علاقة أم وبنت

Sugar_49832 🇪🇬

منذ شهر واحد

شعور عاطفي

Carrot_55533 🇪🇬 الموضوع للأسف بيأثر و بيعلم فينا و ده واضح من تذكرك للمواقف و إنها مش بتتنسى ... بس تجاوزي و اقتنعي إنها مش عندها وعي كافي يمكن و إنها نتيجة بيئه كان مؤذية اكتر بكتير من اللي بتعمله معاكي سامحي و متجاوزي و ده اختبار ربنا ليكي عادي ... و الاهم اننا ك جيل جديد وعيين للجزئيه دي عن أهالينا و بإذن الله الموضوع ده ينقطع عندنا و منتقلش لاولادنا

عرض الكل 8 نصيحة

عبّر عن شعورك بشكل مجهول

اكبر اضطراب كان ومازال فى حياتى كان بسبب امى 
امى هى اللى قالتلى انى طيبة ...وهى اللى قالتلى انا اجيبك تحت رجلى لو معجبتنيش 
امى قالتلى انى حلوة ...وهى بردو اللى علقت على وزنى لما زاد شوية ولما ظهرلى حبوب فى فترة 
امى قالتلى انى حضنى حلو لما نامت جنبى .....وهى بردو اللى قالتلى عنك ما ارتحتى المهم انا اكون مرتاحة 
امى جابتلى هدوم غالية ....وبردو هى اللى فى نفس اليوم كانت بتقولى انى مش بقدر اللى هى بتعمله ولا انها بتحرم نفسها عشانى وان مفيش حد بيلبس زيى ولا ام بتعمل اللى هى بتعمله عشانى
امى هى اللى اخدتنى للدكتور لما حسيت انى ممكن يكون عندى ورم برغم انه كان مجرد شك ...وهى بردو اللى شافتنى بنهار قدامها مفكرتش تطبطب عليا 
امى هى اللى دعت علياا لما عصبتها ...وهى اللى دعتلى لما عملت حاجة بسطتها 
امى هى اللى زعقتلى لما حست انى بفرض نفسى على حد برغم انى كنت طفلة وقالتلى خلى عندك كرامة ... وهى بردو اللى نزلت بالقلم على وشى لما اتعصبت 
امى هى اللى كانت بتبعد ابى عنى لو زعقلى او دايقنى ...وهى بردو اللى ضربها ليا والخرطوم علموا على جسمى ايام 
امى هى اللى قالتلى وزعقتلى عشان مش بقعد معاهم ومبقتش اخرج من اوضتى كتير ... وهى بردو اللى صدتنى الف مرة لما كنت ارجع من المدرسة عايزة احكيلها اليوم كله وتقولى مش وقته ولما تفضى تندهلى عشان اتكلم بس بيكون الحماس واللهقة دول خلصوا خلاص
امى هى اللى مش بيعدى نص ساعة غير وهى بتصرخ فى وشنا مليون مرة ...وهى بردو اللى اعترضت لما نبرة صوتى بدات تعلى غصب عنى    
امى فضلت تقولى الف مرة ابطل اسمع اغانى وانتظم فى الصلاة ....بس لما طلبت منها انى البس شرعى رفضت وقعدت تعددلى فى ذنوبى 
امى ضحت لما اتطلقت ورجعت عشانى ..بس كسرتنى كتييير
امى هى اللى قعدت تشتكيلى من ابى ومن جموده او قسوته عليها ...وهى بردو اللى كانت بتطالبنى انى اكون بحبه فى وقت صورته فى عينى كانت مشوهه فعلا  
امى هى اللى لما قعدت معاها وبعتلها فيديوهات لشيوخ واحاديث بتحرم الضرب والاهانة لولادها ردت وقالتلى وربنا امرك تطيعى امك حتى لو كافرة .
انا والله ما بكره امى ومسامحاها عاادى ..بس مش قاادرة احبها ،مش قاادرة اخاف عليها 
مسامحاها لانى مش ملاك واكيد قصرت فى حقها كتير ومسامحاها لانى عمرى ما اتمنى اقف معاها قدام ربنا ويكون ليا حق عندهاا .
متصعبوش البرر على ولادكم ياا جماعة ...راعوا انكم بتتعاملوا مع بشر زيكم وعندهم قلب وكرامة واحساس ، مش هتضرب وتشتم وتهين وتطلع رااهب ما هو بيتعلم منك ،ولا تنتظر منه انه يسكت ويسمع وخلاص ما هو مش صخر .
راعوا ان ولادكم عندهم ضغوط زيكم واكتر بس بالنسبة لسنهم وانتو متعرفوش عنها حاجة ، راعوا انهم كمان فى اوقات بيتعصبوا ويحسوا انكم بتستفزوهم بالرفض او بالعقاب 
راعوا انهم بيخافوا ويحتاجوا يتطمنوا ،
كلكم راعٍ وكلكم مسؤول 
ربنا يهدينى واياكم ويقدرنا نكون خير آباء وامهات لولادنا اللهم امين 🌿🤍❤️‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_49832 🇪🇬

