ماما ليه بتعاملي كدا وانا الوحيدة اللي معاكي؟

Question

ماما لمجرد أن حد من اخواتي يزعلها فتحطنا كلنا في سلة زباله واحده انتو مش بتحبوني انا كلكم زباله ومطمىتش تربيه اخر مرة اختي زعلتها وقفت جنبي تقلي وانتى كمان تتمتى اموت وترتاحي منى 
طيب ليه كده وانا الوحيده الي كنت معاكى في كل صدمات ومشاكل اخواتى وانا الوحيده الي بسمعك واطيب خاكرك انا الوحيده الي موقفت قصادك يوم جوازى زيهم وضيعت منى حبي انا بتجريني معاكى غصب عني زي الحمار

Watermelon_60062 🇪🇬 · Accepted Answer

امك فكراكم ممتلكات ليها وعندها تشوهات نفسية. اسئلتك هتعرفي تجوبيها لو قرأتي شوية في علم النفس والامراض والاضطرابات النفسية والسلوكية. ابدأ الرحلة عشان لما تعرفي ان في خلل وتفهمي ليه بتتعامل. معاك كدا يمكن ترحميها وتحتويها وتعرفي ان المشكلة مش في شخصك

Hazelnut_52786 🇪🇬 · Answer

كل امهات مصر كده
ربنا دايما يديهم الصحه لينا يارب 🤲

Hazelnut_52786 🇪🇬 · Answer

وقت زعل بس المهم مشي امورك واقعدى اندبي معاها
ربنا يخليها ليكم دايما

Croissant_60799 🇪🇬 · Answer

ابتزاز عاطفي حاولي متخليهوش يأثر عليك واحده واحده هتفم أنه مبقاش يجيب نتيجه حتي لو وصل انك تفهميها انك بقيتي فاهمه
انت مضمونه ومحترمه ف هي الفت ال بتعمليهولها وشايفاه عادي هي مستنياه منهم هما انا نفس حالتك بقيت بدور علي سلامي النفسي وبس اهم حاجه
 بس برده بحاول اوزن الموضوع ومخليهوش  يجي علي العلاقه الكويسه او البر بالوالدين

Cherry_59482 🇪🇬 · Answer

المفروض هى عاقله وتعرف تفرق المواقف من بعضها وتقدر كل واحد مش بطريقه دى

Cherry_59482 🇪🇬 · Answer

لا مش كل امهات مصر كده في امهات عاقلين لدرجة تستغرب أنهم ام من كتر ما بيفهمو وولادهم  ويصاحبوهم اكتر

Cherry_59482 🇪🇬 · Answer

متشكرة علي النصيحه انا فعلا باحاول اعمل زى الي بتقولية

Cherry_59482 🇪🇬 · Answer

اكتر من كده احتواء انا هاموت تحتها امى علي راسي بس الإنسان طاقه وانا عارفه أن هى مريضه بس انا بتاذي بسببها

Watermelon_60062 🇪🇬 · Answer

عارفة انا  تأذيت من حد قريب مني اوي وبحبه اوي وحياتي متعلقة بيه وكان بيأذيني جدا جدا وماكنتش فاهمه هو بيأذيني ليه .. لما فهمت انه مريض وان دي حاجه في كمياء دماغه غصب عنه وان في طرق كان ممكن اتعامل بيها اكف بيها جزء من الالم او اقول هو بيعمل كدا عشان مريض مش عشان انا وحشه على الحقيقة زي ما هو بيدعي. كنت رحمت نفسي ورحمته هو كمان. ولكن انا عرفت حوار انه مريض متأخر جدا جدا جدا.. بعد ما خربت كل حاجه

Watermelon_60062 🇪🇬 · Answer

بقولك كدا عشان احاول اوصلك شعوري تجاه اللي سمعته منك.. سلوكنا هو ناتج افكارنا. لو عرفنا ان اللي امامي ده بيعاني من صدمات طفولة وازمات تعلق وعايش دور الضحية وكذا وكذا وكذا. هرحم نفسي اصلا اولا اني افهم اني مش شخص وحش ولا سيء ولا بيعمل كل الافعال الوحشه اللي الطرف التاني بيتهمه بيها اصلا.. وهرحم بالتباعية الانسان المريض اللي بيعاني ده. فهكون خفيفة عليه وعليا. فهمتيني يا جميلة؟

Cherry_59482 🇪🇬 · Answer

فهمت الحل ايه اطنشها اسمع كلام يجرحني واسكت ماردش علشان هى مريضه واعمل الي عيزاه واصمم عليه وماحيش علي نفسي تانى علشان هى مريضه وصعب أراضيها