مشاعر مكبوتة

Watermelon_40020 🇪🇬

منذ 10 ساعات

شعور مرهق

انا عايزا اقول لأهلي اني فعلا بحبهم و اني مش قصدي اي حاجه و اني مش بارده انا بس بطلت أبين مشاعري و دايما اي حاجه بيقولوا بتأذي مشاعري برد بالسكوت لاكن انا مش بارده و بطلوا هما يظهرولي مشاعري من بدري عشان كده بقيت بعمل زيهم كنت فاكره اني كل واحد خلاص شايل هم نفسوا و محدش مهتم مكنتش فاكره اني لازم أبي

Coffee_68523 🇪🇬

منذ 10 ساعات

شعور متوتر

مش عارفه ابتدي منين ولا منين و بجد زهقت من الحياه و كل يوم بقوم من النوم و بحس إن في حاجه تقيله عليا. أهلي أقل حاجه ممكن أقولها إنهم مرضي نفسيين. بس المشكله إنهم من نوع المرضي إللي مش مقتنع إن في حاجه غلط و للأسف أنا في جحيم الوعي إني بردي علم نفس. بس أنا مش جايه أتكلم عنهم كلهم، بس عن واحد منهم، با

Orange_67546 🇪🇬 عارف احساسك وحاسس بيه كويس ومش شايفه هرتله خالص دي حاجه اسمها وجع مكبوت بقاله سنين وده اللي بيخليه يخرج مره واحده بشكل عشوائي وملخبط بس مليان صدق ومليان وجع حقيقي انتي مش مجنونه ومش مهووسه ومش مزوده الامور انتي بنت كان من حقها تحس بحضن ابوها وتسمع صوت بيتكلم عنها بحنيه من اقرب حد ليها لكن للأسف اتحرمت من ده فكبرتي وانتي متعلقه بسؤال واحد انا ليه ما استهلتش اب حقيقي يسمعني ويحس بيا ويحبني

عرض الكل 19 نصيحة

عبّر عن شعورك بشكل مجهول

بابا يعني مش عارفه  اقول عليه نرجسي ولا عمره العقلي طفل مش واحد داخل علي الستين سنة. يعني بذمتك أنا إزاي ادي اهتمام لحد و أتكلم معاه و هو عمره ما عمل معايا كده؟؟ ولاهي أنا مفتكرش ليه موقف واحد قعد معايا علشام يفهمني أو يتكلم معايا أو يعرف هواياتي أيه. و تقريبا وميعرفش حتي إيه هو،اللون المفصل بتاعي. و لما حظي الاسود أقعد معاه علشان نتكلم، لازم يطلعني أنا غلط و هو صح و أنا إللي غبية و مش بفهم. و من ساعتها و أنا مش بحب أقعد معاه من ساعتها و السنين عدت و دلوقتي اليومين دول كأنه بيترجاني إني أقعد معاه. بحس إنه شخص غريب عني. القعده معاه بتبقي تقيله آوي عليا و الدنيا بتبقي awkward علشام آكتر الوقت ببقي ساكته مش بتكلم. هقول إيه لشخص لازم يطلعني غبية و هو زي احمد زويل ولا اينشتاين؟ و كل شوية يتعصب علي إللي خلفونى بسبب الحكايه ديه و هو حرفيا مش عارف يتقبل إنه السبب في إني مش بقعد معاه. ولاهي لو سألته اسئله بسيطه عني مش هيعرف يجاوبها. بعيدا عن كل ده، أنا مش بحس إني بنته و هو موجود (هو بيسافر كام يم علشان الشغل) بحس انى الخدامه إللي مش محتاج يدفعلها مرتب ولا يحترمها. و كل كلامه علي إن إزاي هو لما يكبر و يبقي عاجز إن انا،إللي هخدمه. هو حرفيا مش حاطط في دماغه حاجه تانيه غير إن أنا إزاي هبقي الممرضه بتاعته و بسببه كرهت الرجاله و الجواز و كمان علشان مسيحيين و مفيش طلاق فموضوع الجواز ده جايبلي كميه ضغط رهيبه علشان إما عارفه إني لو اخترت غلط، خلاص مش هعرف إطلع من الجوازه ديه (في طلاق بس ده بيبقي في أضيق الحدود)