منذ شهر واحد

شعور متعب

عبّر عن شعورك بشكل مجهول

السلام عليكم 
صباح الخير 🌿
فضفضة سريعة ولو حد حاابب يقرا او يشاركنى رايه وينصحنى النقاش مفتوح
من فترة كنت بتكلم مع خالتو وحكتلى ان فى بداية جواز امى وابى كان فى مشاكل فى الخلفة والمشاكل دى استمرت سنة وان خلال السنة دى امى مكنتش بتبطل عياط عشان خاايفة متخلفش 
وعدت السنة وربنا بعتلهم بدل الطفل ..تلاتة، كنت انا اولهم 
امى ضحت عشانا كتيير ...لما رجعت بعد ما ابى طلقها عشانى ...ولما وقفت قدام اهل ابى عشان تعليمى ..لما حاولت تخلينى البس احسن من اللى حواليا ، يمكن كان دة واجبها ..مش عارفة بصراحة ،مقدرش اقول انه واجبها بصراحة هى كان ممكن تتجوز تانى عادى وكان هيبقى عندى جوز ام 
لما بشوف طريقة امى دلوقتى معانا بزعل اوووى ،يمكن فى ظروف تانية كانت هتبقى حنينة اووى علينا ، بس الظروف اللى ربنا كتبها علينا قست قلبها بزيادة شويتين ،حتى تفكيرخا بقا كله ازااى ارتاح دلوقتى وبس بغض النظر عن اى حاجة تانية ،حواليها اطفال ولادها طبيعى جرى ولعب واول ما تزهق تزعق وتضرب ،
غصب عنى مع كل حاجة عملتها انا مقدرتش احبها الحب الطبيعى من بنت لامها او انى اتعلق بيها زيها زى اى حد ،يمكن انا عمرى ما حبيت حد اصلا لا قريب ولا بعيد ..ما علينا 
واحد من الحاجات اللى اتمنيتها فعلا كان ان اهتمام امى يكون على اللى جوانا اكتر من اللى الناس شايفاه ،امى عملت على نفسها ضغط رهيب عشان تخلينا مميزين من برا وللاسف من جواا كنا فاضيين خاالص ،الضغط دة اللى نتج عنه عصبيه وضرب وزعيق وخناق كل يوم وكل ساعة ...انااا مش بكرهها ولا عمرى هكرهها لكن بردو انا مش عارفة احس انها امى 
حرفيا عدد المرات اللى حضنتنى فيها لا يذكر قدام عدد المرات اللى انهارت فيهاا وعيط قدامها وطنشت ،
بالنسبالها طول ما سبب العياط دة مش كافى فى نظرها فهو ملوش لازمة ويتطنش عادى 
كل قلم منها نزل على وشى لسبب تافه لمجرد انها مخنوقة او ان مش عاجبها كلامى انا مش قاادرة انساه 
من كام سنة هى بطلت تضربنى بس فى المقابل اخواتى بيتعجنوا منها حرفيا 
انا مش عارفة اعمل اييه جربت معاها كل حااجة والله ومفيش فاايدة واخواتى بقوا عصبيين وصوتهم عالى وغصب عنهم بيعلوا صوتهم عليها ويتضربوا تانى 
ومش قابلين منى اى محاولة اصلاح فى مقابل اللى هى بتعمله 
امى عودتنا ان حياتنا كلها بين ايديها فبالتالى كانت تضربنا ومش من حقنا نزعل او ناخد جنب كدة كدة مش هنعرف نعمل حاجة غير لما تسالها ،ودة وصلها اننا بننسى وبنعدى ....
مش ننسى لما عيط وانا صغيرة اووى  عشان كنت عايزة اروح لتيتة ام ابى وتيتة كلمتها وقالتلها انى مروحش عشان هى تعبانة بس انا مكنتش اعرف يومها ضربتنى وقالتلى خلى عندك كرامة 
مفهوم بالنسبالى كانت بتعدمه فى كل مرة تعطى نفسها لحق انها تضرب وتهين عشانها امى 
كلمتين من قلبى لو فى اب او ام شافوهم ..لما تخلفوا خليكم عارفين ان ربنا رزقكم امانة تحافظوا عليها وتصونوها متكسروهاش ...كل ماا تلاقوا نفسكم مخنوقين وهتطلعوا زعلكم وضغطكم فى ولادكم افتكروا شعوركم وانتو بتتضربوا من اهلكم واحساسكم وقتها 
التربية محتاجة صبر وتوجيه وحب وامان  
دورك تنصح وتوعى النتيجة دى عند ربنا وبس ..والتربية عمرها ما كانت بالضرب ولا مكانش ربنا حرمه 
ابنك مش شرط خاالص يكون النموذج اللى انت رسمته ليه 
المهم تشوف فيه نموذج لما تقف قدام ربنا يوم القيامة وقدام الرسول تفتخر بيه وتكون راضى عنه 
اسفة انى طولت كل دة ربنا يهدينى واياكم يارب ويهديلنا اباءنا امهاتنا جميهاا دمتم فى خير وعلى خير اللهم امين 🌿🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Plum_74525 🇪🇬

