انا كنت ثانوية عامة السنه دي وجبت مجموع ٨٩ في الميه علمي رياضة اول ما ظهرت النتيجة كانت فرحة لا توصف وماما ماكنتش مصدقه اني جبت المجموع ده وفرحانه جدا لغايه ما شوفنا نتايج صحابي عرفت اني متلعطش من اوائل المدرسه وكتير صحابي جايبين اعلي مني زعلت وبدل ما ماما تواسيني قعدنا ٤ ايام بعد النتيجة تتخانق معايا وتقولي انا كنت كل مرة بشوفك ناميه ومش بتذاكري وتقعد تقول احنا مقصرين معاكي في ايه كل اصحابك جابوا اعلي منك والله اكتئبت وكانت ايام سودا بس الحمدلله بابا كان عكسها تماما كان يقعد يهدي فيها ويقولها احمدي ربنا والكلام ده بس هيا كلامها بيوجع اوي عمري ما هنساه في حياتي وفي الآخر هدخل هندسة عادي جدا بس من ساعتها وعلاقتنا مش قد كده بتزعق علي اصغر الحاجات طول الوقت قاعدة في اوضتي معنديش اخوات بنات وحاسه اني مش عارفه ارجع معاها زي الاول في الاول وفي الاخر بردو دي امي حد يفيدني

0

5