لما بفكر في إن قد إيه أنا مش بحب بابا، بحس بالذنب انى المفروض أكرمه إنه أبويا بس إزاي أكرم شخص بيفكر في نفسه و مش بيفكر في عياله؟ بجد بكره الايام إللي بيبقي فيها و يبقي عايزة أعمل skip للايام ديه لحد ما يسافر. و كمام حاجه كمان، بكره اليوم إللي بروح اطلب منه فلوس. إحنا الحمدالله معانا فلوس (مش الغنا زي نجيب ساويرس كده أو رجال الاعمال. أهو مستورين) و بينشف ريقي لما بطلب منه مصروفي. سمعته قبل كده بيقول لبنت عمي لو عايزة فلوس اطلبي ومتتكسفيش أنا زي بابا، بس في نفس الوقت بيقفل علي المليم و لازم يعرف أنا هصرفه في إيه و كل نقوله علي سعر حاجه يجعر و يقولي لييييييه دي غاليه لوي، مع إنه هو هو نفس البني أدم إللي ممكن يدفع ٥٠٠ أو الف جنيه علي لبسه هو و يجيب احدث إيفون عادي لكن أنا لو طلبت منه فلوس علشان أجيب تليفون جديد لو عندي ال ٦ آلاف يقول ده غالي آوي.

أنا حاجه إني بهرتل سيكا بس ده ضغط سنين من تصرفاته إللي مش تصرفات اب و أنا عارفه إني ممكن اكون شكلي بكدب بس يعني أنا مش هبقي مكتئبة و كارهه حياتي من فراغ و كل،يوم بعيط قبل ما أنام. أنا عارفه إن إللي بيعمله ده مش حلو بس لازم أحس بالذنب إن ممكن أكون أنا إللي مكبره الموضوع. بجد مش عارفه أحس إزاي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Olive_68469 🇪🇬

منذ 11 ساعة

شعور مكسور القلب

انا انسان متزوج وعندي اولاد ولكني حاولت كتير مع مراتي انها تكون حساسه وتتعامل بحب ولكن للاسف عندها الانانيه عاليه اوي وانا تعبت لأن صعب الإنسان يحاول يعمل اللي عليه ومايلاقيش مقابل كلام حلو او طريقه كويسه ..اعمل ايه

Croissant_61867 🇩🇿

منذ يوم واحد

شعور محبط

عبّر عن شعورك بشكل مجهول

اتخيلو معايا تتجوزو حد يجي يقلكم حاجه مهمه فحياته و يشار معاكم يومياته على جروب هو و اخته و أنا فكره عادي لو احنا في جروب عايله لي هو أصلا أنا مش فيه بس عشان أستاذ  مش مستوعب انه عنده مراته مفروض يتشارك معايا فحاجات اتخيلو متلا أنا اروح ابعتله فحروب هو و اختي هاي يجماعه بكرا مسفره أو هاي أنا فتحت شركه و هو جوزي يعرفها من جروب هل ده منطق  اختلافات دي بتقرفني جدا و بحس اعععع إيه قرف ده على قلته و أنا بعدتي في اول كنت بروح و بقله من حاجات دي أو أي مشكله عشان ينتبه و عشان احنا ناضجين بس كل مره أتكلم فيه عن حاجه مش متعوده عليه أو حاجه بتضرني أو تجرح مشعرني كشريكه بيطلعني غلطانه و وحشه و لو رحت قلت لحد عارف علقتي بيه حيقلي إيه قرف ده و تقالت من تلات تيربيست من جنسيته و من جنسيه تانيه عشان أنا كنت بقول اختلاف ثقافات بس لا صح عندنا أو عنده في ثقافته لي مش صح لي تعود عليه أو لي شافه أو معرفش احيانا بحس بيكون عارف الغلط بس عشان يحور علي أو عشان يغلطني يعمل فيها انه ده الصح فمصر و ده لي بيتعمل و بتقالي كده مفيش راجل يعمل ده و أنتي عبيطه أنا سيباها على ربنا زي مجابه في طريقي يعرف يعدله أو يربيه أو ياخده أو يأخذني من طريقه ….حسه قصه
تنفع فلم هندي لو اتكلمت على قصص كتيره بتحصل ربنا يجيب الخير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_52708 🇪🇬