منذ شهرين

شعور محبط

انا بنت امي الوحيده امي دايما بتعايرني بمشاكلي زي مثلا تقولي يلا يالي كل ما ترتبطي بتتسابي او بتعايزني ان صحابي خزوقوني او حتي لو طلبت منها لبانه بتعايرني بيها لو محتاجه 5 جتيه بتحدفهالي ف وشي وتقولي هتبقي ترجعيها وبتتعمد تقول عيب فيا قدام الناس زي مثلا ابقي رشي حاجه في الحمام بعد ماتعملي وتقول كد

Strawberry_75117 🇪🇬 فيه صحابي اسمه مصعب بن عمير ده اول سفير في الاسلام واسلم علي ايده عدد اكبر من الي اسلموا في مكة وقتها سيدنا مصعب كان اكتر الشباب المترفين في مكة ولما اسلم امه عذبته وسحبت منه النعيم الي كان فيه كله وحبسته بس سيدنا مصعب عمره ما كرهها سابها وهاجر ومرجعلهاش تاني بعد فتح مكة عشان استشهد في احد العبرة انك متزعليش منها ولا تقسي عليها عادي امك في الاول والاخر ووصية الرسول لينا فوتي وركزي في حياتك وشغلك

عرض الكل 18 نصيحة

Strawberry_74647 🇪🇬

منذ شهرين

شعور مستنزف

السلام عليكم ورحمة الله وبركاته انا انسانة بحب الضحك والهزار بس ماما عيزانى ديما العاقلة الى مش بتضحك والبنت التقيلة انا كدا مع الناس الغريبة بس مع الى بحبهم بضحك وبتكلم معاهم كتير بس ماما مش بيعجبها كدا وديما تنتقد تصرفاتى وشكلى مع ان شكلى حلو اوى وانا بحب شكلى اها انا قمحاوية مايلة للابيض بس انا

