بسبب اني كنت في بيت معندوش حاجة اسمها اظهار للمشاعر ولا بيقدرها بقيت مش قادر اواسي حد فعلا انا وانا صغير لحد اعداداي كنت بقعد اعيط لوحدي من غير ما حد من البيت يحس بيا ولا يسال مالي وكل مشاكلي تقريبا عشتها لوحدي حتى مشاكل العيال الهبلة عيشتها لوحدي معشتش جو حتى اخويا الكبير تعالى هاتلي حقي او هكلملك ابويا ومعرفش ايه المهم مش عارف هتفهموني ولا لا بس انا في حد زي اخويا الكبير بيحكيلي انه حياته بتدمر حرفيا وانا مدرك ده بس مش قادر اواسيه باي حاجة غير اني بسمعه انا ذات نفسي بقول لنفسي انطق اي حاجة تواسي بيها الراجل مش عارف اديته مبلغ كبير وبعرض عليه ديما اني اساعده لو محتاج حاجة او انقل والده معاه المستشفى او كدا لاكن مافيش كلام ولا مشاعر بتخرج كذلك مع كل اللي حواليا حتى اختى المشكلة الاكبر لما تبقى مشكلة مقدرش ادي فيها فلوس او اساعد مجرد شخص بيحكيلي حاجة المفروض أتأثر بيها بلاقي نفسي ساكت بس

1

4