منذ يوم واحد

شعور مكسور القلب

:"اترفضت من شغلانة علشان قالولي إنيOverqualified. بس ولا حد فيهم يعرف إن ورا حضوري للمقابلة دي قصة كبيرة… استأذنت من شغلي بالعافية، وكان ممكن يتعملّي Handover ويتقال عني إني مش ملتزم، ومع ذلك قلت مش مشكلة… قلت أجرّب يمكن دي تكون الفرصة اللي تغيّر حياتي. ومش بس كده… أنا أصلاً شغلي الحالي مهدد، ومم

Mango_37837 🇪🇬

منذ يومين

شعور متعب

مريب اوي موضوع اني بندمج جدا مع كمية السيناريوهات اللي بعملها في دماغي طول الوقت خصوصا بالليل عشان انام وكمية الحوارات اللي بعمل نفسي بحكيها لحد بكل جدية ومستنية يبقى عندي الفرصة اني احكيها بجد لشخص يكون مهتم وبيسمع اللي بقوله وبيرد وبيسال عن التفاصيل حد يسمعني في اي كلام في دماغي وعايزة اطلعه سواء

Marshmallow_67706 🇪🇬 السيناريوهات دي بجد إرهاق نفسي و إرهاق اكتر انك متلاقيش حد تناقشه حرفيا من كتر ما مفيش حلول ممكن أناقش قطتي

عرض الكل 27 نصيحة

Coconut_66795 🇪🇬

منذ 3 أيام

شعور مرهق

موضوع:

عندك مشكلة في التعبير عن مشاعرك؟

مشكلة واحدة!!؟ دي مشاكل من وانا صغير وانا مش بعرف اعبر عن مشاعري إذا كانت حب او كراهية مش بعرف اعبر عن زعلي لو في حاجة مضايقاني بسكت وبقعد اهزر و اضحك حتي لما والدي اتوفي من سنتين من ساعتها وانا كاتم جوايا ومش عارف اعبر عن زعلي اللي مكتوم جوايا بعبر عنه بالنوم بس لدرجة أن أهلي كانوا عايزين يودوني ل

Chocolate_58313 🇪🇬 دور على جوجل عن حاجه اسمها عجله المشاعر وهات نوت بوك وكل يوم اكتب في ٣ اوقات مختلفه ايه مشاعرك مع الوقت هتلاحظ فرق

عرض الكل 6 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_67003 🇪🇬

منذ 4 أيام

شعور مرهق

أنا مش عارفنى أنا توهت منى أنا مش أنا حرفيا دا احساسي طول الوقت ، بقيت نسخة من نفسي معرفهاش ، طول الوقت فى الشغل مش عارفة اعمل اى حاجة تانية غير الشغل وحاسة انى مكبوتة ومش عارفة اتكلم اقول اى أو هتكلم مع مين ، أنا ساكتة وماشية مع التيار وخلاص ، هوصل لفين أو امتا معرفش

Carrot_65356 🇪🇬 خلاص اتكلمي الكل هيسمعك أو شوفي اقرب حد ليكي هيكون عرفك اكتر المهم متشليش حاجه جواجي

عرض الكل 3 نصيحة

Ice Cream_66949 🇪🇬

منذ 4 أيام

شعور شاعر بالملل

موضوع:

امتى حسيت إنك كنت محتاج حد يسمعك وملاقيتش؟

بقا عندي 36سنة ولا زلت مش لاقي حد يسمعني مع إني بسمع الكل وعمري مابخلت ع حد بفكر او بمساعدة او بطلب طالما اقدر اعمله حتى لو مش اقدر بتصرف انا وصلت لمرحلة ان اهلي كلهم لما بدأت احاول من تلت سنين كدا احاول اوصلهم اني محتاج حد يسمعني ويشوف مالي ولا كويس ولا تعبان ولا فرحان ولا اي حاجه بياخدوا الموضوع ه

Apple_65778 🇪🇬

منذ أسبوع واحد

شعور مستنزف

الرجاله مبتعرفش تحكى، أو مبتحبش تحكي وبتفضل الصمت. يعنى تلاقيه واخد 300 سهم في قلبه وتحت عينه سودا و مرهق وطالع عينه وتلاقيه بيقولك كلمه واحده انا زي الفل انتا عامل ....ايه وفي اخر اليوم تقعد القاعده اللي بتقعدها كل يوم ال محدش يعرف عنها حاجه وتقول طب ليه هوا انا استاهل كدا.؟