عبّر عن شعورك بشكل مجهول

السلام عليكم ورحمة الله وبركاته

انا انسانة بحب الضحك والهزار بس ماما عيزانى ديما العاقلة الى مش بتضحك والبنت التقيلة انا كدا مع الناس الغريبة بس مع الى بحبهم بضحك وبتكلم معاهم كتير بس ماما مش بيعجبها كدا وديما تنتقد تصرفاتى وشكلى مع ان شكلى حلو اوى وانا بحب شكلى اها انا قمحاوية مايلة للابيض بس انا بحب لون بشرتى وبحب غمازاتى وعيونى بس هى بتنقد شكلى على طول وديما بتقارنى ب صحابى الى لون بشرتهم افتح وديما عيزانى البس درسات في حزمة او استك وانا مش برضى انا بحب البس فضفاض وواسع جدا لان ده الصح ودا اللبس الى ربنا امر بية بس هى مش بيعجبها وبتفضل تقلى ابقى قابلينى لو اتجوزتى بس انا مؤمنة ان دا رزق ومكتوب وكلو لية وقتو وانا برضو مش اى شخص والسلام لا انا عايزة شخص متدين وغيور وعلى خلق 
هى بتفضل تقلى انها غضبانة عليا لو مش لبست الى هى عيزاه بس انا بفضل على راى ومصمم على الادناءات والخمار فهل كدا انا على ذنب بتقلى ان التدين مش اللبس التدين ان اسمع كلامها بس انا بقولها ان اسمع كلامها لما يكون هيقربنى من ربنا مش يبعدنى

هى اكتر حد بيوجعنى بسبب كلامها ونقدها المستر هى امى واقرب حد ليا وبحبها بس كلامها بيوجعنى وبيكرسنى حرفيا بتمنى بتحبنى زى م انا بحب نفسي

ي ريت تدعولى ان ربنا يهديهالى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_74052 🇪🇬

منذ شهرين

شعور مكسور القلب

انا مشكلتي بق مع ماما بحس انه دايما مش فاهمين بعض بقيت ساعات كتير اخاف اتكلم معاها بسبب انها دايما بتاخد كلامي بطريقه غلط وبتكربه علي مزاجها هيا درجه التواصل بينا صفر وكل ما تتحسن ترجع اسوء من الاول تاني مش عارفه الغلط فعلا عندي ولا عندها بس انا تعبت من كتر الخناقات والجدال الي مش بيخلص

Apple_74141 🇪🇬 افصلي بين نيتك ورد فعلها انتي غالبآ نيتك كويسه لكن مامتك بتسمع كلامك بطريقة مختلفة من زاوية خبرتها او مخاوفها ده مش معناه إنك غلط ولا إن هي غلط أحيانآ مجرد اختلاف في لغة التعبير

عرض الكل 8 نصيحة

Marshmallow_73526 🇪🇬

منذ شهرين

شعور متعب

انا كنت ثانوية عامة السنه دي وجبت مجموع ٨٩ في الميه علمي رياضة اول ما ظهرت النتيجة كانت فرحة لا توصف وماما ماكنتش مصدقه اني جبت المجموع ده وفرحانه جدا لغايه ما شوفنا نتايج صحابي عرفت اني متلعطش من اوائل المدرسه وكتير صحابي جايبين اعلي مني زعلت وبدل ما ماما تواسيني قعدنا ٤ ايام بعد النتيجة تتخانق معا

Grape_63496 🇪🇬 لما كنت في ثانوي كان والدي لما جبت النتيجه حسيته مفرحش و لا ماما قد كده و قالو 85 تعمل ايه و كنت مستنيك تجيب 92 و كده بس بصراحه هتعمل ايه يعني بص لحياتك خليهم يبصولك انك عملت حاجه كبيره و طبعا متنساش فضل ربنا و اهو الحمدلله بكلمك وانا داخل تالته هندسه طاقة كهربية 😂

عرض الكل 5 نصيحة

Strawberry_63646 🇪🇬

منذ شهرين

شعور عاطفي

انا امي كل لما اعمل شئ غلط تتعصب عليه هي عموما لما بتتعصب بتحكي كلام يجرح ليه حتي لو مش متعصبه مني انا دائما بتقول كلام حقيقي ولما تهده تصلحني وكأنها بتنسه كل الكلام الي قلته حتي ايام دراستي لما اجيب درجه مش كويسه برده تتعصب وتقول كلام يجرح هي مفكره أنها كده لما تقول الكلام ده هخده بالعكس وهتحسن ا

Sugar_49832 🇪🇬

منذ 3 أشهر

شعور مرتبك

جماعة انا فعلا بخاف من امى اووى انا عندى 17 سنة ومع انها يمكن بطلت تضربنى من وانا فى ابتدائى الا مرات قليلة بس بردو بخاف منها كتيير بحس ان سبب الخوف دة مش نقطة الضرب لا... بخاف من صوتها لما بتزعق ونظرتها مهما حااولت اكون ثاابتة قداامها بردو بكون مهزوزة من جوايا مش عارفة اشرحها ازااى اناا فعلا ك

