تعبت من الخناقات مع ماما ومش عارفة الغلط مين

Chocolate_74052 🇪🇬

منذ شهر واحد

شعور مكسور القلب

انا مشكلتي بق مع ماما بحس انه دايما مش فاهمين بعض بقيت ساعات كتير اخاف اتكلم معاها بسبب انها دايما بتاخد كلامي بطريقه غلط وبتكربه علي مزاجها هيا درجه التواصل بينا صفر وكل ما تتحسن ترجع اسوء من الاول تاني مش عارفه الغلط فعلا عندي ولا عندها بس انا تعبت من كتر الخناقات والجدال الي مش بيخلص

ماما مش فاهمني.. كل اهتمامها بالدراسة بس!

متفهمه فكرة أن محدش هيحبنا قد اهالينا وتقريبا مش بتكلم هنا غير عن الموضوع دا بس حقيقي كل ما ببقي كويسة برجع لنفس النقطة واني مش لاقية حل بحاول اخلي ماما قريبة مني واحكيلها وتسمعني بس مفيش اي تفاهم بينا كل اهتماماتها بالدراسة والدرجات بس ولما بتحس أن نفسيتي تعبانه بحس انها بتقلق وتحاول تخليني كويسة عشان الدراسة واعرف اذاكر واركز ودا بيزود عليا اكتر ومش بقدر اتقبل اهتمامها حقيقي كل اهتمامها بالدراسة ولو جبت تقدير مش كويس بلاقي معاملة وحشة اوي من غير رحمة ولا تفكير ايه اللي تاعبني ومأثر عليا وطول الوقت جملة أن في ناس جايبة درجات عالية يبقي التقصير منك انا نفسي تطمني أن الدراسة مش كل الدنيا واعملي اللي عليكي اهم حاجة تبقي كويسة ومبسوطة مش تخليني عايشة ف رعب أن لو التقدير قل هلاقي معاملة وحشة ، كاتمة جوا قلبي كلام كتير ومفيش حد قريب مني بحاول اخليها هي أقرب حد ليا ومحتجش لحد عشان اتأذيت كتير من الصحاب بس مش عارفة انجح في دا وكل مرة بحكي بتفهمني غلط ورد فعلها بيخليني اندم اني حكيت لحد ما بطلت اتكلم ...عرض المزيد

7 الدعم

22 نصيحة

ماما بتضايقني ومش فاهمه عايزة ايه!

ماما كل ما نفسيتي تبدا تتحسن بترجعني لنقطة الصفر تاني بجد علطول تضايقني بالكلام و انا اطنش حرفيا كل ما تلاقيني مضغوطة بتغط عليا اكتر الفكرة انا بكبر دماغي و فل و خلاص بس هي مبتبطلش لو اختصرتها بتضايق و لو قربت منها بتضايق و بتقول انها بتكرهني و انا بجد مش ناقصه ضاغطه و بحاول اصلا بعد كل اللي بتعمله اعاملها كويس و اطنش بس بجد مش قادره افهم هي بتعمل معايا كدة ليه و في كل نقاش بينا تقولي انتي راضيه عن نفسك بقولها آه الحمد لله تبدا تضايق تاني انا مش فاهمه بجد هي عايزة ايه بحاول اكبر دماغي بس نفسي غصب عني بتخزن و الموضوع بيقلب بجد اني انهار اووي بجد المفروض اتعامل معاها ازااي؟! ...عرض المزيد

4 الدعم

7 نصيحة

أمي مش بتحترمني وبتضربني قدام الناس - نصحوني

مساء الخير ملحوظه قبل ما ابدأ انا بنت عندي 16 سنه و اسفه اني طولت عليكوا بس اتمنى تكملوا للآخر و تنصحوني ♥ انا عندي مشكله مع امي انها مش بتحترمني قدام حد خالص و مش بهزار يعني ممكن يكون ضيوف عندنا و يطلبوا مايه تقولي قومي يا كلبه هاتي مايه و بتضربني من غير سبب و دايما متخانقين بسبب طريقتها دي و تجيب اللوم عليا و تقولي طريقتك في الكلام وحشه بصراحه انا غصب عني من طريقتها بتضايق و ممكن اكلمها بأسلوب مش كويس لكن مش بغلط فيها بس و الله اسلوبي معاها دا بسبب انها بتدور على اي حاجه تعمل معايا مشكله بيها و لو عدى علينا اسبوع مش متخانقين تخلق مشكله و بتضربني قدام مرات اخويا و انا دلوقتي بتحرج ابص في وشها و الله من اللي امي بتعمله و ساعات بحس انها مش بتحبني و انا بابايا مسافر السعوديه بس هي كل ما تكلمه تقوله بنتك عملت كذا و كذا و هي ساعات بتجود من عندها و بتزود كلام علشان يزعقلي بابا معاملته كويسه معايا و بيزعق لماما انها بتضربني قدام مراتات اعمامي و قدام الناس و كدا يعني انا كبرت و مينفعش كدا قدام الناس بس بابا بردو ساعات بيصدقها و بيزعقلي من غير ما يسمعني انا و الله بحاوا اقرب منها و ارجع مثلا من برا احكيلها يومي في الدروس و كدا و بتسمعني و بعدها تتخانق و تزعق على اتفه حاجه انا حاسه ان ثقتي في نفسي قليله جدا و حاسه اني قليله و مش كفايه و الناس كلها مش بتحبني و معنديش صحاب و حتى لما اتصاحبت على بنتين كانت بتضربني بردو قدامهم و هما كمان حسوا اني قليله و بعدوا حد ينصحني اعمل ايه و اعاملها ازاي علشان تقرب مني و تبطل تضربني علشان بجد بتكسف منها قدام الناس و بحسهم بيشمتوا فيا هي مفكره انها لما تضربني كدا اسلوبي هيتحسن معاها و متعرفش انه بيجيب مفعول عكسي معايا و بدأت اكرهها و احس انها مبتحبنيش انصحوني اعمل ايه ونبي علشان تعبت و الله ...عرض المزيد

6 الدعم

25 نصيحة