Marshmallow_65283 🇪🇬 ليه انت ممكن تحكي لو في حياتك بنت تحكيلها دا مش هيقلل منك ولا من نظرتها ليك ابدا

عرض الكل 14 نصيحة

Apple_65355 🇪🇬

منذ أسبوع واحد

شعور مكتئب

Durian_65308 🇪🇬 انا شايف انك لازم تصلح نفسك الاول وتصلح معتقدتك اول حاجه البنات هي اللي بتحتاح حنيه وحضن واهتمام في دي اول حاجه انت محتاج تستغني عنها وتفهم أن راجل اللي بيقدمها مش بياخدها واي حد من اخوتك لو جه عيد ملاده وجبتله حاجه حلوه او قلتله كلمه حلوه هتحطهم في جيبك حرفيا كل فين وفين اتصل علي اي بنت من اخواتك قلها بطمن عليكي وكلمها دقتتين بس صدقني هيحبوك ولدتك لمه اقلك قافل لي علي نفسك قلها بقيت راجل

عرض الكل 10 نصيحة

عبّر عن شعورك بشكل مجهول

عندي مشكله في البيت للاسف 
انا اخ واحد علي ٣ بنات وانا اكبر واحد ... وعندي ٣٠ سنه ومش مرتبط لسه ولا متجوز 
المشكله اولا مع اخواتي البنات .. علاقتي بيهم مش زي ما بشوف مثلا ناس حقيقيه اعرفهم فرحانين باخوهم بيحبوه شايفين انه سند وظهر وامان لهم وبيعملو له كل حاجه وبيفرحوه وهو بالنسبه لهم كل حاجه .. للاسف العلاقه عاديه جدا واقل من عاديه بيني وبينهم مش عارف الغلط والتقصير مني ولا منهم ...يعني هم مع بعض بيقعدو يتكلمو ويضحكو ويهزروا معايا انا لا .. بيشترو حجات تسالي وبيجيبو لي .. انا قليل لما بجيب وده مش كره بس لان مش بقدر اجيب ديما لان مصروفي اعلي من مصروفهم .. فبصرف من فلوس شغلي ومش بحب اني اضغط نفسي او اجي مثلا ف يوم فلوسي تخلص واقول عايز فلوس من ابويا مع ان لو طلبت هيديني مش هيتاخر بس انا مش بحب كده ... كلامي معاهم قليل جدا وحتي رغم ان هو قليل يوم ما بنتكلم ف موضوع يخصني كلامهم بعترض عليه وبقول وجهة نظري ومش بيعجبهم وبيقلب بخناق او بسيب البيت وانزل والموضوع ده تعبني .. المفروض اختي لما اكون مخنوق تسمعني تاخدني ف حضنها تريحني .. انا مش لاقي ده ومش بحب اطلب ده من اي حد  خالص لان انا شايف ان دي حجات بتتحس مش بتنطلب واذا القدامك مش حاسسها ومش هيعملها من تلقاء نفسه يبقي ملهاش لزمه ولا لها معني ...
اتكلم عن علاقتي بوالدتي ووالدي ...
علاقتي بوالدي تكاد تكون معدومه اصلا مش بنتكلم الا لو هو عايز حاجه مني او انا عايز حاجه منه وبس وبرضوا ممكن يحصل خناق ومشاكل ...
علاقتي بوالدتي كانت كويسه لحد ما دخلت اولي ثانوي كانت عارفه كل حاجه عني مفيش حاجه متعرفهاش ... دلوقتي للاسف لا انا بعدت وبعدت لاتي شايف نفسي كبرت مش كبرت عليها لا بس مينفعش ابقي قاعد مثلا ف الشغل واحكي تفاصيل صغيره زي مثلا هزار وضحك بين شباب بالفاظ ملهاش لزمه او اي موقف محرج او خارج مينفعش ولدتي انها تعرفه اكيد انتو فاهمين قصدي خصوصا الشباب بحكي عن البيحصل ف الشغل ف المجمل بدون تفاصيل ومش بيعجبها برضوا بتبقي عايزه تعرف تفاصيل اكتر .. برضوا والدتي زعلانه ان موبايلي او حاجتي الشخصيه  مش متاح ان حد يمسكها ويستخدمها لاي سبب من الاسباب وهي عندها عادي تمسك تليفوني وتفتش فيه صور رسايل اي ابلكيشن تسأل اي ده وليه ولازم ارد .. طبعا الكلام ده كان بيحصل لغاية