Avocado_63956 🇪🇬 ربنا يهدي قلبك ويهديهالك و ينور بصيرتك ويرجعلك ثقتك بنفسك حاولي تقربي منها و تتكلمي معاها بهدوء و باحترام واختاري الوقت المناسب و لو في حاجه احنا جنبك نقدر نتابع معاكي لحد ما ربنا يسهل وترجعلك ثقتك بنفسك بس حاولي تخرجي من الشخصية الضعيفة

عرض الكل 23 نصيحة

Cherry_59482 🇪🇬

منذ 4 أشهر

شعور ضاق ذرعًا

ماما لمجرد أن حد من اخواتي يزعلها فتحطنا كلنا في سلة زباله واحده انتو مش بتحبوني انا كلكم زباله ومطمىتش تربيه اخر مرة اختي زعلتها وقفت جنبي تقلي وانتى كمان تتمتى اموت وترتاحي منى طيب ليه كده وانا الوحيده الي كنت معاكى في كل صدمات ومشاكل اخواتى وانا الوحيده الي بسمعك واطيب خاكرك انا الوحيده الي موقف

Watermelon_60062 🇪🇬 امك فكراكم ممتلكات ليها وعندها تشوهات نفسية. اسئلتك هتعرفي تجوبيها لو قرأتي شوية في علم النفس والامراض والاضطرابات النفسية والسلوكية. ابدأ الرحلة عشان لما تعرفي ان في خلل وتفهمي ليه بتتعامل. معاك كدا يمكن ترحميها وتحتويها وتعرفي ان المشكلة مش في شخصك

عرض الكل 11 نصيحة

Blueberry_57442 🇪🇬

منذ 4 أشهر

شعور محبط

Pistachio_56152 🇪🇬 هي اسلوبها وحش فانتي بتردي باسلوب وحش فهي ترد باسلوب وحش وانتي تردي عليها تاني باسلوب وحش وكل واحده مستنيه التانيه تتغير ولا انتي عجبك اسلوبها ولا هي عاجبها اسلوبك ... فكرتي تروحي تتعاملي معاها وتحضنيها وتغيري اسلوبك معاها؟

عرض الكل 25 نصيحة

عبّر عن شعورك بشكل مجهول

مساء الخير 
ملحوظه قبل ما ابدأ انا بنت عندي 16 سنه و اسفه اني طولت عليكوا بس اتمنى تكملوا للآخر و تنصحوني ♥ 
انا عندي مشكله مع امي انها مش بتحترمني قدام حد خالص و مش بهزار يعني ممكن يكون ضيوف عندنا و يطلبوا مايه تقولي قومي يا كلبه هاتي مايه و بتضربني من غير سبب و دايما متخانقين بسبب طريقتها دي و تجيب اللوم عليا و تقولي طريقتك في الكلام وحشه بصراحه انا غصب عني من طريقتها بتضايق و ممكن اكلمها بأسلوب مش كويس لكن مش بغلط فيها بس و الله اسلوبي معاها دا بسبب انها بتدور على اي حاجه تعمل معايا مشكله بيها و لو عدى علينا اسبوع مش متخانقين تخلق مشكله و بتضربني قدام مرات اخويا و انا دلوقتي بتحرج ابص في وشها و الله من اللي امي بتعمله و ساعات بحس انها مش بتحبني و انا بابايا مسافر السعوديه بس هي كل ما تكلمه تقوله بنتك عملت كذا و كذا و هي ساعات بتجود من عندها و بتزود كلام علشان يزعقلي 
بابا معاملته كويسه معايا و بيزعق لماما انها بتضربني قدام مراتات اعمامي و قدام الناس و كدا يعني انا كبرت و مينفعش كدا قدام الناس بس بابا بردو ساعات بيصدقها و بيزعقلي من غير ما يسمعني انا و الله بحاوا اقرب منها و ارجع مثلا من برا احكيلها يومي في الدروس و كدا و بتسمعني و بعدها تتخانق و تزعق على اتفه حاجه انا حاسه ان ثقتي في نفسي قليله جدا و حاسه اني قليله و مش كفايه و الناس كلها مش بتحبني و معنديش صحاب و حتى لما اتصاحبت على بنتين كانت بتضربني بردو قدامهم و هما كمان حسوا اني قليله و بعدوا 
حد ينصحني اعمل ايه و اعاملها ازاي علشان تقرب مني و تبطل تضربني علشان بجد بتكسف منها قدام الناس و بحسهم بيشمتوا فيا  
هي مفكره انها لما تضربني كدا اسلوبي هيتحسن معاها و متعرفش انه بيجيب مفعول عكسي معايا و بدأت اكرهها و احس انها مبتحبنيش 
انصحوني اعمل ايه ونبي علشان تعبت و الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_48833 🇴🇲

