا ممكن لو حكيالها سر تهددني انها

Mango_58587 🇪🇬 انا بحييك على برك بيها وعدم كسوفك من دا وانصحك تستمري لله ويابختك ان ربنا اداك ابتلاء كبير زى دا ومتوفقه فيه اجرك عظيم وكل ما كان صعب على قلبك وبتعملي الصح الاجر كان اعظم ربنا يتقبل منك ويجعله بميزان حسناتك

عرض الكل 16 نصيحة

Almond_56393 🇪🇬

منذ شهر واحد

شعور مكتئب

حاسس إن الدنيا سحبت مني كل حاجة حلوة، وبقيت عايش كل يوم كأني بمشي على حبل ضعيف ممكن يوقعني في أي لحظة. مبقتش حاسس بحاجة، لا فرح، ولا حزن، بس في وجع دايم مش بيروح. كل يوم بحاول ألبس وش طبيعي، أضحك، أتكلم، أتصرف عادي، بس الحقيقة إنّي من جواي مكسور وتعبان. حاسس إني تايه ومش لاقي نفسي، ولا حتى سبب يخلين

Cookies_57355 🇪🇬

منذ شهر واحد

شعور مكسور القلب

عندي ترومات ومشاكل كبيرة مع اهلي لدرجة اني مش عارف احضنهم ومش عارف اسامح وانسي اللي فات ولا اللي هما عملوه فيا و كسروني ازاي لدرجه اني بقيت حاسس اني مريض ومش مظبوط مش عارف اسامح مش ناكر الحلو اللي عملوه بس برضو مش ناسي الوحيش اللي عملوه فيا واللي قالوه عليا وانا مش هقدر اقول انا اسف بس كل اللي طالب

Chocolate_57438 🇪🇬 ربنا معاك و يعوضك خير اعتبره ابتلاء و اصبر و ادعي ربنا يعوضك كتير

عرض الكل 4 نصيحة

Lemon_56494 🇪🇬

منذ شهر واحد

شعور مكتئب

انا اتقدمت لواحدة مستواها المادي و الاجتماعي أعلى مني و كان فيه موافقة من ناحية الاهل لاني الحمد لله و بشهادة الناس على خلق لكن للبنت بدأت تقولي بعدكده (انت مش ملاحظ ان فيه اختلافات كتير بيننا) و فجأة بدون مقدمات قالتلي الهامش مرتاحة و مش حابة نكمل مع بعض الموضوع ده كسر نفسي جامد و هز ثقتي بنفسي

Ice Cream_56279 🇪🇬 ابعد يا صاحبي و اشتري كرمتك مش هتستحمل كلمه زي دول بعد الجواز

عرض الكل 10 نصيحة

Orange_56136 🇪🇬

منذ شهر واحد

شعور مكسور القلب

بعد ما حبيت حب من طرف واحد وهي قالتلي انك زي اخوياا واتخطبت واتجوزت وانا بقيت فاقد اني احب واحدة ، نفسي أرجع أحب تاني لو هرتبط هيكون ارتباط صالونات وخلاص

Coffee_53417 🇪🇬

منذ شهر واحد

شعور محبط

جماعة لو سمحت هو ازاى اتعامل مع اخويا وهو بيعاملنى انى دايما اقل منه فى التفكير والخبرة مع انه مش ببتغامل مع ناس كتير وانا بخرج كتير وبتعامل مع ناس كتير جدا وعامل نفسة فاهم كل حاجة وبيقل منى كتير اوى وطريقة مش الطف حاجة وهل لو تجاهلتة ومردتش عليه حتى لو هو طلب منى حاجة هل دا هيبقى صح ولا لا؟

Blueberry_54594 🇴🇲 هو التجاهل بيكون حل مفيد ، لكن فكر في العواقب ، ممكن اخوك يتمادى ويزيد من فرص السيطرة عليك 😬 الحل هو عدم تجاهلة بالعكس انت تحتاج تواجهه وتفرض نفسك 💪 لكن لو فرضت نفسك لاتفكر في التراجع ابدا ، لو تراجعت بتكون لعبة بين يدين أخوك 🫤

عرض الكل 5 نصيحة

Apple_53467 🇪🇬

منذ شهرين

شعور متعب

من اول تالتة ثانوي لحد تالتة جامعة كل سنة برتبط ب واحدة شكل ونتعلق ببعض وبعدين يحصل حاجة تخليها تبعد وتسيبني من كتر م الموضوع بيتكرر بنفس النهاية اللي بتخلي الواحد يكتئب ويسأل نفسه هو غلط ف ايه اصبح دلوقتي معندوش مشاعر او ثقة ناحية البنات عاوز حد مر بالمرحلة دي ينصحني اتجاوز المواضيع دي ازاي

Coffee_52406 🇪🇬

منذ 3 أشهر

شعور وحيد

عبّر عن شعورك بشكل مجهول

معلش بتقل انا عارفة عندي مشكلة اني دايماً بخاف اوي على زعل الناس و مشاعرهم و بعملها حساب الف يعني حتى لو مش قريبين و الاسوأ بقى حتى لو كانوا اذييني و كاسرين بمشاعري الارض بحس اني ضعيفة و بجد اعمل ايه و لا اني اكسر مشاعر بني ادم و غير كدة دايما بحس اني بدور على شخص قضيت حياتي كلها كدة مستنياه شخص مش شايفني غريبة مش بيبصلي على اني اداة لتخليص مصلحة بدور على علاقة صادقة علاقة حقيقية شخص بيحبني عشان انا مين و بحب ايه مش عشان انا ايه و معايا ايه المشكلة اني كل مرة بقرر فيها افتح قلبي لحد كأنه بييجي يأكدلي ان ده اغبى قرار و ان ليه انتي مصرة انك تعملي كدة رغم انك خدتي على وشك بالاقلام الكتير انا مفتقدة احساس المشاركة في حياتي انا اتولدت في عيلة بتحبني بس دايما عندي احساس انه ده حب بالفطرة عشانهم اهلي ف دايما عندي رغبة اةون صداقات خصوصا مع ناس قدي عشان عايزة اصبت لنفسي اني متشافة و اني بتحب عادي مش عارفة انا عايزة اوصل ل ايه بالكلام ده بس اللي انا متأكدة منه اني حاسة بفجوة جوايا مستنية حد مش موجود و معرفش مين هو و الاقيه ازاي و لا ادور عليه فين و خايفة اكون عايشة على وهم و حاجات من صنع خيالي انه بقى دي العلاقة الوردية المنقذة لمآسي حياتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.