اولي ثانوي ومن بعدها وانا قفلت الموضوع ده وهي زعلانه لان اي بنت من البنات لو طلبت موبايلها بتاخده وبراحتها بيمشو ويسيبوه مش بيقفو فوق راسها ... عمتي عندها اولاد ومش بتعمل مع اولادها كده وبتحترم خصوصيتهم ووالدتي شايفه اني بطبق ده وعايز يبقي ليا خصوصيتي وهي شايفه ان مفيش خصوصيه بين ام وابنها  ... اوضتي مثلا ممنوع ابقي قاعد وموارب الباب او قافل علي نفسي بمفتاح او حتي من غير مفتاح .. انت بتعمل اي وقافل علي نفسك ليه .. !! .. بقعد لوحدي كتير وببقي حابب ابقي منعزل هو طبعي كده يمكن معاهم بس ويمكن ده بسبب مواقف كتير ومعامله وردود وكلام كتير حصل خلاني اتجنب التعامل .. هم برضوا مضايقين من ده خصوصا والدتي ...
والدتي بتقف ف صفي ف حجات كتير وبتدافع عني ف حجات كتير سواء بيني وبين اخواتي او بيني وبين والدي .. جات عليا فتره كنت مسافر بره مصر كانو اخواتي قليل اوي لما يكلموني كنت بكلم والدتي كل يوم واحكيلها اه بنتخانق ونزعق وممكن يوم يومين منتكلمش بس كنا بنتكلم لكن اخواتي لا ولما اعاتبهم يقولو ما احنا بنعرف اخبارك من ماما .. علما بان اخواتي الاتنين شغالين مش قاعدين ف البيت والثالثه قاعده لانها في كليه مش شغاله .. وانا بالنسبه ليا لما ببقي شغال بحس نفسي احسن نفسيا وجسديا غير لما ابقي قاعد من غير شغل بتخنق ونفسيتي بتبقي مش احسن حاجه لان بشوف البنات نازلين شغلهم وال نازله كليتها وانا الراجل والكبير قاعد في البيت فبهرب من كل ده بالنوم يا بالنزول كل يوم عل قهوه واروح وهكذا .. ولما بتكلم معاهم بنشد من اقل حاجه وانا نفسي بحس نفسي عصبي اوي مع العلم لو نفس الموقف ده حصل مع حد غريب ممكن ميبقاش نفس رد الفعل ده بحس اني مش طايقهم او مش حاببهم كلهم في البيت .. حاجه مهمه اوي لازم اوضحها .. انا اتولدت عندي مشكله معينه في شكلي ( انا بحس انهم مش متقبلينها مش انهم بيتعاطفوا معايا لا مش متقبلينها اصلا وعلشان كده بيتجنبوني ) مش عارف اعمل اي وعايز ابقي كويس معاهم لاني كويس مع الغريب بس مش قادر ووالدتي بتقولي طول ما انت كده مش هقدر اجوزك واخليك تاخد بنت ناس لان زي ما انت كده معانا انت هتكون كده معاها واسواء بس انا شايف انو لا لان انا هبقي حاببها هكلمها ف عيوبها مثلا براحه وبهداوه ومش هرتبط بوحده انا مش قابل عيوبها اصلا .. (طب انتو اهلي انا لا اقدر اغيركم ولا اقدر اواجهكم بالمش عاجبني لان مش هتفهم صح انا متاكد ) ... تعبت ومش عارف اعمل اي ولا اتصرف معاهم ازاي واقصي حاجه بعملها هي اني اقعد لوحدي بعيد عنهم تجنبا لكل القصه دي .. لدرجة اني حاسس لو جرا لي حاجه هيقولو احسن ارتاح وريحنا (اخواتي) مش امي وابويا ... امي وابويا هيزعلوا وهيتقهروا انا عارف ده ..

حد حيقولي اخصائي نفسي يدمل بينكم ويحاول يحل للاسف ده حصل وحصل تغير بس مش تغير دايم ولا التغير الهو انا عايزه ووالدتي كانت بتعترض انا بدفع لك كل شهر ٨٠٠ جنيه جلسات ومش شايفه اي استفاده منها فبطلته علما باني قعدت من ٨ شهور معاه ووقفته بعد الكلام ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.