منذ 4 أشهر

شعور قلق

بنات كيفكم عندي سؤال هل في وحده منكم امها تحب تذمها قدام الناس يعني تقلل منها قدام اصحابها او اقاربه وهل هذا الشي طبيعي لاني الصراحه جالسه اشوف امي واجد تسويها معاي وصراحه صرت اتحسس انا جربت المح لها ان الموضوع يضايق بس هي تستمر تسوي كذا قدام كل شخص حتى لو تعرف ان هذا الشخص ما يطيقني تستمرر

Hazelnut_52786 🇪🇬 حبيبيتي امهات العرب كلهم كده . اضحكي وخدي الموضوع معاها بهزار

عرض الكل 11 نصيحة

Biscuit_50227 🇪🇬

منذ 10 أشهر

شعور مستنزف

متفهمه فكرة أن محدش هيحبنا قد اهالينا وتقريبا مش بتكلم هنا غير عن الموضوع دا بس حقيقي كل ما ببقي كويسة برجع لنفس النقطة واني مش لاقية حل بحاول اخلي ماما قريبة مني واحكيلها وتسمعني بس مفيش اي تفاهم بينا كل اهتماماتها بالدراسة والدرجات بس ولما بتحس أن نفسيتي تعبانه بحس انها بتقلق وتحاول تخليني كويسة ع

Cherry_16774 🇪🇬 متنتظريش منها حاجة، للاسف ده الحل الوحيد لما يكون الاب او الام مش مقدمين الاهتمام والتعاطف والامان اللي المفروض يكون المصدر الوحيد ليه لينا يكون هما،احيانًا بتكون طيبة احيانًا بتضحك معايا وبتحبني بس لازم ده يكون مشروط بحاجة،ده مش صحي ومش طبيعي ومش طبيعي انك تنتظري ده يتغير ،هي جارحة ومؤلمة اوي اوي اوي بس هي تحديات واتحطينا فيها لسبب او حكمة منعرفهاش بس محتاجة حد قوي عشان يتغلب عليها او حتى يحاول

عرض الكل 22 نصيحة

Banana_38717 🇪🇬

منذ 11 شهرًا

شعور مرهق

موضوع:

حاجه عملتها وندمت عليها ؟

Banana_39574 🇸🇦 التغافل فى بعض الأوقات بيكون احسن يعنى لو فيه شك من الاول الشيطان هوه اللى خلاكي تدوري فى التليفون بتاعها عشان يخليكى فى الوضع اللى انتى عليه الوقتى وزى مقرات التغافل التغافل

