قلقي بيأثر على قياس ضغط الدم ولا الأرقام صحيحة؟

Watermelon_56286 🇪🇬

منذ 3 ساعات

شعور متعب

لو فيه دكتور او حد عنده معلومة ياريت يفيدني انا بتوتر جدا وضربات قلبي بتبقى سريعة جدا لما بقيس الضغط او افكر بس اقيسه معرفش ليه يمكن بقلق من النتيجة او بخاف مش عارف ف عاوز اعرف هل ده بيأثر على النتيجة خصوصا انه بيطلع أرقام صعبة وانا مش حاسس بأي اعراض لا صداع ولا دوخة ولا حاجة انا نظام حياتي مش احسن حاجة ولا نومي برده عدل وحرفيا ٢٤ ساعة عايش في قلق وزعل وخوف ياريت حد يفيدني

تعبانه بعد وفاة بابا وماما وخايفة من الموت جداا

بصراحه مش عارفه ابدا منين انا بابا ومانا متوافين ماما اتوفت الاول وبعدين بابا من ساعه ما بابا اتوفى وانا تعبانه نفسيا وجسديا بقيت اخاف جدا من الموت وعندي وسواس بي حته النوم عندي صعوبه فيه جدااا كشفت عند كل الدكاتره قالولي اني كويسه وان الموضوع نفسي بخاف افرح بخاف من يوم عيد ميلادي جداا بخاف من حاجات كتيره انا كنت عكسها وبقيت انساا اوي اوي والتركيز عندي بقى منعدم مش عارفه الاقي حل ومش عارفه اكلم مين ولا اروح فين بجد محتاجه حد يفدني الاول كنت شخصيه مرحه الضحكه مش بتفارق وشها دلوقتي لا خالص بقيت منعزله و اول مضحك احس ان خلاص الموت هيجيلي فجاء نفسي اعيش طبيعي من غير خوف ولا تعب انا اسفه اني وطولت وطبعا انا اختصرت كلام كتير جدااا بس ياريت اي حد عندو حل يبلغني انا سني صغير بين مش كبيره الي هوا عشرينات و تلاتينات الخوف الي جويا ده بيتمكن مني جداا ويخلي ضربات قلبي تزيد و تزيد كل الي حواليه استهزءو بمشاعري مبقتش اتكلم ولا افضفض مع حد وحته كل ما احس اني فوقت شويه برجع اتعب اكتر واكتر من الاول انا بطبيعه البيت الي انا فيه مفيش خروج كتير والخروج للضروره وكده انا مش عارفه بجد اعمل ايه تعبت تعبت من تعبي ده و كتير احس ان انا لي حلم او غيبوبه مش واقع والشعور ده علي طول معايا ...عرض المزيد

1 الدعم

9 نصيحة