مخطوبة من شخص كبير و منيش منجدبة له

Question

انا بنت عندي 26 سنة اكملت دراستي من 3 سنوات خدمت عام و استقلت بسبب مشكل العمل من بعدها تخطبت من شخص اكبر مني ب 13 سنة يعني39 سنة هو إنسان ناس ملاح و طبيب و عندو كل مقومات حياة كريمة لكن شكل مش احسن حاجة و انا بنت على قدر من جمال و من عائلة ميسورة مشكلة ساعات نحس بفرق العمر بيناتنا مالقري يدير جهدو به منحسش و منيش منجدبة له بزاف كي كاين كي مكانش قعدت في نص مقدرت نكمل مقدرت نحبس على خاطر معنديش سبب مقنع و منيش حابة نجرحلو مشاعرو و زادت علي القعدة في دار منيش مليحة خلاص

Chocolate_82404 🇩🇿 · Accepted Answer

صلي استخارة وربي حيبينلك باذنه تعالى الخيار الصح وترتاحي فيه وربنا يسهللك انشاء الله

Chocolate_86242 🇩🇿 · Answer

استخيري و عمري وقتك بالاستغفار و اقراي سورة البقرة راه الشيطان هو لي يديرللك لي الافكار هاذي اعلمي انها من الشيطان 
انتي استخيري الله عز وجل كل يوم و هو راح يرشدك الطريق الصحيح 
و تابعي قناة محمد حجازي في اليوتيوب سورة البقرة و الاستغفار فيها قصص المستغفرين 
و كيفاش ربي بالاستغفار خرجهم من الحيرة إلى الطريق الصحيح

Avocado_85082 🇩🇿 · Answer

صلي استخارة ختي بصح ماتجمعيش بين الفيد تاع الخدمة وتعمار الوقت بزواج خممي مليح

Lemon_86239 🇩🇿 · Answer

صح راني شوية بعيدة على ربي لفترة اخيرة بصح قبل صليت استخارة عدد لا يحصى

Lemon_86239 🇩🇿 · Answer

مكنش الهدف نعمر الوقت بزواج لاني انا منيش من لبنات لي مزروبة على زواج و لا متشوقة له لأني مكتفية بذاتي

Lemon_86239 🇩🇿 · Answer

صلاتها بزاف منكذبش كي نصليها نحس براحة فترة و تعود ترجعلي الحالة

Apple_83805 🇩🇿 · Answer

وعسى ان تكرهوا شيئا وهو خير لكم