عرض الكل 11 نصيحة

عبّر عن شعورك بشكل مجهول

انا والدي متوفي بقاله ٧ سنين وبعد ما اتوفى امى بدأت تنزل شغل، هي مكانتش بتشتغل قبل كده، في الفترة دي كنت بلاقيها بتتكلم مع رجاله كتير وبتقولي انهم زمايل في الشغل عادي وان ده طبيعي يحصل، بس في يوم لقيت على الموبايل بتاعها بالصدفه كلام مش كويس مع واحد، انا لما شوفت الكلام ده اتصدمت ومكنتش عارفه اعمل ايه، ف اتكلمت معاها في الموضوع بس هي قالتلي لا ومفيش الكلام ده وحصل حوار ساعتها وخلص على انه مفيش حاجة وان كل اللي بقوله ده غلط ومبيحصلش، بعدين بعدها بفترة تانيه لقيت كلام تاني مع واحد فيما معناه ان حصل بينهم حاجة وده وجعني اوي ومبقتش عارفه اشوفها كويسه تاني بعد اللي انا عرفته ده، كنت عايزة امنعها عن اللي هي بتعمله ده بأي طريقة ف كلمت خالي وجدتي وحكيت ليهم الموضوع وحصل حوار كبير اوي ساعتها وهي بقت شايله منهم واكيد شايله مني انا كمان. انا معرفش تصرفي ده كان صح ولا غلط بس انا مكنتش عارفه امنعها ومكنتش عارفه اسيبها كده، انا زعلانه منها اوي وزعلانه عليها وزعلانه من نفسي اني حطتيها في الموقف ده قدامهم وبحس اوقات بالندم اني عملت كده. انا لسه لحد دلوقتي مش قادرة اشوفها كويسة ولا عارفه اتعامل معاها، بحاول اتعامل عادي وكويس وكأن مفيش حتجة حصلت بس غصب عني، ده غير الاحساس بالذنب اللي ماسكني طول الوقت بسبب اللي انا عملته.

Coconut_34822 🇪🇬

منذ سنة واحدة

شعور متعب

موضوع:

كيف تتعامل مع برود مشاعر عائلتك ؟

مش هعرف اواجههم او اقولهم حاجه كلمت امي كذا مره بس هي دايما شايفه ان كل حاجه بالفلوس اوقات بحس ان هي بتعايرني لاني كنت وانا صغيره كنت مريضه وبابا كان مستهتر بتعبي وهي اللي ودتني المستشفى انا طبعا ممتنى ليها وكل حاجه بس اي ام كانت هتعمل وكل اما اكلمها تقولي لولايا مكنش حد هيعبرك ودايما بين اي خناقه ب

Coffee_34095 🇯🇴 ممكن امگ تكون من النوع الي تحب الولاد أكثر من البنات أو انو بسب مشاكلها تفرقهم فيكي و الحل انو حاولي اني تعطيها علا كيفها و اذا حسيتي انا صارت تتمادى حاولي تروحي عن حدا من قرايبك لبين ما يهدى الوضع

عرض الكل 5 نصيحة

Strawberry_28060 🇪🇬

منذ سنة واحدة

شعور محبط

عبّر عن شعورك بشكل مجهول

ماما مهما قلت لها ان خصوصياتي و حاجتي خاصة بيا و دي حدودي و بعد اذنك و بحب كده تقتحمها بدون اي مراعاة لاي شئ ..تدخل عليا من غير ما تخبط مثلا و اكون بغير او تفتش في حاجتي و الخ من حاجات 
في يوم فتشت في حاجتي و انا اتعصبت عليها ان دي حاجتي و جيتي جنبها ليه و انتي عارفة دي حاجة بتضايقني بدون اي كلام غلط في حقها بس اتعصبت لاحساسي بالتعدي على خصوصياتي 
فوجئت برد فعل عنيف و انتي مش متربية و ضرب بالشبشب اللي عمرها ما رفعته على حد من اخواتي و كلام صعب ..عدى وقت و رحت طيبت بخاطرها و اعتذرت لها من باب انها ماما مع ان لو على الغلط و الصح فهي اهانتني بشكل اصعب من اي حاجة صدرت مني كرد فعل طبيعي على تصرف حصل في حقي من الاول ..و مع ذلك رحت و اعتذرت و حاولت اطيب خاطرها و انا اسفة و انا و انا و انا و ابوس الايد و الراس كمان .. انما افاجئ منها برد صعب و وصلة جديدة من الاهانة اكبر من اللي قبلها و معايرة بحياتي و اني لسة  سنجل و سني كبر و انتي تستاهلي اللي انتي فيه و انتي جسمك فيه و فيه و اهانات كلها تحطيم 
عدى اسبوع و انا قافلة على نفسي و مش بتكلم من الصدمة اللي اخدتها اطلع للحمام و ممكن اكل و ارجع اوضتي ..طلعت على الشغل   و ببات فيه يومين لقيتها في يوم منهم بعتالي رسالة واتس 8 ثواني 
بس ما قدرتش ارد من كتر ما اتجرحت و قولت لو جات لي تتكلم معايا عمري ما حصدها و مستعدة نتكلم بس عدى يومين من ساعة ما رجعت من الشغل ما حاولتش تتكلم معايا و لا تخبط عليا و لا تشوفني حتى عايشة و لا ميتة نايمة و لا صاحية و لا اي حاجة حرفيا 
و انا تعبت بجد ..حتى مافيش حد من اخواتي سأل عليا و لا اهتم و كله شايف انه عادي و كلام عادي انها تقولهولي و اني انا اللي مكبرة الموضوع بس انا مجروحة اوي من جوايا و اللي جارحني اكتر حاجة اصرارها على كلامها و اني قلتلها بعد ما قالته انتي اكيد ما تقصديش يا ماما مش كده انتي عمرك ما تقوليلي كده ده انا حتى جاية لك و بصالحك و بطيب بخاطرك تكسري خاطري ..تقوللي لا اقصد ..قصدها الاذية و تكرارها ليها واجعني اوي و حتى مش هاين عليها بعد كل ده تاخدني في حضنها و تقوللي ما تزعليش .. لا انا اخري معاها مجرد رسالة واتس 8 ثواني مافيهاش كلمة اعتذار و لا تطييب خاطر حتى ..انا تعبانة اوي بجد و حاسة اني فاقدة الثقة في كل الناس و حاسة بالوحدة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_21815 🇪🇬

ليه الدنيا مش سهله وكلنا أحلي بشعرنا وبلبسنا؟

جماعه احنا ليه مش عادي ننزل بشعرنا و نلبس ضيق و قصير و فساتين مفتوحه و نفرد شعرنا ليه مكانتش الشهوه اللي عند الرجاله قليله عشان نقدر نعمل كدا ليه مكانتش الدنيا مفتوحه و نعجب و نحب و نكلم و نعيش قصص حب جميله و نعمل علاقات ليه الدنيا مش سهله دي حاجه انا كنت بتمناها لكن للاسف الناس اللي احنا عايشين معاهم هيعتبرونا سلعه و اداه تسليه و ترفيه و الدين محافظ علينا من كل ده بس ليه احنا كلنا احلي بشعرنا و بلبسنا ليه مينفعش ابقي معجبه بواحد نحب بعض بكل حريه حاسه اني مكتئبه ...عرض المزيد

3 الدعم

29 نصيحة

Tofu_77801 🇪🇬

مش مبسوطة مع جوزى.. هل الطلاق هو الحل؟

انا جوزى حد كويس هو بيقدرنى وبيحترمنى وانا كذالك .. احنا بقالنا اربع سنين متجوزين وفى عشرة كبيرة ما بينا ونوعا ما الدنيا بينا متستقرة ولكن المشكلة انى مش مبسوطة معاه .. ومش بحس ان فيه مشاعر ما بينا يعنى احنا بنعامل بعض كويس وخلاص.. وحياتنا روتينية قاتلة .. ومفيش اى تجديد فيها ..حاولت كتير الاقى حل .. واتكلمت معاه ولكن كل مرة بنرجع لصفر وحاسة انى مش لاقية نفسى معاه وانه غير شخصيتى للطريقة اللى تناسب حياتة ولكن دة مع الوقت بدا يتعبنى ..هل ممكن يكون الحل فى الطلاق؟ ...عرض المزيد

1 الدعم

22 نصيحة

Mushroom_83350 🇪🇬

إزاي نعيش في عالم مقزز كده؟!

كدة هنضيع يعنى الآب ده مفيش حد حقيقى اصلا كله كلام خارج و اباحى ديه عقلية الشباب ولا ايه!!! انا عمرى شفت كدة والله مقولتش بدور على دكتور نفسانى ولا شيخ أو شيخة بس المستوى هنا بشع و مفيش حوار محترم متحضر حصل بينى و بين حد حتى البنات صدموني كل تفكيرهم كدة طيب الناس الى زيى يقفلوا على نفسهم طول العمر مفيش اونلاين بسبب ناس تفكيرها كدة!! مفيش حوار و يبقى ليا دعوة بحد عالم مقزز و بشع لأبعد حد إزاى الى بيتكلموا دول هيبقوا أب أو أم أو يبقوا فى مجال عمل يعنى إزاى دول يبقوا وسط مجتمع و أطفال و صحاب و عيلة إزاى ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع